OPPA韓國燒肉店 (已結業)

食之前都有睇過open rice食評，見勁多好評。諗住一定好味，點知太失望了。我平時都唔會寫食評，但真係垃圾到我無法唔評論。價錢又貴，但係D肉完全無肉味，都唔知係乜肉。試過其它平放題嘅肉，都無差到佢呢個情度。真係唔值呢個錢。唔怪之得平時見無乜人，都仲可以挨到依家未執笠。同埋服務態度勁差，送菜過嚟係好大力咁掉落張台。有無禮貌，叫又扮聽唔到，明明舖頭客人少，服務員又多。個個都扮工狀態。最嬲係，叫我哋埋單，咁我話拎多支嘢飲先，佢就話要埋單啦，夠時間啦，唔俾拎。咁我哋對張單入座時間，話我仲有10分鐘先夠鐘wor，咁仲拎唔拎得？馬上黑面唔出聲。咁嘅服務態度仲要俾服務費真係想爆佢。講真，咁大個以嚟，食過最差就係呢間。仲要咁多好評。食唔食大家自己諗啦！

今晚一行6人..5大1小...食放題...怪自己冇睇清楚...亦冇諗過牛肉放題原來牛肉只係黎一轉...放題既只係雞同豬...菜...(超咸...)其他牛肉唔算好食....最好食可能係個飯盒....但係唔知點解食左1/3就比人收左...=_=..收錢果下都呆左...門口大大隻字寫住$238...比完錢先知..話今日初8都係新年假期....大人...$268+$30飲品再加一....小童...$268+$30飲品加一有8折...。。。早知唔食佢！伏...一d都唔值$330一個人....

講起大埔聯想到踩單車同埋燒嘢食，但係原來大埔都有唔少嘅美食，呢間OPPA韓國燒肉店開設於大埔太和，幾日前同朋友食完覺得值得推介。首先講吓佢嘅價錢同埋選擇先，閒日來講368就可以享受江南海鮮燒肉放題，包埋所有酒水，而238就係弘大燒肉放題，不包海鮮及酒水。我地就選擇左368嗰個set！店內嘅餐桌餐具、座位、擺設都好有韓國烤肉店特色，加埋牆上嘅特色壁畫，環境真係唔差。當我地諗住畫單嘅時候，燒肉嗰塊板都未到，店員就已經拎咗一盤牛肉同一盤海鮮放係枱面，實係流晒口水🤤海鮮就有鮑魚帶子同埋蝦，全部都好新鮮、好大舊，佢哋提供嘅鮮蝦已經中間開半，而每件鮑魚都已經切開左幾份，方便大家放上爐燒，好快食得👍嗰盤牛肉就裝滿左唔同部位嘅和牛同其他牛肉，好讓顧客可以品嘗不同款嘅牛肉，款款肉質口感都唔同，不過總體來講都好好味又新鮮，全部都充滿肉汁！如果要我推介我會揀和牛肩肉、和牛舌同埋牛排骨！另外，有兩樣嘢都想同大家介紹返，就係芝士燒、牛油粟米同埋佢嘅手工啤酒，店內燒板上有兩個位可以點個芝士燒同牛油粟米，可以試下用啲燒肉沾啲燒完嘅芝士下齊食😋

最近又在日以繼夜的追看韓劇，看到片中主角常常跟朋友們去吃燒肉和喝酒就突想吃。難得今天可以早點下班，立刻相約中學好友去大吃一頓。雖然家住大埔卻很少在這區吃飯，知道在大埔有間燒肉放題一向很高人氣，所以就叫同學打電話預約。來到發現附近一帶都被裝修的棚架遮蓋著，有點難找到門口，最後就憑著牛肉的香氣找到了店內裝修風格走工業風，全店用彩色的鐵桶、貨櫃門等裝飾佈置，在這環境晚餐別有一番風味。我們點了江南海鮮燒肉放題$368先來的是一鍋韓式黑蒜炒雞，雞肉十分嫩滑，不錯吃接著就是和牛拼盤，助骨、牛舌、下腹...不同部位都有，個人突推封門柳，牛肉味十分香濃每人還供送一大隻扇貝、海蝦和鮑魚，店家還十分細心地把海蝦開邊，既易熟又不用行剥蝦殼除了一般的飲品外，還有韓國燒酒和生啤任飲每人一杯雪糕作總結

這天約了大學同學聚會，一個住大埔的同學推介了這一家韓燒放題的餐廳，價錢合理而且還可以吃到高質韓牛。一來到餐廳就被色彩繽紛的裝飾所吸引。他們家有韓風桌椅佈置，十分有趣。既然是聚會，當然要吃好好的。我們點了江南海鮮燒肉放題。套餐包括了任點的精選肉類頭盤，還有附送的海鮮盤。其次還有一些肉類和韓式料理、野菜等。店內還有各種韓國罐裝飲品提供。還有任添的爐邊蛋。首先來的是精選肉類頭盤。其中包括: A4黑毛和牛肩肉、A4和牛三角腩、澳洲和牛脷及封門柳等大概有十款。諸多的牛肉之中，我們最喜歡的是A4黑毛和牛三角腩、A4黑毛和牛肩肉。看到那油脂分佈相信也不用我多説。而且燒肉可以把過多的油脂都排走，也不會太肥膩。相對來說韓牛就是又有濃濃的牛肉味，還有脂肪很夠，實在是相對地比較平衡的選擇。江南海鮮燒肉放題會送上海鮮拼盤，包括有虎蝦、鮑魚、帶子。套餐還包括了可以追加的海鮮，有海蝦、八爪魚等。任食的其他肉類有紐西蘭羊架、醃牛肉、豬肉等。熟食方面選擇亦不少。點了個大蝦伴冷麵，材料十足呢。

今晚入大埔搵表妹，佢終於由出完BUSSINESS TRIP返落黎ＨＫ，所以近近地去佢屋企樓下食DINNER~~舊墟直街其實好多野食，我地揀左食韓國野- OPPA韓國燒肉店 食放題，因為比佢既價錢同食物吸引左！一坐低，已經擺滿哂SIDE DISH 同醬汁~ 仲可以出面拎野飲~我地睇完MENU 揀左$238既放題!!先黎個雞煲，D 雞又嫩又滑，好正呀！！之後個燒牛肉拼盤，咩都有架～～eg. 黑毛和牛舌、澳洲和牛金錢展、澳洲和牛下腹腩、A4黑毛和牛肩肉、黑毛和牛三角腩！講真每款牛味濃郁，而唔同部位有唔同既口感，當中我地最中意係 A4黑毛和牛肩肉、黑毛和牛三角腩~~另外仲有氣五花腩，油脂甘香，好正！！之後我地仲點左蔘雞湯、蜆湯、石頭飯，食完其實已經勁飽～～OVERALL 食物質素唔錯,而且又唔算太貴, 值得推介!

OPPA燒肉夜晚主要有兩種放題可以揀，一個有海鮮一個冇海鮮，有海鮮既係$368，仲包埋任飲啤酒同埋紅白酒，價錢絕對唔貴每個座位都有得擺衫，唔洗吸到啲油煙，鋪頭裝修都幾重本，幾面牆都油得好靚韓燒必有既泡菜，芽菜同生菜，全部都可以再追加，後面碟牛肉係for黑蒜雞鍋的依兩日凍左好多，燒肉前先黎個雞鍋，唔洗兩三下已經比我地消滅左，正！上網見到人地頭盤係隻牛牛，不過多人唔夠裝，要大盤先裝到，好震撼啲肉，如果平時出去食單叫依應該好貴，隻隻肉都好好味海鮮盤都好大盤呀，跟人頭分量上，3樣都超級新鮮，啲蝦仲有膏架，果然冇揀錯豬五花同爐邊蛋都係韓燒唔少得既，一定要焦小小先好味啤酒都係任飲，另外仲有支裝啤酒同燒酒kirin仲要上面打沙冰，都係第一次見韓燒有小食既年糕分量岩岩好，試到又唔會太飽炸雞都可以一件一件叫，最後仲一人有一個雪糕🍦

朋友介紹呢間燒肉放題好好食入到去店員已經將成set牛型既盤放滿燒肉燒肉好香似新鮮肉冇雪味仲有前菜及蔬菜一開個爐就馬上燒得舖頭內加錢有汽水任飲唔加錢就自助飲水因為我食果時一次過放左3/4種差唔多樣去燒結果想再追加都冇idea提議食既時候集中食2種好啦最仲意呢到個鐵盤自動去油二人可以食到幾多食物睇睇食完又再無限追加芝士控一定可追加"粟米芝士"前菜都係冇限任加添setting 簡單一枱可以坐到6個人每人都有獨立放私人物品既地方

同家人去大埔呢間OPPA韓國燒肉店食放題($268加一)，入到去裝修好似去左韓國烤肉店👍🏻一坐低可以將袋/外套落張圓凳度以免吸味，店員送上配菜同點肉既調味料。首先叫左黑蒜雞煲，無諗過咁好味，雞件同腐竹好入味，有驚喜！頭盤有九款牛，個人推介鹿兒島牛柳粒黑毛和牛三角腩，和牛下腹腩同A4黑毛和牛肩👍🏻好鮮嫩仲有最愛的爐邊蛋免費refill另外再叫其他肉類，五花腩都係必食最後附上甜品，有開心果味 士多啤梨味 同 雲呢拿味。

有日同朋友講開韓國燒烤，朋友介紹左呢間oppa韓燒放題俾我，話旺角同大埔都有分店，所以今日去開大埔呢邊就入去食下！大埔oppa由太和站行過去只需5-10分鐘，店舖內好有韓國嗰啲燒肉店feel，店內有兩種放題選擇，兩種都係任飲任食，368同238嘅分別係368有海鮮揀，我咁識食梗係選擇368食埋海鮮🤤一坐低店員就根據人數，幫我地拎左一盤牛出嚟，另外仲拎咗一盤海鮮，入面有蝦、鮑魚同埋帶子，見到都心郁郁想即刻燒黎食！唔好誤會，以上所講嘅兩樣野都係可以食完再嗌食完再嗌！我哋選擇食咗啲牛先，啲和牛每一個部位都好新鮮！肉紋好均勻，唔會有超大片肥膏嗰種！平時去啲燒肉店，一次過落咗好多單，有啲部位都分唔清邊種打邊種，但呢間oppa嚮每種牛肉上面都放置左一張紙介紹返果一種係邊一個部位，起碼燒完大家都知食緊邊個部位而幾種海鮮，帶子同鮑魚，建議大家用鉸剪將佢剪出黎燒不連殼，因為咁樣省時好多，限時燒烤大家都唔想浪費每分每秒！除此之外，大家亦可以點一啲韓國小食，炸雞、海鮮餅、炸醬麵等等。整體來講，雖然時間唔係太足夠，但呢間韓式燒烤食物款式同價錢方面都唔差，我都覺得滿意，會再來幫襯！

約咗朋友慶祝生日，想搵間靚少少嘅韓式放題，平時都好少入嚟大埔食嘢，不過見到上網介紹呢間放題非常出色，於是就揀咗呢間。我哋預先打咗電話book位，好彩咋，黎到已經差唔多坐滿晒人鋪頭裝修同韓國當地嘅燒肉鋪都好似，都係圓枱為主，但係又唔會好迫。鋪頭都算大就算行嚟行去拎嘢飲都唔會撞到其他人嘢飲種類都算多，大部份都係韓式嘅飲品，而一般嘅汽水都有先來一個黑蒜雞肉鍋，雞肉有少少韓式大醬湯嘅味道，雞肉下面有唔同款既菜，煮完全部都好入味另外依個都係頭盤，跟黑蒜雞肉鍋，好似食雞煲咁，估唔到送既都咁高質食完雞肉鍋係時候換燒肉，上面既坑係燒雞蛋，仲幫我地加埋泡菜，第二轉我地自己加埋栗米落去真正既燒肉頭盤黎啦，依個頭盤分量跟人頭上，足足有成9款，而且每款都各有特色唔會食落一種味，唔洗再點醬都好好味韓式燒肉點可以冇五花腩，係我中意既偏瘦，燒到焦黃，夾生菜同泡菜真係好正除左燒肉可以任食，依到既韓式小食都係任食，而且仲可以一件一件咁叫，唔會一大盤上而我地係貴啲既set仲跟海鮮頭盤，有帶子、蝦同埋鮑魚，完全都好新鮮好大隻，不過燒帶子就要比啲耐性啦而再追加既肉都係一件件上，食幾多叫幾多，唔好浪費，不過放題限90分鐘，咁多

番黎成日都係打邊爐，今晚一於成家人黎食韓燒上網見呢間韓燒既和牛拼盤好吸引，就book左呢間食黎到店員就問我地要咩鍋，可以燒肉前揀一個鍋食，我地揀個黑蒜鍋，其實係雞煲黎既個汁幾好味，雞都唔錯，肉就少左d。不過唔緊要，反正都要留肚食燒肉。我地就平平地揀左弘大燒肉，冇咁多海鮮食，不過唔緊要，我地主要為牛而黎🤣牛肉拼盤非常出色各個部位都有唔同口感同味道，我就最鐘意三角腩，牛肩肉同牛柳粒，油脂比較多仲有一大條五花腩爐邊有泡菜蛋，不過要燒好耐先食得，啊妹好鐘意食食完牛之後都飽左五六成，之後就用order紙叫其他野食牛柳粒同牛肋肉咁好食，梗係要encore仲叫左醬醃牛肉，多春魚，八瓜魚，魷魚，雞腎，豬頸肉同豬大腸我比較鐘意食冇醃既肉，比較食得出肉既鮮味另外多春魚同魷魚都好新鮮，好味！不過佢地既油脂較少，好易痴底啊！最後仲有一人一杯靚牌雪糕完美既一餐

今日星期三，有大埔朋友仔生日，生日第一時間想到的，就是放題，住大埔的朋友仔就介紹這間Oppa燒肉放題，他極力推薦我們，說價錢不是太貴，而且有海鮮、貴價牛肉任吃，性價比超高，講到我都心動不得不試，就決定訂檯試一試這間Oppa韓式燒肉店。我們約了八點，幸好我們有訂檯，門口已聞到很香的牛肉味，心急如焚地坐下立即即餐，我們點了江南海鮮燒肉餐。侍應先來三款前菜，一個雞煲、和牛拼盤、帶子、鮑魚、大蝦等....雞煲 - 雞肉嫩滑，醬汁野味，份量不會太多，始終主題是燒肉。和牛拼盤 - 有牛隻多個部位，個人較喜歡牛肩肉，肉質口感一流，燒後有很重牛肉味。帶子 - 大如手掌✋，新鮮無比大蝦 - 師傅幫我們開邊了，方便燒烤，非常細心！環境： 餐廳走工業風、有鐵桶座短，方便顧客放自己物品，牆身有很大幅的油畫和貨櫃門裝飾，整間店鋪格調特別。總評：食物整體都很好，適合一家大小、朋友聚餐，會介紹朋友。

一行六人假日遊車河到大埔揾食。揸車揾食除咗要揾好嘅食物質素，同樣重要係有位泊車。哩間OPPA两樣相得，真係冇得頂。門口泊車睇到實，唔驚抄牌。泊好車，安落晒。六人被安排到一張大枱。全舖装修好有特色，好似貨倉又有韓式壁畫。餐廳好細心！俾件即棄圍裙你。款式令我諗起周星星的賭聖哩度係一爐两食。韓式烤肉放题前，先來個雞煲暖暖胃。雞件嫩滑，煲底微辣好醒胃。再送一碟牛肉。雪花纹理均勻，上等牛肉！再加上一碟新鮮響含鈴，索晒D湯味。吃完全身由髮尖暖到脚趾尾。主角出場啦。一大盤牛肉拼盤上場。重要聲明要講三次！一大盤，一大盤，一大巨盤！咁大個仔第一次見咁多款牛肉，A4和牛都有两款，仲有加拿大，澳州。有粒狀，有條狀，有塊狀，都唔知食邊款先。店員幫手放咗塊烤板上嚟，发现設計好特色小小傾斜，用來流肉汁。 上部有個坑位可以煮蛋。下面有两格可以煮芝士。一大盤牛肉竟然短時間內全部食曬，太好味一舊都冇剩。大家都唔敢相信大家係美食前，兇猛嘅食"肉"獸本色全表露出來了。再追加鱿鱼，多春魚。 呢兩樣包無死。鱿魚鮮甜。多春魚食到索索聲。再追加 人蔘雞湯同埋泡菜豆腐湯。人蔘雞湯有蔘味，甘甜唔苦。泡菜豆腐湯醒胃，應早少少叫。仲叫左泡

一大班朋友聚會，總要找個好地方晚膳，上open rice找完一輪，發現這間大埔嘅Oppa有放題，旺角分店我一早已幫襯過，屬於高質素逐碟計燒肉店，今次大埔店是放題梗係要試吓啦……首先一入店内環境十分寬敞，牆上塗鴉十分可愛。而且舖頭十分細心，有即棄西裝造型圍裙提供。我們選了弘大燒肉放題$238，一開始店員先上前菜、雞煲、肥牛和響鈴比我們，雞煲味道十分唔錯好惹味，有少少辣，有落孜然粉令湯底好香。響鈴新鲜炸，十分脆。頭盤:有十款牛，有A4黑毛和牛肩胛、A4黑毛和牛三角腩、 澳洲和牛下腹腩、澳洲和牛脷、 封門柳 、 加拿大牛排骨、無骨牛肋肉、 美國牛小排 、 和牛金展和鹿兒島牛柳粒，一上枱大大盆十分吸晴，樣樣都好靚，其中我覺得好好食嘅鹿兒島牛柳粒可以再order，正！另外真霞蜆湯:蜆肉鲜甜，粉絲煙韌不會太冧。八爪魚、魷魚和多春魚:我最喜歡食鱿魚蘇，配韓式辣醬一流。最後還可自選雪糕，有movenpick、haagen-dase、dreyer's，仲要包飲品，呢餐簡直超值。