NENE CHICKEN (朗豪坊)

營業中

休息中

一次愛上既韓國連鎖店，今次已經係食第6,7次😂水準一樣咁好見枱枱都叫左2人餐，我地今次都唔散叫，要左個2人餐，照樣可以簡2款炸雞食，仲有2杯野飲，芝士火鍋同拉麵簡芝士火鍋我都係第一次食，店員就話係點雞食既，但係我地覺得炸雞已經有味係到，再點啲芝士好似會好怪，所以我地冇咁做，但又冇可能就咁飲，所以我地冇乜點到佢拉麵我係每次黎必叫，佢有啲似韓國火雞麵，不是死辣，是辣帶點甜，仲有我最中意既年糕，魚糕，必食！

一向都愛吃炸物😋這次來到旺角試這間Nene chicken, 看來人氣很旺。餐廳環境簡潔，，以白色和黃色爲主，黃色很有芝士的感覺😋令人想立即叫芝士炸雞。天花有正方形吊燈，很有特式，感覺新穎，時尚。店內很多人客，平日也很受歡迎。前菜有kimchi同酸蘿蔔,甜酸度剛剛好，十分開胃食物選擇很多，想了很久我們點了韓國x墨西哥風味脆薯，薯條夠脆，又多牛肉碎沙律醬，兩者味道非常配合，味道一流！上菜速度十分快，又有水提供，服務很好，很滿意。主菜當然要點炸雞吧！點了雙重滋味炸雞（無骨），選了甜辣和蒜香。甜辣的，辣度剛剛好，又甜甜的，很美味。還有杏仁片在上面，令醬汁不會太溜。蒜香味很香很惹味，外皮很鬆脆，雞肉筤嫩滑，味道岩岩好，啖啖肉，很好吃😋整體是有質素的炸雞😋會再來

自從公司搬左後少左去朗豪坊食飯，剛好假期約左同事朋友去行下，行完大家都有少少攰就決定早d食完晚飯返去。每次黎NeNe必點初雪炸雞今次食仍然會點，除左初雪炸雞外仲點左款新推出既避風塘味但NeNe chicken大玩食字將塘變成糖帶出炸雞會多份甜味。初雪炸雞水準依舊芝士味香得黎又唔會太濃而且甜甜地唔會單一芝士香味感覺又無咁膩，雞皮乾而脆內裹炸雞肉帶點雞肉汁但有少少部位比連乾。避風糖味係炸雞面上鋪滿炸蒜及辣椒聞落十分香但食感覺無聞咁重避風塘味，反而咬落糖比較突出。個人都係比較鍾意初雪炸雞多。2人食一份炸雞都已經好夠，所以再加飲品就啱啱好。lychee blue butterfly將荔枝糖漿加上藍碟豆花而成唔會太甜本身碟豆花無咩味但紫色既外觀就十分吸精。柚子梳打既柚子漿都幾多攪拌後梳打中和柚子甜味解渴十分好。

今日約咗男朋友食飯，旺角當然係最好嘅選擇啦，之前去過葵芳食呢間NeNe chicken，都覺得幾好食，今次到嚟到位於朗豪坊嘅分店試吓。一打開Menu，真係全部都係炸雞啊！我哋得兩個人，就決定要一碟炸雞同埋一碟飯share嚟食。前菜:-初雪炸雞: 一上菜就聞到濃濃嘅芝士味呀，原來係芝士粉嘅味道，而唔係嗰啲所謂邪惡拉絲嘅芝士味！炸雞炸得脆卜卜，個皮一D都唔硬，但入面就幾juicy，唔錯呢~~-韓式手抓飯:我哋今次揀咗吞拿魚做配菜，再配埋魚籽同青瓜粒，以及紫菜碎。店員介紹我哋用手套，自己包住唔同嘅材料食，但係我哋就比較想用匙羹😅。泡菜飯再加埋啲配料，好有韓式風味，有特色呢！-整體份量都幾多，兩個人食絕對唔會唔夠飽！

下雨天去左朗豪坊覓食！剛去完韓國，好掛住韓國美食，中午係另一店子食左餐韓餐不對辨的，唯有下午茶揀過間炸雞店再試下！炸雞店不用等位已可馬上入座，座位也不少，環境寬敞光猛，我們點了雙重滋味炸雞$178（有骨全雞的：招牌炸雞+韓式甜辣炸雞)等左20分鐘，炸雞到了，嘩！超大碟啊！每款雞各有8件雞左右。先試原味招牌炸雞，由於係啱啱炸起，真係又熱又香脆，肉又嫩，連雞胸也不嚡啊！覺得同韓國的沒兩樣哦！韓式甜辣炸雞個醬都好開胃，但由於太多醬汁，所以外皮無咁脆，但都是一樣肉嫩！如想食啖啖肉的，可㨂無骨雞件，只係$188呢間炸雞真係唔錯，大家不妨一試！睇下！雞脾肉真係又嫩又多汁架！點埋蜜糖芥末醬仲有提鮮作用添食左咁多炸雞，食番D餐廳提供的甜酸蘿蔔及泡菜，解膩一下

前一晚睇完炸雞特工已經勁想食炸雞，第二日即刻走去食啦梗係😂一坐低即刻叫左個雙拼先，我地兩個人，叫左韓式甜辣拼蒜香醬油味無骨雞。首先份量上，其實都幾多，但因為我地兩個都係大食之人，所以都食得哂。韓式甜辣唔係好辣，偏甜多啲，所以食多左會有小小漏嘅感覺，而蒜香醬油就真係好香，醬油唔係好咸，加埋蒜粒，食落口感好好，本人中意蒜香多啲。雞都幾大舊，啖啖肉，但overall略嫌炸粉較多。原本驚齋食炸雞唔夠飽，所以叫多左個海鮮炸醬麵。。。冇乜特別，好咸，同埋隻蛋食落冇味。。。感想就係其實食雞都夠。。。

旺角核心地段朗豪坊有一間超人氣話題排隊炸雞店，由韓國明星代言，「NENE Chicken」。今晚一於炸雞特攻隊上身，大擦一餐。一坐低，見到餐牌都好多選擇。好彩，餐廳有套餐可以選擇。真係選擇困難症人士嘅福音。我哋一於揀咗份NENE 芝味套餐（二人用），好多嘢食都只係 $398。餐廳首先奉上前菜兩款，分別係韓式酸蘿蔔、韓國泡菜，超級開胃。皇牌炸雞（任何口味，半份）白郡主炸雞。有別於一般傳統炸雞的口味。這款炸雞係用咗忌廉、洋蔥調味，酸酸甜甜，新鮮感十足，而且10分開胃。脆炸紫菜蝦卷。幾好味。NENE芝士火鍋。見到啲芝士已經覺得好邪惡。配搭香脆麵包，再用芝士點滿，滿足感一流。炒年糕伴拉麵。有別於韓國的辛辣，這款炒年糕絕對適合香港人的口味，小小甜小小辣，真係幾開胃。年糕煙煙忍忍，幾有咬口。韓國士多啤梨沙冰Lychee Blue Butterfly餐廳環境幾好，坐得都幾舒服，下次絕對會再來。

最近睇完炸雞特攻隊，挑起左食炸雞條癮，今日難得早收工，就一於約朋友食炸雞。今次揀左NENE Chicken，其實開店以來一直都好想試，今次終於一試。前菜兩碟，泡菜辣辣地，好開胃。我地揀左個芝味套餐，兩人份量，入面都包左唔少野。NENE芝士火鍋，配埋條形香脆包，芝士味好香。d包可以yum滿芝士，邪惡得黎好滿足。皇牌炸雞（半份），我地揀左白郡主炸雞，炸雞好脆好香口，而且肉質鮮嫩，配埋個醬好好味。脆炸紫菜蝦卷，炸紫菜加蝦再加埋配料，口感十足，好有咬口。炒年糕伴拉麵，呢個又係每次食韓國餐廳都必揀ge選擇，少少辣，有唔少魚片同年糕，好足料，拉麵亦好彈牙，唔錯。韓國士多啤梨沙冰，見到附近幾張枱都有叫，賣相好靚，士多啤梨味夠濃，睇得又飲得。Lychee Blue Butterfly，荔枝味夠出，甜甜地。二人餐黎講份量絕對十足，食到好滿足好飽。

呢間韓國炸雞店雖然係香港開左好耐但我一直都未試過,今日同朋友行下朗豪坊星期日特別多人食飯咁啱又見到nene chicken唔洗等位就初嘗nene.炸雞店食炸雞是常識吧,同朋友點左雙拼炸雞口味,一雞兩味.咁啱餐廳有新口味既避風糖炸雞將香港味道融入韓式炸雞入面就同朋友決定試試,另外點左推薦既初雪炸雞.首先送上炸雞解膩既醃蘿蔔同小菜泡菜.初雪炸雞係炸雞面上灑滿芝士粉,同平時芝士粉相比甜味比較突出,雞肉無咩雪味將雞肉咬開有雞汁慢慢流出.除左炸雞仲有幾片新鮮脆炸薯片都灑上芝士粉十分脆身但要盡快食因爲會慢慢變淋.避風糖炸雞食正避風塘字但額处加左份甜蜜糖香本身以為會好辣雞上有晒港式避風塘菜既賣相好有誠意,蜜糖味比避風塘味突出如果避風塘味多返少少就完美.另外點左份主食卡邦尼年糕麵,醬汁重忌廉味意粉同年糕充分掛上卡邦尼汁十分濃郁,年糕十分煙靭,好滿足.

我記得呢間店初初開果陣勁多人排隊，可能係第一間店嘅關係，果陣係打哂蛇餅去到升降機果個位。因為太瘋狂嘅關係所以一直都無食過，最近口痕想食炸雞，於是約朋友嚟呢間試試係咪好食得咁誇張。而家啲炸雞口味選擇超多，以前都只係得幾隻味，而家已經係咩口味都有咁滯，而且每款雞都可以揀有骨同無骨，怕麻煩或者想食得斯文啲可以揀無骨，啖啖肉！今次我地嗌左三樣野食，分別係：韓式甜辣炸雞，例牌嘅韓式醬味，即係又甜又辣咁。蒜香醬油炸雞，呢個味道就特別啲，勁蒜味好香！

成大半年冇食過韓式炸雞喇，收工約左朋友黎呢間餐廳聚舊。其實身邊有唔少朋友食過都話唔錯，所以我地都幾有期望。呢兩碟小菜送嘅，泡菜唔太辣，醃蘿蔔酸酸甜甜好開胃，留返少少之後食炸雞解膩，哈哈 😄迷你雞蛋卷（明太子）$90一上菜我地嚇親，因為一啲都唔迷你，超大份！！好難想像勁量蛋卷係點！啲芝士拉哂絲好邪惡！！明太子亦好足料，連埋沙律醬一齊食，口感好豐富亦好夾雙重滋味炸雞（蒜香同蜜糖）$188有骨同無骨相差$10，緊係要無骨啖啖肉正啲啦下次一定要試埋芝士味同甜辣味！呢度啲炸雞炸得好出色，唔厚粉得黎，啲雞肉係好滑好汁，好少炸雞餐廳做到閒日夜晚7點半黎，唔算好多人，可以慢慢食住炸雞，睇下Kpop mv^ receipt & menu

韓國風一直無停過，睇完韓劇就更加想食炸雞啤酒。今次試下呢間nene chicken , 韓國都有分店既。好似話最好食係初雪炸雞，即係芝士炸雞，但去到已經賣哂。今次叫左雙重滋味，即係自己揀兩隻味，咁樣可以試多d味有成10隻味任你揀。我就揀左韓式甜辣炸雞味同埋蒜香醬油炸雞味。d雞炸得好好，外脆，但仲保持到入面既雞仲滑嫩多汁。甜辣炸雞，味道係甜甜地既，唔會好辣，岩哂唔食得好辣既人。另外個蒜香醬油味，蒜香味好香口，唔咸，估唔到咁好食。另外仲叫左個海鮮炸醬麵，有好多海鮮，有蜆，有蝦，有青口，有尤魚，有蛋，有魚片，仲有年糕，好多料。想講下每枱一坐低，就會送上泡菜同醃蘿蔔，個泡菜好食喎。餐廳仲有籃提供，可以放手袋，唔洗一路攬住袋食，加分

今日試左呢間位於朗豪坊既炸雞店 一入到去周圍已經播梗韓文歌 個環境都好乾淨企理 坐低之後就有幫我地上小食 小食系泡菜同酸蘿蔔 兩個都幾味幾好胃我同朋友兩個人叫左個芝士炒年糕伴拉麵  雙拼炸雞 我地叫左甜酸同醬汁蒜香炸雞 甜酸炸雞個味道就有啲似咕嚕肉 酸酸甜甜 但蒜香就系甜甜地 醬汁好入味 好味根住個芝士炒年糕 有年糕 拉麵 魚糕 然之後鋪左層芝士系面 所以要襯熱食呀 辣辣地 幾好味食韓國炸雞唔一定要係韓國既 呢間真係值得推一推 服務員態度好 環境舒服 食物有保證 自己去左2次真係忍唔到要寫寫食評讚讚佢

由國民MC劉在石代言的韓國人氣炸雞品牌過江到港已有一段日子，韓國甜辣炸雞醬汁仍然係我另一半的必叫口味，蜜糖汁貼口非常，所以甜味比辣味較為出色，沾上醬汁後脆皮雖然沒有招牌那樣香脆，但咬一口之後入面的滑雞配合甜汁口感就比較Juicy😋 當然每吃一啖炸雞口裡就多一份油膩，所以我特別鐘意食佢d 黑芝麻酸蘿蔔👍中和醬汁的油膩感。脆炸紫菜蝦卷，每次食韓式紫菜卷感覺與日本壽司卷就像換湯不換藥，今次特別試了一個較厚實的炸紫菜卷，多層比想像中脆口，與蘿蔔絲瓜蛋合成一塊後總算擺脫了壽司卷的老番味道🤣👍老人家的我眼見整個食店都是年青少女少男點了一杯杯的特飲，我們一反潮流! 叫了一個滋補解燥的蔘雞湯以取代涷飲，湯上檯時陣陣濃香人蔘雞湯味，材料豐富，大大件煲得連骨頭也盡林的雞塊出奇地滑溜😱 鮮湯加上少量的米粒讓口感提升不少。是飲得過的湯品👍開胃飽肚的NeNe Chicken坐了90分鐘的晚餐中聽了不少潮流韓歌，場地佈局可以推介給一大班朋友老死來吹水傾計食雞，比起對著手機食雞起來多美好啊🤣🤣

放假的星期一一早起身去左跑步出身汗 消下脂 好爽跑步是為了吃更多的美食！哈哈！食野可以減壓嘛😂今晚我去左朗豪坊行左一陣等埋老公放工 同老公撐下枱腳原來呢度有韓式炸雞食架🤩我都好耐無食喇呢度有好多款唔同口味既炸雞我地叫左：脆炸紫菜蝦卷（$90）本身以為佢好炸，會好熱氣，佢裏面有蛋絲、青瓜、黃瓜、蘿蔔絲，中和左個熱氣感，加埋沙律醬好好味，蝦好脆，有紫菜包飯，好特別呀👍🏻蔘雞湯 （$121）裏面有紅棗、冬菇、米、金菇、人蔘、雞湯底好濃郁，估唔到裏面有米，熱辣辣，好暖胃，好滋補，雞仲好滑添👍🏻到左主菜出場喇！韓式甜辣炸雞（無骨$172）甜甜辣辣好開胃，雞炸得好香口，好嫩，特登叫無骨，啖啖肉，汁既份量岩岩好，超正！👍🏻如果食到好漏好飽，食一舊酸蘿蔔，可以中和油膩感，唔錯呀！呢間餐廳環境唔錯職員態度有禮坐得又舒服食得又開心咁就同老公渡過了輕鬆的一晚！