No.9 Bistro (已結業)

觀塘不嬲都多隱世餐廳，以前間中都會落黎搵食今日見早收工，無無聊聊，就黎觀塘行下順便搵食😙今次試下呢間位於工廈既樓上西餐廳，個大廈正門都有d隱蔽，係銀行門口隔離。上到黎望門口就feel到種休休閒閒感覺😴，店員又友善，環境寧靜，遠離繁囂，就算坐滿大半客都唔覺好嘈。照燒美國牛肉漢堡配粗薯條🍟漢堡包脆卜卜，齋食個包都幾好味😋牛肉燒得岩岩好，外面燒到少少脆，生菜青瓜🥒好新鮮好爽，粗薯條都唔錯天寒地凍，飲番壺洋金菊龍眼杞子茶，滋潤又暖笠笠，法式焦糖燉蛋，焦糖好脆燉蛋夠滑又夠凍，有種冰火交融既感覺😍

大家唔好以為黎到觀塘，就只係得工廠，而係商業大廈入面，其實有好多唔少嘅好野食。今日就黎到呢間食西餐嘅舖頭試佢一試。一黎叫完野之後，就已經上左個餐包。我一向都以為呢啲餐包只會又凍又盛咁，但呢個反而係熱辣辣咁上嘅，都幾意想不到。之後餐湯係洋蔥湯，味道好特別，湯入面仲有好多洋蔥粒，食得出用料豐富！而主菜就係黑松露豬扒！黑松露嘅味道係上緊枱嘅時候已經聞到，可能不嬲呢個味道都係非常濃的。除此之外，豬扒都係幾軟的，都唔錯。最後，仲有個可立克布甸，食落的確有好濃嘅可立克味！

今日同媽媽行完apm 知道呢頭有好多工廈有好野食 於是就search 到玉子大廈嘅No 9 Bristo😆 一上到9樓 就見到門前一棵聖誕樹 而且餐廳入面都有聖誕裝飾 幾有氣氛🎄燈火通明 比人舒服嘅感覺 可以舒舒服服坐翻一個下就☺️仲有d花花草草裝飾 優美嘅環境💓我地都係跟Lunch set 叫 好快就上左洋蔥湯 清清地 好足料 加上熱辣辣 係咁凍嘅天氣飲好舒服😍 係即烘完先上嘅餐包 暖暖地 內裏好軟身 熱力將牛油融化 🤤必食推介💓蒜香羊架 肉質鮮嫩 好juicy 一口咬落去 羊香味加埋d肉汁湧出黎 唔會話太騷 外皮脆脆地 加上適量嘅炸蒜 令羊架更富層次感😆👍另外仲有一種好特別嘅薄荷醬 加埋點口感好清新😝 好味推介💓百花香草烤雞排估唔好雞排咁大塊 而且好厚切 表皮烤地脆卜卜 而入面雞好嫰滑軟身 好juicy 一口食落雞汁b 出黎 配合埋秘製醬汁 好好味🤤最後我同媽咪都鍾意飲翻杯熱奶茶 慢慢傾下計 呢杯奶茶有驚喜！ 好特別嘅奶茶味 唔似出面普通茶餐廳個d 飲完一啖會齒夾留香 好香滑👍最後賣單 仲有9折tim 呀😝 餐飯好寫意咁食左兩個鐘 真係好抵食！

晚飯時間,要係觀塘呢個繁忙地區舒舒服服咁坐低食餐飯真係唔容易,好彩今次有朋友帶路,黎到係商業大廈入面既西餐廳,咁就唔洗係出面同人迫得咁辛苦,可以好好享受下啦入到餐應岩岩坐低,侍應就已經好快手咁拎左餐包俾我地,仲要係熱左既,非常貼心第一次黎呢間餐廳,唔知有咩值得一試,侍應就推介左其中一道菜式俾我地:古法紅酒燴牛尾見菜式幾特別,就跟佢既建議啦!而落單之後,好快就上菜喇!先黎一客凱撒沙律,作為整餐飯既開始!蔬菜好新鮮,仲有脆脆既麵包糠~呢個牛尾煮得非常唔錯,肉質好稔,完全唔會咬唔開,而個汁都好出色咸咸地又帶出返牛既肉味見都有其他食客都咁岩點左呢道菜,佢地都讚呢個好特別!食完主菜當然唔少得甜品啦!好立克pudding甜甜地好重好立克味,女仔應該會好鍾意,慢慢食完甜品,簡簡單單咁吃了一頓舒適既飯~~

去完坐談會都快8點，就近食埋dinner先返屋企。已換上聖誕掛飾，播著歌好舒服。$128套餐，烤雞來的，仲有甜品，湯同飲品。加多$32元6件蒜蓉包更飽肚。洋蔥湯好甜，洋蔥煮得好腍身架 ，仲有小餐包連埋。蒜蓉包好夠香脆新鮮熱辣辣焗起，有牛油同蒜香 我真係一個人都食得完架。烤雞肉都好嫩，醃得幾夠所以肉有好味,仲有蜜糖同rosemary，食下食下又ko曬啦。食物唔加味精架，都好講究健康wor.套餐百來元又幾有質素好味。

又係時候去觀塘工廈搵食，今次搵到呢間No.9 Bistro, 見都幾多好評, 就試下啦環境比較典雅，成間餐廳都好清靜，如果想靜靜地傾下計或者談心都不錯, 哈哈食物方面，主要有special dinner menu A-K, 包0左餐湯, 甜品, 同餐飲，另外有廚師推介同散叫啦，餐牌上寫明”選用優質健康食材, 無添加味精, 梳打粉, 採用純正橄欖油制作”，呢樣俾個LIKE佢因為今晚唔係太肚餓, 所以無叫太多野首先上餐包，熱辣辣，軟熟，俾個LIKE1) 蜜燒加拿大純天然有骨黑毛豬 $248，另加$25 有個凱撒沙律，沙律撈左少少沙律醬，味道不錯，黑毛豬味都幾有肉味，只係煎得輕微過左少少火喉，不過都OK既2) 銀鱈魚意大利飯 $168 – 銀雪魚幾油香，個飯質地適中，味道亦都不錯

開源道一帶有不少食肆，朝早經過王子大廈時留意該大廈有餐廳的宣傳廣告，於是和同事中午試一試。由於是商廈的關係，無論大堂或客都乾淨企理，與一般的工廈格局很不同。餐廳裝修華麗，很有貴氣，坐得很舒適。午市有套餐供應，價錢也很經濟實惠。雜菜湯雜菜湯味道適中，酸酸地很開胃。麵包也是新鮮熱辣，塗上牛油，味道一流。香蕉椰子雞扒雞扒大大塊，煎得香脆，椰子香蕉味道突出。煙肉蘑菇芝士牛肉漢堡漢堡牛肉味香濃，芝士呈拉絲效果，食得津津有味。熱檸蜜和熱即磨咖啡午餐還提供餐飲，飲完很滿足，下午精精神神去開工

去接男朋友收工，順便揾飯食，衰佬話要上呢間西餐試試，結果發現唔錯！環境居然有音響，有 bar枱好好舒服，再望望餐牌，好多選擇，田螺、炸蟹餅、龍蝦、生蠔、沙律、意大利飯、西冷、肉眼扒，龍利柳、牛尾、雞扒、羊扒⋯⋯嘩，想食乜都有好，我地兩個用秒速order左個香草牛油焗田螺先（🙈🙈🙈唔知既以為我地餓左好耐）跟手男朋友點埋香草頂級美國西冷配燒汁，超級好味，鮮嫩口感，有圖有真相，大家睇睇，唔多講，正男友知我鐘意食甜品，叫埋個心太軟比我食如果唔係楂車，有 d想試下 d香賓！下次再食過！

放工同埋老公仔行下觀塘 d開倉，行行下去到 hsbc樓睇 openrice 睇下附近有咩好食王子大廈！有間西餐？上到去，氣氛環境真係有 heart去 design過，完全唔似工廈那種求其既 design一坐底就叫左個 set, 香草雞扒，完全 無想過咁嫩，香煎，juicy,起碼把刀一切唔會 e一 聲個餐湯，雖然無得選，得 羅宋湯，一向唔鐘意飲呢種湯既我，都覺得好香好濃，都飲到一大半！最特色既係個甜品，白雪雪原來係好立克味咁既布典！加埋杯熱檸蜜，真係好想慢慢歎，可惜太遲去，要關門了，下次再去要同老公仔坐耐d，環境氣氛，野食，的確估你唔到既 relax!

觀塘工廈餐廳多的是，質素參差不齊，今次同友人黎食依間都無抱住太大期望架啦，點知又有驚喜喎先睇餐牌以地段黎講，價錢略貴左少少，不過叫dinner set 勝在包晒餐湯、餐包、餐飲同甜品點好餐後周圍望，覺得依度都幾寧靜，環境乾淨先黎餐湯餐包，個餐包熱辣辣，外脆內軟，不錯餐湯揀左紅湯，亦好飲，有落足料煲主菜到！友人叫左煙肉蜜糖千島牛肉漢堡，賣相幾靚，兩大塊香脆煙肉交叉式放係度，霸氣十足漢堡扒算幾香，整體黎講不錯架至於我就叫左香草頂級美國西冷牛扒配燒汁，燒得好靚牛扒肉質鮮嫩，牛味濃除左配燒汁食，亦可配碟上塗上既芥辣黎食，味道甚至更佳餐飲方面，我地見佢推介花茶特飲，我地就加錢試試佢依個係黑杞子茶，茶味較濃，杞子味重，配合起上黎都好飲另一杯就叫左玫瑰花茶，有香濃玫瑰味，但飲起上黎較淡。最後黎甜品，係牛奶布丁，味道有驚喜係好味

現在觀塘工業區餐廳林立，今次揾到No.9 Bistro，由觀塘港鐵站步行至餐廳只需十分鐘。 餐廳環境舒適，有吧枱台上的蠟燭作裝飾。入座後侍應為每人送上一個麪包，非常驚喜！叫了個晚餐套餐，包括有餐湯、主菜和甜品。主菜是煙肉蜜糖千島牛肉漢堡，牛肉七成熟，剛剛好，煙肉脆卜卜，加上蕃茄、生菜和半溶的芝士，非常配合。薯條沾上小小的千島醬，薯條味突出。餐飲是黑杞子茶。整壼茶送上，看到裏面的茶葉是真材實料，而且下面有蠟燭保持茶的熱度非常貼心，值得一讚。是日甜品是好立克果凍，很濃厚的好立克的味道，不是太甜。

返工返觀塘真係不愁飲食，工廈之中有唔少隱世餐廳！今次唔係食晏去搵，係放工去，上openrice 望兩眼，見到呢間餐廳又近又未閂門，即上去試下！餐廳位於王子大廈，有機會miss咗因為門口真係好隱蔽！不過入去電梯大堂都好靚，一直去到餐廳環境都幾好。一入去有啲東南亞氣息，估計佢一開始係想做東南亞菜，不過搖身一變做西餐都幾特別！是日不想食飯或意粉，於是叫咗個煙肉蜜糖千島牛肉漢堡加薯條，外加一杯薄荷朱古力曲奇奶昔。個漢堡上菜時真係幾有台型架！兩塊又香又脆煙肉乾身又唔油膩，好香口！啲肉都好紮實，同埋個千島醬都幾夾，好味！至於曲奇奶昔就唔太甜，配漢堡都幾飽！食埋個奶凍收尾，正！

今日難得放假，梗係要去塭朋友覓食啦！朋友仔喺觀塘返工，推介左呢一間工廈嘅西餐廳，呢間No.9 Bistro 位於王子大廈9樓，即係APM隔離匯豐銀行樓上，都算幾易搵！餐廳環境仲要幾唔錯，好舒適👌👍🏻，完全冇擠迫嘅感覺😊，係觀塘區應該難找也！朋友話每星期最少都嚟食一次，咁應該冇介紹錯呢！😌😌Homemade BBQ pork ribs $98🐷🍖Wow, 呢個一上枱，就見到成件豬肋骨被個秘製醬汁完完全全封住左！試吓先，個pork ribs 好嫩滑，一啲都唔鞋，配上特製醬汁非常搭配，加埋個白飯就啱啱好！唔錯也！🤗😋😋古法杯酒燴牛尾$104 🐮🐂呢個十級推介吖！😋🤤🤤好食🈯數係100！💯💯💯😌俾到咁高分，原因係個牛尾炆得軟腍程度剛好，腍之餘難得保留到少少煙勒感，感覺就好似食到好多骨膠原咁！而個古法紅酒與牛肉汁結合後 , 與酒嘅酸澀味得以中和咗，搞到呢個牛尾食完唔覺膩！仲有好香脆嘅薯角，兩個人好快清晒！☺🤗朋友仔話，嚟呢度食仲有一個重要原因，每次食罷都唔覺得口渴，應該係無咩味精吧！😋😋😌😌

老死話觀塘有間西餐正野，打完波就比佢捉左去試，反正諗唔到食咩去到樓下以為佢老點我，公廈黎既！上點知到去又唔同晒喎！咪以為好舊，原來係好靚嫁！老死無介紹錯，不過睇埋餐牌先。。其實重有4頁，不過我靜係食其中2樣野所以就post呢2頁出黎。小弟叫左 9號廚房卡邦尼意粉+炸魚薯條同fd share食，再加罐可樂！先黎的係炸魚薯條，炸得香脆可口，而魚柳吉起黎不易散，亦很新鮮。薯條同平時食的亦不同，比較粗身，好食，不過就少左少少。。之後到的就係卡邦尼意粉醬的味道比較重蘑菇味，而家入面有埋黑松露，高級野黎。意粉煙韌，但汁偏多，本人比較鐘意食爽口d，少汁d的意粉，不過整體上ok當日係星期六，比較少人，可能去左更好的地方食吧！當然價錢上不便宜，但我覺得值得的，要加一喔！

觀塘既工業大廈出名多隠世既西餐廳，今次我同女朋友誤打誤撞人左間位於王子大廈既餐廳，叫No.9 Bristro。餐廳整體好乾凈，樓頂同牆有花花草草同汽球作為裝飾，俾我有一種身處夏威夷既感覺(利申:未去過)。地方寬闊，空間感足夠，唔駛比人聽到同女朋友傾啲咩，環境同心理都非常舒服叫lunch set會送湯同麵包，湯係磨菇湯，比較稠身，較似磨菇蓉，我個人也喜歡磨菇蓉既口感。麵包係迷你法國包，脆脆地。女朋友突然想食辣野，叫左香蒜辣椒㰖油蟶子意大利麵，唔會太辣，份量都好夠，特大蟶子肉爽，份量亦足夠。我就叫左松露黑菌保雲酥烤羊扒配薯菜，羊扒上面有一層厚厚黑松露碎，口感更加豐富，羊扒煮得幼嫩，唔太「蘇」，賣相味道一流。Lunch set加$16 有特飲，我叫左一杯No.9 sunrise，襯曬餐廳環境。值得再嚟食lunch set ，抵食！