Oink Square Coffee & Crêpe (已結業)

三文治🥪專門店愈開愈多☺️身邊朋友都成日同我分享呢間【Oink Square Coffee & Crepe】🤩搞到我心思思都想食🤤 Oink Square位置方便，就係佐敦站出口附近。店家除咗著名嘅肥嘟嘟三文治，仲有不少特飲、可麗餅、小食等等。肥嘟嘟三文治餡料好豐富。每份三文治都包含了生菜、紫生菜、芝士、蕃茄、秘製醬汁，有健康感覺。因為有大量生菜，三文治包起嚟就變得肥嘟嘟。✪ 日式燒汁雞扒肥嘟嘟三文治 ⌫💲42呢款係餐牌上有店家推介⭐️，所以就揀咗一份。我比較喜歡熱食三文治，返到屋企就將兩份三文治擺入焗爐微微加溫。攞住圓圓厚厚的三文治，一口咬落去會首先接觸到爽脆嘅生菜，再咬到日式燒汁雞扒，好滋味。雞扒肉質非常滑嫩，燒汁好香甜。兩片白麵包搽上了店家秘製醬汁，味道似濃郁嘅沙律醬，酸酸地幾開胃。✪ 南瓜蓉肥嘟嘟三文治 ⌫💲44呢份係素三文治，主角除咗南瓜蓉，其實仲有粒粒杏仁係入面~呢份三文治咬落爆餡！食到creamy又香甜嘅南瓜蓉，中間亦有粒粒杏仁碎，添加口感層次。加了生菜，令整體不會過甜過膩。購買三文治可以以優惠價加配💲34以下飲品。特飲都有好多種類，咖啡、Latte、沙冰、梳打、鮮果沙冰、乳

🍗◖日式燒汁雞扒三文治◗ $42雞扒肉質鮮嫩多汁，啖啖肉啖啖肉汁，係比較健康嘅選擇！雞扒望落色澤比較淡，味道會偏淡少少，但加埋啲菜、溶溶地嘅芝士同埋秘製醬汁，都好夠味！🦀◖日式忌廉蟹肉薯餅（3件）◗ $28薯餅熱辣辣炸得香脆，入面係柔滑嘅忌廉蟹肉，每件都大大件，呢個價錢性價比超高！佢個盒好貼心咁開咗個位比佢透氣，咁拎到返屋企都唔怕有水氣會淋曬！佢嘅三文治真係好大一份，食半個都飽飽地！建議襯熱快啲食，因為啲餡都有汁，擺太耐個包會濕曬，口感會冇咁好。肥嘟嘟三文治有呢個價錢黎講真係好ok，如果想試唔同味嘅話，佢都有半份可以揀㗎，下次可以試下佢嘅可麗餅！

Teriyaki Chicken Chubby Sandwich $42日式燒汁雞扒肥嘟嘟三文治勁大塊燒雞扒，夾埋厚厚既生菜層，入面放燒汁放得剛剛好，唔會整濕麵包，一大啖咬黎去，好JuiceTuna Salad Chubby Sandwich $43吞拿魚沙律肥嘟嘟三文治超多吞拿魚沙津放係三文治入面，配埋蕃茄青瓜生菜，感覺好新鮮，係健康之選Add on Hojicha Latte $19加配 焙茶鮮奶特飲飲品係不含咖啡成份，想飲latte 又無咖啡因，唔洗夜晚怕訓唔着👍Add on Lychee ade (M Size) $17加配 荔枝梳打梳打水拎荔枝品更出，入面仲放左一層柚子蜜，令味道更有層次

𓍯 Oɪɴᴋ Oɪɴᴋ 𓂃𝗦𝗮𝗻𝗱𝘄𝗶𝗰𝗵𝗲𝘀 𝘄𝗶𝘁𝗵 𝗶𝗻𝗴𝗿𝗲𝗱𝗶𝗲𝗻𝘁𝘀 𝗽𝗮𝗰𝗸𝗲𝗱 𝗳𝘂𝗹𝗹 𝘁𝗼 𝘁𝗵𝗲 𝗯𝗿𝗶𝗺 𝗮𝗿𝗲 𝗮𝗹𝗹 𝘁𝗵𝗲 𝗿𝗮𝗴𝗲 𝗿𝗻 🥪 decided to try the 𝐶ℎ𝑢𝑏𝑏𝑦 𝑆𝑎𝑛𝑑𝑤𝑖𝑐ℎ from @oink_square and they didn’t disappoint 🐽 Opted for the 𝑀𝑎𝑠ℎ𝑒𝑑 𝑃𝑢𝑚𝑝𝑘𝑖𝑛 𝐶ℎ𝑢𝑏𝑏𝑦 𝑆𝑎𝑛𝑑𝑤𝑖𝑐ℎ - they seem a bit smaller than expected at first glance but are actually really filling 😮‍💨 𝘭𝘰𝘷𝘦𝘥 𝘵𝘩𝘦 𝘢𝘥𝘥𝘪𝘵𝘪𝘰𝘯 𝘰𝘧 𝘢𝘭𝘮𝘰𝘯𝘥𝘴 𝘪𝘯 𝘵𝘩𝘦𝘪𝘳 𝘮𝘢𝘴𝘩𝘦𝘥 𝘱𝘶𝘮𝘱𝘬𝘪𝘯 𝘵𝘩𝘢𝘵 𝘢𝘥𝘥𝘴 𝘢 𝘤𝘳𝘶𝘯𝘤𝘩𝘺 𝘵𝘦𝘹𝘵𝘶𝘳𝘦, plus the 𝘤𝘰𝘮𝘣𝘪𝘯𝘢𝘵𝘪𝘰𝘯 𝘰𝘧 𝘩𝘰𝘯𝘦𝘺 𝘢𝘯𝘥 𝘵𝘩𝘦𝘪𝘳 𝘩𝘰𝘮𝘦𝘮𝘢𝘥𝘦 𝘴𝘢𝘶𝘤𝘦 𝘨𝘰𝘦𝘴 𝘳𝘦𝘢𝘭𝘭𝘺 𝘸𝘦𝘭𝘭 𝘵𝘨𝘵 🍯 ᠃ ⚘᠂ ⚘ ˚ ⚘ ᠂ ⚘ ᠃‧̥̥͙‧̥̥ ̥ ̮ ̥ ᴡʜᴀᴛ ᴡᴇ ᴏ

🚩Oink square coffee & crepe出街食食埋埋咁多好嘢，梗係要買啲俾屋企人食！俾我發現咗係恆豐酒店後邊有間三文治專門店，佢哋嘅三文治超級足料，隻隻都圓轆轆脹卜卜😆〰️〰️〰️〰️〰️〰️〰️〰️〰️〰️〰️〰️〰️〰️〰️🌈泡菜五花肉肥嘟嘟三文治 $42泡菜豬肉飯就食得多，三文治呢個配搭真係第一次食！食落雖然佢唔係熱辣辣，以為一定會好油膩，但又唔會喎～佢用嘅生菜同蕃茄都好新鮮，食落好爽口！唔似一般嘅連鎖便利店pack到梅菜咁款😵‍💫 🌈蛋沙律肥嘟嘟三文治 $32依款包平時屋企人都整得多，不過食幾多次都覺得好好食！唔好睇佢無肉，食晒成份都幾飽！呢個包返到屋企先食，都唔會話俾啲沙律整到濕，依間舖頭處理蔬菜嘅方法好好，全部都吸晒面頭嘅水先放落個包度！🌈菠蘿梳打 $34菠蘿梳打入口好香菠蘿味，甜度適中，梳打好夠氣，夏天飲真係消暑解渴！裏面仲有兩粒菠蘿肉，食得又飲得～🌈法式焦糖布甸牛奶咖啡 $38焦糖咖啡就飲得多，法式焦糖布甸咖啡真係第一次飲～佢多咗一浸奶油味係入面，雖然有焦糖喺入面、但個甜味就唔會話好高！啱晒啲唔飲得苦咖啡，又想飲啲甜甜地嘅人！

特色外賣店，仰慕咗佢個三文治好耐！😍dinner time takeaway終於一試，好厚料~❤🐷吉列豬扒吉列豬扒非常厚切，🍞而且配上椰菜一齊食，餡料夠豐富。🍅更加有番茄片，加上酸酸哋个味道，很開胃。🥬蛋沙律簡單得嚟都好好食，🥚有半隻蛋更加有營養，而且佢個沙律汁用咗凱撒沙律醬，食起身好清新，🌽加埋粟米粒好有口感。🍊柚子梳打喝起來好，清甜最適合夏天喝清涼解暑，🧊而且底下有很多柚子肉，超美味。🍌香蕉latte香蕉味好濃，而且打得夠滑。

叫左兩個肥嘟嘟三文治，同佢個名一樣，裡面既餡料包到肥嘟嘟。秘製醬汁烤牛肉 $45除左滿滿既牛肉，仲有好多生菜🥬同蕃茄🍅，同埋一層半溶芝士🧀，秘製醬汁幾惹味。吉列炸蝦 $50配搭除左炸蝦、蕃茄、生菜同半溶芝士，仲有一層紫椰菜，炸蝦炸粉唔算多，炸得酥脆，而且蝦肉夠爽同彈牙。日式蟹肉忌廉薯餅 $28即叫即炸，熱辣辣，一咬落去，滿滿既蟹肉忌廉，口感好正，而且唔會食滯。法式焦糖布甸咖啡 $38 & 焙茶Latte $36咖啡香濃，配焦糖布甸甜甜的，而且口感幾滑焙茶Latte，焙茶味突出，配鮮奶好match。三文治有全份或半份買，而且配菜都幾多選擇。而且有d食品即叫即整，食材新鮮，值得推介。

唔行開佐敦唔知，原來附近有一間勁溫馨既韓式三文治外賣店舖頭既三文治全部都係即叫即整，而且非常足料，價錢重好親民添為食貓本身朝早想去隔離買燒賣😂結果見到d肥嘟嘟三文治就決定轉軚🫣泡菜五花肉三文治 （5/5）$42 推介 呢個三文治真係好好味😋估唔到泡菜五花肉可以同三文治咁夾不過就偏辣少少另外個三文治入面爆多餡，除左有勁多泡菜五花肉之外，重有生菜、蕃茄、牛油、芝士‼️早知買半份就夠啦😂而且佢個三文治重有烤過，睇得出老闆好用心去整👍🏾西班牙白豬午餐肉三文治（4/5）$38呢個三文治嘅午餐肉唔係出面普通罐頭午餐肉，而係勁厚嘅西班牙午餐肉，食完呢塊午餐肉已經夠哂飽Caffe latte + 柚子梳打 （5/5）呢兩杯嘢飲都唔係太甜👍🏾幾好飲而且啲柚子好多，一d都唔孤寒為食貓見到佢個menu重有其他小食，例如：可麗餅，下次為食貓黎開佐敦，都會想試下不過，係未試過其他野食之前，為食貓強烈推介大家去試下肥嘟嘟三文治支持一下d用心製作食物既小店

睇韓劇成日見到主角們買呢種三文治食！位於佐敦嘅「Oink Square Coffee & Crepe」，主打韓式三文治，配料選擇眾多，如蛋沙律、吉列豬扒，韓式牛肉，吞拿魚等。呢種韓式肥嘟嘟三文治，唔單止外形討好，仲好好食，而且小店的所有食物都係即叫即整。三文治用牛油紙緊緊包實，食用時也很方便，不會因太足料而食到好論盡。吞拿魚沙律$43三文治好足料，每個款式都有生菜、紫椰菜、番茄、芝士同特別配嘅醬汁。吞拿魚沙律超濃厚，一咬落去啲餡就爆晒出嚟，加上新鮮爽脆的生菜，口感十足。漢堡排（豬肉雞肉芝士）$48漢堡排由豬肉、雞肉、芝士製成，厚厚的漢堡排配上秘制醬汁味道微甜，食落好開胃加上生菜、番茄等配料，減少油膩感，對女仔嚟講，呢個食半個就已經飽左🤣拖肥牛奶咖啡（凍）$42咖啡配上牛奶與香甜拖肥，入口順滑好飲，配搭三文治太合適啦！雙重朱古力鮮奶特飲$32朱古力味重但不是甜甜的那種，小朋友很喜歡。—————————————————Oink Square Coffee & Crepe佐敦德興街1號地下B2號舖—————————————————

最近都好興呢種韓式肥嘟嘟既三文治，外賣拎走都好方便! 叫左2款黎食，分別係韓式烤牛肉同埋日式照燒雞扒。包裝好整潔，已經好心心眼，就算拎到番屋企食都唔會歪黎歪斜咁。一打開真係好足料，韓式烤牛肉個款既牛肉係粒狀，入面個醬汁都好好食，醬汁既份量都岩岩好，唔會話太多，搞到個包濕曬，入面仲有生菜，芝士等等，有肉又有菜! 而日式照燒雞扒就咁睇相都見到D雞扒好厚肉! 好大塊，肉質係嫩的，每啖都好juicy ! 野飲叫左荔枝梳打同埋hot chocolate latte ，食三文治再飲啖梳打真係幾夾。chocolate latte好重奶味~

呢度嘅三文治望落雖然好似同平時嘅爆餡三文治好似🥪但係呢一度係主打健康～上次就揀咗吉列炸蝦肥嘟嘟三文治❣️入面有三大條炸蝦🍤再配埋大量嘅蔬菜、椰菜沙律、蕃茄同芝士 食落去完全唔會好油膩 仲好清爽

路過比🥪吸引住🤣每件三文治都有紫椰菜、蕃茄、生菜同埋芝士。件件都塞滿哂材料，真係肥嘟嘟🐖即叫即整，所以都要等少少時間。〰️吉列炸蝦肥嘟嘟三文治 $50面包軟熟，係新鮮定隔夜一食就知。炸蝦配上泰式辣醬，甜酸甜酸咁幾開胃。因為即叫即整嘅關係，炸蝦雖然沾滿醬汁，粉漿仲keep到脆。〰️芥末蟹柳肥嘟嘟三文治 $40幾推介依個芥末蟹柳三文治🥪用咗蜂蜜芥末醬，隻芥辣辣得嚟係唔會攻鼻攻到頭痛個種👍🏻夠哂刺激又唔會話搶味。〰️綠茶鮮奶特飲 $36有幾隻size可以選擇。牛奶味道較綠茶味道突出，〰️法式焦糖布甸牛奶咖啡 $43唔會好苦澀，仲帶點焦糖嘅香味。〰️〰️📍 Oink Square Coffee & Crêpe (佐敦)佐敦德興街1號地下B2號舖

難得今日無落雨😻可以食呢間book mark咗好耐嘅三文治外賣吉列豬扒肥嘟嘟三文治🥪$54咁大份三文治見到都興奮！即叫即炸嘅豬排熱辣辣，又脆卜卜😻上面有甜甜酸酸嘅日式豬扒汁，三文治內仲有融化的片裝芝士、番茄同生菜，食完勁滿足～唔怪得咁多街坊幫襯😼--> 我等嘅時候有個熟客一入去就話「照舊」套餐加配優惠+$8可以加配柚子汁沙拉+$17 有飲品個人最推薦飲品係 ❤️夏威夷果仁凍奶啡！大熱天時，超級夠冰，屬於微甜，而且帶有微微嘅果仁香另外嘅double Chocolate都不錯～朱古力味濃郁，飲落去超級似平時買啲朱古力奶只係比較甜，所以我prefer飲咖啡～可能大家叫的話，可以話少甜日式蟹肉忌廉炸薯餅$28呢個finger food 適合野餐，所以我地就order，同樣係新鮮現炸嘅～熱辣辣咁，好味道～最後附上店鋪門口相一張～ 

今晚過左佐敦交收，順便買埋外賣返屋企食，原來係佐敦地鐵站附近、恆豐酒店後面有間賣手工三文治同crepe嘅小店 — Oink square Coffee & Crepe！芥末蟹柳肥嘟嘟三文治（$40）招牌之一嘅三文治，果然係肥嘟嘟超多餡，餡料有芝士、蕃茄、芥末蟹柳同超多菜！食落非常清爽，夏天太熱如果冇乜胃口，呢款三文治真係好啱食！每份三文治已經對半切好，用牛油紙包住方便食用，如果細食嘅朋友亦可以揀半份！日式蟹肉忌廉薯餅（$28）炸得好香脆，内餡好軟好滑，食落完全唔覺得膩！伯爵茶latte（$37）原本好想試佢嘅咖啡，但過咗兩點都係唔好飲咖啡，揀咗呢杯伯爵茶latte，未打開杯蓋都聞到伯爵茶嘅獨有香味，飲落反而覺得淡啲同比較甜。

有時趕時間又想Takeaway買啲飽肚食物，三文治🥪都係咁好選擇！今次撞正呢個情況，決定買佐敦嘅Oink Square Coffee & Crepe！🌟蛋沙律 // 芥末蟹柳肥嘟嘟三文治三文治內非常爆餡，有生菜🥬、紫椰菜、同番茄🍅，為三文治🥪帶嚟爽脆口感。至於主菜蛋沙津就非常Creamy，蛋黃份量頗多又夠順滑。芥末蟹柳幸好芥末味不算太濃郁刺鼻，蟹柳份量頗多。🌟法式焦糖燉蛋牛奶咖啡 // 柚子梳打起初有擔心法式焦糖燉蛋牛奶咖啡☕️會太甜，估唔到味道較淡，喺After Taste先飲到焦糖燉蛋嘅味道。至於柚子梳打🍋就係穩陣選擇必冇死，夏天消暑解渴一流。