Mr. Steak Buffet à la minute

營業中

休息中

差不多10年冇食過屹立多年嘅「Mr. Steak Buffet à la minute」自助餐，上網見呢期做緊日本佐賀牛主題，尋晚同阿媽去食🎉人山人海勁旺場！地方大，座位多，如果坐窗口位可以邊食邊欣賞維港靚景，再附送幻彩詠香江🌃食物選擇多，而且偏多海鮮同甜品。回本嘅一定係日本和牛、即開生蠔同海鮮，一味龍蝦已經足夠回本🦞海鮮補給快，龍蝦好多膏，開殼龍蝦鉗啖啖肉，啱晒海鮮控。今晚都見枱枱都海鮮上先，我同阿媽食龍蝦都食到飽哂🙂‍↕️即開生蠔新鮮，預時間排隊等候就OK。熱葷選擇多，適合同埋老人家嚟食👵🏻午市自助餐有長者優惠。個人推薦北海道豚肉壽喜燒、馬來咖喱牛腩、豬腳薑醋。好適合生日同慶祝活動，有甜品即時畫碟寫字服務，效率奇高，基本上5分鐘左右已經拎得，目測枱枱都畫，反正佢無限次數，無限碟心意🎉日本和牛有質素，幾款都好食，啱牛魔王佐賀牛料理🚩鐵板和牛薄切，極滑！上面放薄炸蒜片同蔥花🚩慢烤塩麴燒，肉色嫩紅，入口唔韌🚩火炙和牛壽司，廚師即場火炙，爆油脂📌即煎鵝肝大大件煎得幾靚🚩燉湯係沙參玉竹海底椰排骨湯，足料🚩甜品好多，不能盡錄，必食玻璃杯裝北海道牛乳奶凍，奶味濃郁👍🏻

同一個餐廳我唔會經常食完又食，呢間例外。首先，佢要咁多年都唔執，一直保持住受歡迎。其次，質素要保持到，間中又要有啲新意。論自助餐，酒店 buffet 貴一截，所以呢度一直都係性價比之選。慶祝父親節又搵到藉口食一次。佈局同上次嚟一樣都係舒適，拎嘢食排隊暢順。生蠔一直都有人排，每人每次兩隻，都幾大隻。龍蝦、蟹腳、蟹鉗等等應有盡有，不時refill。龍蝦多肉，蟹腳鮮甜。佐賀牛薄燒、北海道白華豚壽喜燒、火炙和牛壽司全部都高質嘢。今次驚喜係即埸有人幫你整埋片皮鴨，同鵝肝一樣咁邪惡。壽司刺身一樣有，而且比埋三文魚腩，仲有大大隻蝦刺身。前菜熟食好多款，只係唔知個胃有冇咁多容量。甜品勁多款式，依舊要留肚食北海道牛乳布丁同埋豆腐花。最後甜品畫係指定動作。

之前睇到YouTube 介紹呢間自助餐好得，趁阿女生日嚟試吓，整體上食物係優質嘅，味道真心唔錯，$500幾蚊自助晚餐嚟講簡直係無敵！海鮮方面，生蠔同刺身都好新鮮又肥美，龍蝦差唔多隻隻有膏，長腳蟹有啲頗鹹，但都不失肉甜；肉類方面，有佐賀和牛鐵板燒、牛扒同壽司，北海道白豚豬肉壽喜燒，食肉獸簡直係大滿足，亦都唔係渣嘢👍🏻最最最可惜嘅係之前有原條藍鯨吞拿魚劏嘅刺身promotion已經喺上個月做完，否則真係抵上加抵！個人覺得呢間餐廳嘅食物雖然係十分之好食，但可惜自助餐枱嘅空間有限，受歡迎嘅食物好多時都要排長龍，同埋生蠔每人每次只派兩隻，好似寒酸咗少少，去到尾段食物例如刺身、蟹腳同蠔係會派晒嘅，所以不能夠慢慢攞慢慢嘆。整體上值得推介，個係真係要有啲策略喺攞嘢食方面👍🏻

呢間buffet好耐之前黎過今次平日夜晚黎都滿座好多人餐廳可以睇到維港海景主打多款海鮮同和牛菜式重點係質素媲美酒店級數難怪咁多年過去依然咁旺場😆平時食buffet最吸引到我嘅就係海鮮海鮮區亮點有即開生蠔，冰鎮長腳蟹之外竟然連龍蝦都可以任食🦞我哋一人一隻啖啖肉超滿足刺身區選擇亦都唔少除咗三文魚、赤貝、吞拿魚等等之外仲有原隻上赤蝦，鮮甜爽口熱盤方面就一定要試下呢度嘅和牛菜式🤌🏻唔少都有廚師坐鎮即席料理，保持新鮮同溫度佐賀黑毛和牛鐵板燒油脂味香火炙和牛壽司肉嫩入口即溶北海道白樺豚壽喜燒醬汁甜甜香濃滋味仲有推薦試下片皮鴨、香煎鵝肝同原盅燉湯另外飲品竟然仲有紅白酒任飲啱晒鍾意飲返兩杯嘅朋友🥂最後一定要留返個肚食甜品啦有Häagen-Dazs同Movenpick雪糕任食之餘呢度最出名嘅就係自家製心太軟仲可以攞紙仔留低心意message🫶🏻師傅就會幫你畫碟寫字誠意滿分而且個心太軟朱古力味濃好流心

話說阿仔出世之後都好耐無去銅鑼灣難得今日有me time,又去呢度食個buffet😆終於有餐安落茶飯食😀其實由拍拖嗰陣都成日嚟咁多年都真係keep到水準嘅..例如我係其他嘅自助餐唔會食長腳蟹😌因為覺得一咬落去剩係得海水味但係每次嚟呢度我都會瘋狂食，因為唔知點解呢度嘅長腳蟹我覺得係特別好食👍🏼有蟹味之餘仲好鮮甜而生蠔我都覺得比其他地方係肥美好多…熟食方面薄燒佐賀牛，片皮鴨，鵝肝等等呢啲都有不過每次嚟我都會飲返三盅嘅係佢嘅燉湯，一啲味精都冇勁好飲😆甜品都係呢度皇牌 無一款係伏☺️心太軟仲可以免費畫添，以前就已經好驚嘆呢度嘅師傅畫工一啲都唔失禮😌總結嚟講依家仲要有特價，性價比就更加高👍🏼

位於銅鑼灣，入場已經望到一大片海景好吸睛，建議準時入場趁無咩人就打卡先，位置乾淨舒服，枱與枱之間唔會好迫，部分近食物位置的枱有隔版開👍🏻✨種類豐富而且make sense，焦點當然係即切係你面前燒嘅佐賀牛🐮，另一焦點就係滿滿凍海鮮區域🦀，仲有即開生蠔🦪，特別要提係甜品，長長甜品枱令人目不暇給，即焗心太軟仲可以安排祝福語🎊現場安排咗幾位廚師係你面前整佐賀牛，豚肉壽喜燒，天婦羅同即包片皮鴨，以非酒店自助餐黎講真係誠意滿滿✔️個人口味特別鐘意:凍蟹 (特別啖啖肉蟹鉗)龍蝦 (多肉多膏夠彈牙)燒佐賀牛 (可能淨食牛唔使要飯)片皮鴨 (叫少醬就啱啱好)即炸天婦羅 (蔬菜類炸完都保持到外脆內濕_豬腳薑 (夠入味)蛋糕類甜品+北海道奶凍 (蛋糕唔會太甜，水果個樣幾靚）即焗心太軟 (加焦糖燉蛋movenpick最正‼️)可以更好:酒杯換新啲更好和牛每人拎兩件其實會好啲總結，價錢對質素收晒貨有突，咩年紀食都會食得開心

今次第一次去銅鑼灣食 Mr Steak buffet，聽說是酒店級水準，原來性價比真心高❤️！食物種類非常多，當然第一時間就先到海鮮區，龍蝦爽彈。長腳蟹的蟹腳真的好多肉啊，連蟹腳縫里的肉都能慢慢啃出來🦀刺身方面有紅蝦、赤貝、油甘魚、三文魚、帶子、𩶘魚等！仲有好多壽司卷物🍣熟食方面一定唔少得即煎佐賀和牛鐵板燒，薄切和牛油香，煎到微微焦脆，夾埋蒜片入口即溶😋。沒想到有甜品Haagen-Dazs雪糕🍨，太開心！之後仲可以炮製獨一無二的驚喜，在盤子邊上用醬汁畫張簡單的心意卡，看著挺有意思的。剛烤好的心太軟端上來時還熱乎乎的，用勺子一挖，裡面的巧克力醬就流出來了，外皮有點脆，裡面軟乎乎的，甜而不膩🍫。

Mr. Steak Buffet 素有名氣，加上落地大窗將維港夜景盡收眼底，氣氛舒適浪漫，岩晒帶屋企人或情侶慶祝～先講海鮮區，亮點之一，冰鎮龍蝦、長腳蟹、美國生蠔新鮮肥美，入口鮮甜，無限量供應夠晒喉🤪🤪刺身選擇勁多，包括油甘魚，紅蝦，劍魚腩，個人尤其中意虎蝦同赤貝😌仲有必定推介長期多人等候既和牛料理更是焦點，佐賀和牛鐵板燒入口即化，油脂香濃；火炙和牛壽司配上特製醬汁，口感層次豐富，怪不得大家拎完再拎🤣🤣🤣其實熱盤都唔少，鮑魚海參花膠煲、紅酒燉牛尾及即炸天婦羅，味道濃郁且精緻。甜品方面，一定要食嘅就係心太軟啦！❤️唔單止外脆內軟，朱古力味超濃，同真流心，仲有即場畫碟，去賀生日或紀念日增添儀式感；同場仲有紅白酒供應，絕對值得一試！

老牌酒店自助餐食多左都想試下啲新野，最近搵到有間性價比高的海景餐廳🤩晚餐時段可以一邊欣賞維港的燈光show，一邊品嚐多款高質美食😋Mr. Steak 自助餐除左有美國牛肉任食之外，仲有薄燒佐賀牛都係任食噶！每一塊佐賀牛肉都係你面前現切現煎，未食就已經睇到流曬口水，薄燒後的牛肉油脂豐厚，牛肉香味濃郁，出邊餐廳都未必食到咁靚噶牛肉🤤燒美國牛肉都好出色，粉紅色的橫切面清楚可以睇到好靚的油花，燒牛肉十分嫩，入口即融，係我食過最好味噶燒牛肉🧡隔離仲有燒牛肉壽司，一定唔可以錯過！除左靚牛之外，仲有大量凍海鮮任食！🦞波士頓龍蝦隻隻都爆膏，蝦肉結實彈牙，鹹度啱啱好，每人每次排隊都有開邊龍蝦一隻，排多兩次都夠回本😆長腳蟹味道鮮甜，紐西蘭青口肥美厚肉！必食即開生蠔🦪蠔味鮮甜，creamy 又爽甜噶蠔肉超級肥美！開蠔師傅好快手，細心洗乾淨每一隻生蠔👍熟食區選擇多籮籮，紅酒燉牛尾、清蒸原條比目魚、紅油抄手、豬腳薑等等，即包北京烤鴨都很值得一試！仲有各樣意粉炒飯🤤甜品區有麵包布甸、提拉米蘇、黑森林蛋糕、北海道牛奶布甸、DIY仙草芋圓、木桶豆腐花等等，餐廳提供客製化心太軟畫碟，好有心思🧡切開心太軟後，入邊的朱古力

一直都聽到同事推介Mr. steak buffet好有水準，性價比比酒店buffet更加抵，但系食物嘅款式比酒店更加多，今日系平日，但系全場爆滿，可見佢嘅受歡迎程度，餐廳仲可以望到維港海景✨冷盤區海鮮分別有長腳蟹，龍蝦，螺肉，青口，熟蝦，蟹鉗，職員refill嘅速度都好快，長腳蟹簡直冇得頂，肉質鮮甜，新鮮，可以拎得出一條完整嘅蟹肉，熟蝦都有驚喜，爽口彈牙，龍蝦超爆膏，肉質爽口鮮甜，完全冇雪藏味餐廳仲有無限供應美國生蠔，肉色偏牛奶白色，非常肥美，入口帶清新的海水味，口感細膩，連帶子位也極鮮甜另一邊仲有沙律菜，唔同款式嘅沙律，煙三文魚，凍肉，火腿咸香味突出，沙律菜爽脆新鮮，有幾款唔同味道嘅沙律醬刺身區分別有油甘魚，三文魚，紅蝦，八爪魚，赤背刺身蝦，刺身同樣出色，新鮮鮮甜另一邊有非常多熱食，有天婦羅炸物，北京填鴨，燒西冷牛扒，最有賣點就系有佐賀牛薄燒，炙燒佐賀牛壽司，壽喜燒北海道白樺豚，和牛色澤超粉嫩，牛肉上布滿細小嘅油花，簿燒裡面放上蔥花同蒜粒，是可以不經咀嚼就直接自然平順的滑進喉頭旁邊仲有個飲品區，紅白酒任飲，仲有橙汁，葡萄果汁，紅茶，咖啡甜品部份都有二十幾款蛋糕，細細件可以試曬唔同嘅味

呢個自助餐，性格比爆燈🔥人均只需要$4xx😱任食龍蝦🦞和牛🐮生蠔🦪仲有寫字畫碟🎂環境寬敞，有落地大玻璃飽覽維港景！每晚都爆晒場，想食記得早啲book位‼️✨海鮮區一入場當然先去海鮮區😍有大大隻開邊龍蝦，肉質超彈牙！長腳蟹腳啖啖肉，回味無窮！生蠔即開即食保證新鮮！仲有青口、翡翠螺、凍蝦回本無難道😂刺身區仲有虎蝦、帶子、赤貝……厚切又鮮甜！✨和牛區即煎「佐賀牛薄燒」，入口即溶，一定要encore!壽喜燒肉質軟嫩，片皮鴨即叫即包好香口！✨甜品區想慶生或者紀念日真係一流🎉寫低心意句子，師傅即畫寫祝福語嘅「朱古力心太軟」，心太軟切開爆漿🤩超好食😋仲有甜品山！幾十款甜品任你食，Movenpick 雪糕任食，推介Mr Steak 字樣的Tiramisu，包你一試難忘🥰仲有超多款熟食，燉湯，多不勝數‼️飲品除咗果汁之外，仲有紅白酒任飲唔駛加錢！

今晚在銅鑼灣這間餐廳吃海鮮和牛自助餐，地方好大好闊落食物豐富，包羅萬有，和酒店自助餐不遑多讓，食物區分佈清晰，用餐環境舒適。熟食區重點推介佐賀和牛壽司，即切即燒，肉質經炙燒後更覺肥美鬆化。燒牛肉好腍滑，軟嫩多汁。片皮鴨皮脆肉嫩，鮮味多汁。壽喜燒湯底鮮甜，肉質嫩滑。比目魚肉厚鮮嫩，肥美幼滑。還有豬腳薑、紅油抄手和冬菇鴨掌等，原盅燉湯夠滋潤。海鮮區有即開即食生蠔，幼滑鮮味。開邊龍蝦，膏肥肉鮮，還有肥美三文魚刺身l和多款壽司。甜品區蛋糕款式多，賣相精緻，色彩繽紛，甜品愛好者必定大快朵頤，尤其喜歡法式焦糖燉蛋，香滑甜美，令人回味。沙律區任意配搭，鮮果沙律配以煙三文魚鹹鮮油香，肉質幼滑。Movenpick雪糕冰凍幼滑，紅莓和芒果雪糕充滿果香，令人回味。還有紅酒和果汁任飲，大家都吃得暢快盡情。

呢間自助餐超高cp值！前排係kkday買，仲一買一送一，超級抵！自助餐有好多菜式選擇，新鮮刺身壽司、龍蝦長腳蟹、自製沙律、亞洲美食、即切燒牛扒、即製海鮮雜燴、西湯及中式燉湯、超大甜品區、飲品仼飲、和牛即叫即整，肉質嫩滑又多汁！淨係和牛都有三款菜式，連自助餐必備嘅燒牛扒都係好好食！甜品區有多款甜品選擇，生日仲可以有手寫happy birthday心太軟環境闊落，坐得舒服，有啲位仲可以望到海景🌊

好耐無食過buffet, 近近地揀左銅鑼灣世貿中心Mr Steak Buffet, 晚上第二輪時間7:30至10點，未夠7:30已經慢慢安排入座，可先拿飲品，7:30就可以取食物飲品方面有，有茶類，紅白酒及果汁任飲未拎得食物先所以先還繞一圈生蠔有美國pacific oyster，每次限取2隻，旁邊壽司bar有8款壽司，刺生都有7款，紅蝦、虎蝦、油甘魚、三文魚、赤貝等等生蠔入口creamy新鮮，刺身都好肥美，唔會排隊好耐冰鎮海鮮冷盤有波士頓龍蝦、蟹鉗、長腳蟹、青口，蜆肉、翡翠螺。波士頓龍蝦肉質厚實鮮甜，蝦頭部份有好多膏，長腳蟹好厚肉，勁多汁沙律吧都有七至八款，火腿冷盤同煙三文魚，仲有一口酥皮盒或沙律撻，眼花撩亂至於熱食，佐賀牛是必食，有鐵板薄燒，慢烤鹽麴燒和牛壽司當中大推慢烤鹽麴燒，用鹽麴醃製佐賀牛再慢燒，肉質勁嫩，入口軟淋，而且牛味非常重，其次鐵板薄燒，包著炸蒜及蔥花，好香口除左牛，仲有白海道白樺豚壽喜燒，同埋即包片皮鴨即炸天婦羅有5-6款，外層勁鬆脆，中式食物大約有十款，五香牛雜，紅油抄手，避風塘生蠔，蒸魚，霸王雞等等而於熱湯，中式湯有沙參玉竹海底椰排骨湯，一共飲左兩碗呢到最吸引係可

Mr. Steak Buffet📍銅鑼灣知道mr steak最近自助餐做緊優惠 超級抵食 即刻同朋友book位過嚟食飯 mr steak buffet十分高質 有好多唔同選擇 凍海鮮有青口 螺 長腳蟹蟹腳 龍蝦 蝦 仲有師傅即開生蠔 蟹腳十分鮮甜 龍蝦多膏 生蠔好大隻刺身方面有三文魚 油甘魚 帶子等 仲有各款唔同壽司 三文魚腩 墨魚 拖羅蓉 北寄貝等 熱盤方面有師傅即燒火炙和牛壽司 豚肉壽喜燒 片皮鴨 香煎鵝肝 燉湯 等等甜品方面更有可以寫紙仔比師傅畫碟嘅心太軟 打卡慶生或者慶祝紀念日一流💰星期一至四晚餐 人均消費約$500Mr. Steak Buffet à la minute (銅鑼灣)📍銅鑼灣告士打道280號世貿中心6樓