NENE CHICKEN (朗豪坊)

營業中

休息中

香港分店提供12款炸雞，其中較多人點的是NeNe招牌炸雞、初雪炸雞、韓式甜辣炸雞、醬油炸雞及芽菜炸雞。先送來酸蘿蔔及炸雞醬，酸蘿蔔份量不多，我們4人每人吃兩小塊就沒了，雖然可以添吃，但很快就吃完了不敢多叫!初雪炸雞 ，炸雞件上面灑滿大量芝士粉，靈感來沿於《來自星星的你》戲中千頌伊經典台詞「下初雪就應該吃炸雞配啤酒」，以芝士粉營造出初雪的感覺。吃炸雞當然要用手，怕弄到滿手油油的可以請店員送上膠手套。服務不錯!

朝10晚9本身已經夠曬餓夠曬攰，放工都得番半條人命，估唔到仲要遇到咁差嘅待遇，認真離譜！第一，入去坐低之前我都已經望一望個牌，睇吓佢收幾點，廢事阻人收工。個牌明明寫住收工收11點，Last Order係10點半，而我入去果刻只係9點15分，我唔明點解佢要一路帶位一路黑面。第二，我點左一客Pizza同一客烤雞，店員同我講「Pizza要等30分鍾，要唔要轉其他？」咁都要轉架啦，我肚餓到死喇大佬，所以就轉左沙律。等左5分鍾，先至嚟左杯啤酒。再等多25分鍾，客炸雞都仲未上！好，咁我就催催佢啦，點知佢話炸雞個爐壞左，炸唔到雞！心諗「咁你唔早講！？」結果我等到9點50分頂唔順埋單走，佢同我講「先生，個沙律就快有喇」我最後都係無食到，因為沙律根本唔會咁耐先出，而且我好質疑緊佢個雞唔係炸唔到，而係唔記得炸，漏 左 單！雖然佢最後free左杯啤酒比我，但係都彌補唔到我受左嘅氣！

今日終於試到想食好耐既NeNe Chicken~之前一路都想黎試下但怕長龍就一直都冇黎~今日醒目諗住3點呢個鐘數應該冇咩人就揀呢個時候黎食啦!點知一黎到入面已經坐左8成人，可能個個都好似我咁諗~諗住早d食唔駛排隊~睇下個MENU真係樣樣都勁吸引!最後揀左雙重滋味炸雞，可以自選兩款口味既炸雞~一次試唔同口味!今次我就揀左蒜醬伴脆薯條炸雞同秘風糖炸雞!我覺得我揀蒜醬伴脆薯條炸雞係非常聰明!因為一碟入面又有薯條又有炸雞食~感覺好抵囉~揀冇骨雞肉要加10蚊，但想要啖啖肉既我地就揀左冇骨啦!等左一陣就上檯喇~個賣相係超!級!吸!引!!一碟炸雞兩種口味，一邊係被滿湖既白色醬汁淋面既炸雞同薯條，一邊係好香炸蒜同乾辣椒味既炸雞~兩邊既雞雞都令人流哂口水!即刻試下蒜醬伴脆薯條炸雞先，薯條炸雞熱辣辣唔在講，個蒜醬真係為佢地加左唔少分!好香蒜頭味，少少咸咸地，點炸雞定薯條食都好夾!雞肉炸完但入面都保持嫩滑!正~秘風糖炸雞味道都好得意，佢係甜味既避風塘形式既炸雞~味道好特別，既有避風塘既香口，又有糖既甜味，推介呢個口味!!食咁多炸雞都有D口渴，睇完個drink list本身想叫粉紅色既Detox Lemon

之前係澳洲同去濟州島時都有食過 覺得好好味同埋仲有啲泡菜同醃蘿蔔附送俾我地可以解膩今次係第一次係香港食叫左一份雙重滋味炸雞我地揀左初雪同甜辣味但唔見有附送泡菜同醃蘿蔔深色既係甜辣就係大多韓式既個種辣味唔會太辣黃黃地色既係初雪即係好多芝士粉係面既炸雞隻芝士粉既味道係偏甜都幾漏~~~唔係咸個種鍾意食咸芝士就唔好點喇另一樣野就係芝士年糕拉麵其實係辣炒年糕加左啲拉麵同一隻烚蛋個醬既味道係唔錯同埋年糕都彈牙既不過呢個價錢我個人就覺得貴左啲其實我地仲有一人一杯野飲但唔記得左影相柚子蜜涷熱各一杯 $20/1涷水果茶一杯 $58/1熱水果茶一壺 $78/1埋單加埋一大概500幾蚊~~~~

雖然韓風襲港已久，不過對韓式炸雞一直都沒有很大興趣。因為朋友心血來潮很想吃炸雞，我們便捨命陪君子吧。食物的種類都算多。前菜是泡菜和醃蘿蔔，是無限任添的。朋友點了燒酒真露($58)，淨喝燒酒的味道很怪，不過邊吃邊喝又挺夾的。Iced Nene Fruit Tea ($58)有蘋果粒和熱情果，味道不錯。凍柚子梳打($20)一般沒有特別。雙重滋味炸雞(有骨 $178)選擇了初雪炸雞和大韓廚師炸雞。初雪炸雞的芝士味十足，又的確幾惹味。大韓廚師炸雞的辣味很強，很正。脆炸紫菜蝦卷($90)很脆，味道不錯。皇室豬肋骨伴芝士M ($162)除了有大量的芝士外，還有伴菜、蕃茄仔、薯條和腸仔。豬肋骨的燒烤味很美味，肉質還可以。金大人串燒拼盤M ($182)的芝士包超好味，串燒沾上熱辣辣的芝士份外滋味!

剛與朋友逛完朗豪坊，覺得肚子餓就去找餐廳吃個飽。於是，我們就到了朗豪坊上層的韓式料理餐廳，店內環境舒適，還可看到一些韓星的相片。如果你是三五成群過來這間店吃的話，這頁餐牌可能挺適合的，因為它有二人餐以及四人餐可供選擇。小菜未到，當然先來一杯吧，哈哈!這碟是雙重滋味炸雞，它的玩法是可從餐牌揀選其中兩種口味，而今次我點選了初雪炸雞及大韓廚師炸雞。大韓廚師炸雞在餐牌有三條辣椒的辣度級數，如果怕吃辣的朋友要小心選擇呀，因為我本人喜歡吃辣，而不是太吃得辣，吃了都覺得很辣呀，但是又很好吃，這下令我處於想吃又怕吃的心情呀，哈哈! 這個是金大人串燒拼盤，份量足夠，而且可以食到不同的食材，確實不錯。這間餐廳整體上食物質素不錯，而且性價比亦很高，與朋友聚聚吃個飯也是不錯的選擇。

今次試左nene雙重滋味炸雞 當然試左大家都推薦既初雪炸雞 其實即係芝士味既炸雞面頭再鋪滿芝士粉 一上碟就聞到好香 另一隻味就簡左蒜香炸雞 同樣好香個味較濃同埋小小小小鹹 但都好好味只係略嫌唔係幾夠熱 唔係一上檯會出曬煙果隻但勝在可以一啖成舊擺落口 唔知係咪因為等野食到果陣太口痕 係咁食曬d前菜 雖然個泡菜同芽菜都唔係幾夠凍 但都好食唔係話會超辣果隻同埋好開胃 因為都需要一段上菜時間最後係比我地食曬 所以個紫菜包飯黎到我地都開始飽飽地 依個脆炸紫菜蝦卷雖然貴左dd 但都幾多料最重要既係佢冇出面既紫菜包飯咁油 平時食果d連個紫菜面都係令既 最後叫左杯野飲 就係招牌鯊魚唔知咩咩 即係成杯野都係紫色好靚既 今次叫左個進化版 含酒精既 但飲落去好似冇咩分別 都係糖水

同朋友好耐都冇食過韓國炸雞!!於是我哋二話不說就上咗呢一間餐廳去食。估吾到平日七點幾嘅時候人流都多㗎，好彩我地最後唔駛等好耐就有位！餐廳裏面嘅位置都幾寬闊，而且空間感幾大所以坐落去都幾舒服，唔會好逼，而且顏色都係以黃白色為主，感覺幾舒服。睇睇餐牌先，炸雞嘅選擇同口味都超級多，令到我呢個選擇困難症嘅人都揀咗好耐都揀唔到。最後搵咗個最好嘅方法，就係叫咗佢哋嘅雙重滋味炸雞，可以揀兩款唔同嘅口味任君選擇，等我同朋友都可以試多兩種味道。最後我哋嘅炸雞叫咗初雪炸雞同蒜香醬油炸雞，先講一講佢個初雪炸雞，上網睇留言啲人個個都大贊，果然芝士味道激重，而且有幾款唔同嘅芝士粉鋪左上去，炸雞外皮香脆加上濃郁嘅芝士味簡直係罪惡之選，一啖接一啖。另外一款蒜香醬油炸雞都一流，佢嘅蒜蓉味唔會太重，加上炸雞表面撒左好多黑白芝麻，食落去就更加香。所有炸雞都掌握得剛剛好，肉質唔會好老，不過大家記得剛上枱唔好急着食啊，因為真係裏面嘅肉汁真係好熱！另外我哋叫咗一份勁量級雞蛋卷，裏面配有芝士同泡菜，個份量一上枱，基本上已經嚇親我同朋友，因為真係冇想像過會咁大份，四五個人share食都食到。雞蛋卷好有蛋香，而且實實在在，而上面嘅蟹

今日番工整天期待著的就係放工去食雞，八點幾去到armarm好唔洗等位，聽聞依間韓國第一食雞連鎖餐廳好似好厲害，仲要劉在錫代言 一直都好想食，今日終於比我到 menu其實有set叫，有二人餐同四人餐，都好似幾多野幾抵食 但我地兩個小鳥胃，唔想做大嘥鬼先散叫 首先叫左個NENE雙重滋味炸雞，一次過試曬兩隻味有一個係必食既叫初雪炸雞，另一隻味叫左蒜香，因為個人唔係幾好甜醬所以冇試甜辣味 但友人話應該係第二好食既 同埋叫左個脆炸紫菜蝦卷 仲有杯鯊魚野飲叫shark attack season two 分別係有酒精同冇 除左用黎打卡個味冇咩特別普通有氣果汁 因為條鯊魚係用黎做糖水用既 整體黎講一碟雞係夠兩個人食既 再食埋個紫菜包飯都飽飽地

好耐未吃過炸雞啦，今次想試就搵間勁啲嘅試吓。今日來到嘅NeNe Chicken有將近20年歷史，佢除咗經營餐廳，仲有自己嘅食品生產工場以確保質量。據講目前有過干間分店，係韓國第一炸雞品牌。接近下午茶時間來到，諗住下午茶平啲人少啲，誰不知呢度係冇下午茶嘅，但都有啲lunch set 吃，一啲都唔貴。未嗌嘢已經有嘢吃啦，就係前菜嘅泡菜同埋醃製酸蘿蔔，泡菜正正常常好味，而酸蘿蔔令我回想童年嘅味道，估唔估到我喺邊度鄉下？？話明吃炸雞，又想試多D味道，一定要嗌呢個炸雞達人，分别有初雪，甜辣，蒜香醬油，大蔥，白郡主，大韓厨師及芥辣7種味道。由於同朋友share嘅關係，我揀咗其中三樣，第一件就係大韓厨師，即刻辣到我飲咗半杯青提子蘇打，之後試咗初雪，灑滿芝士粉的雞件保持外層香脆，内裹嫩滑，好味。有個小小提議，可唔可以好似某間小籠包店咁，有張紙仔話明各種味道，咁最辣嗰件放到最尾吃就好好多。另一lunch set就係烤牛肉蛋包飯伴流心芝味吉列豬排，賣相唔錯，流心芝味豬扒勁流心，勁邪惡，帶著少少罪惡感吃埋佢

今日同朋友去咗朗豪坊嘅nene chicken食飯,入去睇下個餐牌先，見到佢做緊一個新出嘅二人浪漫邂逅套餐裏面。包括左半份炸雞，一份薄餅，兩杯特別嘅士多啤梨特飲，再加上其他小食沙律，價錢都非常之相宜！不過由於我同朋友主要想食炸雞為主，所以我哋就冇叫到呢一個咁抵食嘅套餐。反而我哋就叫咗雙重滋味炸雞，呢一個好處就係佢嘅口味可以任君選擇，唔會好似出面嘅炸雞店咁樣，half half chicken只係得原味同埋甜辣醬味，相反你可以任揀其他特別口味，確實唔錯！最後我哋就分別叫咗蒜香口味同埋芝士口味，先講下個蒜香口味先，個蒜味唔算太重，而且味道比較偏甜，應該係佢嘅蒜蓉醬有加上蜜糖醬，而且雞皮同雞肉中間嗰層脂肪都已經炸走左，所以食落去一啲都唔油膩。雞皮嘅香脆加上裏面鮮嫩雞肉簡直係一流呀！而且每食一啖肉汁都流晒出嚟，超正！另外嗰款芝士口味就相對比較「流亅，不過芝士味極重，鍾意芝士嘅一定唔可以放過！而因為我哋叫咗無骨炸雞，所以食落去都係啖啖肉,好方便。炸雞份量極多，兩個人食都唔會覺得少。小食方面，我哋仲叫咗一個雞蛋卷。見到旁邊枱枱都叫咗，睇嚟係必食嘅菜式！食完發現果然名不虛傳，雞蛋卷裏面嘅芝士超多，每

Happy Friday!今日放工同朋友去朗豪坊食Nene Chicken，八點幾去到等位約半小時。兩個人叫左一個蒜香醬油炸雞，一杯西柚梳打，一杯Blue Ocean梳打。炸雞係即叫即製，上枱時熱辣辣，但可能煮得太耐，炸雞略嫌唔夠嫩滑。一大碟炸雞兩個人都夠食，想叫多個小食都食唔落，想試多幾款食物的話，建議三至四人去食。環境方面，地方夠光猛，有三四部電視播放韓國組合MV，亦有籃放置個人物品，唔使攬住個袋食，整體而言滿意！

今日同朋友嚟到旺角 突然口痕話想食炸雞 上次因爲d事食吾到好出名的Nene 今次終於有機會😍😍😍 我地晏就1.幾去到 吾係好多人 所以都吾洗排隊~ 因為吾係好餓 所以我地兩個女仔淨係點左盤炸雞share食😙 今次我地就叫左好多人推薦的初雪炸雞🍗 等左一陣就有得食🥰炸雞係新鮮炸的 一拎上到熱辣辣 面頭鋪左一層芝士粉 上面放左d新鮮炸的薯片 薯片好有薯仔味 果然新鮮係吾同d😚😚😚炸雞咬落好juicy!!! 肉汁鎖緊係炸皮入面 但略嫌炸皮有啲厚同太少芝士粉 但炸雞咁juicy加曬分👍🏼👍🏼👍🏼👍🏼推薦:⭐️⭐️⭐️⭐️

NeNe Chicken (旺角)旺角亞皆老街8號朗豪坊11樓30號舖同朋友喺旺角打完波，做完運動想放縱一下，突然想食韓國炸雞🍗，於是去食呢間韓國過江龍😂-🔸韓式雜菇炒粉絲叫咗個炒粉絲主食試吓👍🏼粉絲好香麻油味 加上有不同種類嘅雜菇口感非常豐富 雜菇味道亦好香 口感非常爽脆每條粉絲都充滿麻油嘅香味 食起上嚟好滑但係好食得來都有啲油 明白無可避免嘅😅🔸BBQ烤肉PIZZA🍕另外亦都有叫埋佢哋嘅pizza🍕試吓🤗有各種烤肉及香腸 配上燒烤醬 非常香帶甜👍🏼呢個配搭嘅Pizza 啱晒好似我咁嘅食肉獸🤤啖啖肉非常滿足 但食多兩塊 都開始有啲滯😅🔸烤雞雙拼🍗今次試咗兩個唔同味道 醬油味 同忌廉洋蔥味專程嚟食雞 但對烤雞非常失望😟首先賣相非常唔要得 啲醬汁飛到周圍都係完全冇presentation可言 非常馬虎味道方面尚算可以 雞肉味道OK唔會係好鞋好乾 但略嫌有啲鬆散。。。個洋蔥醬略嫌有啲淡 個人覺得唔算太有特色如果賣相可以做得更好 整體感覺會好好多👿

是日拎左半日假做Body check， 檢查完畢非常肚餓，見到韓國炸雞仲要有lunch set一於試試。一講起劉在錫就會諗起Nene Chicken，雖然入座當日已經轉左女團代言，但佢既魅力依然強勁! 星期一至五12點至5點提供Main menu上沒有的午市套餐，4個人黎食就最抵，買三送一黎到叫左最出名既炸雞達人，一次試七款口味，一個人食份量剛好。呢度既食物即叫即製，等既時候可以先食入座送上的小食。泡菜比超市買到既包裝更容易入口。無咁酸之餘辣味都恰到好處，不會被嗆到。佢既泡菜吸哂蔥香，平一般泡菜更帶甜。另外有醃蘿蔔，食不同口味炸雞途中可以清新味蕾。醬油: 醬汁最稀既一款，但因為炸皮有獨特配方? 底部有汁浸住脆皮依然頗脆。與其話係醬油味，更近以日式燒肉汁。甜甜地易入口，好有驚喜!初雪: 人氣之選。原味炸雞上舖滿芝士粉，幾乎一半食炸雞既客人都會點佢。如果嗌全份初雪炸雞視覺效果應該幾震撼。附上一片類似薯片既野，應該係木薯片。大蔥: 以Wasabi為基底，面頭舖上好多大蔥絲，重口味卻又好過癮。呢隻wasabi汁少少吉脷但唔刺鼻，我心水top 3之一。甜辣: 佢既醬汁好似麥芽糖咁包住炸雞，凍左都