影片
更多
2008-07-26
18 瀏覽
難得入去元朗，事前喺OR細心睇下食評，誓要一擊即中揀到一間好餐廳啦! 經過細心嘅審閱後，同媽媽達成共識︰New York Cafe & Bar 。外面嘅帳篷睇落去好似真係好西式咁，但入到去見到都幾港式嘅擺設又令我懷疑究竟佢正唔正宗。但一開始上菜後，我對於佢係咪一間「港式西餐」嘅憂慮就完全冇晒。坐底冇幾耐連野都未叫，侍應好似放底計時炸彈咁突然放底一個stand，然後隨即離去...望真D原來有三支grissini。因為依度收費一D都唔貴，所以冇諗過會有grissini。唔係餐包，特別之餘，亦都唔漏。雖然係買返唻，但都幾脆下，點咪自製的醬（應該係沙律醬加芥辣，開胃之餘又香)，係好嘅開始。Set lunch其實只有幾個選擇，又唔係太想剧扒，於是我地兩個人叫左千層麵($68)同雞扒($38)。Soup of the day - 露荀湯。非常之creamy，好香忌廉味，唔係得麵粉，但有少少漏。料就冇嘜啦，而所謂嘅露荀湯都查實係忌廉湯加幾片隻露荀，不過都幾好飲。海鮮千層麵一上枱，不禁「嘩」一聲! 個碟勁大，而賣相冇因為係lunch收少D而馬虎了事，非常之靚。面有一塊烘蒜蓉包，但咬落去並唔係咁脆咁香，
外面嘅帳篷睇落去好似真係好西式咁，但入到去見到都幾港式嘅擺設又令我懷疑究竟佢正唔正宗。但一開始上菜後，我對於佢係咪一間「港式西餐」嘅憂慮就完全冇晒。坐底冇幾耐連野都未叫，侍應好似放底計時炸彈咁突然放底一個stand，然後隨即離去...望真D原來有三支grissini。因為依度收費一D都唔貴，所以冇諗過會有grissini。唔係餐包，特別之餘，亦都唔漏。雖然係買返唻，但都幾脆下，點咪自製的醬（應該係沙律醬加芥辣，開胃之餘又香)，係好嘅開始。
Set lunch其實只有幾個選擇，又唔係太想剧扒，於是我地兩個人叫左千層麵($68)同雞扒($38)。
Soup of the day - 露荀湯。
非常之creamy，好香忌廉味，唔係得麵粉，但有少少漏。料就冇嘜啦，而所謂嘅露荀湯都查實係忌廉湯加幾片隻露荀，不過都幾好飲。
海鮮千層麵
一上枱，不禁「嘩」一聲! 個碟勁大，而賣相冇因為係lunch收少D而馬虎了事，非常之靚。面有一塊烘蒜蓉包，但咬落去並唔係咁脆咁香，主要只作裝飾之用。Lasagna表面焗得少少脆，中間嘅芝士同mariana sauce都好香又唔會太多，唔似平時大大pat肉醬同芝士泛濫到睇見都唔想食咁。個底就係茄子同魚為主。仲有一舊青口同dit咁dur嘅蟹肉（真係dit咁dur），增添左鮮味，非常之驚喜! 茄子幾香，但個魚就一般...如果少D魚多D其他海鮮會好D啦，不過只係$68又怎能要求咁多? 第一次食seafood lasagna，不但味道豐富好多，仲冇咁漏。但話雖如此，始終係lasagna，都好飽，不過唔係食得好辛苦嗰隻。$68換來嘅滿足感原來可以咁多。
烤雞扒
可配沙律、飯或意粉，我地要左意粉，竟然係linguini，太 好 了! 但可惜不夠彈牙，不過個汁都OK。雞肉烤得塊皮幾香，味道唔錯，但乾左少少唔夠滑。面嗰塊脆皮都唔錯。冇個千層麵咁好，但以$38唻講，（如果個千層麵係超值嘅話），依個絕對係超超超值。
芝麻雪糕
食到已經捧住個肚，點知仲有個甜品。小弟不太鐘意芝麻雪糕，所以冇食，但媽媽話唔錯。如果有多款味道選擇會好D。
餐飲要了凍檸茶，冇咩茶味，所以飲左幾啖就冇飲。
服務方面，其實係做齊晒所有野，但奇怪地仍然覺得冇咩親切感。侍應會自動自覺問你要唔要黑胡椒等等，但比較機械式，應該係教左佢地咁做，而唔係自己本身識做。埋單時發覺唔駛加一，莫非佢都覺得自己有所不足唔好意思收你10%?
埋單每人平均$53，有三個course，咁嘅質素，老子真係無慾無求了。
張貼
