Odelice! (PopCorn 1)

老友約我去位於將軍澳唐賢街9號popcorn l 1樓F23號舖的《Odelice》食龍蝦餐，環境舒適，坐得舒服。我哋點咗晚市2人套餐（2A+2B) $708🍴A. 小碟 :📍法式點心拼盤有煙三文魚、 炸辣蟹肉球、迷你蛋批、香草芝士撻、雅枝竹蘸醬，款式豐富又好味。📍香煎帶子（兩件）伴青豆薄荷蓉帶子煎得香口，青豆薄荷蓉好鮮味。🍴B. 主菜 :📍龍蝦馬菜魚鍋半邊龍蝦烤得好味，鱸魚煎得皮脆魚肉嫩滑，鮮蝦的蝦肉彈牙好味，青口 好新鮮又好食及薯角好香口。📍香煎三文魚配大蜆、燒茴香、海鮮汁燴飯三文魚皮脆肉嫩，大蜆肥美，燴飯十分好味。🍴餐飲：📍士多啤梨果蓉青瓜檸檬梳打水 Strawberry Cucumber Cooler $65果味香濃，清爽好飲。📍木瓜西瓜瑪麗瑪利寶椰子酒 Melon Crush $85酒味清香，至啱伴龍蝦餐。

今日晏就去左間西餐廳Odelice食😆頭盤揀左凱撒沙律、主菜揀左澳洲牛胸腹扒，飲品係凍檸茶。凱撒沙律新鮮爽脆，配上香濃芝士粉、煙肉粒、酸酸哋嘅筍同埋脆卜卜嘅麵包粒，醬汁份量啱啱好，唔會太膩。澳洲牛胸腹扒，叫左七成熟，肉質軟嫩多汁，牛味濃郁，配搭簡單嘅鹽同黑椒已經好出色，不過佢嘅特製香草醬與牛扒配搭都好夾，切開仲見到少少粉嫩，入口即溶。我朋友頭盤揀左炸辣蟹肉球，主菜揀左牛肉芝士煙肉漢堡，飲品係美式咖啡😋牛肉芝士煙肉漢堡好邪惡！牛肉厚身多汁，芝士溶化包住煙肉，咬落去層次豐富，每一啖都其味無窮，炸辣蟹肉球外層酥脆，內餡鮮甜帶微辣，蟹肉份量十足，食落好惹味。整體嚟講，呢間餐廳無論頭盤、主菜定飲品都好有水準，環境舒服，服務親切，絕對值得再嚟！😋

呢晚黎左呢間ODELICE 食晚餐, 呢度都幾多人, 好彩朋友有訂枱就即刻入得~ 我地叫左個set for 2, 分別揀左要一個apple tart 同埋一個法式點心拼盤, 另外main course方面就要左豬鞍同埋牛脊肉, 呢個set仲包餐湯同餐包~ 餐湯好香好creamy, 餐包就夠熱辣辣, 法式點心拼盤有唔同既野食, 我就最中意係炸蟹肉球! 夠哂夠香口~ 豬鞍熱辣辣, 好香豬味! 份量奐夠厚夠大塊! 牛脊肉都夠哂出色! 牛肉肉質好香好好味! 最後食埋apple tart 都 真係夠哂滿足!我地仲叫左兩杯mocktail 慢慢chill 住嘆!

估唔到將軍澳都有法國菜餐廳🔖裝潢係清新法國風情，座位舒服軟身，推薦佢哋既晚市套餐👍🏻🇫🇷$538 for 2 :2小碟+2主菜每個套餐都包有餐湯，今日係南瓜湯加入黑醋，味道夠特別，面包有咬口👍🏻🇫🇷頭盤：法式點心拼盤有齊幾款小食，最鍾意個炸辣蟹肉球，外脆內軟。煙三文魚就正常水準，鹹香適中。雅枝竹蘸醬幾特別，點心都係細細件唔會滯🇫🇷主菜：香煎三文魚三文魚帶有蔥油味，煎得皮脆肉嫩，火候控制得幾好，唔會嚡熠熠。另外大蜆肉飽滿冇沙，下面有燴飯吸收咗三文魚香味。整體配搭幾好，唔會太濃味🇫🇷主菜：龍蝦馬賽魚鍋半隻活龍蝦夠新鮮，肉質爽彈又有蝦膏。青口同大蝦都煮得啱啱好，盲鰽魚肉滑冇腥味，第一次食到咁滑既魚排😻🇫🇷甜品：法式蘋果撻呢個蘋果撻好好味😋 蘋果肉切片薄薄哋一層層地鋪上去，焗到軟身但仲有少少爽脆咬口。鋪咗層蘋果蓉，甜度啱啱好。唔會太膩🇫🇷神奇芒果清甜既芒果味，沙冰夠細滑，好似飲緊奶昔咁🇫🇷陽光燕麥昔有菠蘿、木瓜同燕麥奶，配搭一齊又滑又帶點酸甜，好清新

今晚嚟到popcorn嘅Odelice分店，有情調且食物唔錯，地點方便，唔怪之得平日都有咁多捧場客😌Bistrot Set 前菜揀咗法式煮青口 Mussel Classiques，肥美啖啖肉，有白酒香氣。法式點心拼盤 Canapés Platter 內有蟹肉球，煙三文魚，迷你蛋批，香草芝士撻，雅竹枝蘸醬，好豐富！最欣賞係蟹肉球，蟹肉滿滿，外脆內軟。主食香煎三文魚則以大蜆，燒茴香伴碟，再以海鮮汁燴飯墊底。而澳洲和牛牛瘠肉就以迷你甘筍、薯蓉伴碟。因為以鴨肝白蘭地酒汁醃製，法式味濃，口味獨特。另外追加兩杯飲品，Draft Monaco Lager 摩洛哥風情拉格同Matcha Apple Zest。無酒精果杯以抹茶、青蘋果、檸檬及蜜糖調製，值得一試。

叫左個五人餐， 諗住開開心心慶祝父親節一入門口仲話個半鐘要交枱 （點知上齊所有野都個半鐘）上菜速度勁慢 😡 接近每樣野都要催服務差 😠 食物質素差 😡- 煎三文魚腩 少腥 好似冇調味- 薯條 勁油 - 青口 幾隻唔開口- rib eye 都好一般- 海鮮飯 太濕但執枱速度就快😠😠😠全程好熱 好似冇冷氣咁 （明明間餐廳係shopping mall 入面）唔知500幾個like 點黎😡無下次 我食chef‘s stage, table , Owen 好過啦。

呢間餐廳好好feel，環境闊落，舒適，我地叫左個二人餐，牛肉他他，生牛肉味濃郁，加埋麵包食脆卜卜又惹味。法式點心拼盤：炸辣蟹肉球，香脆可口，煙三文魚好香煙燻味，香草芝士撻芝味creamy，迷你蛋批，雅枝竹醬食法特別。盲鰽魚配波士頓龍蝦：盲鰽魚香煎，外脆內嫩，波士頓龍蝦肉質彈牙，仲有薯仔同青口好豐富既海鮮餐。另外叫左一份黑豚帶骨豬鞍，黑豚肉厚身配薯蓉好creamy，豬肉肉質嫩滑。Odelice! - 將軍澳地址：將軍澳唐賢街9號PopCorn11樓F23號舖

呢一間位於將軍澳popcorn嘅法國菜網上見好有特色🌟，今日就決定嚟嘆翻個法式晚餐啦🥳Provençal Escargots法式田螺用蒜香牛油焗得幾入味😍，田螺肉質爽口唔會太韌。蒜蓉同香草嘅份量啱啱好😋，夾埋底下嘅薯蓉好夾，味道幾平衡😛Roasted Bone Marrow烤牛骨髓嘅油香幾突出🔥，入口creamy得嚟帶少少焦香。配嘅酸種麵包同醃洋蔥幾夾，可以中和返油膩感💯Roast Half Yellow Chicken烤黃油雞火候控制得唔錯😌，雞皮脆身，肉質保持到嫩滑。特別係雞髀位，juicy得嚟幾入味❤️，而且特別要讚一讚佢地嘅黑松露醬汁，夠曬濃郁同入味😜 Argentinian Angus Ribeye阿根廷肉眼扒嘅炭烤香氣幾吸引🤪，叫咗medium rare熟度啱啱好。肉味濃郁，脂肪分布幾均勻👅，點少少海鹽已經夠味。而且自家嘅薯條都做得好出色😝Frozen TropicoladaGrapefruit Bellini

成日去將軍澳 Odelice，品嚐了幾道法國海鮮美食，都係有驚喜！而家餐廳親子友善，對小朋友好親切！平日夜晚都坐滿座！Mussels Classiques300克的法式煮青口搭配白酒、牛油香草湯汁，味道鮮美，青口的鮮甜與湯汁的香濃完美融合，令人回味無窮。Lobster Bouillabaisse 龍蝦馬賽魚鍋半隻活龍蝦🦞與其他海鮮，黑青口、茴香酒燒大蝦和盲鰽魚，共同在海鮮番茄醬汁中煮成一鍋，湯頭濃郁，海鮮鮮嫩，還有一些薯粒，讓人感受到地中海的味道。Seafood Risotto這道海鮮燴飯融合了虎蝦、黑青口和蜆，配上濃郁的海鮮蕃茄醬汁，米飯煮得恰到好處，口感滑順，不錯。最後French Apple Tart完美的收尾，酥脆的外皮與甜美的蘋果餡搭配，配上冰凍嘅雲呢拿雪糕，令整餐充滿了法式風情。

今日帶囡囡出將軍澳學野，點知撞正地鐵訊號系統出問題， 停駛幾個鐘，場面混亂，所以順便一家八搵間餐廳食埋野先， 行過見到d 間裝修靚靚，座位又舒適，menu 望落都幾吸引.我地叫咗晚市二人套餐，已包頭盤， 餐湯，主菜，飲品和甜品.法式點心拼盤：有炸辣蟹肉球，煙三文魚，迷你蛋批和香草芝士撻， 每樣兩件，可以咩都試吓😋😋龍蝦煮賽魚鍋：足料， 龍蝦大大隻， 啖啖肉, 新鮮， 魚肉質鮮甜， 仲配有青口法式紅酒燉牛面肉： 牛面肉好入味好淋身，意粉彈牙， 煙煙韌韌有口感法式泡芙2 件：上面鋪有杏仁片和黑朱古力醬，中間𠕇雪糕，層次豐富

在將軍澳廣場睇完戲後，見到Odelice! 餐牌食物合心意，便進入開餐囉！當晚用餐感覺很滿意，餐廳環境寬闊坐得舒服，食物好味且價錢合理，很捧的一個晚上🌃！餐湯夠熱好creamy，包點入湯一齊食更加正。香煎帶子，蒸到金黃色，內鮮嫩爽嫩滑榴，配青豆薄荷蓉的醬汁好夾！烤牛骨髓，牛骨髓很香口，牛骨髓配包一齊食，亦會減少點油膩感！澳洲和牛牛脊肉，牛脊厚身牛味香濃，五成熟度的肉質幼嫩，好易咬開又有咀嚼感，點埋特製嘅醬汁，美味又滿足！西班牙海鮮鍋飯，有鮮味彈性的大蝦🍤3隻，鋪上青口&大蜆，同樣飽滿新鮮，鍋飯粒粒分明，份量2人食用剛剛好☺️。Strawberry Cucumber Cooler &Honey Ginger Punch, 2杯都清甜好飲，啱晒慢慢飲嘆住食，好讚丫。

Set for two $658Set dinner 包咗餐湯同餐包1.烤牛骨髓牛骨髓加埋啲香草醬一齊去烤，剔咗牛骨水嘅腥味，而且仲有啲酸酸甜甜中和草牛骨碎嘅油膩感，配上烤過嘅酸種麵包，用來做前菜配上烤嘅多士更加開胃。🌟評分：7.5/102. 香橙油封鴨腿油封鴨腿係法國料理一道經典傳統菜式，鴨髀焗到表皮香脆，但都保持到肉汁同油分，肉質唔乾，好有鴨香，配上甜甜的香橙醬汁，令味道更有層次；燒薯粒係連皮一齊燒，薯粒吸收咗油封鴨嘅精華同鴨油。🌟評分：8/103. 澳洲和牛牛脊肉牛脊肉非常之厚身，五成熟，雖然上到枱偏熟，但係都唔會話好硬，牛肉有肉汁，而且完全係半冇筋，同埋好香牛味，配埋出面好少見嘅鴨肝白蘭地醬汁更加惹味。🌟評分：7/104. 火焰橙酒可麗餅呢道係法國嘅經典甜品，侍應將干邑橙酒點火，然後淋係可麗餅到，入口充滿香醇既酒味。🌟評分：7/105. Watermelon Frappe $65好香濃西瓜味，西瓜味係由天然嘅西瓜汁製造而成，而且啲冰打到好碎，味道唔係好甜，飲到最後嘅時候會有啲檸檬嘅酸味，估唔到西瓜同檸檬都幾夾。🌟評分：7.5/106. Frozen Tropicolada $6

🇫🇷黎到odelice 食法國大餐 ⚜️每個dinner set 都好flexible 可以自由選擇份量同種類☺️⭐️先飲左個煙三文魚大蒜薯蓉湯💥🍜啲蒜蓉味幾濃 有啲薯仔令到口感好rich 🥔配埋個麵包 啱啱好🥖前菜我地揀咗香煎帶子 配青豆薄荷蓉 清清地 無草青味架💚帶子大大粒煎得幾靚 個邊仲要個邊脆脆地 配埋一齊幾好☺️☺️另一個前菜好豐富 法式點心拼盤 其實即係小食拼盤🍟有熱辣辣炸出黎既辣蟹肉球，食到一絲絲蟹肉 配埋啲醬料 幾惹味🧆仲有煙三文魚、迷你蛋批、香草芝士撻，充滿蛋白質，亦好精緻😌主食食左個 紅酒燉牛面頰意粉 有埋煙肉🥓牛面頰充滿著骨膠原，燉煮多個小時，肉質好鬆化軟腍🍝意粉每一口充斥住紅酒香氣同埋蔬菜既甜美💋另一碟係阿根廷安格斯肉眼牛扒🥩碟牛扒牛味濃郁，與一般北美牛肉、日本和牛爆油花好唔同，係每一啖都能感受大自然既肉味🥩仲有滑捋捋嘅薯

老友約食晚飯，想食西餐便預先book了這家坐得舒服，食物有質素嘅Odelice!。我哋這晚暢聚一番，愉快又relex😊。點了2份套餐，包埋是日餐湯配包，意磨菇忌廉湯夠熱度又creamy，配搭牛油麵包好正。前菜分別是香煎帶子配青豆薄荷蓉，帶子入口彈牙，配合醬汁味道很爽口 及 烤牛骨髓配香草醬、酸種麵包，牛骨髓柔軟幼滑，夾埋香脆麵包更美味。龍蝦馬賽魚鍋，食材有鮮甜龍蝦🦞半隻、肉質緊緻的盲曹魚、黑青口、爽彈的大蝦及薯仔🥔，龍蝦蕃茄醬汁味道好味。紅酒燉牛面頰意粉，牛面頰好少地方食有得食，於是就點了這款，食落很有驚喜，牛味重又嫩滑軟淋，意粉爽彈醬汁配合得宜。再加配2杯飲品🥂 ～Tequila Royale，飲落清新，酒味好香。

將軍澳 Popcorn 《Odelice》, 裝潢以籃綠色為主調。 加上，牆上優雅嘅掛畫，木框玻璃窗，枱上嘅燭光........凝造出滿滿法國情懷。呢度「二人晚餐」久吾久會轉換，今期嚟食左以下野食：✨️烤牛骨髓啫喱狀，入口容化，再配上香草醬和酸種麵包一起食，冇得輸。✨️龍蝦馬賽魚鍋魚肉白溜，龍蝦又富有魚味，又添一番味道。✨️澳洲和牛牛脊肉厚切嘅牛肉一大舊，肉質軟腍。下面有少許薯蓉很滑溜。✨️士多啤梨蛋糕加雪糕蛋糕軟綿綿，充滿士多啤梨味嘅雪糕無得彈。✨️Strawberry Cucumber Cooler在內包括有士多啤梨果茸，青瓜，檸檬，蘇打水。微甜清新，令人醒神。✨️Frozen Tropicolada 沙冰即菠蘿，香蕉及椰奶與沙冰混合，果香四溢，有少少飽肚感。