Nun Desserts Cafe

營業中

休息中

今次試下韓式甜品雪奶😋Purple sweet potato紫薯雪米磁雪奶😍 $68有兩粒紫薯雪米磁 仲有一堆紫薯蓉鋪面😋😋配上忌廉好creamy 哦😀亦可以用淋上練奶增加甜味一碗大到兩個人食都食唔哂😎

落單時要睇清楚條款，圖片只供參考。一經落單，不能取消或更改，根據店員所講唔會有「取消」制，服務態度差！甜品及食品也一般般吧，但對比起店員的態度略為高分！感謝店員教導「出黎食飯，梗係要睇條款！」一一一一 （劣評）

當日叫左個士多啤梨窩夫食點知個窩夫有陣燶味仲要成舊脆ge於是叫左人換點知下一碟仲衰係生ge（入面d漿仲係軟林林）由於根本食唔落口我再叫人換多次店員：「小姐頭先你話脆依加你話生？！」店員：「窩夫係會有少少脆。」我：「頭先戈碟唔係脆呀！係燶呀!」我真係嬲左！！事實真係第一次燶第二次生wo大佬唔係我屈你地wo無人會想比62蚊去食燶野同生野law!就算係街邊買個夾餅，最基本都要熟先食得到la以後都唔會再去呢間食同埋都會叫所有朋友唔好去試同埋都希望大家睇完圖之後諗清楚去唔去試

如樓盤廣告一樣。店鋪電視播放的韓國甜品屋十分吸引，餐牌甜品賣相十分好，令人絕對有非食不可的意慾，於是要了一個綠寶石香甜蜜瓜雪奶。點知原來電視畫面及餐牌相片是樓盤廣告幻想圖。最後來了一個螢光粉雪奶。

lee間甜品店其實已經行過好n多次今日出街落狗屎般的大雨約朋友食飯時間又未到所以入黎試下加hea下時間睇左下餐牌嘩，樣樣野都好吸引但係，但係，樣樣都好大份同埋一睇就知卡路里高一個人食實在搞吾掂。。所以揀左個冇咁罪惡感重的麻糬牛奶雪芭好中意佢個麻糬，好煙韌，好好咬～雪芭牛奶味好重但食到後面就冇乜味要加煉乳落去食煉乳份量亦剛剛好不會太多做成浪費希望佢會出d份量少d,一個人食都ok gei甜品啦～

個晚食完飯同fd去格黎左右既枱都有餐具 唯獨我地張枱無 用手食? 最終要自己羅我地企係出面等位既時候 吾清楚個餐牌既野想問下 所以就叫個staff 點知佢講左句 吾好意思我吾識唇語 what????咩服務態度不過d食物係吾差既 都幾好食 個芝士加落去d冰度幾好食 同埋個棉花糖toast 都吾錯 幾甜下 仲有個雪糕夾埋食仲好味 但希望吾係咁差既服務lor如果態度好d其實整體都滿意 好希望服務態度方面可以改善一下 期待下一次去食有更好既服務

食左幾次今次終於寫返個食評啦炸芝士波-外面好脆皮好簿，跟住係一層魚旦物體小小彈牙但無味,中間就係主角芝士,小食唻講其實都ok唔會太飽,又醫到口痕綠寶石雪花冰-雲尼嗱雪糕無特別面放左好微甜嘅蜜瓜粉,蜜瓜切得好大舊都算甜,雪花冰係牛奶底叫左小甜都可以咖啡雪花冰-都係雲尼嗱雪糕但灑左咖啡粉,味道好酸好苦,中間層紅豆唔太甜但夠大粒及杰身,咖啡粉味道蓋過晒冰底味杏仁味都食唔到,可以用難食易容總結我會繼續幫襯及試味,現在只試左6款仲有排試

韓式甜品已經瘋魔左香港好耐啦，但係我覺得實在太貴，所以唔會去食。不過今次朋友話請我去食，咁我就決定同佢share一個甜品。我朋友好鍾意食奧利奧，最咩我哋叫咗一個奧利奧雪糕嘅窩夫。價錢都唔平架，要成六七十， 上到嚟其實個賣相都幾唔錯，但係一食個窩夫就覺得佢好似發水麵包，即係林左嘅麵包，唔夠脆亦都唔夠甜，有啲差嘅感覺。上面有唔少忌廉，同埋有唔少奧利奧餅乾，整體來講都幾豐富，但係個窩夫實在整得太差，係全個甜品嘅敗筆。個曲奇雪糕都算係咁，幾有曲奇味，可以中和返發水麵包嘅感覺嘅，不過下次我唔會再食囉！

之前K先生帶我去㕵角食過綠茶雪奶之後，真係成日心思思想去食。今次行開旺角，我地又去食甜品當晚餐。今次我地除了點咗必食嘅綠茶紅豆雪奶，還點咗士多啤梨窩夫試下。首先講下個綠茶紅豆雪奶、香濃綠茶味雪糕，配上香甜紅豆，一啖一啖雪奶配埋煉奶一齊食，味道同第一次食一樣，真係食到停吾到口呢。炎炎夏日，食透心涼嘅雪奶，感覺好幸福。至於士多啤梨窩夫味道一般，不夠香胞，淋淋地，但士多啤梨雪糕不錯。下次去旺角，同K先生要再去食下個綠🍵雪奶呢！

食完飯又想食甜品，朋友話想食冰，我記得先達附近有間都開左吾少時間就話不如去這間食啦，去到大約半滿人吾洗等位就有得坐，入面播住都係韓國mv，今次我地叫左2個甜品share 黎食，最後結帳係$130,講真吾叫十分好味，所以應該食完這次吾會再黎啦。抺茶紅豆奶冰..抹茶雪糕堅甜又冇抹茶味，紅豆吾錯夠大粒吾甜，冰打得好好好碎食落超冰涼，加上煉奶一齊食冰更好，冰表面上的顏色係冇味，最後我地只吃了紅豆奶冰，雪糕食左一半就冇食了。芒果窩夫等左15分鐘就到，滿心期待熱呼呼的窩夫，黎到好大件但勁失望，醬汁甜都爆，窩夫吾好講脆口，係直情淋身都吾想食，只有上面芒果肉好味，夠大粒又夠香甜。仲要比$140都冇找錢得張收據，同佢講係完全冇吾好意思，就咁比返張$10我。

賣相真心還可以。但味道超差。綿花糖吐司無味。雪花未放奶都已經過甜。最離譜系芝士波。雪味濃。一食就知系炸定翻熱。皮五脆口之外仲要系硬又痴牙。三樣野夾埋一百五十二蚊。食串魚蛋都無甘嬲

平時經過Italian tomato都很吸引，所以就母親節與爸爸媽媽去食。排隊時看看餐牌，見到不貴，$45-54左右一碟意粉或飯，意欲大增。安排了卡位給我們，於是就點了一碗螺絲粉和焗飯，及小食拼盤。首先，出場的螺絲粉，真的被它的份量嚇壞。 外觀不錯，但分量簡直少得可憐，還要$58。味道很淡，蕃茄不是很鮮。小食拼盤不過不失，雞翼太多粉，把粉除掉，雞翼變得很小隻。焗飯很不錯。雖然全部飯、意粉、薄餅都是單點，我們加了$29，附送蛋糕和飲品。蛋糕還是任點，味道都不錯，不過在櫃檯看是吸引，單件就比較細件。總括，味道都不錯，但份量真的很少。

今日我又和木先生去左一間我地好鍾意去的餐廳食嘢。呢度我地都去左幾次，每一次都回味無窮。我地今次又叫左我地最鍾意的綠茶雪奶，呢個雪奶真係好好食。佢的特色就係會比一小瓶練奶比你落落去d雪糕度食，食落好有味道。而且雪糕配上有紅豆，nuts同綠茶味, 食起上來好有口感，食完一定會鍾意的。我和木先生除左食雪糕外，仲叫左其它小食食，同熱食同窩夫，味道一般般。佢仲有食完之後，如果係Facebook like佢，仲有優惠卷比返你，下次幫襯又有優惠，性價比ok。雖然送嘅雪糕味道麻麻地，但好過無呢下次等我有時間，我又再同木先生一齊去食過

成日行街都會見到呢間韓式甜品店都知韓國甜品原本都好受歡迎, 但就未試過食完晚餐就黎呢到試下好出名既"韓式綠寶石香甜密瓜雪奶"其實好多雪奶個賣相都好吸引, 不過呢個韓式綠寶石香甜密瓜雪奶係餐牌到係No.1落左Order之後, 唔洗等好耐就到左, 個份量都好大份下, 兩個人share會岩岩好上層啲密瓜好甜, 芒果雪糕好似有果肉, 都OK底層綿花冰配埋煉奶同密瓜, 好味得黎又唔會太甜除左雪奶之外, 餐牌入面仲有好多款甜品, 小食, 飲品, 有機會會想再試埋

炎炎夏日，忽然想同另一半食雪糕甜品做下午茶，搵左一輪，見到呢間餐牌上的圖片好吸引，就決定試下依間……一去到門口已經有四、五個女仔排緊隊等入座，我地邊排邊睇下餐牌，等左5分鐘左右就有位喇～～好快就有目標：朱古力奶油雪糕吐司 $48～厚厚的吐司外脆內軟，配上濃濃的朱古力漿，一食已經好幸福～雪糕球係我地至愛嘅朱古力曲奇味～奶油一D都唔漏，加埋吐司一齊食，好味芒果軟雪糕$52～芒果好甜，一D都唔酸～軟雪糕牛奶味好濃～味道好清新，好味整體黎講，味道唔錯的。雖然冇加一，但略嫌侍應們的招待比較冷淡，可能得兩個比較忙吧