OPPA韓國燒肉店

營業中

休息中

【 任食韓式燒肉📍🇭🇰】📍 Tai Po, Hong Kong  🙆‍♀️ 突然間想食燒肉... 途經大埔又見肚餓, 就決定試下呢間任食燒肉 🥩🍗🐂 弘大燒肉任食 (肉類+熟食+一杯雪糕) 💰HK$238 + 10% 服務費🕢 限時兩小時🍻 +每人HK$40 罐裝飲品及生啤任飲 💬 唔好對任食有咩太大嘅期望, 就唔會失望😂 佢首先會放一條大豬腩肉畀你燒, 希望你食完都已經飽咗一半🤪 跟住自動嚟個牛肉拼盤🥩 望落去就幾靚嘅, 食落冇特別驚喜, 牛味唔重~ 其他嘢就可以剔紙自己再叫, 包埋有啲韓式熟食 (例如炸雞, 石鍋飯, 炒粉絲) 🍜 真露蜆湯幾好食👍🏼 🔍 服務方面, 企近門口嗰位金色頭髮男侍應超冇禮貌‼️完全冇交帶, 又悔氣 🤦‍♀️ 之後見我哋有不滿，就有個好禮貌嘅店員過嚟follow up。。。👉🏼 以呢個價錢嚟講, 就算抵食嘅‼️大胃王一定番到本🤪星期六, 五點鐘入座🤣所以唔使等位, 走嗰陣七點鐘就見到有人等緊位啦😃============

今晚黎到哩間小店食韓燒因為想食多幾款唔同嘅嘢所以我地冇揀到set 哩間餐廳嘅肉類質素好好醃得入味得黎 仲有好多肉汁超級好味 加上每碟嘅分量都好多性價比超級高我最鍾意嘅係哩個牛拼盆厚切牛舌油脂豐富 牛肋肉肉質細嫩牛扒肉味濃郁 非常多汁雖然有啲heavy 但包埋泡菜同埋生菜一齊食完全係食到停唔到🙈另外燒魷魚都好好味魷魚好新鮮 超級彈牙 好味！食內臟嘅朋友記得千祈唔好錯過雞腎哩度嘅雞腎醃得好入味燒完之後脆卜卜 yumyum🤤配菜方面邊爐蛋、泡菜、生菜都係免費嘅不過質素一樣唔錯㗎 邊爐蛋仲可以refill一次滑溜溜嘅口感真係好正😝

這間位於旺角的韓燒店，除了韓式燒烤外，其實還有多款地道的韓式料理，今日就同朋友試一試這裏的料理。食物款式都有廿款，全部都是常見的韓國菜式，價錢方面全部都是五十至六十多元起，非常抵食。店員先送上泡菜等餐前小食。煎韓式海鮮餅煎餅好似加了些糯米粉，表面煎至香脆，中間帶點煙韌，而且有很多魷魚等配料。牛肋骨湯大棗、蘿蔔清甜無渣，而且大大件牛肋肉，足二至三人分享，牛骨湯味道鮮甜濃郁。韓國炸醬麵炸醬有點似蘿蔔粒，麵質較腍，但味道唔會太咸。日本和牛肉眼肉眼邊連著些牛脂妨，和牛入口甘香嫩腍，油脂豐富但亦唔算太膩。配上韓式飲品，甜甜的去油膩感。

呢幾日韓國菜癮起，同個朋友夾到時間就拿拿林book左呢間勁多好評既人氣燒肉店，7點去到已經開始多人，所以話食飯book定位真係好重要✌🏻一坐低店員就遞上一堆前菜同埋for個爐係側邊煮既泡菜雞蛋👏 (用新鮮爽口既生菜包埋啲肉同白飯黎食超正，但我唔記得左影相🙈)我地點左一份加拿大牛排骨，一份豬肋肉醬腌，參雞湯，一碗白飯，一罐韓國芒果汁同埋韓國粒粒提子汁～加拿大牛排骨捲得好靚仔，油脂分布均勻，薄身好入味，而本身塊牛都有好重牛肉味👍豬肋肉醬腌色水都幾深，有啲似廣東既叉燒😅 啖啖肉兼嫰滑，好抵食～參雞湯都好足料，超重人參味，味道剛剛好唔會太鹹，雞肉煮到好淋離晒骨，如果冬天飲超正一定成個人暖粒粒！👏🏻飲品無論酒精定非酒精大部分都係來自韓國，特別有味道👍去唔到旅行時解下癮既好選擇～～

《生活·日嘗》- OPPA韓國燒肉店同好朋慶祝生日，選擇左呢間大家都想試嘅燒肉店，三個人限時食1個半鐘，但並唔係任食嗰種，其實呢度選擇都多嘅，又有和牛，鵝肝食🤩不過我一直覺得優質嘅食材，係唔應該用喺燒烤度，因為烹調不當，燒竉咗，好容易會浪費咗優質嘅食材，所以我一直有少少抗拒喺烤肉/刷刷鍋店食和牛😅 唔知係咪太耐冇出嚟食飯定係咩原因，我覺得消費好似貴咗，整體黎講呢間野都食得比飽嘅，但並唔係好好食嗰隻，應該唔會再返嚟啦🤭埋單平均每人$270，可以一試，但係應該會有其他更好嘅選擇掛😏

今次韓燒揀咗有和牛又有海鮮嘅 set韓式前菜有泡菜、涼拌芽菜同海帶店員好快就過嚟整爐邊泡菜蛋一點完餐就可以食住等上菜～【迷你和牛拼盤】和牛拼盤個牛牛盤勁得意呀 🐮話係迷你都有 250g 同 5 個唔同部位上面左右兩邊邊分別係和牛肉眼同澳洲和牛頸脊下排係黑毛和牛舌同日本 A4 背峰肉中間捲成花咁嘅係雪花和牛片我哋兩個人食呢個拼盤啱哂由彈牙嘅牛舌到油脂豐腴嘅背峰肉可以食到各種口感嘅和牛配埋套餐入面嘅【韓國啤酒】超嘆 😛【五花腩】五花腩夠哂肥美厚切脂肪位好爽口唔膩就咁食都好好味我鍾意用生菜包埋泡菜一齊食感覺更加有韓國風味嘛 ❤️【南非鮮鮑魚】鮑魚係另外點嘅因為我攞走個殼先燒燒嗰陣啲蒜蓉 hold 唔住 😂不過鮑魚本身夠鮮味咁樣反而原味原汁𠻹【鵝肝】韓燒鵝肝都係第一次好似平時煎香兩面咁燒就 OK轉易就燒到呢個焦香效果 🤤鵝肝入口好順滑！【大虎蝦】虎蝦無花無假好大隻而且非常新鮮我好怕嗰啲蝦頭梅哂嘅蝦但呢隻我連蝦頭都啜埋 🤣【蒜蓉牛油大扇貝】扇貝同樣 size 唔細燒到咁上下再加牛油 🧈加上蒜蓉爆多扇貝食落好香口【Movenpick雪糕】甜品係Movenpick雪糕有士多啤梨、雲呢拿同朱古力味揀後面

想念外岀食飯的日子，想念燒肉在鐵板上滋滋作響的聲音，終於等到防疫措施放寬後就來吃韓式燒肉了～ 入座後先送上前菜小食和冰凍麥茶。前菜分別有麻油海帶，芽菜和泡菜。點好菜後店員就在爐邊加上泡菜和蛋漿~ 很期待呢我們點了一個$608的2人餐，有迷你和牛拼盤、五花腩、帆立貝、虎蝦和鵝肝，另外還有雪糕和韓國啤酒送，蠻豐富的套餐迷你和牛拼盤有A4和牛、A5和牛、雪花牛小排、牛肋肉和牛舌，擺盤相當吸睛！你看和牛那些縱橫交錯的雪花紋已經令人垂涎三尺了。入口即溶，而且牛味非常香濃，食肉獸一定大滿足之後來烤五花腩，烤一會就可分剪成小塊。這裡的鐵板是打斜的，邊烤邊看到五花腩的油脂直流到底。烤好後當然要夾上爽脆的生菜來吃，五花腩脆中帶嫩，吃起來肥而不膩鵝肝不用多說更是脂香滿溢，入口即化呢海鮮類有帆立貝和虎蝦，加上牛油煮的帆立貝鮮甜味美。而虎蝦的份量也是真材實料，超大一隻吃起來啖啖肉又彈牙吃飽後還有好吃的Movenpick雪糕，很令人驚喜呢💛

呢間韓燒除咗主打燒肉好好味之外，佢地嘅熟食都一樣唔輸蝕嫁播。白雪雪、香噴噴嘅牛肋骨湯味道好濃郁，入口好creamy，好有牛油嘅柔滑口感。主角當然係入口即溶嘅牛肋骨喇，用筷子輕輕夾起就已經離晒骨，好軟好綿，但d肉又唔會散晒。湯入面仲有白蘿蔔同杞子去中和反，一啲都唔會覺得油膩。我哋仲order左韓式炸雞添，個人黎講最怕就係係出邊街食到啲乾爭爭嘅炸雞干，好彩呢到嘅炸雞令人喜出望外。表面炸到金黃色、熱辣辣，睇見都流晒口水啦。先點些少甜辣醬，一口咬落去就知外脆內軟，外皮脆到好似食緊薯片咁，但肉質好鮮嫩，仲爆曬汁好Juicy。皆因個脆漿既厚度洽到好處，如果個漿太厚太杰都會影響賣相，出唔到個成只脾既線條，無黎美感。除此之外，炸既溫度同時間都要配合得啱啱好，甘先唔會榎歰歰，最重要係無萬年油既油益味、無雪藏味之餘仲好有雞味添，絕對唔會令你失望。

老友打黎話想食燒肉！拿拿林吹雞同你啤啤佢喇！BOOK左位七點半入閘，無遲到準時到達但都要等十分鐘到先帶位。天氣熱辣辣坐低第一時間梗係整杯冰凍啤酒雪下個咀先喇！生啤做緊二送一都幾抵！入座跟一份蛋，味道唔錯不過得一轉，泡菜同沙律菜就無限添食。豬腩肉一埋位就知佢掂！佢既口感同佢層數一樣層層疊加既，睇見都食指大動👍燒香佢加大醬夾沙律菜食，真係完美既配搭！豬皮同豬腸份量都幾多同處理得幾乾淨無異味，我覺得都幾難得👍豬皮佢本身係半熟, 基本上輕輕烤下就食得因為重骨膠原，如果覺得膠得制可以點D黃豆粉解下膩。我自己就唔鐘意點黃豆粉。豬腸本身都係半熟，睇個人口味，我鐘意烤到佢脆卜卜，甘香酥脆，毫無抵抗力。一路飲住啤酒一路食咁邪惡既烤肉，唯有係心入面吶喊一句：膽固醇萬歲🍻🎉👍👏🏻註:食得出食材新鮮，質素唔錯，燒豬皮時要小心有時會彈

未入呢間烤肉店，已經被香氣濃郁既燒肉味搞到飢腸轆轆。一入去，到處都係鐵板既滋滋聲，肉香撲鼻，令人垂涎欲滴。一坐低就見到3款涼拌小食，急不及待要一路食一路睇menu，簡直欲罷不能。食材既質素對於燒肉黎講真係好重要，因為佢係係未經修飾之下，赤裸裸甘上檯，係好係醜，一覽無遺。最值得推介既係呢到既五花腩，脂肪同肉既比例洽到好處，層次分明。用中火慢慢烤至金黃色，香氣四溢，令人垂涎三尺。烤到半熟個陣，將佢剪成一口大細，再煎香餘下既兩邊就完成喇！熱辣辣、脆卜卜既豬腩肉，入口甘香爽脆、色香味濃。肉質爽口嫩滑，可謂齒頰留香，令人回味無窮。我地急不及待，即刻再order多兩碟。呢到既生菜同涼拌係無限量供應既，如果食到溜溜地，可以試下將烤肉包係新鮮爽脆又juicy既菜葉入面，一齊放入口，咁就油而不膩，可以食多兩味。

上幾個月一直限聚令冇得同朋友食飯疫情終於緩和少少不如去韓燒又有抽風系統 冇咁容易染病OPPA一直是我幾鍾意的韓式餐廳，全因夠地道又貼心。餐廳的配菜，生菜，冷水都是無限供應 烤肉前，店員會先在其中一格烤盤上烤泡菜蛋，之後的烤肉主要由店員幫忙烤及剪成細件，服務很好黑毛豬拼盤有西冷扒，豬鞍及五花腩三種。豬肉顏色很厚很大塊，色澤紅潤這種黑毛豬肉味濃，脂肪層在燒完後變得 很爽脆，與平日吃的豬肉不能相提並論，蘸上不同的醬汁都很好吃。另外用生菜包肉丶蒜片及泡菜食，會有解膩的作用，越食越過癮豬鞍--因為佢太大件令到我哋無從入手，好彩有靚仔侍應出手相助，幫手燒幾邊之後再剪開一片片，放便我地慢慢燒，叫左個OPPA 4太子，大大隻，好鮮甜，非常之新鮮大家都食得好開心仲成日提供搓手液俾我哋消毒

冇得去旅行，又好掛住韓燒，好在有Friend介紹OPPA人氣韓燒店，真係識人好過識字。去到就知咩叫門庭若市，果然人氣爆燈! 要試既話最好先訂位。坐落見到檯檯都係年輕人，就知我地都係潮人，食好西梗唔輸蝕。豬皮同大腸，係鐵板上面燒到卜卜聲，用慢火煎到香噴噴，外脆內軟，口感一流。正! 

好食既黃店個牛肉set超好食除左牛肉之外仲有少量南瓜同zucchini放底另外叫左炸雞份量十足同埋都好食其實仲叫左人參雞湯不過掛住食，唔記得影相黎牛肉set同時店員會係隔離極kimchi蛋但食晒d肉仲未熟所以之後放左係燒肉個邊燒

抗疫生活持續了一段長時間沒得去旅行,只好相約朋友飯聚食好料我們這一次走到旺角吃燒肉 OPPA韓國燒肉店 Korean Restaurant這裡是韓式燒肉店,有燒肉,有料理吃店家最出名就是燒肉,便宜,好吃,肉質水準高人多建議可吃套餐,有4人也有6人的2~3人就可以單點或選拼盤~記得要訂位,非常爆場~埋位先待服務員送上韓國泡菜小吃開胃這裡最好吃是他家的泡菜,不會太辣好味道 特大鐵板,附一客菜,可以配燒肉食也有泡菜蛋邊,真的如去了韓國吃燒肉醬汁就有兩種  兩人就決定了吃美國安格斯肉眼扒 $178 250克A4和牛切片一客 100克 $108,好抵食油脂豐富平均,入口即溶,牛脂味濃香 再追加一客扇貝,一份有4隻又名四太子有四隻扇貝,配埋牛油,蒜蓉,建議先食肉再食濃郁既蒜香加牛油,係永恆不敗的美味組合扇貝夠大隻,肉質細緻有彈性 煎牛有技巧,要先煎好一面再翻面,不要常翻大約1分鐘左右就可以換另一面烤2分鐘左右就可以食得了~牛肉味濃油花無咁多,食起黎無咁油膩~肉味偏濃和牛當然最吸引人輕煎15秒就可以翻面,不然會流失太多油脂和牛就是吃牛油脂啊~入口即化好嫩滑不用點醬汁才是最美味的食法#韓燒 #旺角 

武肺下全球停飛，無法到韓國吃最愛的烤肉，唯有先到這長龍店頂頂癮果然人氣爆燈，即使門外已有很多客人等候仍然不斷有慕名而來的食客取籌就坐前店員已先準備好免費添加的前菜！有芽菜、泡菜及昆布！還有一籃新鮮生菜讓我們包烤肉！還有一壺清爽解膩的凍麥茶這裡用的是特製長方形斜台鐵板，斜身設計可以令燒烤時多餘的油從爐的末端自動流出，旁邊有個位置煮蛋捲，先放泡菜混入魷魚， 再加蛋漿， 吃完烤肉剛好煮熟除了基本的燒肉汁及辣椒醬外，還可要求辣椒、生蒜及油鹽 OPPA四太子限時價$108！售完即止！肥美的扇貝配上牛油及蒜蓉倍滋味每枱必點的和牛拼盤有美國上肩胛肉、美國牛小排、美國下肩胛、日本A4背峰肉、日本A4上腦肉、日本A4牛肉眼、1++韓牛肉眼、澳洲和牛頸脊及澳洲和牛舌！不同部位放在牛牛盤子上，還未吃已經很愉悅吃韓國餐當然要配韓式飲料，韓國粒粒提子汁味道清甜又解渴，粒粒果肉在內令人一口接一口，停不到口奧運版可樂！希望疫情快過，盛事毋須再延期