MOS Burger (已結業)

返屋企烘返熱.我今次好用心咁去食,一路食,一路覺得佢呢個burger真係好味喎,好味係完全在於佢個sauce,唔係普通茄醬,而係加左洋蔥mix入去,個醬唔係稀果d,有少少茄膏feel,塊牛肉又唔會好乾,又夠厚,食落又唔會散.果兩片個包軟得泥又夠實,texture一流!簡單的材料可以有個咁好o既outcome.好野好野!!

睇完戲,又想食少少野,大伙兒到mos burger覓食我自己食個三本蝦漢堡跟薯條同汽水,口感唔錯,因為雖然係炸既野,但係一點都不覺得佢\油利,個包本身鬆軟幾好食,辣辣地既味道增添不少開胃既感覺添薯條比麥當當既正好多,粗身薯條令人覺得真係食緊薯仔咁,不過略為偏淡一點,屬清淡既口味整體感覺唔錯,坐在大銀幕下一面食一面看mtv都係一個很好的享受

成日聽人講話好味所以就尼試一試...兩個人....食左兩個餐一個係摩司漢堡餐要雞件一個係芝士漢堡餐要薯條兩個漢堡都真係一般...唔係話唔好味....不過都係一般....佢係即叫即整所以d 野一定夠新鮮同熱~~加分但係諗落....其實同麥記差唔多...因為麥記流量大....所以其實整定同佢即整真係差無幾而且佢d 芝士唔夠溶....如果溶d 會更好味薯條大大條~~好味~~正如之前咁講...係即整的所以有好多條都好脆...like 脆的就happy喇最有驚喜的竟然係雞件...原本冇諗過會好味點知一食落去係超好味成塊雞柳去晒骨....咸度剛好...外脆內軟.....一支棒呀!!!而且仲有個好有心思的食雞袋...等你唔好食到污污租呢~~呢間野....唔係話頂級...但係咁的價錢....都幾好啦~~

今日去睇三國之見龍缷甲,買左飛見有時間剩...諗住去starbuck飲杯iced mocha..點知冇位...>_<!!於是去番上次黎過既mos burger啦...上次食過cheese burger配沙律就一般啦...今次試下個三本蝦配薯條...睇下會唔會好d~~上一次個burger唔得熱..有d失望...今次個三本蝦夠熱夠脆..個飽又好soft...d汁辣辣地..岩哂我口味...薯條夠粗..夠脆...好過M記^^唔知係咪我心情好番d..食d野又好味d呢??下一次試埋個黑醋雞堡先^^ps.常山..趙子龍好型...快d去睇丫~~

見食評主力介紹都係以芝士漢堡最好,本來我都想試吓個三本蝦,但係下次先!芝士漢堡散嗌廿幾蚊,跟餐四十蚊有薯條同汽水,結果都係要個餐!芝士既味道一般,唔香,漢堡扒肉質幾好,個包甜甜甜地,幾好食!!但係個set係麥當勞兩倍價錢,雖然係好食一點,但係我覺得大家成本應該差唔遠,食水較深,如果三十蚊我會推介!薯條味道唔錯,炸得幾脆!

行朗豪坊,都唔知食咩好,上次食完元氣,都覺得唔多妥,結果仲停業!不過經過今次件事之後,我反而覺得去朗豪坊食野會仲乾淨過出面,皆因有關方面一定不惜工本大搞清潔,可能仲乾淨過以前,想死咩,仲唔搞衛生...既然係咁,我都放心去食朗豪坊上面既舖,今次食mos burger,食既係芝士漢堡set a!芝士漢堡大大個,特別欣賞佢地塊大蕃茄,十分之新鮮,漢堡扒肉汁多(不過可能係因為成個包都比較濕)唔錯!薯條都幾好食,炸得脆而不燶,凍綠茶不過不失!四十蚊個set,價錢中上,不過質素都仲可以配合!

今日去到朗豪UA 睇戲順道過去MOS BURGER DINNER叫左MOS CHESSE BURGER 同埋三本蝦漢堡再跟蝶尾蝦同沙律BURGER 黎到既時候緊緊暖...好似整定但依然係好味...醬汁同D蝦都好配合蝶尾蝦都好味...但服務員既態度就有待改善因沙律不夠沙津醬...再問D 服務員拎...態度十級不滿...還是..測魚涌分店的服務較好!!!

今日唔食粥,因為做完gym,要食番d高熱量既野先可以補充體力,喺gym一出門口就見到呢間mos burger!叫左個mos cheese burger set a, 即係一個芝士漢堡加一包薯條同埋一杯可樂,個芝士漢堡比較濕,食起上嚟有d狼狽,味道都係ok,芝士好似爛哂咁,同漢堡扒一起變成一pet野!薯條都ok好食,我個人認為如果幼d會好食多d!

見到隔離starbucks冇位走去mos burger try下因為未食過呢間本來勁高期望,但好失望mos cheese burger+薯條+栗米湯=$40雖然$40唔係貴,但材料值呢個價,味道就唔值佢拎到過係緊緊暖d薯條冇味最正都係杯湯!算我唔識食,真係m記好食d至少有味道!

上星期去左朗豪UA睇戲,因時間緊迫,臨住去M記是但食個包算數,嘩,人山人海,惟有放棄我friend話不如食mos burger,不過有點抗拒,之前食個佢個d rice burger,可能我個人覺得用米做包始終有d怪,唔係咁啱胃口今次穩陣d,試個摩司芝士漢堡,我唔知係唔係即叫即整,差不多等左10分鐘不過個包上盤既時候又真係好鬼死熱,佢個塊芝士好大塊,而且軟硬適中,芝士味香得黎唔太濁,對於鍾意食芝士既我簡直想食多幾塊,相比起m記用個d芝士,始終都係一分錢一分貨,另外有塊好新鮮大塊既蕃茄,就算我不好蕃茄都大大口食左另外我跟餐個小食蝶尾蝦都幾特別,幾香口,反而我叫左杯薑汁汽水,個人覺得唔夠薑呆不過時間緊迫,不能慢慢細嚼

即叫即整,等左5分鐘左右,個包終於到手啦~即刻放入口試下啦...嘩,好味到呢...炸蝦好爽口,配埋個酸酸地既汁,簡直一流!

o係日本番來咁耐都無食過MOS, 知道佢又有新出限定版, 我又心癢癢想去試。呢晚同sis去睇‘I could never be your woman’, 買完票就過來。因為呢度d包包比薯條出色得多, 我地決定叫3個包包share。三本蝦堡($22): 一人一個。依然新鮮炸起無得頂; 蝦應該係3隻蝦開邊chi埋成為一塊, 好爽口, 感覺幾fresh; 仲有好開胃酸酸地o既汁同沙律醬, 正!海鮮rice burger ($22): 我太耐先到, 所以凍左, 但味道都仲好好, 只係無左新鮮熱辣o既感覺; 飯都好鬆軟, 略略淡一d。食左1.5個包竟然唔夠飽, 係個包太細定我個胃太大?

聽過MOS個大名好耐, 見睇完戲就順便黎試下...夜晚八點食飯食間都唔駛排好耐, 十分鐘左右就OK食佢招牌MOS BURGER+薯+COKE個包好食好大個, 好香牛油味, 剛剛烘好個包邊仲係脆既, 好厚塊蕃茄, 塊肉好有肉味, 菜新鮮, 薯條新鮮炸, 脆卜卜可樂都係可樂, 不過好似唔多夠氣個包真係有D大個, 女仔食就會無咁方便, 不過想食好野都唔計得咁多環境唔錯, 服務OK, 總括黎講係吸引到我再去

已經食左好多次mos burger~仲一定要食旺角朗豪坊果間~貪佢買完可以坐低就有人拎個餐過黎, 服務水平非常高, 又唔駛等好耐就有新鮮滾熱既包食~仲個個都笑笑口, 見你諗唔到食咩又會介紹俾你, 非常好人又體貼!今日食左黑醋雞+薯條+coke, 哇!真係好食到不得了!!個黑醋汁酸酸甜甜, 非常開胃, 仲好香黑醋味~值得一試~薯條係粗薯, 薯味十足, 又唔會炸過火, 又唔會黑媽媽, 好食過其他地方多多聲!~一定會再返去食呀!仲想試下佢新出既三本蝦!

今晚一個人食飯, 是但上朗豪坊整個漢堡飽啦~見到有新野~ 試下啦~黑豚肉珍珠堡+ 一件雞+ 7up $3x.00黑豚肉珍珠堡<-- 黑豚肉好味, 珍珠堡超油~~~ 唔掂反而件雞比預期中好味~下次都係叫返傳統漢堡飽了~~