Mr. Korea BBQ (已搬遷) 新店位置

今晚大女帶我哋一家四口來這裡食韓國菜，這裡佈置得很有韓國feel，而電視也不停播韓劇，令人置身韓國一樣。首先上場的是醬油蝦，醬油鮑魚及醬油蟹。這裡醬油我很喜歡，沒有那種好似藥材的味道，是我吃過最好食的醬油醬，老闆説他對他們的醬油味道充滿信心，果然名不虛傳！很多餐廳跟醬油蟹的只是白飯一碗，但這裡的是加了芝麻的紫菜飯團，很特別，只食飯團已經好食，加埋蟹糕就真係不得之了接着是生韓牛肉，冇錯，我冇寫錯你亦冇睇錯，是韓牛肉，這個生牛肉是用韓牛的，食落牛肉味確係濃得多之後開始BBQ，韓牛胸肉，薄切，兩面各燒3秒，包住蔥一齊食，牛香+蔥香=超級好味接着還有三花肉，純豆腐海鮮湯及海鮮煎餅，其實仲有很多野想食，但實在太飽了，唯有下次再來試其他的菜式吧！

一早就book定位, 當晚去到搵個餐廳既時間, 個門口有d神秘, 可能係因為自己唔識路上到樓上環境都唔錯 地方幾大, 好快已經有人ser我地! 由於好多選擇, 都唔知食咩好, 所以就叫左店員推介俾我地, 之後仲好好會幫我地燒埋, 熟嫩度都岩岩好, 如果我地自己燒既話可能未必燒得岩岩好!埋單價錢可以唔接受, 唔太貴, 地方乾淨唔太迫, 都會推介俾身邊既朋友黎呢度聚下腳!

Happy Friday要好好獎勵自己，今晚約左屋企人齊齊去Mr. Korea BBQ!位於尖沙咀柯士甸道瑞信集團大廈一樓，餐廳環境寬敞，店員親切有禮，態度殷勤。餐牌選擇極多，包括牛肉、豬肉、雞肉、海鮮、醬油海鮮系列、主食、炸雞、湯等等。醬油蟹招牌菜式之一，必點之選!金黃色蟹膏肥美飽滿，啖啖鮮甜甘香，蟹肉通透鮮嫩，秘製醬油醃得入味，味道香濃，唔會死鹹，極富層次感，正啊!配以韓式紫菜飯團，拌飯真係一流~醬油鮑魚鮑魚鮮嫩爽口夠哂彈牙，經秘製醬油醃後，完全無腥味，每啖都食到鮑魚既鮮味同醬油既香味!特級牛肋肉味道濃郁，口感柔軟，入口即化。牛胸肉油脂豐富極軟嫩，Q彈有嚼勁。牛舌細嫩爽滑，入口軟脆爽口好juicy。光陽烤牛肉調味出色，脂肪比例平均，牛味香濃多汁。護心肉肉味濃郁，油分不多，入口彈牙爽滑。醃製豬肋骨肉質柔軟多汁，秘製醬汁醃後提升味道層次。海鮮拼盤有齊鮑魚、大蝦、扇貝、帶子、魷魚，款款都好新鮮，份量十足勁吸引!推薦厚肉爽身鮑魚、爽脆彈牙大蝦。海鮮煎餅大蔥夾雜八瓜魚、蝦仁、魷魚等，新鮮足料，熱辣辣特別香濃惹味!純豆腐海鮮湯 鮮甜海鮮配以嫩滑豆腐，湯底酸辣開胃，味道豐富。燒鰻魚魚肉肥美嫩滑，

前菜如下，普通通通，泡菜無乜味百佳買個d仲好食。叫左個300幾蚊牛set，豬皮同埋辣豬肉，2個人食岩岩好~ 但全部都不過不失，無乜驚喜，唔會特別好食。個牛舌睇黎好考師傅力功，薄過張A4紙3塊合埋一齊食都唔會食到牛舌味。睇下面張相就知，會透埋個爐出黎。要讚下職員好快手，見佢地炒場周圍撲但要求加菜都有求必應好快黎無話唔記得左你。另外抽煙系統幾好，滿場都無乜油煙。

新年最啱就係一班人食盆菜，不過成日食中式，都會有啲悶所以今次是特別啲韓式盆菜！真係冇揀錯！一送來已經好有驚喜一大箱打開裏面食材非常乾淨牛肉汁豬肉汁需要嘅配料包裝好 看得好店家好細心主菜一打開見到我鍾意嘅牛肋肉 一大條 超級入味好淋 好好味 簡直想之後去舖頭再食過 之後仲有好多特別嘅餸菜我都覺得新鮮 例如墨魚飯 墨魚圈裡面包左糯米血腸 我平時都唔係好識血腸不過呢個又接受到喎 五花肉 夠淋入味 仲有 年糕 蘿蔔 韓國魚蛋 ... 很不錯的一次食的體驗

曾經在韓國工作過兩年的我，自從三年前回到香港後，都一直在尋覓好食的韓燒餐館，但是，說真的，香港真的沒有太多很好的選擇。而燒肉店方面，這家餐廳確實是讓我喜出望外。雖然餐館結構比較舊式，門面也不是特別裝潢，空間也不是特別寬敞，枱凳等等也不是頂級衛生，但就是有一種我以前在韓國工作至深夜，然後跟同事一起暢飲暢食的感覺！先講食物，豬及牛兩樣都是有分韓國進口及本土。如果你直接從menu點餸，他們通常只會給你本地的，所以你最好註明你要韓國進口的。當然價錢會不一，進口的大約貴10至15%。看牛方便，我個人建議他們韓國的護心肉是最美味的！基本上除了入口即溶以外，就是牛肉本身的油香味。其他我試過的牛肉部份，如牛胸薄片、牛肩肉，我就覺得中等，所以不會特別韓國進口。其他類別，我唔清楚。之後豬肉方面，最好食的一定是三花肉（厚切）。一定要記住叫厚切！講真，我係韓國兩年都無見過薄切，或者係本地口味，但我個人推薦食三花肉真係要厚切先會好食，尤其是進口韓國豬！這裏的三花肉唔會只係得肥肉，中間的肥肉，下面的瘦肉，表面的皮，比例剛剛好，所以咬落唔會非常之嚼口，連埋燒過的kimchi、蒜片（要自己叫）、芝麻油以及芽菜真係非常

踏入12月，又到咗一眾燒肉迷為之瘋狂嘅季節，因為又係時候瘋狂食·食·食燒肉同飲·飲·飲啤酒🍻！屬於肉食獸嘅主場😎，準備好同我哋一齊去踩場未？✌🏻🤤🥩🍗🍖.醬油海鮮系列🌊醬油鮑魚 ($238)🦀醬油蟹 ($380)Mr. Korea BBQ必食招牌菜式之一醬油海鮮系列🌊🦀，偷飯賊（醬油蟹게장）係指生醃未經烹調煮熟嘅蟹🦀，再將蟹黃同蟹肉撈入紫菜飯一齊食🥰，好正，一食就愛上🤤！如果你哋接受到食生蝦嘅質感😎，應該都接受到食醬油蟹嘅感覺😍，其實只要你放開心懷✌🏻，先可以真正感受到唔同國家同地區食物嘅精髓👅！.燒肉系列🥩護心肉 ($118)🥩牛胸肉 ($168)燒肉食咗2款🔥，護心肉嚟自豬肉🍖，屬於橫膈膜和肝之間嘅肉，由於數量稀少🤏🏻，所以特別矜貴🤩，味道不錯👍🏻。而牛胸肉一望就知油脂分布比例較高🙈，油花特別多🤤，口感非常爽口😎。.其他小食系列🦑海鮮煎餅 ($98)煎餅內有魷魚🦑、蝦肉🦐同蔥等等，食材新鮮🤩，熱辣出爐🔥，特別好食😋。.🐥原味炸雞 ($158)意想不到炸雞份量非常多🍗，大大件夠抵食👍🏻，食落雞皮仲炸到卜卜脆👅，最啱就係炸雞配啤酒🍻，正！.飲品🧃梨汁 ($15).MENU

爸爸生日話想食韓燒，但我印象中諗得到既韓燒，一係就任食但佢哋老人家話食唔到，另外就都係果幾個唔係太中意既大集團，所以好辛苦咁上網搵左好耐，就見到呢一家。可以疫情關係少人返工，店員都好忙，叫食物同上菜都等得比較耐，但店員都好nice好願意幫忙。食物都係高質又好食既，叫左牛肉拼盤，當中個光陽烤牛肉好好食所以我地散叫encore左，係類似餣左既牛扒咁一大塊的。另外叫左牛舌同辣三花肉，都好吃。反而海鮮叫烤魷魚就爭啲，餣得不入味。

天氣凍咗又喺食燒肉嘅時候😆，今次去嘅係尖沙咀一間韓燒店，佢唔單止有一般嘅燒肉🍖，仲有醬油系列，味道真係唔錯，唔怪得當晚去到全場都爆曬🤟。📍醬油鮑魚 ($238)鮑魚新鮮彈牙🤤👍🏻，用醬油醃過更加好食，中意食海鮮嘅唔好錯過。.📍醬油蟹 ($380)店員力推嘅餐廳名菜———醬油蟹🦀，估唔到草根第一次食醬油蟹借喺係香港🇭🇰，生醃醬油蟹肉睇落晶凝通透，加上橙色嘅蟹膏睇落更吸引🤤，蟹肉口感同刺身蝦相近，相當鮮甜🙌🏻。再配埋個韓式紫菜飯🍙，真喺好好食啊❤️😍。.📍護心肉 ($118)📍黑毛豬肉2款肉嘅肉質都好嫰滑👍🏻，有口感之餘富肉汁。.📍牛胸肉 ($168)牛胸肉脂肪比例多，油花十足🤩，口感爽口彈牙。.📍海鮮煎餅 ($98)完全喺餡料多過麵粉🙌🏻，海鮮有齊大蔥、魷魚丶八瓜魚同蝦🥬🦑🐙🦐，非常足料，熱辣辣整起真係又香又好食😋，比以往草根食過嘅更高質。.📍原味炸雞 ($158)炸雞份量相當慷慨🍗，即叫即炸🔥，果然係香脆惹味🤩，一定要趁熱食♨️，外皮香脆，雞肉嫩滑juicy😍，好有驚喜😋。. 另外仲叫咗韓國啤酒🍺同提子汁飲🍇，呢款罐裝提子汁裏面仲有提子肉，都幾正㗎。

餐廳：Mr. Korea BBQ (尖沙咀)地址：尖沙咀柯士甸道140-142號瑞信集團大廈一樓星期日返完教會團契⛪️，同幾個教會朋友去咗柯士甸道呢間Mr. Korea BBQ食燒肉🥩，點解會莫名其妙去食燒肉？因為餐廳週末午市食燒肉有半價優惠呀😍先點咗個醬油蝦($198)同醬油鮑魚($238)，蝦喺生醃嘅，睇得出餐廳揀咗啲新鮮嘅活蝦🦐，摵開唔覺有蝦腸，而鮑魚喺8成熟。兩款入口都新鮮爽口，原因係餐廳由韓國入口新鮮海鮮，返到嚟再用咗自家製嘅醬汁去醃，有洋蔥🧅、辣椒🌶️、香蔥、芝麻等，食落咸香適中亦帶少少辣🤏，唔會有腥味，同時保留到海鮮本身嘅鮮香👍🏼半半炸雞 $158由於想試多啲味，叫咗一半豉油(原味)、一半甜辣味，炸雞無上到好多粉🍗，咬落皮薄得嚟香脆，唔會食到成口都係粉，個人就比較鍾意食原味，可以切切實實品嚐到炸雞嘅原滋味😋海鮮煎餅 $99呢度嘅海鮮煎餅可謂與眾不同😎，以大蔥為餅底，中間夾雜魷魚🦑、蝦🦐等海鮮，面頭再倒上麵糊去煎🔥，每一啖都食到香蔥嘅爽口同濃香，蘸埋餐廳嘅自製韓式醬油仲惹味，鍾意大蔥嘅人就啱哂喇❤️，側面有少少燶燶地，撇除呢樣野就滿分🙈純豆腐海鮮湯 $108好鍾意呢個海鮮湯有超大

因為呢間韓燒之前食過4定5次，記得員工服務都好，食物有質素，同埋價錢合理，所以係得返1日訂枱時間而見到呢間仲有得訂位，我就立刻訂咗。今晚同朋友仔2個人去食，叫左個豬拼盤，豆腐海鮮湯，芝士帶子（有3粒）同1支啤酒。其實份量真係少左既，最起碼拼盤比之前（約1年前）少左2塊肉，但食落都仲係好味嘅。豆腐海鮮湯正常水準。芝士帶子就唔掂，唔夠新鮮。我哋咁樣要$619埋單，我有啲後悔冇檢查個收費，因為本身冇睇價錢點餐，但係3樣野食加支飲品要呢個收費，我覺得唔值得。

整體舖頭正態度非常之好，主動加添韓國拌菜，因為限聚令餐廳營業時間至凌晨兩點，大概11時前左右我地問侍應你哋開到幾多點，男侍應回答冇咁早你哋慢慢坐啦跟住冇幾耐就出咗張單叫我哋埋單，話可以慢慢坐㗎到12點左右有一個男侍應行埋黎講：你哋可以走嫁喇我哋自己人留低玩。跟住就好快收晒我哋枱面啲嘢得返一支酒。 真係同趕我哋走冇分別😅😅😅😅😅

兩星期前已網上訂位，7:30，三位要求坐窗口位，因為朋友生日！當天準時到達，但職員自己Mark錯時間為6:30，所以窗口位當時已經沒有🤷🏼‍♀️🤷🏼‍♀️，大為失望，之後被安排坐在店舖中央老實說不明白，網上訂位已經是很普遍的但也會有錯誤的安排服務質素一般環境可以食物質素一般，尤其是燒肉拼盤小食有主動添加一次海鮮煎餅質量的確不錯，可以一試泡菜也的確幾好味，不會太酸太辣相對來說熟食比燒肉還優勝

好耐冇見我老友，今晚要好好同我朋友盡情食多啲！😉D間Korea BBQ真係又抵食又有質素保證！今日下午6:00已經有幾枱客了，好彩我有book 位jer😌經OpenRice book 仲有八折優惠！另外佢哋逢星期二醬油蟹$120一只，平時要$380兩隻架。如果鐘意飲洒嘅朋友可以星期三嚟，因為只要比$70就可以任飲😵每次個泡菜我都好鍾意食，因為任添又夠辣黑毛豬扒$100（100g)真係吾算貴，燒起來油脂好，一D都吾唔肥膩，老闆溫馨提示我燒到八成熟就夠了！海鮮併盤真係抵三百幾蚊全部都好大件頭，好新鮮嘅食材！豬皮好邪惡，但必食，好爽口又野味！成張單折實左都係六百幾，好好好抵食，下次一定要再來

地道韓燒 小菜可以refill 泡菜好食 又辣又爽•🥢牛肉拼盤 358HKD牛胸肉, 牛肩肉, 牛肋條, 牛舌拼盤份量不算多 牛肋條有d韌其他不過不失啦🥢三花肉 108HKD食韓燒一定會叫 因為點都唔會難食🤣厚切最正 好香豬味🥢醬油鮑魚 238HKD今晚佢係最好食 醬油汁調教得好開頭有少少擔心鮑魚會唔會硬佢係超軟熟 好好味👍🏻用OpenRice訂檯有8折下次食佢個醬油蟹先😎