NN Coffee

營業中

休息中

平日嘅西貢真係好舒服😌上次依間餐廳排晒長龍我哋放棄咗今次終於可以一試啦☺️12點入座食午餐職員都開放樓上座位俾我哋樓上閣樓空間好大有梳化座位比大班人聚👍🏻仲有窗口位可以望住出面街真係好寫意心情大靚☺️餐牌多種食物選擇，真係好多都想食經過今次食物十分滿意，下次要再嚟試其他食物！打完卡朋友都問係邊間好嘢🤭❗️推薦❗️松葉蟹盛茶漬丼 $168哇哇哇，咁靚唔幫佢打卡都對廚師唔住啊！松葉蟹色澤誘人，裝滿滿滿嘅蟹肉同埋生雞蛋，生雞蛋🥚撈落飯依個動作都好美值得影吓相🤣蟹肉鮮甜蟹膏，口感濃郁滑潤，再試吓配搭茶漬撈埋一齊食，恰到好處，令到蟹肉嘅風味更加突出！米飯吸收了濃郁嘅茶香，有另一種味道！一啖接一啖咁食！❗️推薦❗️火炙碟魚裙邊茶漬丼 $138白色嘅碟魚裙邊加埋鮮艷橙色嘅三文魚子10分吸睛。火炙碟魚裙邊魚肉鮮嫩，炙烤後嘅焦香同埋茶漬嘅清新完美融合。魚裙邊入口即溶，香氣十足👍🏻❗️推薦❗️久丸小山園糰子黑糖抹茶牛奶 $56抹茶牛奶風味濃郁，同黑糖嘅甘甜相得益彰。糰子柔軟Q彈，為飲品增添了豐富口感，整體甜而不膩❗️推薦❗️豆腐鮮奶咖啡 $56豆腐鮮奶咖啡嘅創意組合令人驚喜！濃郁嘅咖啡香與鮮奶嘅柔滑相融合，咖啡裡仲有真豆腐！

一有時間最常去嘅二個地方～赤柱同埋西貢，今日又嚟西貢，順便襯星期日「探」下啲小店，睇吓得唔得。nn 門口就咁二個字母～你哋叫簡約。樓下無位，要上閣樓，木枱木凳～你哋嘅「木」系+隱世隱蔽。簡約啲叫左二個『全日早餐』，一個主菜係剪雞扒，另一個係黑松露和牛漢堡。一放低眼前係一亮～「好豐富」，二份配菜大致一樣,有一份「鹹」到食唔到第二啖嘅「菇」，有一舊麻糬一嚿芝士波，其他有牛油果，玉子，pancake 同腸仔。通常幫襯呢啲小店，大多都係手工菜，自己個老闆或廚做出自己嘅招牌菜，但呢度俾我嘅『感覺』係，將一啲超市買得到嘅～炸下，煎下，切下，之後好似大堆頭咁，放滿碟就得，姑勿論大家可以話唔係，但的確係令我有呢個『感覺』～坦白講,真心唔好食，無特別之餘又唔好食，仲要貴～雞扒果份$128，和牛漢堡果份$168。牛奶咖啡～$45埋單$4xx回頭度～1/5埋單4舊幾，真心西貢大把選擇！

放工後係條cafe街行左一轉，呢間cafe既menu食物種類正中我下懷，好邪惡又濃味又cheesy，最開心係冇令我失望！已經約左同事下星期一齊去食！1. 黑松露和牛熱香餅漢堡- 賣相已經好吸引又大大份，太陽蛋煎得勁靚，蛋味夠濃。我食第一啖已經係到回味緊，真係好正，個味道：漢堡既油同汁、芝士、黑松露味、蕃茄、漢堡既醬加埋成個味道好多層次，好似每種味都好和平咁展現出泥，唔會打哂交。真心超好食！- 黑松露味唔會太濃烈，但又會feel到一陣平時出去食burger唔會有既味道，原來係咁好食。- 漢堡好厚，好開心廚師冇將漢堡整到好d肉太散太淋，每一啖都仲食到牛既感覺，味道唔洗講啦，牛味超濃，留住好多汁，而家諗番都lam lam利！！！！！- 熱香餅牛油味超級濃，但又唔會太多油搞到個熱香餅好濕。牛油味咁濃加埋塊漢堡既牛味，好食到上左天堂咁，無誇張！！！！- 薯角份量好多，唔會太乾太粉，成個餐勁飽（漢堡真係好好食呀omg!!!!)2. Matcha Latte with brown sugar賣相好qq，打卡一流！上面既兩粒小丸子做得唔錯，唔會太硬/乾/淋，成件事岩岩好，飲品亦唔會太甜，飲完都唔會有罪

環境 - 間餐廳有2層 - 第1層比較少位。環境較好。第2層多好多位但環境陰暗 裝修簡陋，感覺不太舒服。上到2樓座位是自由選擇，冇人帶座，（樓上是冇職員的）。選擇左window邊位。坐低發現隻window外面都幾污糟 好耐冇清潔咁。而且有2隻蒼蠅係店內飛來飛去😅- 0服務的加一服務費 入座時侍應話會上黎落單，但由於係樓上等左10分鐘都冇人上黎落，我就唯有自己落番樓下落單。而且，餐具及水都要係個自助櫃自己拎。所以唔明白加一服務費既‘’服務‘去左邊。莫非係幫你落單果下？🤔- 食物1 - 點左個蜆手工意粉。蜆有6隻偏少，味道正常。但個意粉絕對唔似手工意粉，似係超市見開果種，而且煮得超淋，應該係超超超淋，似係冇睇時間淥到超晒時果隻淋。。。收138加一。。2 - 另外點左個鰈魚茶漬飯。佢另上碗‘茶’ 係鏗魚鼓油咁，可能係我唔識食 食唔到茶味🥲 ，好咸，（落落碗飯前係有試味先。然後就算冇乜點落，成碗都好咸 😂😂 搞唔掂。。都係138加一。。失望的一餐 🥲

平時去西貢就會想揾間cafe chill下，但cafe就好多時都未必食得飽😂所以今日就想正正經經食個飯，結果原來cafe都可以係fusion，唔單單係西式而係日式😍。之前都有試過茶漬飯，不過就係用刺身丼去做base，今次呢2款都各有特色，所以同男朋友就決定一人一款試下，而當日見到隔離枱佢地個咖喱配飯團其實都勁吸引🍛。🐒松葉蟹盛茶漬丼💰$138🐒火炙鰈魚裙邊茶漬飯💰$138松葉蟹盛入面有個流心蛋黃，將蟹蓋既肉同膏配埋蛋黃一齊食勁享受，而火炙鰈魚裙邊如果配埋茶就可以降低油膩感，勁滿足咁食哂勁大碗飯🥣。🐒久丸小山園。糰子黑糖抹茶牛奶💰$56🐒Tiramisu Latte💰$56另外黎得cafe緊係唔少得飲品，唔好睇佢係fusion cafe，佢地既飲品杯杯都勁打卡able👍🏼見到有唔少養動物既主人都係出面同毛孩一齋嗌杯野飲再打卡，勁sweet ar❤️

西貢的Cafe一向都係chill life避世既好去處，呢一間Cafe都係唔錯既選擇🍽️ 龍蝦蛋班尼迪（平日限定）呢個係Weekday先得供應，龍蝦肉鮮嫩多汁，搭配香滑的蛋黃醬，口感豐富，簡直係味蕾的享受🍽️ 巨大鰻魚玉子丼（每日限定）份量大到嚇人！鰻魚鮮甜，與玉子融合得剛好，米飯也吸收了鮮美的醬汁，令人一口接一口，根本停唔落嚟！🍽️ 久丸小山園•糰子黑糖抹茶牛奶🍽️ 豆腐鮮奶咖啡兩款都係Signature drink 來的🥰前者味道獨特，黑糖的香氣與抹茶的清香相得益彰，配合得好夾！而後者則是另一個驚喜，口感滑順，豆腐的淡淡香氣令人難忘，估唔到咖啡同豆腐都可以咁夾

NN Coffee (西貢)西貢市場街47號地舖☕️焙茶latte好濃厚嘅焙茶味 加埋奶成件事好rich 好好飲唔會太甜 味道亦唔假🍰Mutcha Basque Cheesecake抹茶味濃 after taste回甘 芝士蛋糕非常幼滑creamy! jeng!!!

NN coffee可算是西貢名物，咖啡西餐喺香港競爭好大，但都連續兩年入選 timeout recommendation，仲要寵物友善有戶外位勁chill🫶🏻🍝 海膽蟹肉忌廉手工意粉 $188海膽鮮甜creamy就咁食已經齒頰留香，再配埋蟹肉意粉啖啖鮮味勁出色；但更令我驚艷嘅係巨量蟹肉，每條意粉都掛滿一梳梳蟹肉，忌廉汁用洋蔥炒香層次好豐富🦀 松葉蟹盛茶漬丼 $168西日式丼飯presentation已經好靚，味道用料都100分，蟹蓋入面裝滿蟹膏同蟹肉，撈埋生蛋黃更突出鮮甜。茶湯熱辣辣，鍾意食濕潤啲落多咗都唔會太重味。️飲品方面揀咗兩款signature，打卡真係超靚🍵 久丸小山園• 糰子黑糖抹茶牛奶 $56 有一層棉密奶泡，小山園抹茶甘香濃郁，黑糖只有薄薄一層，唔會太撞抹茶味☕️ Tofu Latte $56 當中豆腐花好軟滑，豆香同咖啡好夾，令成杯飲品更清新

入西貢諗住食個好少少午餐咁呢間兩三年前食過一次，佢有樓上座位，個感覺係幾好feel， 於是就決定食呢間！叫左個海膽蟹肉手工意粉、日式雞扒飯糰、一杯熱朱古力同埋一杯凍latte朱古力都算好飲嘅，都成$54 一杯Latte $45 杯但係飲落溝水咁最嬲係個意粉，佢話係手工意粉仲賣成$188 ，個意粉無味都唔在講、佢啲海膽係腥臭食落勁苦食左一啖就無再食海膽成個意粉都係勁難食佢賣$88嘅話都嫌多，仲要賣$188真係好唔開心間餐廳啲野仲要咁貴但咁難食浪費左我出去食午餐嘅quota...

個人幾鐘意既兩層高文青咖啡店, 門口有一個座位可以帶埋寵物一齊黎😎 照燒雞扒拌飯團🍙($98)煎到微脆既紫菜飯糰配上照燒汁雞扒, 呢個配搭基本上係冇得輸, 而且擺盤又靚🤩檸檬芝士蛋糕 🍰（$58)檸檬味好突出, 令到成個芝士蛋糕好清爽一啲都唔膩😌飲品方面揀左丸久小山園•若竹抹茶鮮奶($48/$52)同澳白咖啡($48), 兩款都係正常發揮冇咩特別🤣 呢度既vibe 係幾好, 重點係有上下兩層夠曬位置可以免去左等位既時間🤗

在風景如畫的西貢，有一家名為「NN Coffee」的小餐廳，以其精緻的手工意粉和獨特的飲品吸引了眾多食客。這裡的氛圍輕鬆舒適，非常適合與朋友聚會或獨自享用美食。以下是我在這裡的用餐體驗，讓我們一起來看看這裡的美味。海膽蟹肉忌廉手工意粉我首先品嚐了「海膽蟹肉忌廉手工意粉」。這道菜的呈現讓我驚喜，意粉上覆蓋著濃厚的忌廉醬，點綴著新鮮的海膽與蟹肉。當我用叉子輕輕捲起一口意粉，濃郁的海味瞬間撲鼻而來。意粉的口感滑順，與忌廉醬完美融合，讓每一口都充滿了香濃的海鮮風味。海膽的鮮甜與蟹肉的鮮嫩，讓整道菜品層次分明，回味無窮。明太子龍蝦手工意粉接著，我選擇了「明太子龍蝦手工意粉」。這道菜的色澤誘人，明太子的鮮亮粉紅色與龍蝦肉的金黃相映成趣。當我品嚐這道意粉時，感受到明太子的鹹香與龍蝦肉的鮮甜交融，味道極其豐富。手工製作的意粉彈性十足，完美吸附了醬汁，讓每一口都令人陶醉。這道佳品絕對是海鮮愛好者的夢想，無論是視覺還是味覺都令人驚艷。豆腐鮮奶咖啡在享用完美味的意粉後，我點了一杯「豆腐鮮奶咖啡」。這款飲品的創意讓我非常驚喜，豆腐的滑嫩與鮮奶的香甜相結合，形成了獨特的口感。咖啡的苦味與豆腐的柔和交融在一起，讓

趁放假去左西貢chill 1 chill, 落車之後行經一排海鮮酒家, 再繼續直行就會去到市場街, 有好多cafe同特式小店, 行左一個圈之後, 以主食品種同咖啡類別黎講, NN Coffee既menu都係比較吸引同種類多, 行日式西餐路線🥰🥰menu有幾樣都想試, 例如明太子龍蝦手工意粉同松葉蟹盛茶潰丼, 今次試住鰻魚飯同蟹肉意粉先😋😋首先木系裝修既cafe好有一種暖和, cozy既感覺, 特別係毛毛雨,近海比較凍既西貢, NN Coffee係一個可以休息下, 坐得舒適既好地方落完order之後, 隔一陣鰻魚飯就送, 好香!!! 不過想等埋意粉先一齊食, 所以之後少少凍左, 影響左厚切玉子既口感, 不過鰻魚份量幾足, 粒粒飯都有照燒汁, 暖笠笠, 係一個幾好既選擇。美中不足既係, 覺得燒汁可以再濃味少少,  不過整體very nice, 值得encore!!另一款試左pasta, 有d surprise呢到有手工意粉食, 因為市場街另外幾間無標明係手工意粉, 咁又多左一個吸引點啦😉手工意粉既特色一般都係彈牙同有嚼勁, 而且掛汁, 今次呢款蟹肉意粉亦做得好好, 每條意粉都有掛汁, 夾埋

樓下只係得兩張檯仔，但隔離樓梯上就係個闊落得多既閣樓，不過週末中午人流不斷，我地都真係唔敢久留🤣▪️蒜香時令海蜆手工意粉 （7/10）💲138海蜆新鮮，雖然話係手工意粉，不過好似同坊間既扁意粉分別不大，未至於好彈牙，都唔會話太腍，最重要係掛汁，充滿蒜蓉牛油同埋香草味，不過就真係偏油🫢▪️明太子龍蝦手工意粉（7.5/10）💲178龍蝦尾已經起埋肉，岩我呢啲懶人，肉質彈牙，麵條同樣係扁意粉，掛滿明太子醬汁，感覺Creamy但唔膩🍝▪️松葉蟹盛茶漬丼 （7.5/10）💲168蟹蓋入面有好多蟹膏，仲有隻蛋黃，撈埋一齊都幾香，亦有唔少蟹肉絲，應該有用火槍輕輕燒過吓，連飯粒都帶點焦香，再倒入焙茶，效果比預期中匹配🫖▪️雜莓法式西多士 （7/10）💲108鬆軟既麵包體，索咗好多蜜糖，甜度偏高，蓋過左蛋香🍯伴碟有藍莓同士多啤梨🫐🍓▪️久丸小山園•糰子黑糖抹茶牛奶 （7.5/10）💲56 (Iced)賣相好吸睛，面頭係煙煙韌韌既糰子，雖然話有黑糖，但係飲落唔覺好甜，抹茶比較甘口🍵▪️提拉米蘇 鮮奶💲56 (Iced)🔎 整體評分（7.5/10）

Weekend 唔知去邊好就諗住入西貢逛逛遊到西貢海傍廣場附近的巿場街短短的街道有好多小店，餐廳，cafe見到NN門口好吸引就撞左入去點左：1. 松葉蟹盛茶漬丼🦀2.煎餃子🥟3. Moca4. 桂花烏龍茶無諗過其求一間店全部野都幾好食特別推薦松葉蟹盛茶漬丼蟹肉蟹膏撈埋個飯超出色！揸車過嚟都好方便樓下就有2小時錶位～

NN Coffee每次黎西貢都會試下唔同既Cafe，今次試左NN Coffee ，店鋪有兩層，座位舒適亦夠多，店內環境寬敞，行日系風格，裝飾較簡約，給一種舒適既感覺，可以坐低傾下偈，嘆杯咖啡。—明太子龍蝦手工意炒 $168明太子醬汁夠creamy，保留到明太子特有既咸香味，手工意粉都彈牙，有掛汁效果，而龍蝦肉質夠肥美彈牙，仲已經起左肉唔使剝殼，好方便，配菜洋蔥唔會過軟過硬，成功增加左口感。—蒜蓉時令海蜆手工意粉$138蒜蓉配蜆既意粉係常見既配搭，蒜蓉牛油味夠香夠濃，配上鮮味十足既花甲鮮味，香噴噴好食！而且有配搭蕃茄仔，仲有D清新既感覺，絕對唔會覺得好膩。—久丸小山園糰子黑抹茶牛奶$56絕對係比賣相吸引而下單既飲品，味道正常。—Tofu Latte $56豆腐鮮奶咖啡夠特別，豆腐花滑滑又甜甜地，同咖啡又幾夾，飲落有咖啡味之餘帶淡淡豆香。