Nun Desserts Cafe

營業中

休息中

今晚和妹妹到Nun 吃甜品，我們很開心因為是我們最愛吃甜品!真的很多選擇，因為我們都超愛芒果所以分別叫了鋒芒畢露黄金雪奶和鋒芒畢露芝士雪奶!鋒芒畢露黄金雪奶其實是芒果雪笆，芒果很甜很香，而且很有口感!我的鋒芒畢露芝士雪奶是皇牌，而還有香香的芝士粒，芒果很有果皇的風範，加上牛奶雪芭的香味又滑又正! 我真不忍一下子吃光光，所以慢慢地吃，真的很開心!下次我一定會和三歲的甜宝宝 my sweet Jacob 來這裏吃甜品了!

見到餐牌有好多唔同款式既甜品，諗左好耐就點左兩款:韓式棉花糖雪糕吐司一上枱，就俾佢既賣相吸引。微微焦黃既棉花糖完全溶化係吐司上面，放到口中綿綿甜絲絲既棉花糖同香甜脆口既吐司，令人一試便愛上。香滑芝士特級醉人草莓雪奶士多啤梨迷既我，當然要叫番有士多啤梨既甜品啦…亳不猶豫就叫左呢個啦…新鮮而又多汁既士多啤梨配埋香滑雪奶既味道，梗值就係絕配! 士多啤梨微酸既味道，中和左雪奶甜甜既味道，令人十分開胃而唔覺甜膩。而且每層雪奶都放左一層既士多啤梨，令我十分有驚喜。而且雪奶到底層都仍然保持奶味同甜味，再加埋煉奶，真係值得一試。

到旺角和毛毛講拜拜，之前先到韓式甜品小食店 >>>Nun<<< 吃個early dinner。店舖地址寫的是通菜街，但門口開在花園街，故別花時間在通菜街流連。裝修設計與其尖沙咀分店如出一徹，風格統一，電視也是播著各式KPop。天氣仍是寒冷，冰先點一杯韓國蜜糖生薑茶暖身。食物方面，冰選了韓式芝士焗蟹柳吐司。落單時，侍應已告知這道小食等候時間為三十分鐘。這倒引起冰的好奇心，很想一試花半小時會等到甚麼，於是決定耐心等候。飲品溫度不算太高，生薑辣度卻是一流。甜度恰到好處的清甜，令薑茶較易入口。等了大約25分鐘，侍應送來食物了！先吃不用慢慢切的焗薯格，其優點是香脆得來幾乎完全無油，可是相當乾身，缺了啖啖薯蓉的口感。厚身吐司內抹有蒜蓉醬，粒粒蒜蓉不單加強香氣，亦營造豐富口感。芝士份量十足，不是薄餅會溶掉拉出絲狀的一類，經過烘焗後仍保持條狀，豐厚口感加上淡淡芝士香，十分吸引。蟹柳被切得非常幼細，況且蟹柳本身不帶味道，口感和氣味均徹底被上述兩款配料遮蓋，消失得無影無蹤。這25分鐘，等過一次，滿足了好奇心，期待天氣回暖之後，可以一嚐雪奶滋味。

朋友有心事，當然要開解下~帶佢吃甜是一個幾好嘅選擇~今次既然係嘅係oppa，咁就緊係搵間oppa店去化解傷心黎到mk，韓冰嘅種類多不勝數，上次食過呢個5錯，決定再訪！俾朋友發板，叫咗個抹茶雪糕牛奶冰，一到埗~~賣相好吸引可口，加埋隔離杯鍊奶，好邪惡！滿滿而白白的牛奶冰上鋪上一層抹茶粉，旁邊灑上好多杏仁片~中間放置一大球抹茶雪糕及淋上巧克力醬，再插了一粒原粒杏仁！令人唾涎三尺一匙'北'下去，香濃牛奶溶在口中，證明刨得好碎，加埋杏仁片令口感多一重享受，脆口！反而雪糕都幾好，本人就覺得個朱古力醬係蓋上些少冰嘅味道另外，見到新menu有熱食，叫左個年糕試下~點知...呢個幾失望，年糕5入味，得個辣字，感覺似叮出黎，無乜誠意，細份，有少量魚糕小片同蔥花，但賣相5吸引~食不下去...

與friend 在旺角掃街後，經過通菜街，被櫥窗內的甜品吸引，便入去幫趁。是日推介新產品「韓式特級香濃Tisamisu邪惡雪奶」，雖然唔知點解邪惡，可能是食甜品會肥啩，但既然入得來，唔好理咁多，食咗先算。賣相都幾吸引，用Tisamisu粉及朱古力碎鋪在雪奶上面，再在上面加上Tisamisu蛋糕、忌廉及朱古力棒。其實雪奶的口感像台灣的刨冰，入口即溶，不像沙冰那樣，凍到口都震。雪奶本身是沒有味道的，我們可以把煉奶加入雪奶中，拌勻來吃，，甜度就可以自由調校，吃起來有Tisamisu的香濃味，又有煉奶的甜香，絕配！我們還叫了一個韓式芒果意大利粉雪糕，將牛奶雪糕製成意大利粉的形態，在旁邊加上雪凍的芒果粒，吃起來充滿牛奶的香甜，雪糕的軟滑、芒果的新鮮，視覺和味覺都感到滿足。餐廳不停播着韓國歌星的歌曲，聽覺的享受也照顧周到。

呢間成日經過都見到爆晒掤，今晚8點去到啱啱有位！勁好彩～ 之前見到出面個櫥窗見到d甜品已經好似好多款，好吸引咁，一睇見個menu 就更加難揀。  最後都係不忘初衷，試下佢個窩夫先！揀左呢個焦糖香蕉窩夫，嚟到先發現原來中間仲有綠茶雪糕～ 份量都幾大份～ 一整條香蕉分兩邊，上面舖左d焦糖焗香～有四塊窩夫～我最愛的朱古力醬都有唔少～因為有四塊，所以每一啖我都用左唔同既方法食～有：淨食窩夫／ 點cream食／點綠茶雪糕食／點晒cream＋雪糕，甚至夾唔夾塊香蕉落去一齊食都試過  最後既結論係點晒cream＋雪糕係最好味的 味道黎講係好味的～不過我食頭兩塊窩夫時 就發覺佢好似唔係落左咁多料去整，因為一咬落去冇乜“肉“咁 不過之後兩塊都正常番！可能咁啱有兩塊冇咁多料吧。至於服務。。。。我真係覺得唔太好。我同朋友被安排坐4人枱，我朋友甜品到先而且已經食緊，等到我個窩夫黎到 其實好明顯係我點㗎啦，侍應都可以將成碟窩夫求其放o係我地隔離痴住o個張枱，都唔放o係我面前。問題是 我當時已經ready好個枱面等佢放落黎。。。我那刻真係o咀。不過見碟窩夫賣相幾靚 就唔好影響自己心情了。 

2016/01/15初次黎到呢間韓式甜品店夜晚11點幾黎到見到入面店舖依然都多人食緊幸好唔駛等咁耐 20分鐘就有位坐本身個樓面就安排左個位比我同朋友坐但坐底之後5分鐘就因為有枱10位而要求我地轉枱 安排比較近出餐位既枱個個位比較窄 想放底野無位放 不過都算唔諗 嗌野食我就叫左宇治金時紅豆雪奶本身我係抹茶控 所以非常鐘意食入面有牛奶冰 紅豆 抹茶gream 同雪糕另外配煉奶 我自己認為都幾好味之但係面頭啲抹茶粉其實可以唔駛咁多另外叫左韓式年糕同炸雞腿我自己就覺得韓式年糕唔係我想像之中咁好食 炸雞腿都可以接受環境比較窄 如果再去會考慮到其他分店

很多人也會說吃甜的會讓心情愉快起來 (≧▽≦) 特別對女生來說更是鐵一般的事實 (?)所以這天就和工作壓力很大的朋友來吃甜品，而且是吃韓式的喔！！單看門面的餐牌已經覺得很吸引~裝修很簡單~而且是以白色為主，感覺很簡潔的一家店子牆上則有韓式甜品的照片 (´∀') 發現客人差不多都是女性來~而且有不少學生！因為我們是甜品當晚餐，所以選了飽肚款和點了三樣。韓式焦糖芝士雪糕窩夫 ($62)窩夫很香脆~另外配忌廉加杏仁片。不過忌廉不知加了什麼~超硬身，不會倒下的還有切了粒狀的芝士蛋糕~再加雪糕和焦糖一起來吃很夾芝士蛋糕也算香濃~如果自己一個人吃可能會覺得有點膩 (´д')韓式朱古力奶油雪糕吐司 ($48)厚身的吐司~外脆內軟。朱古力醬也下得頗重手的~配上雪糕，一冷一熱的口感讓人喜愛雖然是簡單的一款~但也做出水準之作宇治金時紅豆雪奶 ($68) 既然是韓式甜品的吧~這款一定要試！不過店員如果在我們吃完窩夫和吐司才上桌會較好 .__.為配合聖誕~有聖誕帽子的朱古力在雪糕上~很可愛的感覺啊抹茶的味道也頗濃但不會苦~中層的紅豆不會太甜~剛剛好！另外我們這個是普通份量沒想到這樣也吃得超飽超滿足其實還有不少

韓式食肆開到四圍都係, 連帶韓式甜品鋪都開左好多, 行完旺角攰攰地就搵個地方抖抖, 見呢間門口既display甜品好吸引, 就入去試下.入到去以白色為主, 感覺乾淨光猛, 仲一路播住KPOP, 感覺唔錯.睇左menu, 除左冰之外, 仲有好多其他窩夫, 吐司類."Meiji香濃朱古力雪奶"$68, 面層好大堆朱古力粉鋪住, 一啖入口好濃既朱古力味, 雪夠凍, 食咁耐都無咩點溶, 朱古力既甜配搭雪冰就剛剛好, 面頭仲有cream, 朱古力等等."朱古力奶油雪糕吐司"$48, 吐司熱辣辣, 表面有D脆, 但入面好軟熟, 配以朱古力醬甜甜地, 好香好濃, 雪糕唔會太甜, 可以中和一下朱古力既甜膩感."雙球雪糕幻彩窩夫"$62, 賣相好靚, 窩夫熱辣辣. 入面都係好軟熟, 唔會硬實實, 撈埋雪糕食, 又凍又熱感覺豐富.

     下午茶時間到甜品店食嘢，旺角分店中裝潢簡單簇新，坐位頗舒適。店內當眼位置有一部LCD平面電視，不停播放韓國組合的MTV。最吸引的就是外貌誘人的甜品，雪奶是必食之外，今次試吓其它----韓式芒果意大利雪糕和Oreo雪糕窩夫。       韓式芒果意大利雪糕故名思意即把雪糕做到好像意大利粉一樣，製成品都幾得意。雪糕是雲呢拿味，配上甜甜的大粒芒果粒，美味的東西都是很快食完，值得回味。Oreo雪糕窩夫夠份量，與朋友一起吃都夠分。窩夫是新鮮焗製，即叫即做，需時10至15分鐘。窩夫熱辣辣，伴着凍冰冰的雪糕，十分特別，美中不足的唯有Oreo脆餅太甜，所以剩了幾塊。

如前人所說, 服務態度極差的旺角分店.  因為有一張買一送一的小卷而跟友人內進幫親.進入後, 沒有服務生 service客人, 見到幾個 服務生埋在店內一角傾計.好辛苦才叫到人來下單.  查問之下, 原來小卷的買一送一是要滿一百元才能使用. 實在有欺騙顧客之嫌!老實說, 真的有點不想落單的感覺. 但既然坐到來, 唯有下單.叫了一個$50完麻糬奶冰.  等了足足20分鐘有多. 眼見隔離枱遲來的人都早已到了.那個 韓式麻糬奶冰 雖美味可口, 不過只吃的話略嫌口乾, 配飲品的話會更好.  總結,  不會再幫親的小店

韓式原味甜蜜蜜麻糬雪奶 $50Korean Injeolmi Sherbet7.5/10超愛韓式雪花冰!! 返到HK即刻食! 😆原味一向系我既最愛, 簡單而好吃。呢間雪花冰溶既速度慢👍, 但奶味不及韓冰濃郁, 偏淡, 質感亦不及韓冰幼細, 然而配上煙韌mochi, 香脆杏仁同超香黃豆粉, 都不錯! 😋

我對NUN 這間甜品店特別有深刻印象，主打曾經是馬卡龍的雪糕夾心，上月也再次親臨此甜品店，感覺實在太難忘，不能不補寫食評。NUN 賣的是韓式甜品，我看了餐牌，隨意點選綠茶雪奶, 正當我與友人正在期待雪奶是什麼東東，一名店員要求我們調座位，就轉到一個接近廚房的位置，那個位置很清晰看到店員在廚房制作甜品流程，首先看到枱上有一支藍x啤酒，有幾個店員是紅著臉，嬉皮笑臉，沒帶手套，一邊制作甜品，一邊喝酒，然後我們也無法想像我們的甜品會變成怎樣？沒有帶手套，很不衛生，我們的甜品到了，雪奶, 這就是雪奶,簡單而言，就是把綿花冰打碎至粉狀，再加入煉奶，吃了三分一，不想再吃，很失望。 之後向店員拿水，誠實的店員跟我們說：我們水杯不夠，所以不能提供水給你。過了一會兒，有兩個客人結帳，我看著她收走這兩個客人的杯子，隨意洗便裝水就給我們，水杯邊還有印，很不乾淨，水也沒喝，我們就結帳走了。 我也明白餐廳裡工作多數是污糟的，但眼不見為乾淨，有時不給人看到，反而少麻煩。

近排上網見到Nun做團購…我就急不及待買左兩張同老公一齊去試下啦…張coupon指定要星期一至五 7：00前先可以使用, 我地唯有收工之後急急腳趕去食啦～起初以為好多嘢食揀…點知大部分都係甜品，熱食都係得兩款湯麵同一d 炸雞, 感覺有d失望。最後我地只係叫左個Meiji Chocolate Sherbet, 份量都吾細兩個人食都ok。 雪奶有一點點奶味，吾係太濃, 食到中間都有d朱古力同餅碎，食落去都吾會太寡。可惜味道ok 驚喜不大，不過都值得一試～

與好姊妹不約而同講起呢間甜品店，擇日不同撞日，一於一齊去試下。由於已經食左lunch既關係，所以兩個人share左一個韓式焦糖奶油雪糕吐司。韓式甜品雖然越黎越普遍，不過定價都略高，呢個多士包括一塊厚多士，上面加一大pat cream，再加一球雪糕，咁就$48。不過好彩賣相都唔錯，一拎到黎聞到好香呀，食落每件都好脆，同埋有焦糖醬，加埋cream食好邪惡，不過好味 雪糕係乳酪味，本身我麻麻地鐘意，所以覺得轉返vanilla味會好d~兩個人share當tea都夠食, ok啦!