NENE CHICKEN (朗豪坊)

營業中

休息中

小弟我呢就有個親戚係美國嚟咗香港，咁呢佢就好鬼鍾意食炸雞嘅，咁又冇理由帶佢去啲美國都好多分店嘅炸雞舖架嘛，咁所以呢就帶咗佢去呢間韓式炸雞舖，其實呢我之前都有食過，覺得都真係幾好食，所以先帶佢嚟。咁黎得炸雞舖就一定要叫炸雞㗎啦，咁佢可以combo咁叫嘅，即係一碟入邊有兩款唔同味道嘅炸雞。我就揀咗佢哋甜辣炸雞同埋蒜香醬油無骨炸雞，首先講吓個甜辣炸雞啦，咁都係皮好脆嘅，個味道呢個醬呢甜甜地辣辣地咁，入邊啲炸雞肉好嫩滑juicy，超好食！個蒜香醬油炸雞呢，個皮一樣咁脆，但係佢就有一種蒜同醬油嘅香味，少少鹹，入邊d雞肉都係好嫩同多汁，真係好正！跟住落嚟呢就呢個牛肉pizza，佢個餅皮呢就同普通Pizza唔同啦，有一種好特別嘅感覺，比較煙靭，而啲芝士嘅絲都可以拉到好長，牛肉都有一種好香濃嘅牛肉味。都唔錯幾好食。脆炸紫菜蝦卷，er好老實講呢個就比較一般，因為呢佢個蝦其實唔係好脆，個壽司卷呢又比較容易散，蝦就冇乜鮮味，如果個卷可以實少少同d蝦可以脆d就好啦。咁總括嚟講其實都唔錯嘅呢間，d炸雞都真係幾好食，三個人食平均每人二百零蚊，同埋啲雞有呢個質素，都算係咁。

見好耐冇食韓國野，果日同朋友一行4人去左呢間食。佢位於旺角朗豪坊岩曬一班朋友約去，易搵又中心！特別一提，玉子燒係有芝士拉絲，岩曬鐘意食芝士既朋友。無骨炸雞都方便大家食。餐廳仲播住韓文歌，環境唔錯。

行完朗豪唔知食乜知道呢間韓式炸雞店好出名又好耐冇食炸雞,一於一試==============================前菜既泡菜,不過不失甜辣+蒜香味既NENE雙重滋味炸雞(無骨)好鍾意佢既蒜香味炸雞蒜味好香濃,而且唔會太咸而甜辣都不失為一個好選擇佢唔會得個死辣而且甜甜地會好突出到佢辣既香炸雞都炸得幾嫩金大人串燒拼盤呢個真係夠晒抵食一個拼盤入面有多種味道既雞翼：糯米釀雞翼(無骨)、流心芝士菇釀雞翼(無骨)、水牛城燒雞中翼、菠蘿蜜烤雞中翼、素菜烤釀雞中翼仲有個充滿芝士既農夫包而我就最推介流心芝士菇釀雞翼啦忌廉夠晒香,又唔會膩而素菜烤釀雞中翼就幾清新,可以令成個拼盤唔會寡,係一個幾好既配搭但燒雞中翼就麻麻地,太乾而且有少少肉騷味不過農夫包雖然好多芝士但個人覺得芝士既奶味太重搶左味只係叫左兩樣野就夠晒我地兩個食到飽飽仲要質素都唔錯先400唔洗抵食

點了明太子玉子燒，味道口感都很好。芝士拉麵，有點過鹹。這個炸雞拼盤（原味和調味），原味口感雖好但不夠入味。下圖這個拼盤一點都不好吃，中間的芝士跟旁邊的串串等等一點都不夾。糯米釀雞翼也不好吃，味道古古怪怪的。

因為我好鍾意睇韓劇，d韓國人成日都食炸雞飲啤酒，經過開旺角就試吓呢間係韓國人開嘅炸雞，佢地炸雞d款式都幾多，我就選擇咗白郡主炸雞同一個炒飯，一份炸雞嘅份量真係好多，我地2個女仔都食唔晒，d雞炸得好鬆脆，一咬開就有肉汁漏出黎，好juice,加上面頭果d汁好match，早知唔叫炒飯啦，都食唔晒，不過炒飯都好好食，有少少辣味，唔食得辣果d人都可以試吓，最後都要打包

Nene chicken位於朗豪坊嘅高層，裝修既簡約又整潔，令我有一種好舒服嘅感覺，亦令人蠢蠢欲動想叫嘢食。一坐埋位職員就畀咗一份免費嘅韓式前菜醃蘿蔔，畀我哋醒醒個胃。主菜方面我哋叫咗一份雙拼炸雞，分別就係韓式甜辣醬同初雪芝士炸雞。nene chicken 嘅炸雞的確與眾不同，表面炸得脆卜卜 嘅同時，炸雞嘅內部保持鮮嫩多汁，令人忍唔住一咬再咬。特別要講一講係初雪芝士炸雞，係用芝士粉而唔似坊間嘅芝士醬嚟營造芝士嘅味道。呢一種做法令炸雞嘅表皮唔會俾芝士醬浸淋嘅同時，亦都感受到炸雞調味上嘅美味。之後我都仲叫咗一份韓式芝士炒辣雞。呢份炒辣雞真係非常惹味同辣，鍾意食辣嘅朋友一定唔可以錯過。入面有年糕辣雞蔬菜芝士等不同配料，混合起上嚟簡直一絕！除咗兩份主菜，我地亦叫咗一份韓式手抓飯。手抓飯嘅意思就即係先奉上材料包括泡菜飯蟹子紫菜，再畀手套我哋自己整個飯團出嚟，真係好好玩，我朋友不停喺度整唔同形狀嘅飯糰。另外呢個飯直落咗唔少蟹子 所以味道非常清新。韓式紫菜飯素 亦都係成個飯團既味道來源。下次嚟食一定會encore呢一個菜式。值得加分嘅一樣嘢就係nene chicken好細心，畀我哋無限添加凍水。同韓

好好食既韓國餐廳，有好多唔同既選擇，我地4個人叫咗4個野食，好大碟，食唔曬，芝士面包好抵食，配唔多既串炸，好好食，但好易飽，另外明洞小食拼盤好辣，但唔辣唔好食，一路食一路飲水價錢中等

年初一中午行朗豪坊。好多舖頭都無開。見無食過nenechicken米試下。3個人入到去坐底，就俾左一碗仔泡菜我地3個人分。但望其他台所有人都係每人一個。我地商量好食咩，揮左好耐手都無人應，間舖頭係有好多侍應，但無人會理你。中午有個買3送1的優惠，一位侍應話有，另一位話無。然後每台都有水飲，我地坐左係度半粒鐘多都無水飲。好，叫佢俾水我飲，佢問我係米3個人....隔離台要水飲，同一位侍應直接俾左佢。然後叫左的炸雞拼盤送到，得2隻手套。又要再揮手叫佢令。成餐飯0服務，係我地自己服務自己，食物自己搬好位置擺無人幫手。食物正常，但我好後悔入左泥食！唔會再幫親！真係俾錢買難受！重點係其他人都得到正常的野。係我地台先甘。係米我地著得寒酸所以唔服務我。

近日同一班朋友到旺角朗豪食野，因為太耐無食韓國野，所以見到炸雞店就忍不住啦！一行6人（全女班）竟然點了4人餐就已經夠食，可見份量不少。芝士炒年糕拼拉麵原本以為是芝士味濃，但原來係辣味重，對小妹而言有點辣，但都想一口接一口食。年糕煙韌加上外層濃濃辣汁，麵條吸了辣汁味香彈牙可口。芝士鍋麵包香脆配上芝士汁濃香，但如果芝士汁可以再熱一點更可口。這個暖暖的芝士汁要到最後時熱辣辣沾其他食物，那時就十分可口。初雪炸雞及蒜味炸雞（無骨）初雪炸雞無得輸，芝士迷必點，濃香芝士粉佈滿全塊炸雞，一入口超濃芝士味😋😋炸雞香口，但又唔會太乾，有微微肉汁👍🏻👍🏻小妹強烈推介。蒜味炸雞，雞肉滑夠juicy，蒜味不算太強烈。豬肋骨肉超腍，肉剛剛離骨，用叉一拉就拉出一絲絲肉條。餐內還有pizza，上面有炸雞再配上小小沙律汁，味道不錯。餐飲點了柚子梳打，味道還可。

My friend and I went here for dinner. We got the chicken + cheese fondue for the two of us. The cheese fondue was in a round loaf of bread and the bread was rock hard 😰 The cheese wasn't as stretchy as I expected and it was more liquid-y. There were 6 different kinds of chicken on the platter. I liked the stuffed chicken wing the most. They charge you 10% service charge even though service was pretty bad. It was hard getting their attention cuz they seated us waaay in the corner even though ther

由於星期五旺角一貫勁多人，等位真心勁耐🤦🏻‍♀️最後終於到去，不過環境好嘈，不論係音樂定係人聲🥺叫左三樣野食（招牌炸雞、泡菜拉面、蛋卷）雖然蛋卷有點實心，但味道的確不錯，當然如果內裏流質些會更好吃；炸雞沒有特別評價；拉面份量算多，三人吃剛剛好，不過可以食辣的人都會覺得辣！🤪可惜員工長期黑面，雖然真係好忙，但其實都可以有個比較善良的面孔😞

2019年1月6日 19:30 左右 原來1個係食唔到…staff叫No. 唔㩒機就咁叫No. 007 No. 008 2位係唔叫No. 006 1位咁不如限定2位以上係唔招呼1位，我冇問題咁唔好比飛人拎唔係我走埋去問你。你先話下枱叫返我！即係點？即係我唔問你都唔會叫1位？搞到1位好似冇幫襯咁如果事先講聲，唔好意思2位會優先，1位會等耐少少，我仲可以選擇等唔等落去。Sorry, 我都唔阻人做生意留返d位比2人以上既客啦😁祝生意興隆

首先，服務態度差。服務員上茶果時求其一手pat過黎，講都唔講聲。可以話同茶記冇分別。之後，食物質素極差，物超所值。 我同朋友食左三樣野。第一樣係芝士炸雞球。芝士係普通芝士粉，完全冇特別。雞肉冇肉汁。 咁就170幾蚊第二樣係辣年糕拉麵。四個人食，每人食兩口冇左， 唔係比喻，係真係兩口。第三樣最過份，烤雞。肉質 又鞋又霉又冇汁。二百%肯定係冰鮮雞。仲有杯野飲，我叫左柚子梳打。 普通，完。朋友叫左杯shark attack.影相就令，到之後 成池死水咁。 條魚插住又唔估做咩勁。

啲雞係凍嘅KFC仲好食叫咗個芝士蛋飯 冇芝士 啲蛋好硬員工態度十分之差 仲要+1 水都要自己攞杯同碟都好污糟 說到這裏 我實在十分生氣 進了這間餐廳 是我這半年來做得最後悔的決定

喺Facebook見到韓國炸雞餐廳NeNe Chicken最近原來岀咗個新嘅炸雞套餐，趁weekday唔洗等咁耐位緊係拉埋朋友即刻去潮聖吓！餐廳嘅座位設計好闊落，燈光又夠光猛，坐得都幾舒服。期間限定套餐當然有主餐牌以外嘅特別menu。原來呢個套餐以Civil War做主題，除咗一啲餐前小食同飲品之外，以兩款口味嘅炸雞做主食，一款蜜糖一款香辣。見佢個menu設計得咁靚，忍唔住即刻order咗一set嚟試試佢！雞柳凱撒沙律 雞柳嘅份量十足，雞胸嘅部分唔會太鞋，沙律菜都好新鮮，配埋酸酸哋嘅凱撒沙律醬，夠晒fresh。芝士炸薯條呢款就啱晒鍾意食粗薯條嘅人，熱辣辣好有口感，點埋厚身嘅芝士醬，very nice！蜜糖+香辣炸雞主菜來了！主打韓式炸雞嘅NeNe Chicken果然冇令人失望，炸雞香脆得來熟得啱啱好，雞肉仍然保持得好嫩滑，啖啖肉汁，食多兩舊都完全唔會覺得漏。而且兩款味道都好好味，絕對值得一試。新鮮水果茶水果茶上枱後一直用蠟燭暖住，keep住暖暖哋嘅溫度，入口好舒服。仲有新鮮果肉，飲得又食得，正！