Ocio (東港城) (已結業)

行行下街買聖誕禮物見到東港城角落多左呢間全白為主既日系清新Cafe，朋友就想試下啦🥰🔸炭燒美國封門柳伴薯條🔸 $189封門柳叫左5成熟，牛味濃厚，份量有2大條，係超乎我想像既！就咁食唔配燒汁都好ok😍🔸香草刺身帶子海鮮墨魚汁意大利飯🔸 ＄138好耐無食過既墨魚汁意大利飯，飯上面煎帶子好食，除左飯上有啲海鮮外，飯裡面都有細細粒既魷魚粒👍見到menu 甜品都好似好吸引咁，下次再黎一定要try try!

又黎將軍澳區食飯，同朋友都係想揀café！！今日試下門面較簡潔同清新嘅Ocio～因為仲有下場就快手揀左兩個lunch set！😋 炭燒慢煮保濕豬鞍配薯條 $108食肉獸最愛！一切落去嘅時候肉汁已經迫不及待走出嚟。厚度啱啱好，啖啖肉好滿足。再配埋佢嘅燒汁，感覺有啲似韓式五花肉嘅鋸扒版！‼️好食指數 9/10‼️推介指數 9/10😋 雞肉嫩菠菜野菌意大利飯呢個意大利粉好特別！好似有中西合璧既感覺，因為除咗野菌佢仲有啲木耳，食落係爽口，口感好特別！‼️好食指數8/10‼️推介指數 8/10😋 水牛城雞鎚食 +$48擔心唔夠飽我哋都跟手嗌埋呢個小食，都幾好食！因為個汁好惹味，辣辣地好開胃！而且套餐加$48就有好多件～總括來講呢餐飯都係唔錯嘅，算係多款式揀，唔夠飽仲有好多跟餐小食可以加錢再叫～‼️好食指數 9/10‼️推介指數 9/10🍽 Ocio 將軍澳)📌將軍澳坑口重華路8號東港城2樓238號舖☎️ 3705 0395⏰ 星期一至日11:30-22:30

去東港城行街見到有個文青cafe 水牌，幾經波折，終於搵到呢間比較隱蔽 在商場角落嘅Cafe，從玻璃望到入面，係小清新文青嘅感覺，打卡一流！叫咗兩個晚餐，隨餐附送餐湯，是日餐湯係南瓜湯，味道好濃郁，仲有少少甘筍粒，食完即刻暖笠笠⛄️炸蝦冬陰功意大利飯 $138由於原隻蝦炸🦐，所以蝦ge size都比較大，可能因為西式cafe關係，唔算太正宗ge冬陰功，但有齊甜、酸、辣味，三隻味都好夾! 食落第一下甜甜酸酸😃，好開胃ge感覺，會即刻想食第二啖👅，不過食唔到辣ge朋友要留意，佢後ge辣🌶️🌶️都好強，接近中辣ge level!孜然羊鞍配茴香鮮茄手工意粉$168羊鞍絕對要讚👍🏻👍🏻，好冧，部位亦都好靚🐑，有小許肥肉，半肥瘦，切落去d肉粉紅色火喉控制得啱啱好，好嫩滑Juicy😋，至於手工意粉偏厚身，但茄醬🍅夠濃郁，完全可以掛到麵，絕對唔會淡茂茂！鍾意食甜甜嘅蕃茄朋友一定會好like!🥰最後值得一提飲品同食物份量好多，3個女仔兩個晚餐都會好夠食!小優惠提醒番大家😉

晚餐會隨餐附送餐湯&餐飲🥘 是日餐湯為南瓜湯🍝香草刺身帶子海鮮墨魚汁意大利飯 $138.00一上碟就見到大大粒羊脂白玉般既帶子䇄立係一遍墨魚汁當中 黑白分明 十分吸睛👍🏻 濃郁既墨汁味道支配住整道菜，驚喜位係内裡有豐富小海鮮，如：小魷魚，蝦，蜆仔。所以食落都幾乎每啖都有小海鮮配搭，使口感豐富👍🏻愈食愈creamy😋😋😋真係好香濃👍🏻 🍝牛油焗石斑柳配新薯香草忌廉汁 $158.00醬汁濃郁中帶一絲絲香草味🌿石斑柳雖過了火喉 燒得外皮偏硬 但仍保留到內裡肉質嫩滑👍🏻中層有羽衣甘藍同薯仔分隔，食一食羽衣甘藍再食薯仔🥔先食羽衣甘藍有清新口腔作用 再食焗薯更加能感受到焗薯滋味🥔半個薯仔焗得香口，再沾一沾醬汁🍴🫶🏻清哂話都無甘易🤪

Ocio幾年前喺旺角開咗2間分店，已經以窩夫甜點聞名，呢幾日偶爾經過坑口，見到menu的雪糕配雪山熱香餅就忍唔住想試😝 店內嘅環境舒適，座位寬闊，坐喺卡位係半開放式嘅設計，舒服得來唔會有壓迫感👍 小食拼盤集合左店舖內嘅幾款appetizer，春卷同炸蝦油分同香味都好balanced，仲有坤幾款醬料配搭，十分醒胃🤩🥳西冷意外地好食！肉質有彈性之餘，肉味香濃。咬落去口感比較幼滑，配埋mustard醬非常惹味😙最後的雪山熱香餅一試難忘🥞🥰 熱辣辣的抹茶熱香餅配搭雪糕，甜得嚟又唔會膩，再加埋紅豆蓉好有日式清新甜點風格。厚身嘅熱香餅食落好有口感。

港女每次黎呢個商場食完壽司🐺，都會俾Ocio 既甜品🍨吸引住～ 今次特登過黎試下！ 港女放工偏夜，所以唔洗排隊就入到。侍應們同環境都好nice 呢～二人Order 🍴DINNER SET x 1 :1) 餐湯 - 粟米濃湯2) 主菜 - 炭燒美國保濕豬鞍 3)餐飲 - 檸檬茶A La Cart 🍟4) 韓式炸雞Dessert 🍨5) 特濃朱古力雪山熱香餅🌽 粟米濃湯 🌽 手機落單後，好快上左餐湯啦～湯入面有滿滿既超甜粟，都唔錯嫁！🐽炭燒美國保濕豬鞍 🐖平時較少見會打正旗號話係「保濕」豬豬，食落又真係一啲都唔乾身、唔會柴，一啲都唔痴牙嫁！豬鞍稍作簡單調味，直接食已經幾滋味。點埋蘑菇醬同蘋果蓉都一樣咁好食！🐓韓式炸雞 🍗食得辣既港女 第一啖居然覺得有啲辣!辣醬黎講就偏港式，甜甜辣辣。炸粉比例唔算太厚，仲配埋薯條。兩人share分量好滿足呢！🍫特濃朱古力雪山熱香餅 🍮佢呢個熱香餅好高身，細心睇原來係兩塊疊上去。 佢有疏乎厘既高度，食落有少少蛋糕既質感。郁起上黎好有動感，高手！😍😍對面果位先生食到心滋滋咁笑，真係不得了。呢度既侍應好helpful，上菜時間亦管理得好好。 港女誠意推介大家過黎

呢間cafe有幾間分店 店鋪好大 餐廳裝修係日本文青風🎏比人一種好舒服既感覺 見到啲價錢都幾抵 晚市套餐都係around 100😳所以入去試下 (其實係比佢個甜品menu吸引 有超多唔同既甜品種類 包括窩夫🧇 疏乎里 tiramisu 刨冰🍧等等)- Set Dinner 德國咸豬手拌薯條 $198 🐷叫套餐會有餐湯跟埋，今日係南瓜湯🎃南瓜味唔重 反而有少少番茄既味道🍅唔係唔好飲 不過就真係冇咩南瓜味 質地係好傑身好綿密既，隻咸豬手一上檯嚇親 超大隻😳完全夠2個人食 雖然佢有骨 但係都有超多肉🤤肉質幾嫩滑 豬手皮略嫌炸得over左少少 有啲硬 仲配有大量薯條🍟 啖啖肉真係好滿足啊🥰- 朱古力布朗尼窩夫 $68 🧇呢度既甜品選擇都有好多 樣樣都好吸引🥹呢個窩夫性價比好高 $68係全份窩夫黎 有4大舊😍窩夫外脆內軟 食到濃濃朱古力味🍫仲有布朗尼 一次過可以享受到雙重滋味 不過如果朱古力醬可以多啲既話會更好🤣- 岩鹽荔枝椰果梳打 (跟餐加$15) 🍸真係飲到岩鹽鹹鹹地既味道 不過一啲都唔怪 仲反而冇咁膩添👍🏻荔枝味好夠 仲有好多椰果 成個飲品好fresh😚- 藍莓芝士蛋糕 (跟餐加$19)

早晚相當清涼空氣質素健康指數偏低大家要好好保重身體。今晚約左位住將軍澳嘅閨蜜話帶我去食甜甜，但向來知道我對甜品不太感興趣，但見佢極力推介就去試吓啦🫶🏻窩夫都好岀名🌬️不過食甜品之前都要食個正餐晚飯先好肚餓呀，長期肚餓🤤✏️炸蝦冬陰功海鮮燴飯嘩，呢個必須要大讚💯‼️唔好食問我攞返錢！估唔到普通一間甜品Cafe店正餐可以如此好味！好味嘅嘢唔需要華麗嘅外殼！淡淡濃郁嘅冬陰功味帶領成碟飯每一口都超級滿足入邊有菇菌配合得天衣無縫！個炸蝦🍤超級酥化香脆，兩大隻蝦絕對冇揸流攤💯‼️‼️朋友同我都搶食hahah✏️羊架蕃茄手作麵羊架用咗孜然粉，均勻地塗上醃料，就咁樣咬開肉質好Juicy好嫩滑, 在食一啖手作麵加車厘茄完美配合，口感豐富，不過個人喜好如果係意粉更加好🤤但味道都係無敵👍🏻👍🏻👍🏻✏️ 香蕉朱古力窩夫本來係主打甜品店甜品一定冇得輸！窩夫烘烤得宜，從做到外脆內軟嘅效果完全沒有死硬！配上超級濃郁嘅朱古力，再加上朱古力雪糕，食到有上癮嘅感覺，而且大家覺唔覺得香蕉同朱古力真係好絕配🫶🏻💯‼️今晚的晚餐真係食得超級開心，從來都唔會話主動去將軍澳嘅我一嚟到就有好嘢食，如果大家嚟到啲頭特別的要試！而且服務員態度超級好會主

起東港城2樓既隱蔽處發現新大陸，叫Ocio既餐廳。開頭以為係Cafe甜品店，因為佢成本Menu 都係打卡系甜品。門口有正餐推介，因為未食正餐，所以今次試下佢地既晚飯Set。晚餐Set 有餐湯，主菜，飲品，全部都大大份大大杯。唔夠仲可以加錢有其他小食甜品咁。 叫左一份All day breakfast，超級大份，食完真係飽足all day~~ 非常欣賞佢既芝士腸，一咬爆芝，漢堡都好juicy, 配埋酸酸咪咪既沙律，好開胃，所以先食到埋塊toast 同粗薯條。另外叫左個炸蝦冬陰公手工意粉，隻味都幾驚喜。竟然有種甜甜哋既味，先辣後甜。配埋自製手工意粉，愈食愈開胃。要讚下隻炸蝦係即叫即炸，食落好燙咀下。晚餐包既湯同飲品都大大杯大大碗，蘑菇湯好濃郁，啖啖菇肉。喜菇者必試～由於太飽關係，實在食唔落甜品，但呢間餐廳既甜品款式非常之多，見到餐牌都垂涎三尺，下次再來一定要專攻甜品。

平時很喜歡去Ocio 食下午茶~餐廳簡約白色木系裝修，放了綠色盆栽植物裝飾營造舒服休閒感覺~☁️宇治抹茶紅豆雪山熱香餅 $89以鑊仔形式上碟，賣相加分熱香餅熱食好鬆軟，好似棉花糖咁彈下彈下!!好厚嘅兩大件~旁邊嘅宇治抹茶紅豆醬要小心個鑊熱!!忍唔到口食差啲熱親 (°⌓°)原本以為會偏苦，但抹茶味苦澀味可以接受!!因為紅豆好甜!!可以蓋過綠茶偏苦嘅味道~而且紅豆好大粒!!雪糕雲呢拿味雪糕溶得好快 冷同熱嘅碰撞•̀ᴗ• ☁️奧斯提拉米蘇 $78一上枱有嚇親 因為份量超巨大!!有兩層浸到林晒嘅手指餅~酒味偏濃!芝士口感偏棉密，中和酒味~Tiramisu 頂有三塊朱古力餅，幾好食蛋糕整體不會很苦，甜甜的~雲呢拿味雪糕可以解膩

今日湊小朋友返學前唸住到附近商場食飯，見呢間西餐加窩夫甜品好似唔錯，就預約咗午餐時段嚟食。十二點準時到達，餐廳好好安排咗角落位，位置闊落，環境好靚，感覺好舒服。因為諗住食甜品，所以叫咗兩個午餐，北海道黑豚同蒜香意粉再加一個小食，韓式炸雞。味道唔錯，小朋友都好啱食。食完正餐已經好飽，但都要試下個甜品，叫咗個朱古力布朗尼窩夫加雪糕，即叫即整，窩夫熱辣辣配冰凍雪糕，口感超正，好好味。呢餐食得好滿足，價錢又唔貴，一定會再幫襯。

今次去將軍澳搵食終於唔係去海濱，而係殺入商場🏢 而喺坑口東港城二樓某一個轉角，有一間走簡約日系風嘅餐廳🌿 Menu:《前菜》1️⃣ Smoked Salmon & Avocado Salad $98因為order咗dinner set，所以只需要加$78 就可以食到呢一款每日限量只售12份嘅沙律，平咗足足$20 gaaaa！🥗 而呢款沙律材料都超豐富，有白肉、有蔬果😌 煙三文魚自帶鹹味，而蟹肉已拆殼，所以食個陣啖啖肉超方便～ 因為無加額外調味料，所以可以食到蟹肉嘅鮮甜🦀 而打爛咗嘅牛油果蓉就起到潤滑嘅作用，令沙律入口唔會過乾☺️ 《主菜》2️⃣ Charcoal Grilled Pork Rack With Fries ($168)呢款主菜真係令我喜出望外😍 第一次食到肉質如此鮮嫩嘅豬鞍!🐽 切開之後，更可以見到中心位置輕微呈粉紅色嘅美國豬肉😌 咁厚身嘅豬鞍經過炭燒之後仍然可以保持到如此保濕、嫩口，真係好考廚師嘅功架👨🏻‍🍳 超級推薦呢個奧斯晚餐🤎《甜品》3️⃣ Mochi Soufflé Pancake ($89)個甜品一放上枱就已經牢牢捉住咗我眼球🫣 因為用鑊仔坐熱住個甜品，所以即使食到最後一啖

✨清新開揚嘅大玻璃舖面, 餐廳內係木色系列嘅裝修, 感覺文青, 門口餐牌又吸引, 決定入去試下👯🍽️晚餐時段, 有8款晚餐精選, 每日限量20份🍴套餐包括, 餐湯及餐飲,或可加配小食💢小食選擇也有5款之多, 包括👇1️⃣精選蛋糕 $192️⃣水牛城單骨雞翼 $483️⃣奧斯芝士薯條 $484️⃣德國腸拼盤 $68（黑椒腸,香辣燒烤腸,蜜糖腸）5️⃣鵝肝多士伴黑醋焦糖蘋果 $78🥣是日餐湯：蘑菇忌廉湯🍄忌廉湯滑口菇味濃, 湯內仲有好多雜菇菌碎粒, 口感豐富😍🦞龍蝦汁雜海鮮燴飯 $138粒粒掛滿龍蝦汁嘅燴飯, 拌和墨魚仔、蜆肉、蝦肉粒, 烹調得宜, 飯粒軟硬度適中, 仲伴有幾粒迷你蕃茄仔, 口感唔會太黏膩😋💥奧斯牛肉漢堡扒全日早餐 $118勁足料嘅全日餐, 滑蛋,薯條,窩夫,漢堡扒,芝士腸,半熟蕃茄, ham & 新鮮沙律菜, 全部都係我嘅至愛,非常豐富, 分量十足, 真係兩個人都夠食😍💕重口味嘅牛肉漢堡扒及脆皮嘅芝士肉腸, 非常惹味😋🍰精選蛋糕 ：布朗尼芝士餅朱古力味濃郁嘅芝士餅, 極配嘅口味, 又唔會太甜👍🍴跟餐飲品：我哋揀咗消滯之選🍑蜜桃紅茶, 有果香飲落順喉🍵茉莉綠茶, 清香抹茶味濃

好少去東港城，今日做完嘢想搵間坐得舒服啲嘅地方醫下肚，搵到”Ocio”，白色木系再加上綠色嘅植物，簡潔清新舒服嘅感覺😎晚餐Menu都有All day Breakfast. 對於我呢個全日早餐控，一定要試吓🥰奧斯牛肉漢堡扒全日早餐 $118 包甘筍忌廉湯及洋甘菊茶（可以揀其他飲品）- 佢嘅全日早餐場面真係好墟冚😂有牛肉漢堡，滑蛋，香腸，蕃茄，茄汁豆，薯條，Parma Ham 配鮮菜沙律，重有waffle，咁嘅價錢仲有餐湯同飲品，真係冇得輸，佢個甘筍忌廉湯仲好香滑添👍🏻提子冧酒芝士蛋糕 +$19- 佢嘅甜品真係得，加$19試到佢嘅芝士蛋糕，真係超值，而且提子冧酒味道唔係度度有，佢嘅蛋糕真心有水準，好食👍🏻下次嚟真係好想試佢嘅熱香餅或者其他甜品

Joyful night with..🥞$108 冰火交融既蜜瓜雪山熱香餅睇圖畫見到呢個蜜瓜甜品覺得好吸引，所以就嗌左。蜜瓜上面有熱辣辣鬆軟嘅pancake、雲呢拿雪糕、星星粒粒、仲有好得意嘅蜜瓜啫喱，成個配搭都好特別 好有睇頭☺️ 食完熱香餅仲可以慢慢切埋啲蜜瓜食埋佢🍖 $198 德國鹹豬手伴薯條，呢個豬手係即刻焗，所以都等咗一陣；豬手嘅皮真係好脆，有少少鹹香味道，配埋蜜糖芥茉一流😋仲有好多薯條🍟食到最尾嘅時候你會見到個豬手切得好乾淨俐落，唔怪之得真係要等一陣時間！個廚房手勢真係好勁～配餐有埋餐湯同嘢飲☕️🍲 今日係一個蘑菇湯，二嘢飲我就帶咗一杯水果茶，好滿足呀～#食甜品有第二個胃 #食甜品最開心 #食甜品 #將軍澳美食 #hkfood #hkfoodblogger