My Burger (東廣場)

營業中

休息中

小友和太太在家努力溫習，小弟此刻登時就化身為高級打雜，負責處理家裡的執拾大小事務。至於在用餐上，當然亦由本人一手包辦了....除了開爐頭整兩味之外，固之然少不了出去買外賣回家吃。此時小弟又變身成外賣仔，到外四圍張羅食物....在家附近的東廣場，已成了我近來喜去留連開餐之地。裡頭食店多，種類花款有物且價錢不貴，其中有幾間店亦是有相當水平的，好像這間地方細細，由一個小家庭經營的漢堡包店便是了....第一次來時，是跟小友同去。一人點一個burger set大吃，覺其水準是不俗的；今趟第二次，卻是take-away的....三個人，就一人一個不同款的burger，另將其中一個變成套餐，再加炸薯條及沙律，已是夠食有突....薯條炸得很香口，外脆而內粉軟，鹽份量亦灑得剛好；沙律沒有甚麼特別，鮮度一般。點這個，算叫做為身體提供了纖維去讓腸胃多蠕動....這裡的漢堡於我而言有一大特點，便是醬汁下得很重手，好處是食起來不會太乾太旱，壞處是吃時會較"論盡"，弄得一手都是汁....包很軟綿，口感令人吃時蠻舒服的。不過在當醬汁及肉汁滲透入包有一段時間後，包就開始變得濕淰淰，這是一個較為明顯的缺點....揭開那

男朋友放工去行完翠屏道的年宵，兩個人行下行下去左東廣場搵食，見到有間食burger 好多人好吸引，就走左入去。我點了一個經典漢堡，有漢堡牛肉，生菜，蕃茄，芝士，漢堡牛肉好juicy，肉質嫩不會有筋。每食一口，牛肉汁連茄汁感覺大滿足。男朋友叫了大隻佬漢堡包，多了煙肉，煎蛋，洋蔥，我試左一口，洋蔥炒過好入味，煎蛋半熟連牛肉汁仲正，我同男朋友講，唔好以為食完變大隻佬，變肥佬炸。跟餐可以加薯條、雞翼同飲品。薯條係粗炸的，仲有少少皮，新鮮即炸。水牛雞翼有少少辣。

由於係觀塘返工嘅關係，諗去邊度食lunch都係一個難題😅尋日食咗今日唔想再食同樣/差唔多嘅嘢，例如尋日食咗西餐今日唔想食意粉pizza；尋日食咗魚生飯今日唔想食壽司；尋日食咗車仔麵今日唔想食三餸飯（因為同樣頹😆）之類。之所以咁今日我lunch食burger🍔，同事帶咗我去東廣場食「My Burger」，一到lunch時間呢間小店就人頭湧湧，我選咗烤雞Burger（因為我唔食紅肉，例如豬、牛、羊之類）burger 重點係個sauce 度，不錯！呢度仲有提供比食素嘅veggie burger，貼心👍🏽

My burger 唔係第一次幫襯, 加錢可轉set, 薯條份量好足, 次次都keep到水準, 今次一次食佢既All day breakfast,勁抵食, 非常推介。 👍👍👍

麵包味道及材料來說尼間真係冇得輸夠晒料同味道為一不足就係今次找錯錢 因為在於職員掛住傾計找少一百蚊 仲要係問返我找少幾多果下真係想爆粗味道再好 都應該要專注工作咸咸甜甜既醬係我最鍾意尼度既麵包加埋洋蔥及手打牛肉真係絕配加多20蚊咖啡同薯條薯條係粗手既 唔似M記果隻69蚊雖然係蚊 但味道係值既

先把話說在前頭，我是慕名而來的。在這邊的漢堡店沒幾多間，my burger 可説名店。觀塘店開業未夠一年，在大埔已有分店，可見頗為受歡迎。近來遊走觀塘，可惜早上八點至晚上十一時的工作時間，恰巧無緣此店。今天工作頗如進度，下午四點就完成工作，想起此店，就來朝聖一下。下午五點十五分到店，是日平安夜也是假期，小店半滿，想必午飯時間更旺。點了德州煙燻牛肉漢堡。正值部分店員用膳時間，等得耐了一點，體諒，這一行大家都辛苦。漢堡十五分鐘上桌，老實說，有點失望。先談麵包，包是近來新興的麻花造型，可惜麵團基礎是白麵包，質感見鬆軟，只是比較乾，若可抹牛油再烤可以更好。主體牛肉，説真的是失望，沒有傳說得好聽，以量來說應是150克，即比麥當勞的安格斯重一點，只可惜太乾了，肉太過於強火摧迫，也不見肉汁了，肉味也欠，多半是一般下欄牛肉免治。再説配菜有西生菜，紅珊瑚菜，蕃茄，酸瓜，芝士和煙肉，燒烤醬。整體來說也有誠意，可惜煙肉不是脆煙，而是市售合成調味煙肉，也難怪，成本平一半。總括來說，不妨一試，但不用繞道而來。以成本論，不下二十元，售價只是六十六，算是良心企業了，但同一價錢比，以漢堡而言，附近有一店更好。你

晚上和朋友到觀塘上課，趁著還有些時間，就趕緊到東廣場吃一個美味晚餐對上一之光顧，已是一年多了，小店依舊屹立不倒, 受歡迎程度不減，足見其實力吧MENU上漢堡包選擇很多，而我們則選擇回歸最初, 點了經典牛肉漢堡配餐飲。漢堡的配料是牛肉、沙律菜、番茄、酸瓜、芝士、洋蔥，新鮮脆口的沙律菜。牛肉漢堡的肉質厚實，牛味也突出，醬汁是酸酸甜甜的，非常惹味。 這個漢堡雖然簡簡單單, 但味道和口感也很不錯!淑女早餐看到這個名字, 我和朋友就馬上決定點了哈哈早餐有洋蔥蘑菇，燒蕃茄，蒜蓉包，粟米，炒旦，芝士腸，煙肉，沙律菜。說實在，賣相和味道也不及其名字特別，所以也就不多談論了總的來說，漢堡會是這裡最穩當的選擇吧!

此間手工漢堡，一吃愛上一般市面手工漢堡價錢由八十至一二百不等，這裡最平有$46的雞堡至最貴的軟殼蟹漢堡都係$78，實在抵食。另可加$20至$26蚊跟餐：飲品、沙律、薯條或雞翼，不同配搭不同價錢。每次來都食牛堡，價格同味道都吸引～～～仲好大個，一口係咬唔晒的。最外層的包，有烘過，仲有牛油添。入面有大塊蕃茄、菜、洋蔥、牛肉同酸瓜，店主毫不吝嗇，漢堡份量十足！牛肉有牛味，係有少少筋，唔會太乾，有肉汁。最喜愛入面的酸瓜，原條開半，同醬汁一樣酸酸的，平衡肉的膩。不過我覺得醬可以再減一點，會令牛味更出～很讚的薯條！新鮮熱辣，外脆內軟，薯條見到有皮，係新鮮薯仔呀！係滿滿一杯，雖然好正，但一個人食晒一杯真係有點熱氣搵人分擔下好。另外沙律，有一大塊蕃茄同好一碗滿的沙律菜，呢兩樣係同漢堡入面的一樣，不過沙律係芝麻醬，同樣美味舖仔細細，坐位不多，姐姐熱情招呼～

今晚無飯煮婦，媽媽休息一天佢約朋友去威威我就放工獨自去工廈尋寶途經東廣場，好多小型特式食店突然好想食burger tim🤤-無論我多麼努力做運動都追趕不了脂肪的通脹 🐷-想食又唔想咁heavy 選擇左松露素磨菇漢堡🍔估唔到即叫即整 新鮮熱辣辣包包好軟熟松露菇🍄好香好香好多汁蕃茄沙律菜都新鮮食到好論盡呀我成手都係汁😂好彩唔係約左心儀既男仔否則失禮哂🤦🏻‍♀️-食完burger 唔係幾飽tim 我個胃比較大加多份沙律🥗叫左煙三文魚沙律花型既三文魚又真係幾花心思沙律菜加黑醋黑醋比較健康酸酸甜甜唔錯-餐廳細細間牆上既裝飾都有心思感覺似美國小鎮既burger 店食完唔好再諗卡路里啦😂

今日都係第一次黎呢個東廣場，嘩，原來呢到甘多唔同種類既菜式，好正！今日係黎食軟殼蟹漢堡 - 軟殼蟹有D鹹，食食下又覺得好漏甘😂😂😂加左套餐，薯條配沙律，同薯條配飲品。薯條都幾多下，個沙律麻麻，可以既就唔好配沙律好了。再叫左份水牛城雞翼，都唔錯的。😁

嘩成日lunch時間都見到這間店好多人食今次終於同朋友去試下先好多burger都好好味咁，有幾款都想試最後選了巨大軟殻蟹包個包離到真係好大隻蟹，重要係完隻既食落去真係好好食，自己一個食真係好飽，隻蟹有肉唔會係空心我重加了薯條，係粗薯好熱好脆

今天獨個兒到APM逛街購物，逛了好幾個小時，腿冤冤痛的，便想在附近喝個下午茶，好好休息一下。可是假日在人頭湧湧的APM內要找個位置喝個舒舒服服的下午茶， 實在是比登天更難。於是，我便來到APM隔壁的東廣場。原來東廣場的G/F內，有很多小餐廳，而且食物種類非常多樣化。在眾多小餐廳裏，我被這家西式快餐深深吸引， 因為從遠處已聞到撲鼻的炸薯條香味。My Burger雖然面積小小，但店面整齊清潔，而且待應服務態度誠懇，剛剛坐下已經對這家餐廳非常有好感。炸魚薯條 (HKD 77): 這盆炸魚薯條上枱時是剛做好的， 熱騰騰， 香味撲鼻。一盆的分量足夠兩人食用。炸魚是採用龍脷柳，表面撲了薄薄的炸醬，非常鬆脆。內裡的魚肉很嫩滑，而且夠肉汁，不會乾乾的。 每條薯條都是厚切的， 大小相若， 配上茄汁和沙律醬，非常滋味。廚師還細心地在盤底鋪上吸油紙，即使慢慢品嚐完，盤底也沒有剩油。推!唯一一樣美中不足的是，套餐只能配罐裝飲料，而且選擇不多，希望日後能有所改進。令附餐牌供大家參考。

香港標榜手工漢堡嘅食店好多，但係能夠翻啅嘅又唔多。對比紅磡最出名嘅漢堡店，My Burger係貴好多，但究竟貴係邊？當然係店內裝修同本身遞上食物所用餐具嘅心思啦！工業風格嘅裝修加陳設，完全讓你感受到美國式生活。今次已經係小妹第二次黎食啦！水準保持的！揀正午餐時間黎到，當然試到真功夫——最繁忙時間可唔可以保持質素。今次叫咗蘑菇牛肉漢堡咬落去，牛肉好入味，而且好軟，又保留肉汁，配合特調醬汁，唔搶牛肉香味又可以保留醬汁味！好味！加上蘑菇口感，天衣無縫！另外，亦叫左牙買加雞肉漢堡。辣的！雖然唔知牙買加嘅辣係點，但辣得幾過癮加22蚊跟餐可以配飲品同水牛城雞翼！食落辣辣地，不過小妹唔係好食得辣...最後點左炸薯角。新鮮炸起，外脆內軟，口感一流，當下差一支啤酒！所有食物新鮮即製，會等耐少少，但都係合理等待時間。但餐具就唔夠用，搞到隔離枱嘅食客食完漢堡先有叉食雞翼！細舖加上人手唔夠，一定招呼唔到！奉勸大家黎欣賞佢嘅食物，如果為服務就唔好揀呢度，盞難為一班姨姨叔叔招待你了！

放工後男朋友約了我在觀塘等我們行下行下到了東廣場又是一天忙碌過後沒有胃口我們決定試一試My Burger我發現原來男朋友是Burger Lover (好像是)餐牌是這樣的My Burger店是小小的是Fastfood shop型式先付款再上餐我們點了水牛城雞翼($34)水牛城雞翼是我的favorite這裡的水牛城雞翼有點偏酸不過味道很入味磨菇洋蔥牛肉漢堡 ($57)(餡料:牛肉, 沙律菜, 蕃茄, 芝士, 磨菇, 洋蔥)我只是可以吃一口只是一口, 然後成個都進了男朋友的肚子了包是軟軟的包 (喜歡這樣的包)沙律菜 蕃茄 是新鮮的磨菇, 洋蔥, 芝士配合得很好牛肉也不錯不過如果可以再實一點比較好簡單吃飽了飲枝啤酒不錯的簡單的一頓

朋友介紹去觀塘東廣場揾食，選擇太多，但又想快的解決午餐，決定食漢堡！漢堡包選擇太多，而我決定揀經典牛肉漢堡，因脆脆比較中意手造漢堡的牛肉，可以將漢堡配餐飲，薯條，雞翼，沙律等。而我選了雞翼，像水牛城雞翼，有少小微辣的。而朋友不太肚餓，輕食的朋友又多一個選擇，可以選食比較健康的全日早餐。淑女早餐（淑女的點在那？因為食漢堡比較不淑女嗎？哈哈）早餐也很多，有洋蔥蘑菇，燒蕃茄，蒜蓉包，粟米，炒旦，芝士腸，煙肉……等，比較簡單食不會太飽。