New York Cafe & Bar (已結業)

因為於元朗居住及工作關係, 已多次到此餐廳消費.此餐廳極難訂位, 原因之一是座位不多, 我想更大的原因是他們只開午市及晚市, 午市12:00開店, 晚市大約17:30開店, 於其營業時間之外的時段, 不能祈望有人接聽電話.今次因為還沒吃早餐, 便於12:00到該店吃午餐, 因此也幸運得在沒有預約下能得到兩個位置. 多次光顧, 其食物質素在元朗區來說, 是真的很不錯的, 這樣的質素來說, 價錢也很合理.今次點了午餐, 先來了個磨菇湯, 超好喝! 主菜是"烤雞意粉", 也很好吃,分量也很充夠.只是最後那一杯熱咖啡"很一般". 食品質素真很不錯.只是, 不知道為什麼, 每次去這家餐廳, 每次看到店員的臉色也"很不好", 他們不是沒禮貎..., 但就是一副"今天我心情很不好"的樣子. 所以, 要去食該店的朋友, 遇到這樣臉色的店員, 請不用生氣, 他們不是針對你的!!

這間店子向來難BOOK位, 想不到這次早一晚打來訂就BOOK得到,雖然按時到達還是等了10分鐘是晚ORDER了兩份主菜炭燒特級牛柳MEDIUM 剛剛好, 牛柳好大的一塊&JUICY, 鬆軟有彈性且牛肉汁香濃, 薯蓉夠滑, 牛油味濃, 面頭塊脆脆亦都夠脆夠咸好味道朋友點了雜拼, 可惜佢唔食得牛, 所以點了吞拿魚柳拼雞串吞拿魚柳微煎之下帶出外脆內鬆軟口感, 伴碟芥末汁惹味, BUT雞件就一般最後ORDER了平靚正焗薯皮作結... 飽晒: D雖然唔太明點解唔影得相, 不過希望快快取消呢個政策佢啦食物佈置得咁靚, 冇得留倩影真係好可惜!

講左好耐終於book左枱食到啦~聽講一晚分左3個時段, 我地2個人book 左2nd round, 7:30可以食到9:00冇人趕你食快D既情況, 佢地本身上菜都幾快, 2 個人的話唔洗趕你都應該可以在個半鐘內食完之前見到有post話唔可以影相, 我留意唔到有呢D notice, 但見當晚冇人影相, 所以我都冇影到 >_<呢晚叫左個焗薯皮(HK$3X), rib eye (HK$198) 同埋一個smoked salmon pizza (HK$7X)主菜+$28 可以加salad / 湯 + 野飲野食方面, 整體不錯, 不過原來我叫的那個pizza同個焗薯皮味道(點解個味會似解釋唔到...) 同 材料上好似,又係有D cheese呀, 煙肉呀, 一條條草呀.....個pizza 感覺上係焗完再舖D三文魚咁樣, 本人意見唔好同時叫呢兩個dish, 會好好漏咁rib eye 都大塊, 叫左5成, D肉好嫰, 好食, 佢有side dish 又係一個焗薯,,, 食不下了 有"2格"cheesecake 仔, 因為昨天吃了一個超好食的cheesecake, 一比之下完全沒有

下次一定唔會再去, 無論食物,服務完全唔值得去食物方面: 價錢不是平宜, 但食物品質不新鮮, 虎蝦唔熟, 湯太咸, 芝士CAKE太硬服務方面: 某個光頭帶眼鏡侍應, 本人十分不滿意他的服務態度, 超串,問多句都唔想答你給大家提示, 這裡是唔可以拍照的, 拍照的話,有侍應會同你講唔可以拍照, 你叫人怎樣介紹其他人去幫襯

1個月冇食呢間飯堂了,原因係次次都book唔到位,可能係即日book既關係,真失望今日有朋友遠來找我食飯,我當然早上12點即刻打黎book 晚上6點!!居然book到~~正!!!!!今日光頭哥哥介紹燒豬骨(好大件)好好食~加$28轉餐~底!!!再叫了雞薄餅,魷魚圈....朋友都說食物,很有水準,待應也很好,不停為我地加水...朋友說,下次一定會同朋友再來

放大假無乜特別節目，專登老遠慕名而來，試試係咪真係咁正。去到剛剛下午兩點，但仍有數人在外面排隊等位，唔係馬？餐廳位於小型商場外面，面積不大而且裝修普通，侍應亦普通便服上陣，杯碟刀叉都無乜特別，咁點解外面傾盆大雨重咁多人？坐低叫一客4安士牛柳午餐，餐湯明顯係自家製，唔太大碗但幾好味，可惜唔知個湯的名字。戲肉係牛柳加炸薯角，嘩嘩嘩，擺碟好pro，有酒店水準喎；件牛柳唔太大件，但好新鮮而且好鬆軟兼且係炭燒，唔似一般餐廳只係用鑊煎，味道差天共地呢，牛柳非常好味，唔鹹有鮮味；薯角亦好食，火候剛剛好唔會熱氣，份量亦足夠；咖啡亦係即磨，都好有水準。餐廳唔收加一，埋單$68，下次一定會試8安士牛柳午餐($118)。總括而言，呢餐好滿足，咁既價錢都有件咁正斗既炭燒牛柳（我的至愛），而家真係可以話絕無僅有囉，上次去扒XX王食個下午茶垃圾扒餐都要呢個價錢啦；唯一要彈既，就係人多食得唔多舒服，而且餐廳收三點鐘，兩點半打後已經唔想收新客，食得好似比較趕咁。不過咁既價錢咁既食物質素，重想點？下次一定會番焯，因為其他套餐睇落都好有水準咁喎。

同男朋友係OPENRICE 搜尋完元朗有咩好食...見佢好似唔錯...所以5:00 BOOK定6:30 食一餐早飯...^^因為佢地真係好FULL BOOKING....我地6:30 坐底之後就叫左個牛柳拼吞拿魚柳....加T骨......餐湯係菠菜CREAM SOUO..真係好好味之後叫左一個ICE chocolate...and ice mocha...真係好有心思的餐飲...ice chocolate...必飲D main course 黎la.....D牛柳真係好正....好過T BONE........(我覺得JE)吞拿魚...外層熟中間生...真係超好食..........埋單都係188 好抵食...又好食.......不過最衰係 唔可以影相......MENU 上有 NO PHOTO....所以真係要親身去試下

很久之前到過來吃,突然很想吃西餐,於是便在OPENRICE搜尋看到這間在元朗西餐廳中排首位便於一日前打電話看看能否BOOK到枱說真的,電話頗難接通一是長響不停,一是忙線打了很多通才有人接聽幸運地,居然有位,不過要到九時才有,沒所謂,反正有枱,九時便九時~未夠九時,已經到達餐廳,因侍應提醒只會留枱5分鐘.看著餐牌,果然看到"NO PHOTO"雖然很想為美食拍下照片但既然寫到明,也冇謂要侍應出面阻止於是拍照之事也只能乖乖作罷...先來的忌廉磨菇湯,湯味十分香濃,而且夠creamy,好味道!再來的凱撒沙律,份量十足,生菜多,配上沙律醬,令人食慾大增;然而所用的煙肉,很硬,沒有切開細細塊,要自己花很多力氣才切得開,但由於太硬,刀聲切在碟上的聲音頗大!而且煙肉有點像烤豬肉乾的味道,不太好吃.至於麵包粒,也沒有預先切好,又是一大條,但卻不太鬆脆,當然也不好吃......再來的小食焗薯皮,很香,用料十足,芝士蓋在面上很香濃,但又不會太膩,$28,真的很抵吃~跟著的主菜羊架-很香,有點騷,但不會太過份,肉質柔嫩,味道一流~再來要了雜扒-牛柳拼雞串,牛柳一般,肉質不夠嫰,但也是可接受.至於雞串,認真麻麻

係openrice 留意左呢間cafe好耐....終於可以一試!訂左19:30,,早左少少去到,..準時入座!先看餐牌價錢..男朋友一定心諗質素.............最後男朋友叫左T骨扒(5成熟),我就order左牛柳+吞氧魚柳(各食5成熟)食物上台...塊牛柳好juice 好味!而男朋友塊T骨扒就幾乎係全熟!><心諗呢個價錢就唔好太有要求..所以男朋友決定照食可也!男朋友一路食一扁晒咀...可能有人留意到..有位疑似經理同男朋友講T骨扒似乎太熟,..幫男朋友換左塊5成熟的!單是呢個舉動已經可以令我地下次再去...更何況無論食物質素出奇的好.而家價錢相宜!!.

After trying this restaurant, I found that the service is acceptable as least we can change the drink after ordered without a long face; and the staff is honest as they give me back $100 when I discovered that they have changed $100 short after I have picked them into my wallet.

聽聞好難book位既餐廳，星期二打去book星期四，只剩6:00，仲要只hold5分鐘，搞到我真係一路行去就一路睇錶，驚死遲到嘛!見到前面既食評都係食t-bone，我當然不能不試啦~另外仲叫左個牛柳同埋焗薯皮，餐飲當然係要唔駛加錢既凍朱古力啦!焗薯皮︰好香脆，而且落左少少既醋，唔怕太膩，4大件只係$28，好抵食呀!!!!!!T骨扒︰黎到時嚇左一跳!駛唔駛咁大件呀!!!!!食落夠肉味，78咁大件仲有咩好講??!!牛柳︰相比之下份量差幾倍，不過肉質好嫩，同t-bone味道好唔同，各有各好~凍朱古力︰飲埋呢杯凍朱古力，呢一餐簡直prefect呀!夜晚怕訓唔着，冇叫ice mocha，但下次一定會試!餐廳內真係張貼左唔俾影相既各示，現場有人影相亦都俾人阻止左，雖然呢個規舉有D令人費解，但佢地都係有禮貌咁同人解釋既~好啦!咁我偷影一兩張算數啦!

是日妹妹生日，終於來到想來很久的「New York Cafe and Bar」鋸扒吃西餐。一定要訂位因為近來這裡7:30pm-9:00pm的時段差不多晚晚爆場，所以一定要預先打電話訂位 ; 在這時段walk-in，機會比較渺茫一點。不准拍攝七時半準時入席(早了來到也要等，因為之前時段的人還沒走)，看到餐廳內果然真的標貼了「不准拍攝」的字句......好，既然來得吃，就要守一下規矩，影合照時叫店員幫忙拍，影送菜時，快快用手機拍。(似乎這裡的「熟客」都習慣了這樣子)我們看了下餐牌，加上之前看openrice各食家在網上的推介，一行三人便選了以下美食:- 一個set dinner: 要t-骨扒 ; - 一個雜扒餐，要牛柳+吞拿魚柳 ; - 另外加多個煙三文魚薄餅。跟餐的兩杯餐飲都是冷、熱隨意點，不用加錢:我選了Iced Mochachino，妹妹選了Iced Chocolate。餐湯是晚餐湯是西蘭花磨菇忌廉湯，但除了有西蘭花、磨菇外，還吃到有煙肉碎、薯仔等材料; 這湯香濃而幼滑，集於一杯之中，真想自己走去再盛多碗喝。主菜T-骨扒只屬「標準之作」大是很大件(之後看到另一檯女孩子們的T-骨扒還要

本來食幾次都好推介呢間餐廳,有咩大小節慶都會諗起佢.今次諗住食生日飯,專登預早兩個星期訂枱. 噚晚去到,兩個人坐係出面高枱. 食生日飯當然少不了影相,點知俾人警告話呢到係唔俾影相嘅?! 雖然我唔明點解唔得,不過都算,收埋部單反用電話合照兩張都得掛? 再次被警告, 佢話: "唔好再影喇,我已經講咗呢到係唔俾影相!" 我又唔明喇,如果唔俾人影相,咁後面幾枱人用緊iphone影又得? openrice又可以咁多人post相寫食評嘅? 最嬲係我見到你個唔知職員定老細同個客嘅bb係到玩,拎部相機出嚟影囉?! 我哋決定反問佢一句: "係咪高枱先唔俾影相??" 我諗如果唔係大家影低你d食物寫食評,你會有咁好生意? 真係唔識把握網上免費marketing嘅機會!好抱歉,你經已流失咗我呢一位或以上的客人...

每次都唔記得 book 位, 所以每次都要碰碰運氣 walk in, 於是每次都要排 waiting list, 幸好只要有耐性都可以食到麵包條: 好香脆, 加埋D酸甜醬, 又開胃又特別忌廉湯: 香濃滑, 加埋黑胡椒粉, perfect羊架: 外脆內嫩, 香口唔蘇牛柳: 厚,嫩,牛味濃, 有D生但無揸配菜: 茄子翠玉瓜, 無特別但夠fresh, 薯角ok凍飲推介: Ice Mocha, 凍朱古力

今晚突然興起, 同老公黎試下呢間餐廳~~第一次黎食, 無book位, 諗住去掽下運氣~~~點知去到, 好好彩只等了 5 mins左右就有枱...坐門外的露天茶坐, 我覺得幾好, 仲有風味tim~^^餐廳亦好細心咁每張枱下都放了蚊香, 咁坐出面都唔怕比蚊針啦~~~我同老公每人叫了一份 T骨扒餐~送來餐前小食....麵包條, 好香脆, 點的醬汁酸酸甜甜好開胃, 我好鍾意個醬汁~~~~~yummy~ 是晚餐湯係青豆忌廉湯, 味道好fresh, 唔錯~~主菜終於出場, 夠大件, 5成熟剛剛好~~~good~餐飲點了兩杯 Ice Mocha, 出乎意料都幾大杯之外, 真係幾好味...~~不用加一, 凍飲亦不用加錢~~~ so good~~~服務態度唔錯~~ 我同老公都好enjoy呢餐~~~下次同老公一士定會再黎