MOS Burger (已結業)

看見海報推介既三本蝦漢堡,好大個,忍唔住要試一試!但係到我面前既時候,足足比相細左一半,當堂有點失望,不過如果係好味就算啦!味道方面,個漢堡只係一般,因為三本蝦本身炸得太過燶,食起上嚟好似食左好多燶左既炸咁,食得有點辛苦!雖然個包本身都ok,因為個包質地唔錯,d蕃茄都好新鮮,可惜個主菜唔好食!!或者我要試吓第二樣先知係唔係唔好食,今次俾ok先,唔叮住!

今日到朗豪坊睇戲...又係到左睇戲前要食D0野但又唸唔到食乜0既時間...最終都係揀返mos burger...一向好欣賞mos 0既海鮮rice burger真係超好味~~! 但係又飽飽地...所以我揀左食一舊炸雞朋友就揀食cheese burger炸雞餐炸雞一如以往咁好味...但係奇在唔知點解次次尼到..都覺得舊雞越尼越火農...似乎炸得有點過火朋友最鍾意佢0既cheese burger因為熱辣辣...D cheese又熔熔地仲有大大塊tomato...見到都好想食(可惜我好飽)D 服務員都好好...見我地唔知食乜好都主動俾menu我地....但唯一要彈下真係D枱唔好坐cashier隔離張"曲曲"枱真係唔知想點...放多兩張枱好過啦~

上次已經講過食完三隻蝦要食埋個芝士漢堡,講得出做得到,付諸行動!又係食一個餐,有薯條同綠茶一杯,個芝士漢堡真係好正,d芝士溶哂落塊漢堡扒度,加埋大大塊既蕃茄,味道係一流!比起三隻蝦,我覺得呢個包仲好食!薯條粗粗地,味道都幾好!又多一個好選擇@朗豪坊!

我同朋友兩個人叫左個黑醋雞堡同埋一個芝士漢堡加薯條同汽水,其實係餐嚟既!我係食黑醋雞堡,味道不錯,因為d雞好滑,同麥記個板燒雞腿有得揮!黑醋汁幾正,個包都幾好食!朋友仔話佢個芝士漢堡仲好食,d芝士溶哂落塊漢堡扒度,味道十分之好,加上漢堡扒d肉汁好豐富,值得一嚟再嚟!

之前幾次都係食到飽飽才見到佢, 所以一路都冇食過, 雖然今日都係剛食完午餐, 但都係忍唔住外賣左佢既1 號餐MOS Burger + 薯條+ 汽水同頌頌仔二份分.MOS Burger 麵包鬆軟+蕃茄新鮮+醬汁惹味+牛肉好散+食得好狼狽=好好味及冇儀態薯條外脆內軟+熱辣辣=好好味汽水一般貨色外賣佢有個手抽紙袋, 好方便, 好抽又美觀.

未寫本篇食評之前都唔知原來呢期mos burger hit呢個,咁我都唔out,叫左個三本蝦漢堡加一份薯條同可樂!三隻蝦炸埋變一塊既蝦餅,味道真係唔錯,起碼隻蝦好明顯俾我食到,再配合個醬汁食味道幾好!薯條都好好食,因為係粗身既原因,所以唔係好脆,但係薯味突出,好似食緊新鮮薯仔既感覺!下次想食佢個芝士漢堡,睇落好似好juicy!

如題...黑醋saku saku呢個包真係勁好味~酸味夠而香,加埋d沙律醬一齊食都唔覺太酸有staff送埋餐\去你坐個位,服務都唔錯~不過沙律就唔好食,份量少而且太冰...下次0黎會試下第二個包,聽講照燒牛肉都唔錯ga~

喺朗豪坊搵野食,我最後去mos burger!叫左份cheese burger a 餐,即係加薯條同埋一杯可樂!個包其實都ok好食,因為好多茄汁,芝士做得十分之香,但係我今次食既牛肉比較散修修,所以食得比較狼狽...薯條比較粗,又因為乾身所以有點"啃"的感覺!

記得上一次係上午黎食，已經睇中呢個燒汁豬扒漢堡，但係因為呢個包要下午五點半後先供應，所以食唔倒，今日得閒又撞成差唔多時間所以再黎試下，不過食落比想像中普通，d燒汁無乜特別，塊豬扒都係呢度一貫水準，叫做不錯咁，好彩呢度既炸雞依然係相當好食，連埋野飲四十蚊，唔係話唔抵，不過試過咁多次，我諗短期內應該都唔會再黎了

又來mos burger了，原因是出了新burger-puri puri burger，即三本蝦漢堡。故名思義，即有三隻蝦啦。蝦是炸的，吃起來很脆口，口感不錯。醬汁也特別，除了有沙拉醬之外，更有一些紅色的醬，味道很特別，一會兒吃到酸酸的，一會兒吃到辣辣的，真的不知道這醬是甚麼名稱。包依然鬆軟，很好味。每次來都有驚喜，水準也很穩定，難怪一直吸引著我。

$22個用3隻完整既蝦炸成一塊d醬好match塊炸蝦正!

朋友後日返AUSTRALIA，今日陪佢去MK盡力地掃多次貨，同埋食多次彼邦未有既MOS BURGER.我叫左季節限定變長期供應既SUKUSUKU黑醋雞堡+C SET(沙律加COKE)朋友點左珍珠海鮮堡+A SET轉咖啡LATTE(+$5)SUKUSUKU雞堡- 正斗!!黑醋汁夠甜，食真D有少少酸醋味，加上雞扒夠嫩，塊包熱得嚟D牛油滲哂入去，正斗，食到唔捨得停落嚟沙律–流料!! 睇佢好似好大盒咁,但其實只係幾塊碎生菜「琅」住，係兩邊加的玉米粒，四條青燈籠椒，再在中間擺左少許蕃茄丁~自己整仲好食過佢地~嘥$~我個厚切薯條ar朋友既珍珠海鮮堡佢話都好味，但係個size比burger細同唔夠惹味，我覺得都啱既咖啡LATTE比錯左，嚟左凍抺茶鮮奶，算la~Overall只屬ok，笑臉係比SUKUSUKU既‧

來一客MOS Burger 午餐。今天點了個「黑醋?? 漢堡」，配薯條、熱奶茶，盛惠$35。那片麵包有好香牛油味，好正！那薯條總覺得可以炸久一些。那MOS 奶茶，其實只係用Lipton 的English Breakfast 茶包，硬要押上MOS 這牌頭，有趣！結論係：好味、略貴、量少。

做完site visit 後，肚餓得很，便跑入Langham Place 4A 找吃。因為好肚餓，便選MOS Burger。點了個黃金炸雞堡，配沙拉和Ginger Ale，共$38。不消五分鐘便送來餐點。那炸雞堡內裡好moist，外層好脆，好味。那漢堡麵包好香，好軟，估計那麵糰下了不少牛油搓出來！沙拉依舊很fresh 好好味。這頗MOS Burger 雖比中午那頓仙跡岩貴些幾蚊，但味道和service 好好多！立見高下！（然而，跟Triple O's 相比，我會更buy Triple O's。）

星期６黎左呢度食ｌｕｎｃｈ，樣樣都想食，最後都係要番ｍｏｓ　ｂｕｒｇｅｒ同試下個季節限定既ｓａｋｕ　ｓａｋｕ雞漢堡。ｍｏｓ　ｂｕｒｇｅｒ：包身幾軟熟，有好大塊番茄，幾健康，但生菜只得少少，醬汁洋蔥太多，搶左蕃茄既味，好在塊牛肉ｊｕｉｃｙ，幾鮮味，唔錯。ｓａｋｕ　ｓａｋｕ雞漢堡：個黑醋汁好正，加埋沙律醬，滋味非常，炸雞唔鞋，但冇咩雞味，變左個包既味道就完全靠個汁，呢個包ｄ生菜就較多，而且都幾新鮮。包裝整得幾有心，有膠紙貼住個邊位，唔會散開晒。