Ollies (已結業)

星期五晚約朋友來happy hour輕鬆一番，高街大部分餐廳happy hour時段截至7時，餐廳經理答應全晚都有happy hour時段，二話不說衝入餐廳，yeah !Prosecco $35同友人每人各3杯Prosecco，指定Wine/Beer價錢一樣$35，happy hour 時段果然令人不知不覺飲多兩杯。 Loaded Pub Fries $60呢個下酒菜份量不少，粗薯條連同煙肉及芝士焗過，面層配以忌廉芝士醬，好食又邪惡至極。仲有茄汁同洋蔥汁迎合不同口味客人。 Korean Fried Chicken $70飲酒點都要有啲肉類到肚，呢個雞翼共4隻，雞翼炸至脆卜卜，皮脆肉嫩，蘸埋韓式辣醬十分惹味，每人兩隻有啲唔夠喉添。 Basket of Mussels $188青口大大隻無沙，配料有青椒、紅椒、洋蔥等，以香蒜加白汁煮，湯汁味道略為偏咸。 Caramel Tiramisu $90咖啡味香濃，忌廉幼滑，為晚餐畫上完美句號。

西環📍性價比高肉眼扒🥩之前聽朋友講呢一間幾高質就去咗食 一去到感覺成個setting 就係外國嗰啲bar and restaurant 咁烤肉眼扒 $118成個set Menu有齊晒都只係118 包一個starter 連埋甜品 我自己就揀咗依個甘筍湯 味道不錯 主菜係肉眼扒 size都算幾大！食落去肉質好嫩身 同Juicy~😴雖然醬汁唔係好多 但係可以食到牛排本身嘅原汁原味👍🏿大讚！其實去到嘅時候都幾爆滿 因為本身喺OpenRice度訂咗位 所以都冇話要等位 所以建議大家如果嚟嘅話記住book定位啦🤟🏻～Ollies (西環)地址：西環西營盤高街54及56號恆陞大廈地下3號舖

星期二嚟鋸扒，$198仲送一杯餐酒，幾吸引。六點嚟到坐咗喺門口旁邊，有街景睇，先來個happy hour，$38一大杯Stella，都算幾抵，不過happy hour就冇bar snacks，唯有喺main menu 揀咗個$158韓式炸雞翼，都有幾多隻，炸算係咁，不過除咗個sauce有少少辣之外，就食唔到其他嘅韓國風味，咁嘅價錢算係幾貴，唔值。牛扒special有幾款選擇，不過我哋就諗住揀$388 Bone-in ribeye, 有成1kg，夠晒兩個人食，仲送兩杯餐酒，同服務員落單之後，佢就返嚟解釋咗一輪，佢哋今晚嘅bone-in ribeye舊骨頭切走咗，所以serve嘅時候唔會有骨，又話牛扒會切件上⋯⋯ 有啲摸不着頭腦⋯⋯ 其實俾啲咁嘅價錢，都唔會有好大期望，最緊要嚟嘅係真係牛扒，有返咁上下重量，1kg扣除左條骨應該起碼有700-800g⋯⋯ 所以就博一博！雖然有餐酒送，另外再開支$388紅酒，好明顯之後嘅服務就好咗好多😄牛扒嚟到睇落去真係好夠份量，但係完全唔係想像中嘅bone-in ribeye，望落去其實就好似三塊普通嘅牛扒，係唔係ribeye我都唔係好肯定，不過食落去又可以

早上11點左右，在西環閒遊時候，無意中發現了環境寛敞的餐廳。我們選擇了室內座位，梳化椅，坐得很舒服👏🏻男朋友點了凍黑咖啡，味道不大苦，是女生也可以接受的味道。另外點了乳酪，水果很甜，配上乳酪，味道很夾，不會太酸。但乳酪與蜜糖是分開上的，乳酪略少。餐牌上還有另外兩款乳酪 下次可以再試。最後點了Flat white，拉花技術有待改善。咖啡味道不錯。細細杯，適合女生飲☕️整體來說，侍應態度很好，環境舒適，值得再去嘆咖啡🤓推介早上時段去餐廳，人較少，不用擔心有其他客人等位，打擾到聊天。

Didn’t have anything to eat around lunch time and when I finally had time I didn’t feel like having a three course meal. Breakfast was not on the menu but I was allowed to order one. The avocados were mixed with some herbs and the poached eggs were nicely done. The bacons were crunchy. The service was good too. Overall a nice experience.

今日難得放假，所以就去遠d ，同朋友黎個西環一日遊。 社交平台 見到d 食物好吸引，而且係星期日仲有得book枱，所以就book咗試一試。去到，我同朋友就已經鎖定目標，一定要食牛油果。因為喺香港要食到好食嘅牛油果真係好難，所以通常要西式餐廳先好食。咁我同朋友，就分別帶叫左兩個唔同牛油果嘅菜式。到咗之後，我哋兩個雙眼發光。佢啲牛油果多到好似唔駛錢咁，超足料。而且仲要係超好味嘅牛油果，又香又夠霖，而且佢個麵包底都好吸引。我朋友嘅粟米薄餅都好好食。而且我同佢兩個都有煙肉，好多地方食嘅煙肉都好難食，又咸又硬。依一間好好食，味道啱啱好。不過因為天氣太凍，我哋坐嘅位近門口。所以食物凍得好快，不過都唔影響食物嘅味道。值得一提，舖頭有開暖氣真係好貼心。仲有佢係歡迎寵物入去㗎，依間舖頭嘢食又好味，服務態度又好。值得一讚。

Quite an economical lunch set. Staff were really nice and the environment was pleasant. Chicken quesadillas would have been even better had it been toasted for a little bit longer so that it could have been crispier. The half ribs look burnt - but not really🤣it’s just the color of the sauce. I think there was plum inside the sauce? Anyway, not the usual BBQ sauce we have. Yet the ribs should be marinated for longer as the flavour mainly came from the sauce. But it was cooked realy well😍easily of

Compared to the neighboring restaurants on high street I think Ollie’s has the best food. I live on the block and often have lunch or brunch on high street on weekdays and weekends. Since coming to ollies I just don’t bother with the other places anymore- the food is much better here and it’s the same price for their lunch deals all over the street. Don’t bother with the other places! It’s also extremely dog friendly, though sometimes the patrons are not.

高街餐廳林立，這次推薦的西餐廳，環境開揚，當天氣好的時候陽光灑進來，特別富異國情調。店員也十分友善，無論服務還是食物，也有質素保證🌟 🍽| 𝐒𝐞𝐭 𝐋𝐮𝐧𝐜𝐡 $𝟏𝟏𝟖 |無論前菜或主菜也有幾款選擇，前菜沙律雖然不是主角，但絕不馬虎！香煎過的雞肉加上蔬菜和goat cheese，清新又惹味🥗主菜的牛排非常驚喜，不但格子紋的賣相討好，吃起來更有一股炭香，鎖住肉汁又鮮嫩🐮還可以請店員幫你加一點mustard增加風味，配菜還有烤薯粒和中式的白菜仔，有點中西合璧的感覺！最後以一小塊芝士蛋糕和檸檬茶作結，滿足。𝘊𝘩𝘪𝘤𝘬𝘦𝘯 𝘚𝘢𝘭𝘢𝘥𝘊𝘩𝘢𝘳 𝘎𝘳𝘪𝘭𝘭𝘦𝘥 𝘚𝘪𝘳𝘭𝘰𝘪𝘯

今日特登遠度而來嚟到西營盤覓食呢間小店幾年前都有食過佢嘅lunch算係抵食只需要百零蚊就可以据個炭燒西冷扒叫做物超所值首先係前菜呢一個脆包一啲都唔脆但係幾好食嘅佢硬翻啲就好啦個包完全係軟林林就咁拎起係承載唔到啲配料會跌晒落嚟主菜西冷都係好好食但感覺好似幾年前嚟食好似好食啲不過當時係食dinner嘅呢個粟米天婦羅我見OpenRice好多人讚今日特登叫咗嚟試就覺得一般般佢冇乜調味個cheese cake冇乜味冇乜芝士味亦都冇blueberry味總結來講都仲係抵食嘅不過除咗個扒食物質素就真係有待改善

知道中上環開左好多餐廳好好食，於是的起心肝一早去行完山就落去搵野食☺️係山既目的係為左食🤣去到高街真係有唔既野食，但係上電梯一見到就無理衝左入去啦哈哈😄個lunch menu都算好多野揀，有豬，牛，雞，羊個價錢都係$118咋喎，仲有湯頭盆，甜品野飲👍🏽咁我地兩個就一牛一個三文魚試下啦，沙律菜已經好大份👏🏼啲菜好新鮮好多款式，個餐湯一啲都唔hea好足料，唔係罐頭湯貨個牛扒好大份，岩岩好五成熟，佢面頭仲有小小燶同炭嘅香味，咬去去勁多汁牛肉味都好濃😊佢啲焗薯都好正而個三文魚要全熟，但煎完出黎都唔鞋，仲有啲滑😄真係估唔到，好多既魚油，加上佢係薯蓉可以吸收埋，又有牛油香好夾👍🏽👍🏽

成日聽人講高街好多野好好食，於是就搵日去下啦，原來真係成條街都係好高質既西餐，我地俾ollies吸引到就入左去，原來性價比都幾高午餐$118有頭盤，主菜，甜甜同一杯咖啡，而份量同質素都好高👏🏼👏🏼頭盆個蝦係雪蝦但係一啲雪味都無，個沙律好新鮮，啲汁好開胃😆南瓜湯有好濃厚南瓜，用心整作牛扒五成熟岩岩好，好有炭香味👍🏼肉質好嫩好多汁😋而佢個焗薯好淋，份量好夠飽👍🏼brownie入口好香濃既朱古力好滑，賣相都非常吸引😉

⭐️ Ollies ~西環⭐️高街一直都有好多出色啲餐廳🤩但係呢間係我一直都覺得高質嘅餐廳👍🏻氣氛很有格調，桌上都有蠟燭同花做裝飾🌸星期一同二仲要有平價高質牛扒餐！不過今次係試咗佢哋嘅早餐，都好好味呀😋整體氣氛好chill，就好似去咗歐洲餐廳食早餐咁😍1️⃣ Corn Fritters 粟米天婦羅疊餅 $120呢個真係超級特別！係我冇喺其他地方食過😍佢係唔似平時嘅all day breakfast嗰啲麵包上面加牛油果同蛋，而係用粟米餅做底再加牛油果、蕃茄、水煮蛋同煙三文魚，口感非常之豐富😋上面嘅肉你都可以揀Parma ham、煙肉或者煙三文魚🤩粟米疊餅非常之香甜，食嘅時候都唔會散到周圍都係，值得推介！💡總括而言，雖然餐廳食物價格不太便宜😫但味道很不錯😋有時食個豐富嘅早餐亦都係一件好幸福嘅事🥰

⭐️ Ollies ~西環⭐️高街一直都有好多出色啲餐廳🤩但係呢間係我一直都覺得高質嘅餐廳👍🏻氣氛很有格調，桌上都有蠟燭同花做裝飾🌸加上柔和燈光好浪漫✨人流並不是很多，傾左好耐計都沒比人趕走😂星期一同二仲要有平價高質牛扒餐，只可惜嗰次去係星期三😫待應服務態度超級好，食完飯之後送左三杯shots比我地🤩仲要係好喝嘅！😚1️⃣ Horseradish crusted salmon steak $220三文魚烤至微焦，內裏肉質幼嫩😋口感不錯！再淋上檸檬汁🍋更加提升鮮味🤤擺盤賣相幾靚！下面嘅薯蓉都係好味嘅👍🏻2️⃣Meatlovers (steak+ribs combo) $288呢個combo真係幾大份😍有牛扒加ribs，兩種肉質都鮮嫩，好juicy😋嗌左medium，帶有少少鮮紅色，無overcook到👍🏻幾有牛味🐄反而嗰ribs令我覺得驚豔，因為醬汁同肉質都好夾，一咬就脫骨😋再加薯條，飽足感upp😗💡總括而言，雖然餐廳價格不太便宜😫但食物都好大份，味道很不錯😋如果星期一同二嚟食就更加抵啦！有時唔想去中上環食咁貴，嚟下呢到都唔錯😜#hkhungryfoodie西環#hkhung

又一正brunch spot好推介😏 Corn fritters 🌽 唔好見佢細細份食落都有啲飽同濟 身為avocado控中間果層啲牛油果溶真係夠哂份量 兩塊粟米餅炸到脆脆 on top加埋煙salmon同流心poached egggg🤤