My Burger (東廣場)

營業中

休息中

上堂前又係觀塘搵野食，今日黎到呢間食漢堡包既地方，我同朋友一人叫左一個漢堡包跟薯條連野飲我叫左經典漢堡包跟薯條加20蚊要左oreo milkshake , 一共89蚊等左5到10分鍾左右就黎左個包同milkshake, 個有好多洋蔥同酸瓜， 塊牛肉仲有好多肉汁，個包我會比90分呀～而於milkshake吾多夠重味，比較淡個包食到一半左右就黎左個薯條，個薯條係即炸既，勁香脆。。。我朋友就叫左個蘑菇牛堡配薯條跟一個罐裝嘢飲，成個包都好好味，佢話都有90分，下次可以再黎呀

Burger 好足料 牛肉好厚 好多磨菇 番茄好新鮮 包好鬆軟 但個個個source 可以唔使加咁多 搶左其他材料的香味薯條好熱 即炸的 好好食小店比出面平 又有心又足料大份 推薦！😀

食完舞又去食好西！今次去到東廣場地下一期長期多人的漢堡小店⋯⋯上次行開呢頭已經好想食，不過因為已經Last Order左就食左另一間，所以今次特意黎試下的！餐廳的漢堡有好多選擇，除左有牛肉外，更有雞、海鮮及素可以選擇，而且價錢一D都唔貴。揀好心水的漢堡後，大家可以加$20-26要埋小食及飲品。今次我就要左個磨菇牛堡！牛堡的份量都唔少，整體好「高」，有D難咬⋯⋯漢堡用左自家手打牛肉，雖然煎得耐左少少，不過肉汁都仲有的。蘑菇加了洋蔥一齊炒，所以令整體更香口好食。朋友仔就要左份菠蘿雞堡。雞排煎得好香，少量的雞油滲係下面的沙律菜及包，令到整體更香口。加埋菠蘿及沙律醬，令人更開胃。我們加左20蚊要份薯條加飲品⋯厚切的薯條炸得金黃，外脆內軟，而且薯仔味重。加$25就可以要炸洋蔥圈配飲品⋯洋蔥圈份量都幾多，而且一讚的係洋蔥夠甜，而且個粉漿開得幾好，唔愈太厚及與洋蔥成為一體。餐廳都有好多不同的飲品選擇，除左有奶茶咖啡汽水外，更有梳打、啤酒⋯⋯==============================鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)

Lunch 成日都係apm食飯，已經食到有d悶，今日決定熱屎辣辣都要行遠d，去東廣場尋求新鮮感。東廣場地下個層好多小店，行左一個圈就鎖定目標食burger，呢度坐位唔多，但都好彩好快有位。睇餐牌好多選擇，又選擇困難症了。。。同事食呢個蘑菇洋蔥牛肉漢堡，見佢塊漢堡扒好大塊，佢話成個包味道好豐富，勁juicy，我話：見到！你食到一枱都係d牛肉汁，哈哈。偷食左薯條，高級版薯條，炸得外脆內軟，食到最後塊係脆既。牛肉漢堡好食還好食，見到我同事食得咁呢hea，就慶幸自己揀左炸魚漢堡食，塊包係軟身既，魚柳炸得脆卜卜，唔會炸到乾晒，加上自制既他他醬，同配菜，酸酸地，好開胃。所有野加埋好夾。沙律就一般啦。下次食薯條抵d！

這次找地方食午飯，竟然搵到一間用心制作漢堡嘅餐廳。餐廳薯條即炸非常熱。而且可以看到薯條頭尾含薯仔皮，換句話說，薯條是由原個薯仔整成。所以新鮮出爐嘅香脆薯條，的確美味。只是覺得茄醬不夠。我選了這個煙肉牛肉漢堡。除了牛肉、漢堡和包外，漢堡還有洋蔥、生菜、芝士、蕃茄和沙律醬。值得一提喺洋蔥，它經過炒制過程。很多漢堡店都沒有這樣處理。而且生嘅洋蔥很澀，不太好吃。現在洋蔥「變」好吃了，餐廳嘅用心值得一讚。套餐飲品包含多款熱飲，以及各類汽水。餐廳午市人客非常多，這可能是因為餐廳嘅用心。註:套餐有多款可選擇，不一定跟薯條和汽水。

同事突然想食burger, 就醒起東廣場呢間burger, 叫左classic牛($49)加菠蘿($8)加薯條汽水set($20). 我會用十分飽肚黎形容, 其實個飽都唔錯，煎完嘅牛肉會唔會太乾，自己另加菠蘿吊一吊個味，係啲薯條炸得太硬～下次都係食返雞翼餐～

瑜珈前又不能吃太多，因為上次友人一做下狗式就成碗譚仔嘔曬出嚟但不吃又手軟腳軟如軟腳蟹，每個星期瑜珈課前都面對呢一大難題今次我哋就去咗位於東廣場嘅My burger試下佢先買飛然後店員棒餐友人叫咗呢道burger，有洋蔥，生菜，醬同肉，size唔係太大，都唔錯我就食魚burger,他他醬都叫唔孤寒,炸魚冇咩特別，但勝在皮都算鬆軟另一友人就叫咗女士all day breakfast 呢道有男士同女士，我諗係份量上嘅分別掛呢道唔係太大份，如果正常當晚飯食應該要加錢買餐食

係觀塘返工其實幾幸福，因為附近餐廳選擇真係夠晒多。今日就嚟要揀個burger試吓先。東角商場入邊有好多唔同款式嘅嘢，今日就試吓呢間先。商場入邊嘅餐廳位置唔算多，但係呢間鋪仔嘅裝修已經有誠意。一入到去已經有歐美嘅感覺。，我哋叫咗兩個burger。😀😀呢個係黑松露素蘑菇漢堡，本身以為素漢堡應該會冇乜味道，但出奇地烤大蘑菇好香嘅牛油烤味😋😋大菇好juicy咬落去爆曬汁 正同行朋友叫咗蘑菇安格斯牛漢堡再加蛋，份量已經睇到10分充足，好厚嘅漢堡，牛扒好香濃，充滿牛肉嘅香味再加上蘑菇嘅汁好開胃。食burger必點嘅都仲有薯條，我鍾意佢粗薯條，粗薯條多薯肉而且炸得好香口，真係想食完一杯又一杯。😋😋

東廣場有好多好味嘅嘢食，今次就試咗呢間漢堡包。價錢唔貴，嘢食又大份，都幾唔錯。我哋叫就咗兩個漢堡包，一個係炸魚柳，另一個係蘑菇牛堡，轉咗其中一個做餐，配左一個薯條。大約$40至＄50 ，1個餐。個漢堡包你好餓嘅話就一定唔夠要餐先好d，但整體來講都好足料成條魚柳，同個漢堡扒啖啖肉。你咪睇佢間鋪頭細細地，佢都坐到大約20人左右。唔使驚冇位，因為佢可以坐埋出去好頭出邊少少架。仲有，我地試左叫佢走飲管都好合作又好成功，讚啊

東廣場開了不少食肆，如果食厭了apm又想試新野不妨走到這邊找找我們很喜歡食burger，見到餐廳坐著滿滿客人，似乎人氣不錯。我們各點了一個漢堡：(1) 炸軟殻蟹漢堡原隻軟殻蟹，很值得相機食先，比想像中還要大，好吸引！(2) 牙買加辣雞漢堡辣雞肉好惹味！喜歡食辣的人一定要試試，香料辣醬醃製的雞肉好滑，雖然辣但都會不禁一口一口地食完。每個漢堡都配了套餐，薯條+飲品 及 洋蔥圈+飲品。我最喜愛粗薯條，好有份量，這是剛剛炸起，熱辣辣，食唔停洋蔥圈份量較少，也很好食。唯一不足是空間較小，很容易碰到後面枱的背脊

沒錯，看到這個標題，就知道我又去吃burger 了。東廣場可謂觀塘區上班族飯堂之一，還記得當初在觀塘上班的日子，當時的同事帶我去了「My Burger」吃了一頓午餐，才發現到這裡原來也有漢堡店。現在我已經離開那家公司好久了，最近再次經過東廣場，心血來潮之下又跑去「My Burger」吃了個晚餐。店內裝修設計用心，只是座位之間很狹窄，出入座位也比較不方便。由於店裡座位不算多，所以在平日中午時段也會有不少客人會選擇外賣用餐。「My Burger」採用先付款後用餐的方式，客人入座後就可以去收銀位置點單和付款，之後便可耐心等待店員把食物送上。雖然漢堡即叫即製，但整個等候時間不到十分鐘，店員便把餐點呈上。有一點想特別指出的是，店裡使用的餐盤和碟子有些邊邊角角也落漆了，或者碟邊崩角，影響觀感，也會讓人有不衛生的感覺。這次選擇的是蘑菇洋蔥牛肉漢堡，當中包括洋蔥、蘑菇、牛肉、芝士、沙律菜和番茄。而麵包皮有點像凱撒麵包的造型，整體造型吸引。可以看到中間的蘑菇洋蔥餡料和牛肉佔整個漢堡的一半比例，而沙律菜和番茄幾乎微乎其微，芝士呈半融狀態，完美與牛肉融合。牛肉接近九成熟，肉質算嫩，但沒有什麼肉汁和牛肉味，不

1.牙買加辣雞漢堡（$49)🍔👍🏻
張相已經話到比你知，塊雞扒有幾大塊，仲用左牙買加香辣香料醃製，超級惹味！！！😍😍😍包一樣出色，🍞麵包面底都焗過，食落去外脆內軟，超高質！！！🤤🤤🤤不過如果你唔食得辣，就建議揀其他，初時食（食開小辣嘅朋友仔）仲會接受到，但食完辣味就會不斷湧出，好個引！😋彤樂評分：10/10
2. set menu：A.薯條＋飲品（$20)🍟飲品就係汽水，不過薯條真係脆、粗、長！！！好食！彤樂評分：9/10
.
成日都係咁嘅價錢，抵食！


當天於APM行完街後，打算到東廣場食個飯。東廣場的餐廳因為價錢實惠，食物質量好，所以一向人流很多，但當天卻完全相反，可能是復活節假期的關係，少了上班族。我與朋友兩人叫了一個德州煙燻牛肉漢堡加餐($22飲品一杯及雞翼兩隻)，另外再加了一位炸薯條。先說說My Burger的漢堡包，即叫即整，份量足，女生的話，一個已很飽。漢堡味道亦很地道，牛肉夠juicy，與煙肉、芝士、辣椒及醬汁配搭得很好。$66的漢堡來說，只能說他物超所值，CP值滿分。跟餐的雞翼也沒有令我們失望。雖然是烤雞翼淋上辣醬，但雞翼咬下時很脆。醬汁的味道有點似韓式辣醬，但不太辣，真的很好吃。本來我們還擔心熱情果茶會有點酸，結果卻讓我們很驚喜。濃郁的熱情果味，味道得清新，一點也不酸。在食這些油膩的煎炸食物同時，搭配一杯熱果茶，既解膩，亦較汽水健康。真的十分推薦！薯條亦係即叫即炸，建議大家失放置5至10分鐘，等水份蒸發後，薯條會更脆，亦唔會辣爆嘴。餐廳是取用先付款，後送餐的服務，與大部分東廣場餐廳一樣。環境方面，My burger算是東廣場中裝修得比較好的，走美國西部風，連檯檯凳凳都有襯好。最後，如果要雞蛋裹面挑骨頭，餐廳的座位密道

放工行到去APM附近, 即興喺附近搵地方食晚飯, 聽聞東廣場好多野食, 就花幾分鐘行過去睇下啦.見到LEE間食BURGER好多人, 裝潢都幾特別, 有點工業風, 咁啱仲有一張吉枱, 咁就同男朋友試下LEE間啦. 不過因為佢都唔係好大間, 就要坐得迫點.坐底睇見個MENU, 佢既BURGER牛, 雞, 海鮮咩都有, 望下其他枱D BURGER件件都好有分量咁, 突然俾我望到有ALL DAY BREAKFAST, 仲要個名好啱聽, 叫淑女早餐, 咁一定啱我LEE D LADY食啦! 而男友亦叫左大隻佬BURGER, 聽個名就知霸氣.講明大隻佬BURGER, 當然才料唔野少啦, 有牛肉, 生菜, 蕃茄, 芝士, 煙肉, 煎蛋, 洋蔥… 一口真係要男仔先咬到. 見男朋友食得好滋味, 佢話牛肉好JUICY. 我地仲加左薯條同洋蔥圈, 新鮮炸好, 熱騰騰好好食, 薯條放喺個工業風飲水杯到, 好別緻, 差不多你會見枱枱都有ORDER的, 所以制作須時, 都等左一段時間.另外終於到我既LADY’S BREAKFAST喇, 嘩… 都好多才料, 好豐富, 有肉又有菜, 好抵食. 今次俾我地發現左LEE個廣

每次來到東廣場食午餐，本太子都喜歡先把廣場巡一圈，因為𥚃面的好選擇有不少~今次食這間漢堡店相信對年輕一輩有不少吸引力呢! 這間店舖空間不多，繁忙時間會擠滿人，幸好早早先來到坐下。本太子點了個煙三文魚堡餐，配薯條和柚子茶。漢堡看上去很好味～可以看到餡料十分充足，加上鮮菜和醬汁，咬下去香脆鬆軟質感很不錯啊～如果漢堡可以再大點就好了至於薯條就係標準美式餐廳的粗薯條，愛薯之人必吃!吃得這麼熱氣，怎少得一杯茶滋潤一下。飲一杯潤澤心脾，絕對充滿柚子味。至於價錢方面當然沒麥記那麼平，但偶爾吃一餐這樣的漢堡是不錯的。