NON KITCHEN

營業中

休息中

買左新相機 當然唔可以錯過試機既機會,食飯就可以試到呢度環境極暗,西餐係試機好地方,試高ISO,大光圈1.8EOSRP 輕左方便左,真心爽呢度主打西餐,晚上有2人餐或單點升級套餐有PIZZA或意粉或牛扒等選擇,晚市都勁多人,打風之前食餐好自選主食再加$108就可配餐,有飲品,前菜沙律,甜品,湯,超抵食西餐黎講平均可以$300左右一位呢度食物水準都出色只係服務真係唔夠好,做好D,應該係米芝蓮水準加油!不是負評是讚賞同期望先上沙律,夠清新,再上辣椒麵包加脆餅條,麵包有烘香再上番茄濃湯,帶點微辣飲落突然香同味道突出食完前菜再換碟食主菜西班牙海鮮飯,青口帶子加大蝦魷魚,隻青口崩左,呢D就係細節位,做好D好睇好多,個飯真心好食,唔油膩仲食到每款海鮮既味道飯身帶點水份,但唔會太濕身,食材味道入曬米粒度,好食另外一款係肉腸片PIZZA 脆批底加芝士加番茄醬,焗得脆之餘味道唔會太濃郁,話係主食不如話似小食,唔錯每人消費$280#觀塘美食 #nonkitchenhk #nonkitchen 

今日同朋友喺觀塘附近上完興趣班朋友推介附近有間想試好耐嘅半自助西餐廳 一於試試佢呢間餐廳係喺工廈嘅一樓 地點唔算難搵 餐廳佔地非常大空間感十足 枱與枱之間有好大嘅距離 同朋友傾偈一流Lunch set 係包任食沙律吧 餐包同湯個沙律吧好多選擇 淨係菜都有5款餐包除左餐包外 有牛角包🥐大大加分餐湯係南瓜湯我哋三個人叫咗三個set菠菜芝士意大利雲吞黑松露忌廉汁 $118唔係有好多餐廳會有意大利雲吞食雲吞個皮唔會太厚 個黑松露汁濃稠度剛剛好 炭燒紐西蘭西冷牛扒 $178 我哋叫咗五成熟 個網紋燒得好工整火候亦控制得好 嗰邊啱啱好燒到脆脆地 切開仲有少少肉汁流出黎 加咗個薯條 $18 剛出爐非常香脆 份量仲要好多😍燒美國春雞 $138有半邊雞 雞髀肉好滑嫰 大大啖肉 伴黑椒汁伴碟有忌廉牛油薯蓉 係好有心機將啲薯蓉再加細細粒翠玉瓜粒 食落好有口感 薯蓉加咗忌廉好順滑☺️最後 叫埋個Tiramisu （+$48）作結 Cream cheese口感細膩飽滿個面仲有生果粒 生色不少

觀塘出名多工廠大廈 入邊都有唔少好嘢食 喺鴻圖道呢一間食西餐 都幾唔錯 工廠大廈一般都比出邊坐得比較闊落 其實入邊環境一啲都唔差 坐得好舒服 叫咗個lunch set出邊係Semi buffet 餐湯餐包同埋沙律都可以出邊任食🐟香煎𩶘魚柳 條魚煎得啱啱好 肉質嫩滑 配埋薯菜西芹蘿蔔加蒜蓉炒埋好好食🍫心太軟 即叫即焗 配埋雪糕 perfect match 無投訴 非常之好食總括而然 呢一間性價比相當高 而且坐得舒服 一定有下次 good experience

今次依座工廠大廈靠近牛頭角地鐵站~平日返工呢條街人來人往，入夜之後成條街就變得夜闌人靜由於係openrice見到有好多好評，決定同朋友試一試😊餐廳位於大廈一樓，行一層樓梯就到。地方都幾舒適，座位與座位之間都唔逼夾。晚餐有2人餐同4人餐可供選擇，仲可以加錢升級食物質素😊今次我哋一行三人叫咗二人餐同散叫食物🥗頭盤有沙律同餐湯麵包都係正正常常🍕主菜今次揀咗煙三文魚pizza薄餅底比較薄身，如果厚返少少會更好，不過都好脆👍🏻🍝另外散叫咗一個鮮蝦意粉，意粉不會太硬或者太淋，鮮蝦肉質都較爽口。🥩西冷牛扒份量都OK, 揀左medium，咬落去有牛肉味道，口感幾好唔會感覺好似食柴咁👍🏻🫕另外仲叫咗白酒忌廉青口，坦白講對呢樣菜色有少少失望，始終覺得藍青口真係好食好多，個汁亦都唔夠白酒味道。不過一分錢一分貨，$88一碟真係唔應該抱有太大期望。🍮甜品叫咗心太軟，朋友一致讚好，連我唔食朱古力都覺得味道唔錯😋整體來講，成間餐廳質素都唔錯，如果喺觀塘想食西餐，依間都值得一試😎

👩🏻以前成日嚟Non Kitchen食飯，冇嚟年幾發現一樣咁好味🤤。✨黑松露野菌薄餅 $118餅底薄身香脆。食到芝士鹹香，但黑松露味道道冇咁明顯，有啲黑醋味又幾開胃😆。菇菌爽脆多汁，香氣濃郁。冇平時pizza嘅油膩感，兩個人share一個都食得晒。✨西班牙海鮮飯 $168海鮮飯質地濕潤，飯粒偏軟身。海鮮彈牙鮮味，質素唔錯。不過用返paella會開心啲🤣。+$108 Caesar salad, daily soup, dessert, tea/coffee佢哋嘅甜品係雪糕泡芙，口感鬆脆，香甜好味。以跟餐甜品嚟講超晒班。

覓食之旅嚟到觀塘嘅工廠大廈🏭，行上工廈一樓，會發現入面別有洞天，隱藏住一間空間感十足嘅工業風西餐廳🍽，播放住低沉Jazz Music，適合二人世界撐枱腳~餐廳按流程逐道上菜，讓食客好好享受每一道餐點，店員收碟上菜都好有效率💪🏻。雖然地點比較隱蔽，但將成本轉嫁喺更好嘅食物質素，見到平日晚市都多人😙，就知餐廳有幾受歡迎————————————————👅Dinner Set for 2（$598）🔸前菜🔸👍🏻凱撒沙律：芝士粉、煙肉乾同麵包粒係沙律鐵三角，調味充足🥗，有喚醒味蕾嘅作用👍🏻是日餐湯：食咗沙律會上餐湯 - 椰菜花忌廉湯，忌廉好似雲朵飄浮喺湯表面☁️，味道柔和融合。仲有超讚嘅紅莓餐包同香草餅乾條，配黑松露牛油🧈🔸意粉/薄餅🔸👍🏻 煙三文魚薄餅：有肉當然試埋海鮮🐟，三文魚份量頗多，火箭菜同蜜糖芥末醬都係唔錯嘅配角🔸主菜🔸👍🏻炭燒美國安格斯西冷牛扒（10oz)：西冷牛扒五成熟配以紅酒汁，有一定厚度先品嘗到牛扒真味，炭烤坑紋好靚🔥，煎烤嘅香味撲鼻，另一亮點係伴菜嘅綿密烤薯🔸甜品🔸👉🏻意大利雪糕泡芙：泡芙外殼包住朱古力雪糕，加埋忌廉好Sweet👍🏻朱古力心太軟：朱古力超爆漿，加埋雲呢拿雪糕一冷

今日喺觀塘工業區搵到一間隱世西餐廳，門口都幾隱蔽，係工廠大廈旁邊樓梯上去，推開門後別有洞天，環境好有氣氛好有格調，梳化位好舒服👍🏻Caesar Salad 凱撒沙律🥗沙律菜好新鮮，加咗芝士粉，煙燻巴拿馬火腿脆粒，脆面包粒粒，作為開胃菜好清新，口感層次豐富👍🏻是日餐湯：椰菜花忌廉湯質感細滑creamy，亦食得出粒粒椰菜花質感，濃稠度適中，好暖胃🥰餐包配黑松露牛油餐包非常鬆軟，配上黑松露牛油好creamy, 啖啖黑松露香氣炭燒美國安格斯牛扒🥩擺碟好靚😍10oz 份量夠晒多，牛扒好厚身，外面燒到好香，裏面顏色粉嫩，呢個係五成熟，熟性度剛好；肉質結實但細嫩，有豐富肉汁，牛味十分香濃，配上特製醬汁更能提鮮🤩配菜亦十分出色，焗薯同蔬菜都非常香。Spaghetti w/ Seafood in Tomato Sauce蕃茄汁海鮮意大利粉🍝配料豐富，包括大青口，大蝦🍤，魷魚🦑及蕃茄🍅，青口大隻飽滿，大蝦爽口彈牙，魷魚爽口新鮮😋；蕃茄醬汁酸酸甜甜，十分開胃，另外配上香草好香，醬汁均勻，意粉軟硬適中。甜品：Profiterol意大利雪糕泡芙🍨朱古力雪糕泡芙外沾上雲呢拿雪糕，泡芙口感綿密，雪糕軟滑，好香奶味，

上次食過幾鐘意💗今次朋友生日又黎食😋.意大利辣肉腸薄餅焗得適當好，一啲都唔硬！餅底雖然薄但很脆身，食落好有口感，芝士更有拉絲的感覺🥰 辣肉腸薄片辣度適中 唔食得辣都可以一試～炭燒美國牛肉眼我地叫咗5成熟 啲根比較少 甚至無咩 所以一啲都唔難切開 加上真係煮到五成熟 肉汁鮮嫩 一啲都唔難咬～真係啖啖都係肉 😍 呢個最值得再試！尤其軟殼蟹！驚喜位係佢入面有大量黃色蟹膏～ 炸既程度啱啱好🥰唔會好老同淋哂。上到枱仲係熱辣辣 脆卜卜 薯條非常有口感！😋凱撒沙律飯前開胃小吃 最鐘意麵包粒 唔會好硬又唔會淋哂 小蕃茄和菜新鮮☺️ 份量適中 ✨平時餐包得一種 今次竟然有兩款 一款長條形 一款長方形 口感比較脆～❤️食完全部正餐就上甜品了～ 原本以為泡芙係市面一粒粒個啲但原來係 長條形入面仲有cream同朱古力口感更佳！泡芙上面加咗啲雪糕🍦熱辣辣夏天食好正！環境非常適合朋友聚會/情人慶祝紀念上菜速度都非常快 唔使等好耐 侍應都好有禮貌 值得一讚👍🏻

平日中午黎到食lunch,估唔到樓上鋪都咁多人，證明出品應該唔錯，而且環境夠大又闊落，坐得幾舒服🌝自助沙律吧蔬菜新鮮，正常水準，最推介南瓜，夠甜又淋🌝軟殼蟹香草醬意式燴飯 $128調味夠香濃！有驚喜！軟殼蟹大大隻炸得脆口唔油膩，食落啖啖肉，成碟亦唔會太膩，高質！🌝紐西蘭炭燒西冷牛扒 $178一上枱聞到好香炭燒味，未食先流口水，叫咗5成熟，切開粉紅色，生熟度掌握得唔錯，肉質一啲都唔韌仲保留少許肉汁，而且炭燒味真係好香🌖Tiramisu +$38面頭有啲藍莓同士多啤梨裝飾，海綿蛋糕部份有淡淡咖啡酒味

朋友話上openrice見到呢間幾多好評，價錢又唔貴，又近我地放工，一於就去試下。😁位置上都幾方便，入到去個裝修好靚，環境好舒服。平日去食都有7,8成full，幾多人幫襯，但氣氛都好好。職員服務都非常好。👍🏻食物亦都非常高質，絕對係可以再戰！Set for 2 ($598)餐包好脆，仲配上黑松露醬，好正！👍🏻凱撒沙律沙律鮮甜，好開胃。😋是日餐湯今日餐湯係蕃茄湯，蕃茄味好濃，好開胃，真係好好飲。👏🏻👏🏻蕃茄汁海鮮意大利粉有蝦又有青口，青口好鮮甜，好正。蝦又大大粒，蝦味突出，高質！😁意大利粉都好爽口，口感十足。個蕃茄汁都好香，好足蕃茄味，超正。😋炭燒美國安格斯西冷牛扒 ~10oz呢個我地叫左Medium rare，真係好食到不得了！！牛味好重，而且好Juicy。肉質好好，好爽口。好驚食到牛扒好難咬，呢個真係做得好好，入口感覺一流，又好咬口。👍🏻👍🏻必食！意大利雪糕泡芙雪糕泡芙都好正，好滿足。朱古力心太軟 （+38）另外都加左錢叫左個心太軟。呢個心太軟都係高質之作！焗得恰到好處，又唔會好“漏”。雪糕仲加左小小朱古力碎，好正！😋😋基本上，呢餐係由頭正到落尾！超滿足。

之前到訪過呢間由五星級酒店大廚主理嘅「Non Kitchen」，對餐廳嘅美食同服務，留下良好印象。今日有事要嚟觀塘，Lunch time 專登搵埋朋友一齊過去食晏。店舖面積很大，佔地約 5000 呎，裝潢時尚，環境寬敞闊落，據稱可容納 120 名賓客，另外亦設有獨立貴賓房，非常適合同親戚朋友嚟舉行各類聚餐活動。餐廳午市有半自助餐供應，包主菜、任食沙律同餐湯。先每人點個餐，再出去 Salad Bar 行一圈。自助沙律吧有好多款沙律菜、粟米、紅菜頭、車厘茄同菠蘿等，當然亦少不了用作調味嘅醬汁，以供客人自行配搭。估唔到連餐包都可以任食，牛角包酥脆可口，咬下帶牛油香，非常美味！是日餐湯係番茄湯，好足料，番茄已被打成茸，入口帶番茄嘅天然酸甜，非常醒胃。主菜方面，點左燒三文魚柳配香橙忌廉汁 ($148) 同 炭燒紐西蘭西冷牛扒 ($178)。三文魚外皮煎至金黃香脆，食落肉質好嫩滑，帶魚油甘香，吃時蘸少許香橙忌廉汁，入口清香不膩。至於另一客西冷牛扒，水準亦一流。點左 7 成熟，牛扒好大塊，比手掌還要長，表面燒至有網紋，切開見到裡面呈粉紅色，質感好鬆軟，食落仲有肉汁流出，配上燒汁，香口惹味。墊底嘅配菜

繼續探索工廈既隱世美食🙆🏼‍♀️🙆🏼‍♂️今日黎食西餐🍴工廈位於觀塘同牛頭角交界離開咗比較多人流聚集既區域所以入夜去到其實都係比較靜 街上既人唔多🤫上到餐廳 眼看環境十分闊落 而且擺法係井然有序👍🏼俾到人既感覺係好舒服😌枱與枱之間亦有足夠空間設計上簡單 遠處既牆花俾我一種好懷舊既感覺😍再加上近牆角位置擺放既舊式水壺🏺更增添風味➷晚餐有2人餐同4人餐選擇 人多想食好啲既話仲可以升級🤤唔想局限既話 鍾意散嗌亦都可以有好多既選擇🤪➷❐ 𝘿𝙞𝙣𝙣𝙚𝙧 𝙎𝙚𝙩 𝙁𝙤𝙧 𝟮整個dinner set入面會有齊沙律餐湯主菜甜品同飲品🥗所以兩個人食一定會飽晒 呢個位可以放心🤰🏼🫃🏼▸ 凱撒沙律▸ 西蘭花濃湯頭盤既沙律同餐湯都係正路野 雖然係跟餐但都唔會有hea既成份😌沙律仲會有埋脆脆麵包粒😋特別都讚吓佢附送既麵包都幾好食🥖好香香草同蕃茄味🍅而餐湯我起初聽到係西蘭花有少少恐懼 我好鍾意食西蘭花🥦但係又好怕如果用黎製湯會有草青味最後無令我失望之餘 仲覺得佢當中既甜味好好飲👍🏼▸ 意大利辣肉腸Pizza餅底好薄 厚身返少少會比較好🤏🏼佢薄身但係就好夠脆見到佢都焗到金黃色 圍住圓邊都係脆卜卜🤩芝士份量夠晒多🧀又唔會

呢一間既裝潢行工業風, 有點型格場內好闊, 所以大家既空間感十足而且坐滿左數張枱, 寧靜感也足夠, 確係放工黎聚既好地方重點, D 野好食! 好有質素, 食得我幾開心叫左個SET➽Caesar Salad菜係新鮮爽脆每人一份量都唔少上面放既乾肉夠多➽餐包暖熱既幾香配合佢個醬, 少少酸, 好食!➽Daily Soup:西蘭花 就咁嗅都覺得香了綿好飲➽Salmon Fillet 超厚身, 目測估計2CM 厚外皮烤得好脆好靚, 咬入口脆身到不得了成個魚肉都好夠味再配塔佢既伴菜, 薯蓉,好好食➽Tomato Sauce Seafood Spaghetti 呢個好好食個蕃茄醬汁炒得好香蒜香蕃肉都濃, 味道甜甜地好好食連個汁都清晒➽Profiterol 外形上雖然唔係好吸引但好食!尤其個VANILLA 雪糕係好實, 好滑既雪糕包住泡芙, 入面再有朱古力雪糕整體好好食➽跟餐包兩杯DRINKS食物整體水準好高食得好開心而且環境算寧靜 又有空間感服務方面, 個個侍應都好有禮貌, 「唔洗客氣」「唔該」成日都聽到推薦推薦!!!!

去完觀塘APM行街順道去觀塘工業大廈搵嘢食，上網搵到一間（Non Kitchen)嘅西餐廳，午餐價錢合理又多選擇，就去試吓！入到餐廳裏邊環境寬敞，外面設有自助沙律吧及餐湯👍車打芝士牛肉漢堡漢堡包餡料除咗牛肉，仲有洋蔥、酸瓜及芝士等，牛肉漢堡咬落肉味香濃又多汁，麵包皮烘得香脆內軟，整體都幾好食，薯條油炸到脆卜卜，好香口！炭燒西班牙伊比利亞黑豚扒黑豚扒鎖住肉汁，每一啖都好Juice帶點爽口，不用任何醬汁都已經好好味😋薯蓉亦建議可以加入燒汁食更加惹味。西蘭花忌廉湯好香嘅西蘭花味道，熱辣辣飲落好Creamy,我哋每人飲咗兩大碗！最後飲埋杯凍奶茶呢一餐滿足。

今日嚟到近牛頭角嘅隱世工廈食lunch～上到去地方都幾大，仲有自助bar可以任食沙律、麵包同西湯。🥟菠菜芝士意大利餛飩配辣番茄汁（$118）辣番茄汁酸酸甜甜，唔算十分辣，都幾開胃😋雲吞目測都有廿隻左右～芝士味好濃，亦有淡淡嘅菠菜味～伴碟仲有水牛芝士，令到成碟菜冇咁單調，仲可以解吓膩！🐟香煎𩶘魚柳（$138）魚肉滑身又juicy，冇魚骨可以食得安心～配搭醬汁一齊食再香濃啲！唯獨魚柳調味略咸咗少少。伴碟啲薯蓉有西芹、甘筍等等嘅蔬菜，仲保留咗啲薯仔粒，啱哂中意有咬口嘅朋友！薯蓉唔會太creamy太膩，如果加熱咗再上碟就更好～📍觀塘鴻圖道12精棉工業大廈1樓