Neko Puff (已結業)

Neko Puff 係專賣拿破崙蛋糕，舖頭就係屯門市廣場， 可以whatsapp/網上落單，預訂最快1個鐘就有得拎啦，好方便，仲要係即叫即整。 好多唔同嘅口味，每個賣相都好靚。我叫咗個一磅嘅拿破崙返屋企share食，夠4個人食。 價錢唔算貴，1磅都係$2xx。 絕對好食過大型連鎖式嘅蛋糕。哈哈😂黑朱古力咖啡拿破崙 $258咖啡香味濃，又唔會蓋過朱古力味。店員話係用左72°朱古力整，口感滑香濃，甜度適中不膩口。一層一層酥脆既牛油酥皮，中間仲有夾住四粒金莎朱古力，好好味，絕對值得一試。😋 下次有機會想試下佢地新出既伯爵茶無花果拿破崙。

呢間舖頭喺呢度都好一段時間，一直都想試佢嘅甜品，今次終於買黎試。呢間佢出色嘅地方就係只要你想買嘅一個鐘之前落單，佢就會即刻做。唔似出面嘅已經做好放落雪櫃，因為放咗落雪櫃相對於佢嘅酥皮就會冇咁脆，而我買呢間嘅隔離嗰間就係有呢個問題。所以有對比之下，呢間真係超級出色。得獎真係應該，仲會提醒我兩個鐘內要食如果唔係放落雪櫃。仲比我見到佢啲好靚嘅貓貓碟同埋貓貓嘅蛋糕盒，下次買來做朋友嘅生日蛋糕就一流。而且佢嘅味道都幾多選擇，今次揀咗芒果味，佢嘅芒果都算甜，而且因為今次佢焗完之後冇耐就拎，我拎到返屋企好香之如仲係勁脆，食落去超級香嘅牛油味，好有戀愛嘅感覺一樣🥰舖頭除咗拿破崙仲有其他款式嘅蛋糕。但係我下次依然係好想試吓其他味嘅拿破崙。但係佢切落去嘅時候因為多cream，所以一切嘅時候側邊會爆cream，但係佢連啲cream都好好食，食完肥都覺得值得😋雪完之後當然一定冇未雪嘅時候咁出色，但係我依然覺得佢係好食過其他舖頭嘅拿破崙。

係時候買甜品食下轉換下心情💪🏻本身都好鍾意食拿破崙，見到佢寫住獲獎拿破崙😯就心思思買返屋企食🥳試吓佢可以買之前一個小時order🥳見到呢個賀年款好得意我哋買咗一個一磅裝（奇異果口味🥝）（雖然我哋係兩個人食，其實相信係夠四個人食😂）我哋拎咗返屋企放咗落雪櫃過咗大概三個鐘左右先節食😂果然新鮮整嘅酥皮仲keep到香脆👍🏻如果你鍾意食片曲奇牛油香重嘅話，相信會鍾意食呢款拿破崙，佢嘅酥皮牛油好香食落都鬆化😊忌廉雖然比較厚身，但係食落唔油膩，夾埋重曲奇香嘅層層酥皮都來😊雖然奇異果嘅份量唔算好多，但係整體感覺唔錯，呢個組合配杯熱美式非常好😂👍🏻下次有機會再想試埋其他口味先😊

經過屯門市廣場見到依間賣拿破崙蛋糕嘅小店就被深深吸引😋小店提供一小時前預訂，即叫即做！我都忍唔住即刻買番嗰番屋企試試。拿破崙蛋糕有八隻味，今次我就揀左經典Twinning伯爵茶無花果味。番到屋企蛋糕既酥皮仲保持住香脆，入口即碎，非常鬆化。個cream由伯爵茶打成，食出淡淡茶香，質感仲好輕好滑添。夾住無花果一齊食，好有層次，推介！小店之前仲贏得世界賽冠軍，真係幾巴閉！而且食材都來自法國，質素絕對有保證。下次有機會，一定會買埋其他味食！

經過屯門市廣場見到依間賣拿破崙蛋糕嘅小店就被深深吸引😋小店提供一小時前預訂，即叫即做！我都忍唔住即刻買番嗰番屋企試試。拿破崙蛋糕有八隻味，今次我就揀左經典Twinning伯爵茶無花果味。番到屋企蛋糕既酥皮仲保持住香脆，入口即碎，非常鬆化。個cream由伯爵茶打成，食出淡淡茶香，質感仲好輕好滑添。夾住無花果一齊食，好有層次，推介！小店之前仲贏得世界賽冠軍，真係幾巴閉！而且食材都來自法國，質素絕對有保證。下次有機會，一定會買埋其他味食！Neko Puff屯門屯順街1號屯門市廣場1期1樓Kiosk 7號舖

之前見到人食聖誕版嘅拿破崙，已經好吸引我，今日終於試咗呢個栗子味嘅拿破崙😍舖頭就係屯門市廣場，最好就打去預訂先，咁一去到就有得拎喇！呢個size係12 cm x 12 cm，夠4個人一齊食。一絲絲栗子蓉鋪滿蛋糕，賣相好靚，味道都唔會好甜🤩忌廉好綿密好有驚喜，滑得黎唔會溜。至於嗰層酥皮就相當酥脆，而且好重牛油嘅香味。蛋糕只需要預早1小時預訂，舖頭就會即叫即焗，保證拿破崙夠鬆脆！佢仲有好幾款法式蛋糕賣，都幾啱用黎做散水餅，見到有開心果朱古力味，下次一定要試😎

2021.11.29 - 今年無得去旅行， 又唔去staycation. 只係簡單地同老公慶祝了佢生日🤣🤣。 我每年都會諗d好驚喜既事/食物，等我有得諗吓野去整估我老公🤣⋯⋯整估我老公係我強項🤞🏻而我老公被我整估， 都係佢強項🤣。 今次見網上介紹neko puffs 好好食。 所以試下， 我無諗過甘快就full booking . 我選擇咗黑朱古力咖啡， 真係無諗過內有6粒金莎， 個朱古力醬濃度60-70左右， 三片大，厚及脆口酥皮。 我地兩個人， 食左兩日毛食得完。 真心好味

早兩日經過屯門巿廣場，發現有唔少新店開張。喺1 期Aeon 對出嗰度有美食counter , 新開嘅Neko puff 上面掛咗個新牌寫住tea-ramisu ,好期心驅使下，我買咗焙茶 tea ramisu 試吓。 食落有淡淡嘅茶香，入口即溶，同一般tiramisu 唔同，個cream 好滑同fluffy. 除咗焙茶，仲有綠茶，伯爵茶味同紅茶味。同場加映精品蛋糕，賣相同味道都唔錯。我買咗芝麻餅，有芝麻香同時又唔太甜，我屋企人超鍾意食價錢合理

今日去到屯門市廣場見到呢間賣曲奇泡芙嘅新店，因為成間舖係綠色好搶眼，而且又有好多貓貓佈置好得意，本身自己又好鍾意食甜品所以就去睇下，店員話因為剛剛開業所以暫時只得4款味，之後就會陸續推出其他口味，見款款味道都好吸引就揀哂4款，分別有原味、草莓味、朱古力味、黑芝麻味。曲奇外皮好鬆脆飽滿，原味嘅皮入面包住滿滿嘅忌廉吉士，好軟滑，好正。草莓味入面就加入左草莓果醬餡，好清新。黑芝麻味外層有一粒粒黑芝麻，內裡嘅黑芝麻忌廉吉士都好香濃。而朱古力味就係我最愛，味道夠濃，連個曲奇皮外層都有朱古力味。總括曲奇泡芙味道唔錯幾好食，食哂成個唔會覺得膩口，會再去買埋其他味黎食。

經過呢間舖頭，見到個貓咪圖案好可愛同 sales 姐姐話好好食，就買左一個原味，一個士多啤梨味同一個綠茶味。不過除左原味，其他味都要 30 蚊一個，仲要得 cream 餡，有少少唔抵。而且下午 1 點幾經過，間舖已經得番幾舊剩，唔知係太好賣定點。返屋企雪左幾個鐘頭先拎出黎食，個外皮軟腍腍，但係一切開 d 餡就流哂出黎，真係塞爆哂餡。原味有奶香味；士多啤梨味似士多啤梨奶；綠茶味好有綠茶味，似綠茶 latte，所以 3 款都幾好食，值得試吓。

復活節假期去家人屋企食飯，佢哋一家人都好鍾意日本野，尤其好甜品。一直想食啲外脆內軟既甜品。行過counter 條街見到有間新開嘅泡夫店，諗住試吓冇壞（因為有一家人share 😆)士多啤梨泡夫顏色最收引，入面嘅cream 甜度啱啱好，有啲果肉混在中間。芝麻味香濃，又滑，外面比較少見原味既奶味同蛋味都好出。貓貓包裝好靚，又好吸引，每個有獨立膠袋包裝，衞生又方便不過其實最正係個曲奇皮，有啲似日本上野通賣既「メノンパン」melon pan 咁樣，脆脆地，好好味。我哋放咗喺雪櫃度幾個鐘先食，個曲奇皮仲好脆。