Moreish & Malt (蕪湖街) (已結業)

服務非常好，食物味道吾差，個餐湯好足料，塊厚切朱扒剛剛熟，非常多汁，👍🏻👍🏻👍🏻正，如果再大件D就更正，D薯蓉都好好味，lunch 是個不錯選擇，美中不足係杯凍咖啡，小冰後不太好飲，有代改善

今晚同朋友來到尖沙咀行街，就順便行過黎附近紅磡搵下晚餐有咩好食。呢間位於逸酒店的西餐廳裝修簡約有格調，餐牌選擇多，就入黎試下。一坐低，職員就送上自家製的紅莓麵包，軟熟，暖暖地，好鬆軟。有驚喜的日本啤酒，Nest Beer,味道好清醇，淡淡的小麥味。朋友仲揀咗杯cocktail, 好濃的莓味，帶有少少花香，味道特別。雞翼拼盤，三種味道，Baffalo Wing, BBQ 味，香辣味，醬汁惹味，雞肉入味，嫩滑多汁。燒日本活性水飼有⻣豬鞍，好大塊，又厚身，燒得顏色好靚，有光澤，肉質咬落十分多汁嫩滑，剛好熟，肉質呈白色，少少嫩粉紅，新鮮嫩滑，豬肉味香濃。香濃蕃茄自家製肉丸意粉，好大粒飽满的肉丸，有好濃的蕃茄味，意粉爽滑彈牙。甜品係核桃慕斯，唔會好易溶，咬落粉粉地，核桃好香脆，味道好夾。

今日男朋友放假，約左一間西餐廳同我食brunch，地點是位於紅磡的Moreish & Malt。假日來到餐廳有brunch menu，我地叫左兩個套餐。男朋友叫左Steak & Egg，牛扒6oz份量非常足夠，入口牛肉味道濃香鬆軟，肉質唔會燒到太乾，保持豐富的肉汁，炒蛋非常滑溜，加上暖暖的蕃茄乾多士，非常飽足。我叫左一個chicken salad，入面有燒雞胸和我最愛的牛油果，雞胸用上慢煮方法，入口非常爽嫩滑溜，味道非常驚喜，清甜蔬菜非常飽足健康。店員非常有禮貌，而且對客人非常親切，傾左兩句我地就做左好朋友！

斧頭扒之夜有同事生日我哋就一班人去咗附近酒店食西餐，坐低嘅時候環境好舒服，周圍嘅燈光好柔和，環境都好乾淨，個侍應就好有禮貌咁拎左餐牌俾我哋睇，一見到個斧頭扒套餐，就知道今晚我一定要食你套餐入邊有不同嘅菜式附加Mac and cheese 芝士味道極度濃郁，每粒嘅銅粉入面都充滿着芝士，食落去非常之有口感鮮蝦炒意粉，蝦都好新鮮，意粉彈牙，可惜份量比較少到咗個主菜上嚟，超巨型斧頭扒，我哋叫咗五成熟，肉中間仲見到一絲絲粉紅色嘅肉，可以睇得出廚師嘅功力，斧頭扒外層非常香口入味

These guys deserve the best!! All of them are super nice, food is great, venue is great, price is very reasonable, service is top notch. They deserve much more attention!! Every experience has been positive, never disappointed. Especially in a crowded and busy and stressful city like Hong Kong, Moreish Malt offers a unique and quiet escape with good food and service.

有時間就要對自己好d, 所以就要食好d. 貴d 可能食物質素好dd, 好似係，除非唔係。於是黎 Moreish & malt，鋸個扒。我揀左rib eye，要五成熟，跟餐湯棄沙律。嗌完餐，竟然有前小點心，香草包。香草包除左香草，仲特別加左蕃茄乾碎，所以味道特別香濃，而且用左好麵粉，質感寧舍軟熟。仲有靚既黑醋同欖油可以沾配。餐湯係甘筍番薯忌廉湯。甘筍番薯blend埋一齊好甜，加埋忌廉更香更滑，不過如果可以濃稠d應該更好。肉眼扒與薯條，份量賞心悅目，唔洗再被逼節食減肥，真係好開心 😍 可惜扒煮得麻麻，rest既時間未夠，一切開就出晒汁，仲唔係我叫既medium rare，有少少熟左d。不過唔緊要，我諗個廚都係為我好，為我健康著想而煮熟少少。因為食落無咩肉香味，只係無味既雪藏肉。而最驚..喜？！係食到尾既時候，最尾果兩啖有海鮮味 😳 大家估下係咪爐頭燒完海鮮後又即刻燒扒?! 我無理照食左，同日加第二日都無事 😁🍀 全餐晏盛惠$185，Ok 囉，但唔抵。如果包加豪華靚景同裝潢，咁可能會食得Gur d，可惜現實無。🤷🏿‍♀️

裝修方面, 我個人覺得幾靚, 坐都係舒服, 店員比較有禮貌, 服務都好熱情!餐湯係白湯黎有小小橄欖既味道,唔會太大碗, 所以唔驚太飽食唔落其他野. 味道濃, 唔係溝水個D檸檬茶方面, 比較細心就係佢其實唔會落到好甜, OR 其實可以講係都唔太甜,飲落小小苦,但又接受到個種感覺, 甜度控制得唔錯, 如果中意甜d既朋友可以叫佢多甜.扒方面, 扒肉汁重, 有鎖到汁, 肉味比較濃, 美式既扒, 配埋薯條,薯條方面比較脆同熱(偏硬身小小), 即時食既話唔錯, 唔好等到凍晒先食,意粉方面比較好味, 口感係硬身返小小個隻, 所以我特別中意,因為我本身中意彈牙d 硬小小.汁好痴個意粉, 煮得唔錯, 汁本身味比較濃, 岩d中意味濃既人.

今次一行五人，想食西餐，係OpenRice search下,發現呢度有唔少好評，一於試下。首先要讚一讚呢到既職員，工作態度好好，亦好熱情，工作好用心講返野食，坐低冇幾耐，職員會先遞上麵包，食住先，再慢慢揀嘢食炸墨魚條，呢個真係好正，一D都唔韌，脆漿剛剛好包住墨魚，炸嘅時間拿捏得恰到好處，下次再黎一定會encore蟹肉多士~啖啖蟹肉，一口咬落去，好有層次感，先會食到爆漿嘅魚子，跟住喺滿口嘅蟹肉，再嚟就係脆卜卜嘅多士～正蜜糖芝麻雞翼，食呢類型嘅西餐，總會好想叫返一客雞翼，水準唔錯香煎帶子什菌忌廉意大利飯，簡直係出色之作，飯粒嘅軟硬度適中，而醬汁又唔會太稀，剛剛好可以掛到每一粒飯，再加埋中間塊脆炸芝士一齊食，超正！大蝦扁麵配碎蝦乾白酒汁，每隻蝦都好新鮮,夠彈牙,呢個白酒汁，亦都可以襯托出蝦嘅鮮味肉眼扒，肉嫰多汁，以$258呢個價錢，性價比真係超高，而個配菜-椰菜，係職員介紹，係佢哋自家製嘅，真係冇介紹錯，好清新，好好味經典自家製牛肉漢堡-好大個burger,塊漢堡扒好juicy,薯條新鮮炸起～最後點埋甜品拼盤，今餐大家都好滿足

最近也沒有紅磡食野，今天不想去太遠，就跟家人一起來家附近的餐廳試一下。餐湯是蔬菜湯，用了幾款蔬菜煮成，有一種清新的味道，在進食之前可以飲一碗令到你的胃可以得到適應。炸豬肋骨條有兩舊豬肋骨條，份量都幾多下，豬肋骨條有好好地調味及醃制，而且烤既火喉唔錯，豬肋骨有燒炸既焦香味道，加上惹味的燒烤汁令到肉味升華到另一個層次，絕對是配啤酒既送油食物之選。香濃蕃茄燴牛肉醬蜆殼粉蕃茄既酸甜味做到十分妥當，甜中帶酸酸中也帶點甜，令你的胃口大開，蜆殼粉的形狀可以收藏到很多醬汁在其中，令到你每一口都有濃濃的味道，對於喜歡蕃茄的朋友絕對要一試。在紅磡食店林立的地方，餐廳的質素也十分高，可以好容易便食到美味的佳餚。呢間餐廳服務及食物也令人滿意。

友人約在這間餐廳晚膳。但我找了很久才找到，原來行錯相反方向 -_-很驚訝店員是外國人，但有些識講少少廣東話 而且他們很識攪氣氛，服務又周到！內裡有幾張半圓梳化，適合二人座，不用坐在對面咁拘謹，可以輕輕鬆鬆談天 ^_^而且有落地玻璃，可望街景，沒有侷促的感覺 我們首先點了兩杯特飲......We ordered "Arctic Peach & Guava Sipper".Very fresh and not sweet 之後決定點「開心晚市二人套餐」，食得開開心心 ^_^一開始有軟綿綿的麵包，沾點橄欖油，好味！餐湯，忌廉西洋菜湯，ok!因我不太愛西洋菜。牛油果蟹肉多士，這個配搭非常好，好好味 卡邦尼闊蛋麵，D 汁令煙韌的闊蛋麵很入味 套餐加多 $38 可揀 10oz 燒美國肉眼扒配炸薯條。五成熟，雖然肉眼扒厚身，但肉質仍嫩滑，牛味濃 這裡的店員、食物，能令我們渡過一個開心又 relax 的晚上 ^_^

又黎到紅磡喇 食咩好呢🤤黎到充滿美國style 嘅餐廳Moreish & Malt先黎個小食水牛城雞翼 ($68)外脆內軟 酸辣度適中👍🏻香煎帶子雜菌忌廉意大利飯 ($138)帶子幾大舊 雜菌份量夠多 I like it😍至於主角 燒美國肉眼扒 ($248)肉汁豐富 而且調味簡單 絕對岩我口味最後甜品芝麻醬豆腐芝士餅 ($68)完全冇諗過豆腐同芝士餅係咁夾加上佢秘製嘅腰果喺上面 好味🤩________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

肚餓行過紅磡蕪湖街83號見到有間逸酒店, 門口幾靚, 八卦既人緊係行入去尋下寶啦😂上到1樓見到有中餐西餐, 今次就揀左一出lift 右面既Moreish & Malt店內好光猛整齊, 睇下個酒吧打理得幾企理👏Draught Beer - Stella Artois - $58一坐低見到drink list 有幾款生啤, 亦都有手工啤同紅白酒, 天氣咁熱都係叫番杯生啤透心涼先😝飲左冰凍啤酒涼一涼就望下有咩好食先, 餐廳好清楚香港人既習性, 就係放假會眠一眠, 唔會咁早起身, 所以就特別炮製左呢個breakfast+lunch 既brunch set😂😂Pappardelle Carbonara (Brunch Set) - $118叫左呢個煙薰意大利風乾肉卡邦尼闊蛋麵, pasta 唔會煮得過硬過稔, 配埋鹹鹹地既風乾肉, 味道非常夾👍American Ribeye, USDA choice - $258Medium Cooked 既燒美國肉眼扒, 肉質極鮮嫩, 肉汁鎖晒喺扒入面, 一切開就聞到陣陣香味🤤🤤而且牛味香濃, 塊扒靚基本上唔洗用其他調味醬, 少少鹽同香草已經足夠👍👍Mac &

有朋自遠方來， 不亦樂乎。我特登找間靚靚嘅餐廳同朋友慢慢嘆！這間餐廳位於紅磡蕪湖街， 在一間時尚酒店入面以美式菜為主嘅餐廳。 餐廳環境美觀， 美式風格， 仲播著柔和嘅音樂，感覺特別輕鬆。 這裡有各式各樣嘅set meal, 包括有Happy Meal 、 Family set 同 Cowboy set，不論是情侶、家人或朋友相聚， 緊有一款啱你， 當然可以單點啦！ 我哋叫咗個二人餐即係 Happy Meal，包括有餐湯、主菜、 小食、餐飲同餐包，仲可以upgrade 有salad 同dessert，實在太豐富了。 我好鍾意這個餐包， 好香呀! 食落仲好鬆軟，加上黑醋同橄欖油一齊食，同餐湯一齊食， 味道就更佳啦！ 加$30 就有田園什菜沙律，沙律菜新鮮翠綠， 鮮甜爽口。《牛油果蟹肉多士》牛油果口感香滑， 味道清新，配上蟹肉同脆卜卜嘅多士， 有雙重口感，味道亦不錯， 而旁邊嘅沙律菜亦十分新鮮。 主菜有《燒美國肉眼扒配薯條》， 份量十足， 原來10安士都幾大塊，牛肉味重，外皮燒到金黃色， 牛扒好juicy，牛肉味濃！而薯條炸得香脆，熱辣辣， 好好味。《卡邦尼闊蛋麵》， 外觀非常吸引，闊蛋麵口

今晚早放工，相約媽媽和一眾姨姨一齊食飯，話晒由小照顧我到大，難得有空，當然要聚聚。朋友介紹話SAV 呢間西餐正，咁我梗係要拜訪下啦。今晚一吃，真係為黃埔多了一間真正有水準的西餐而欣喜，以後晚餐想食西餐終於有著落。Crabmeat Bruschetta $95 蟹肉用鮮蟹肉🤤很鮮美，加上脆脆多士，口感一軟一脆，美味極了。Calamari Salad $108呢個沙律大有驚喜，眼不見沙律醬以為會很乾身，一吃發現原來沙律汁和沙律菜已經融為一體，清新中加甜蜜，媽媽的最愛。Pork Chop $228侍應話此pork chop 係"the world'S best"，咁有自信🤔！？果然是佳餚，非常鮮嫩多汁，吃豬吃到像和牛入口軟化的感覺，真係讚。Chicken Burger $128雞扒雖然無豬咁驚喜，但勝在Burger 的每一層配合得宜，亦不錯。Tofu cheese cake $68和濃的豆腐加芝士，又係一個過足口癮的甜品。一邊食一邊聊天，發現呢到的水吧亦有不錯水準👍🏻Stella $58Blueberry orange squash $58

酒店中開既餐廳一直都覺得食物質素唔會差，Moreish Malt都再一次證明我既說法，食物質素無令人失望。烤豬肋骨條配炸薯條 Baby Back Ribs with Fires 豬肋骨肉質嫩度要整到岩岩好，唔乾，真係要有一定技巧，而正正MM佢做到，口感一流。卡邦尼闊蛋麵Pappardelle Carbonara 第二道菜-傳統意大利麵，厚切式寬條麵，刨絲芝士鋪面，多叶好味，細膩錦密，而且大廚挑選既碟好襯道菜，贊。牛油果蟹肉多士Crabmeat Avocado Bruschetta 多士其實少少脆可以同時保留返麵包應有既柔軟度係最好既，加上牛油果MATCH埋好突出，一啖放入口係食唔哂，但會覺得唔夠食，可唔可以encall。另外，職員態度好好 熱情服務每一位客人，可能呢個都係其中一個原因留住一班熟客仔，藍色留言板正就是最好既證據。