影片
以上資料只供參考, 請與餐廳確認詳情
中環搵食攻略 越式小店 生牛肉河湯香濃 用自家每天煲既鮮牛骨濃湯入口濃香鮮甜,撞上滑溜河粉,再加上薄切肥牛片牛肉嫩滑,河粉吸湯,啖啖牛肉牛骨精華 出色~豬扒撈檬粉豬扒入味 煎得香脆既豬扒分件上以魚露拌勻蔬菜絲與檬粉條,又香又惹味!夠清新~越式炸雞翼都好味 炸得好脆口!啖啖肉夠大隻添呀!整體感覺唔錯, 午餐凍飲唔使額外加錢好抵!消費$150中環結志街50號地舖
繼續閱讀
Lunch time 經過所以入左去食。環境狹窄啊 食物非常一般啦 不過中環lunch 一碗粉加有野飲都算係咁重點係埋單嘅時候。問職員可唔可以用八達通，佢話可以跟著收左張八達通，點知好耐都冇俾返，跟住我走近收銀見到我張卡就咁放左係櫃面冇人理，之後我覺得唔對路去攞番張卡，職員示意我俾錢，我就用octopus 去doot. 俾完錢係冇八達通餘額顯示的，所以個一刻冇發現之後下午再用八達通發現餘額少了😅😅😅自己疏忽加上職員都係有d 問題，建議大家下次小心d Unpleasant experience overall.. 好彩自己發現到如果唔係double pay 左
繼續閱讀
難得放假，去完離島出返中環想搵間小店支持。夜晚七點半差唔多八點都唔多人食 對佢冇咩期望🙈 不過後來愈嚟愈多人 仲坐滿咗，先發現佢喺嗰一帶都幾出名。由於冇set 嘅關係，都係散叫咗兩碗粉麵同一個小食就算😂 最值得讚賞係佢嘅牛爽腩因為咬落牛味濃之外，都幾爽口😬成碗粉太大了，所以食唔哂🙈服務態度都幾好純粹係見隔離枱有人飲醉酒 間唔中倒瀉嘢又整跌嘢 成日搞到個店員 不過店員都好有禮貌去幫助佢哋🙈 呢件事都好難得另外叫咗豬頸肉同𤏪檬 就不過不失
繼續閱讀
越南生牛肉湯河 • HKD$62生牛肉好淋，直頭有d入口就溶嘅感覺🤯不過就唔係好有牛味～個湯比起spring field冇咁濃牛味，屬於比較清嘅湯底，但都有肉味嘅～落左d青檸汁同辣椒粒之後，湯底味道更出，所以都強烈建議大家可以試下🤗細食嘅朋友可以叫少麵～就算少麵個份量對女仔黎講都啱啱好👍🏽呢個午餐仲包埋飲品，即使凍飲都唔使另外加錢，喺中上環地區可以話係超級抵食👍🏽👍🏽另外值得一讚係姐姐嘅服務態度好友善，而且上菜都好快！
繼續閱讀
今時今日要係中環食個平靚正既午餐，真係有一定既難度，好多餐廳Lunch 70零80蚊起跳，味道仲要唔一定好食，好經常中伏，今次黎到中上環結志街，分唔到佢到底屬中環定上環啊我越南屋lunch set有10幾款揀，好多選擇下，價錢相對就合理啲啦，62或者68包杯飲品，凍飲都唔駛再加錢，除非你係嗌滴漏咖啡或者特飲啦，我之前就有食過佢個生牛河，份量大夠飽，而且味道又正。不過今次想食下其他，所以就嗌左燒雞撈檬撈檬份量都好夠，燒雞亦有足足5舊，味道都幾好。不過因為鋪頭面積唔大，枱與枱中間有啲難出入
繼續閱讀