NN Coffee

營業中

休息中

難得入西貢抖氣，專登搵咗呢間巷仔盡頭嘅「NN Coffee」——白色木系裝修，得十零個位，坐低都焗住搭枱，但望住街外啲樹同埋枱面盞小乾花，個mood即刻慢落嚟。星期六下晝兩點嚟，好彩撞啱人龍散咗，等5分鐘就有位！🐟 巨大鰻魚玉子丼 ($128)個「巨大」真係冇呃人！條鰻魚足足成隻手掌咁長，鋪到成個碗見唔到飯。魚皮燒到脆卜卜，咬落去肥膏位「吱」出魚油香，肉質厚身唔霉，重點係啲蒲燒醬唔會死甜，撈埋半熟玉子碎同珍珠飯，每一啖都掛汁！抵讚係飯量夠多，男仔食都夠飽，$128喺西貢海鮮街呢頭算係良心價～🦞 龍蝦蛋班尼迪 ($138)呢個賣相精緻到唔捨得切開！底層係烘脆嘅酸種包，疊住大嚿龍蝦肉（唔係碎肉！），面頭兩隻水波蛋搖吓搖吓咁。一刀篤落去，啲蛋汁同荷蘭醬撞埋龍蝦肉——鮮甜彈牙得嚟帶微酸，食落好light，同鰻魚飯嘅濃味完美平衡。旁邊沙律菜仲落咗柚子醋，解膩加分。

天朗氣清嘅西貢一日遊😊我哋午餐嚟到呢間小店： NN coffee店有兩層，我哋坐咗喺地下一層望出窗邊，感覺寫意😊店員推介有兩個新出飲品：Chocolate matcha 及 Coconut matcha炎炎夏日，呢兩杯飲品都非常適合☀️Coconut matcha 椰水及抹茶分開上😊正正首先喝一口椰子水嘅清甜好舒暢，再加入抹茶，濃郁茶香湧現😊杯邊細心的加上碎椰絲，增加椰肉香及粒粒口感Chocolate matcha賣相很有層次，抹茶濃郁，鮮奶幼滑，朱古力味道香濃😊攪拌後入口感覺很融合食物方面，磯煮鮑魚切薄片加上醬汁，入口咀嚼感覺滿足，鮑味突出蕎麥麵配合切得細細嘅新鮮蔥花、Wasabi、酸薑及蘿蔔，以及冰涼嘅醬油麵湯，非常美味，夏日之選黑松露和牛熱香餅漢堡配搭新穎，也非常配合😊黑松露及和牛漢堡扒味道非常夾，黑松露及牛香也很突出😊熱香餅鬆軟，配合埋黑松露和牛一齊食，有甜甜鹹鹹嘅滋味😊旁邊也配有脆薯格，外脆內軟，好好食😊總括來講，nn coffee嘅食物質素好好，飲品也用心製作😊另外，呢個都係同朋友坐低傾偈嘅好地方😊推介！

每次放假我都好鍾意去西貢 但係假期嘅西貢 差唔多全部餐廳都要排隊 咁啱比我哋見到呢間兩層高嘅cafe唔使排 環境好chill好舒服 早餐時段除咗平時cafe嘢食之外仲有烏冬揀 價錢都非常合理 一去就encore咗3次🍱 All Day Breakfast $98 (早餐時段 09:00-11:30)👅👅👅👅👅/5 超級豐富嘅All Day 入面有玉子、秀珍菇、紫薯、雞扒、可樂餅、芝士年糕、日式豚肉腸、熱香餅雞排好入味又唔乾 熱香餅配埋其他配料 鹹鹹甜甜咁好好食🍜日式咖喱天婦羅牛肋條手打烏冬 $68 (早餐時段 09:00-11:30)👅👅👅👅/5咖喱烏冬濃得嚟又唔會太鹹 牛肋條夠腍又keep到個咬口跟餐仲有兩隻天婦羅蝦 不過不失唔會太油☕ 豆腐鮮奶咖啡 $56 (早餐跟餐減$10)👅👅👅👅/5出面比較少見呢個配搭 又出奇地夾喎!!豆腐飲落口感好順滑 咖啡味濃之餘又有淡淡嘅豆腐香氣🥤富士山雪糕梳打 $56 (早餐跟餐減$10)👅👅👅👅//5藍色嘅梳打汽水加上雲尼拿雪糕 好似一個迷你嘅富士山咁唔會太甜 打卡一流 值得一試✅加一服務: ❤️❤️❤️/5環境: ❤️❤️❤️❤️❤️/5性價比: ❤️❤️❤️❤️/5推

📍西貢市場街47號地舖同男朋友透過open rice見多好評就過黎食呢間我地係平時lunch過黎 所以唔係好多人 cafe係好舒適 分咗兩層 個人覺得上一層更加有feel😂不過個陣就以為冇得上去 就係地下嗰層食環境都好舒服㗎▪️照燒雞扒拌飯團$98呢個照燒雞扒簡直係大滿足呀！食落都好飽肚佢嘅醬汁都好適中 同埋個人都好鍾意食呢個飯團加咗飯素唔會好單調😋▪️巨大鰻魚玉子丼$128呢個鰻魚食落都幾嫩滑 個人覺得玉子都幾特別，唔係好似出邊食開嗰啲好實淨嘅玉子😛

今次同朋友去咗西貢呢間隱世Cafe，成間店走簡約木系風格，玻璃窗透曬自然光入嚟，坐低即刻覺得好chill，令我想攞本書喺度坐成日。磯煮鮑魚蕎麥麵鮑魚煮到超淋身又入味，咬落去甜甜哋帶少少酒香，仲要係原隻上超大方！蕎麥麵掛湯一流，凍食爽口得嚟唔會覺得寡，旁邊嘅wasabi係新鮮磨嘅，辣得嚟有回甘，成個配搭100粉火炙鰈魚裙邊茶漬飯平時食開三文魚茶漬飯，呢個鰈魚裙邊真係贏幾條街！魚油炙燒過後逼曬出嚟，撈埋玄米茶湯一啖食，魚油香混合茶香，仲有脆脆嘅米通增加口感久丸小山園抹茶配黑糖糰子抹茶控必嗌！苦澀同回甘平衡得剛好，飲完個喉嚨有種好乾淨嘅感覺～黑糖糰子蘸埋抹茶一齊食，甜度即刻中和返，好有京都feel！椰子抹茶朋友嗌咗呢杯fusion特調，估唔到又幾夾！椰子水嘅清甜中和抹茶嘅濃郁，夏天飲真係透心涼

一有時間最常去嘅二個地方～赤柱同埋西貢，今日又嚟西貢，順便襯星期日「探」下啲小店，睇吓得唔得。nn 門口就咁二個字母～你哋叫簡約。樓下無位，要上閣樓，木枱木凳～你哋嘅「木」系+隱世隱蔽。簡約啲叫左二個『全日早餐』，一個主菜係剪雞扒，另一個係黑松露和牛漢堡。一放低眼前係一亮～「好豐富」，二份配菜大致一樣,有一份「鹹」到食唔到第二啖嘅「菇」，有一舊麻糬一嚿芝士波，其他有牛油果，玉子，pancake 同腸仔。通常幫襯呢啲小店，大多都係手工菜，自己個老闆或廚做出自己嘅招牌菜，但呢度俾我嘅『感覺』係，將一啲超市買得到嘅～炸下，煎下，切下，之後好似大堆頭咁，放滿碟就得，姑勿論大家可以話唔係，但的確係令我有呢個『感覺』～坦白講,真心唔好食，無特別之餘又唔好食，仲要貴～雞扒果份$128，和牛漢堡果份$168。牛奶咖啡～$45埋單$4xx回頭度～1/5埋單4舊幾，真心西貢大把選擇！

放工後係條cafe街行左一轉，呢間cafe既menu食物種類正中我下懷，好邪惡又濃味又cheesy，最開心係冇令我失望！已經約左同事下星期一齊去食！1. 黑松露和牛熱香餅漢堡- 賣相已經好吸引又大大份，太陽蛋煎得勁靚，蛋味夠濃。我食第一啖已經係到回味緊，真係好正，個味道：漢堡既油同汁、芝士、黑松露味、蕃茄、漢堡既醬加埋成個味道好多層次，好似每種味都好和平咁展現出泥，唔會打哂交。真心超好食！- 黑松露味唔會太濃烈，但又會feel到一陣平時出去食burger唔會有既味道，原來係咁好食。- 漢堡好厚，好開心廚師冇將漢堡整到好d肉太散太淋，每一啖都仲食到牛既感覺，味道唔洗講啦，牛味超濃，留住好多汁，而家諗番都lam lam利！！！！！- 熱香餅牛油味超級濃，但又唔會太多油搞到個熱香餅好濕。牛油味咁濃加埋塊漢堡既牛味，好食到上左天堂咁，無誇張！！！！- 薯角份量好多，唔會太乾太粉，成個餐勁飽（漢堡真係好好食呀omg!!!!)2. Matcha Latte with brown sugar賣相好qq，打卡一流！上面既兩粒小丸子做得唔錯，唔會太硬/乾/淋，成件事岩岩好，飲品亦唔會太甜，飲完都唔會有罪

環境 - 間餐廳有2層 - 第1層比較少位。環境較好。第2層多好多位但環境陰暗 裝修簡陋，感覺不太舒服。上到2樓座位是自由選擇，冇人帶座，（樓上是冇職員的）。選擇左window邊位。坐低發現隻window外面都幾污糟 好耐冇清潔咁。而且有2隻蒼蠅係店內飛來飛去😅- 0服務的加一服務費 入座時侍應話會上黎落單，但由於係樓上等左10分鐘都冇人上黎落，我就唯有自己落番樓下落單。而且，餐具及水都要係個自助櫃自己拎。所以唔明白加一服務費既‘’服務‘去左邊。莫非係幫你落單果下？🤔- 食物1 - 點左個蜆手工意粉。蜆有6隻偏少，味道正常。但個意粉絕對唔似手工意粉，似係超市見開果種，而且煮得超淋，應該係超超超淋，似係冇睇時間淥到超晒時果隻淋。。。收138加一。。2 - 另外點左個鰈魚茶漬飯。佢另上碗‘茶’ 係鏗魚鼓油咁，可能係我唔識食 食唔到茶味🥲 ，好咸，（落落碗飯前係有試味先。然後就算冇乜點落，成碗都好咸 😂😂 搞唔掂。。都係138加一。。失望的一餐 🥲

平時去西貢就會想揾間cafe chill下，但cafe就好多時都未必食得飽😂所以今日就想正正經經食個飯，結果原來cafe都可以係fusion，唔單單係西式而係日式😍。之前都有試過茶漬飯，不過就係用刺身丼去做base，今次呢2款都各有特色，所以同男朋友就決定一人一款試下，而當日見到隔離枱佢地個咖喱配飯團其實都勁吸引🍛。🐒松葉蟹盛茶漬丼💰$138🐒火炙鰈魚裙邊茶漬飯💰$138松葉蟹盛入面有個流心蛋黃，將蟹蓋既肉同膏配埋蛋黃一齊食勁享受，而火炙鰈魚裙邊如果配埋茶就可以降低油膩感，勁滿足咁食哂勁大碗飯🥣。🐒久丸小山園。糰子黑糖抹茶牛奶💰$56🐒Tiramisu Latte💰$56另外黎得cafe緊係唔少得飲品，唔好睇佢係fusion cafe，佢地既飲品杯杯都勁打卡able👍🏼見到有唔少養動物既主人都係出面同毛孩一齋嗌杯野飲再打卡，勁sweet ar❤️

西貢的Cafe一向都係chill life避世既好去處，呢一間Cafe都係唔錯既選擇🍽️ 龍蝦蛋班尼迪（平日限定）呢個係Weekday先得供應，龍蝦肉鮮嫩多汁，搭配香滑的蛋黃醬，口感豐富，簡直係味蕾的享受🍽️ 巨大鰻魚玉子丼（每日限定）份量大到嚇人！鰻魚鮮甜，與玉子融合得剛好，米飯也吸收了鮮美的醬汁，令人一口接一口，根本停唔落嚟！🍽️ 久丸小山園•糰子黑糖抹茶牛奶🍽️ 豆腐鮮奶咖啡兩款都係Signature drink 來的🥰前者味道獨特，黑糖的香氣與抹茶的清香相得益彰，配合得好夾！而後者則是另一個驚喜，口感滑順，豆腐的淡淡香氣令人難忘，估唔到咖啡同豆腐都可以咁夾

NN Coffee (西貢)西貢市場街47號地舖☕️焙茶latte好濃厚嘅焙茶味 加埋奶成件事好rich 好好飲唔會太甜 味道亦唔假🍰Mutcha Basque Cheesecake抹茶味濃 after taste回甘 芝士蛋糕非常幼滑creamy! jeng!!!

平日嘅西貢真係好舒服😌上次依間餐廳排晒長龍我哋放棄咗今次終於可以一試啦☺️12點入座食午餐職員都開放樓上座位俾我哋樓上閣樓空間好大有梳化座位比大班人聚👍🏻仲有窗口位可以望住出面街真係好寫意心情大靚☺️餐牌多種食物選擇，真係好多都想食經過今次食物十分滿意，下次要再嚟試其他食物！打完卡朋友都問係邊間好嘢🤭❗️推薦❗️松葉蟹盛茶漬丼 $168哇哇哇，咁靚唔幫佢打卡都對廚師唔住啊！松葉蟹色澤誘人，裝滿滿滿嘅蟹肉同埋生雞蛋，生雞蛋🥚撈落飯依個動作都好美值得影吓相🤣蟹肉鮮甜蟹膏，口感濃郁滑潤，再試吓配搭茶漬撈埋一齊食，恰到好處，令到蟹肉嘅風味更加突出！米飯吸收了濃郁嘅茶香，有另一種味道！一啖接一啖咁食！❗️推薦❗️火炙碟魚裙邊茶漬丼 $138白色嘅碟魚裙邊加埋鮮艷橙色嘅三文魚子10分吸睛。火炙碟魚裙邊魚肉鮮嫩，炙烤後嘅焦香同埋茶漬嘅清新完美融合。魚裙邊入口即溶，香氣十足👍🏻❗️推薦❗️久丸小山園糰子黑糖抹茶牛奶 $56抹茶牛奶風味濃郁，同黑糖嘅甘甜相得益彰。糰子柔軟Q彈，為飲品增添了豐富口感，整體甜而不膩❗️推薦❗️豆腐鮮奶咖啡 $56豆腐鮮奶咖啡嘅創意組合令人驚喜！濃郁嘅咖啡香與鮮奶嘅柔滑相融合，咖啡裡仲有真豆腐！

NN coffee可算是西貢名物，咖啡西餐喺香港競爭好大，但都連續兩年入選 timeout recommendation，仲要寵物友善有戶外位勁chill🫶🏻🍝 海膽蟹肉忌廉手工意粉 $188海膽鮮甜creamy就咁食已經齒頰留香，再配埋蟹肉意粉啖啖鮮味勁出色；但更令我驚艷嘅係巨量蟹肉，每條意粉都掛滿一梳梳蟹肉，忌廉汁用洋蔥炒香層次好豐富🦀 松葉蟹盛茶漬丼 $168西日式丼飯presentation已經好靚，味道用料都100分，蟹蓋入面裝滿蟹膏同蟹肉，撈埋生蛋黃更突出鮮甜。茶湯熱辣辣，鍾意食濕潤啲落多咗都唔會太重味。️飲品方面揀咗兩款signature，打卡真係超靚🍵 久丸小山園• 糰子黑糖抹茶牛奶 $56 有一層棉密奶泡，小山園抹茶甘香濃郁，黑糖只有薄薄一層，唔會太撞抹茶味☕️ Tofu Latte $56 當中豆腐花好軟滑，豆香同咖啡好夾，令成杯飲品更清新

入西貢諗住食個好少少午餐咁呢間兩三年前食過一次，佢有樓上座位，個感覺係幾好feel， 於是就決定食呢間！叫左個海膽蟹肉手工意粉、日式雞扒飯糰、一杯熱朱古力同埋一杯凍latte朱古力都算好飲嘅，都成$54 一杯Latte $45 杯但係飲落溝水咁最嬲係個意粉，佢話係手工意粉仲賣成$188 ，個意粉無味都唔在講、佢啲海膽係腥臭食落勁苦食左一啖就無再食海膽成個意粉都係勁難食佢賣$88嘅話都嫌多，仲要賣$188真係好唔開心間餐廳啲野仲要咁貴但咁難食浪費左我出去食午餐嘅quota...

個人幾鐘意既兩層高文青咖啡店, 門口有一個座位可以帶埋寵物一齊黎😎 照燒雞扒拌飯團🍙($98)煎到微脆既紫菜飯糰配上照燒汁雞扒, 呢個配搭基本上係冇得輸, 而且擺盤又靚🤩檸檬芝士蛋糕 🍰（$58)檸檬味好突出, 令到成個芝士蛋糕好清爽一啲都唔膩😌飲品方面揀左丸久小山園•若竹抹茶鮮奶($48/$52)同澳白咖啡($48), 兩款都係正常發揮冇咩特別🤣 呢度既vibe 係幾好, 重點係有上下兩層夠曬位置可以免去左等位既時間🤗