MOO MOO

營業中

休息中

每逢星期五，夜晚都希望可以放縱一下，食啲邪惡小小嘅嘢！今日就揀咗位於觀塘嘅moo moo burger! 漢堡小店位於街的轉角位置，有室外和室內座位，配上霓虹燈招牌，chill感味十足！三五知己一齊坐喺度食下漢堡包同飲下啤酒，一樂也！室外位置非常適合需要「呼吸」朋友。室內有冷氣供應，喺炎熱嘅天氣下我都係選擇咗室內嘅座位。小店以自助形式經營，於收銀位置選擇好食物後，再到櫃檯拎取主食、餐具同調味料，形式類似宜家傢俬，都幾方便！主食方面我哋嗌咗個熱帶之堡$67正雞沙律配柚子醋$52仲有泰檸雞鎚$40最後當然唔少得就係Asahi啤酒$68啦!漢堡juicy多汁,牛肉煎得恰到好處，配上煙肉，口感層次豐富，加上新鮮番茄和生菜，好味！而正雞沙律，雞扒非常厚肉，外皮煎到脆卜卜，配上新鮮蔬菜，Balance得非常之好！最後泰檸雞鎚，醬汁酸酸甜甜，非常開胃，配上啤酒底下，絕對係可以食到停唔到口！

前幾日同朋友去觀塘工廠區畫完畫之後，見到附近有一間好似幾好食嘅漢堡包店，所以就走左入去食。環境唔算好大，但坐得都舒服。嗰日大概十二點到餐廳，嗰時大約有五六個客人左右。一入到去，員工就邀請我哋去counter嗌左嘢食先，雖然食物種類唔多，但每一款睇落都好吸引。最後為食嘅我哋兩個人嗌咗一個餐，一個漢堡包、一份薯條，同埋一杯飲品，價錢都$100內一位！朋友就嗌左菇菇堡，再另加煙肉。雖然幾乎全素嘅漢堡包，但食落口都juicy。如果唔想食咁滯嘅朋友，可以選擇呢個！而我自己就揀咗一個白菌漢堡，睇張相都見到有好多蘑菇，炒得好入味，份量好多！而且半溶化嘅芝士，食落口層次都豐富左！然後大食嘅我哋，仲加錢嗌左芝士肉醬薯條，同埋肉汁芝士薯條！睇相都見到佢哋啲芝士落足本，個人認為芝士肉醬薯條做得比較出色，食落去個味道更好！

觀塘工廠區出名多好嘢食！最鍾意weekend去覓食！今日去完觀塘海濱公園野餐，就去附近搵野食！星期六下午去到，人不算太多，唔使等位就可以入！有外國人在飲啤酒，有一家大細，有年青人帶埋隻狗，感覺置身外國，好relex的餐廳！黎到一定要食手工漢堡！最出名就係佢既牛肉！點左熱帶之堡同埋白菌之堡，即叫即煎嘅漢堡扒，勁多肉汁，好juice !薯條一客$25，好大份！夠曬兩個人食！叫埋happyhour有特價嘅啤酒，好嘆！香港人壓力太大，偶爾放縱一下品嚐美食，實在太開心！

其實我老公一直都係食burger嘅fans ☺️所以我哋成日捐窿捐罅去搵啲小店試下 好過下下都食麥當勞啦🤷‍♀ 今日食呢一間小店叫moo moo喺觀塘巧明街創紀之城一期後面 地點唔算難搵 其實只要沿住條巧明街一直行一直行就直接見到😌 呢間burger舖 佢唔淨只係賣burger🍔🍔亦都有好多酒類飲品🍻🍺 畀大家happy hour🍬 但如果係冬天嘅話我覺得坐出面 情調幾好 不過由於我同老公唔飲酒嘅 所以我哋都係乖乖哋入去涼下冷氣❄️☃老公食熱情之堡 🍔🍔🍔安格斯牛扒 菠蘿 芝士 煙肉 千島醬菠蘿食落去非常之新鮮 勁juicy 食到成手都菠蘿汁 太論盡🙊 安格斯牛扒係店家hand made既咬開冇肥肉 中間仲有少少粉紅色 應該七成熟左右🌝 其實坊間好多漢堡包店扒都係自己整 但係都脫離唔到一個毛病 就係塊扒落得太多pepper 太多調味料😅😅 moomoo反而落咗好少調味料 可以令你好完整咁食到牛肉嘅味道 呢樣抵讚👍其他配料不過不失 稍為失色係個包 冇落到牛油 唔夠香 但整體嚟講個包大件夾抵食😽美式之堡🍔🍔 同熱情之堡大同小異 只不過少咗菠蘿 同轉咗bbq醬 同樣係大大個 少咗菠蘿相對食上去冇

行過觀塘開倉，拎住一袋二袋。樓下就係呢間裝修美式嘅Moo Moo，就入去睇睇先。Moo Moo 有分室內室外，如果唔喜歡煙味嘅朋友，就要選擇坐室內啦。晚餐餐牌都係單售，最後選擇一個漢堡一個小食，都夠哂飽肚。經典牛肉漢堡，個包好有牛油味，好吸引，但中間漢堡比較細件，食落唔覺得有肉汁，煎得比較乾，仲食唔到Moo Moo汁嘅味道。反而肉醬薯條就好出色，薯條香脆可口，加咗辣粉，令味道有所提升。除咗肉醬仲有芝士醬，好邪惡。

經過巧明街見到鴻圖中心開咗層專係做美食嘅食街入去睇吓有咩食見到有間食漢堡包既叫MOO MOO Burger係開放式廚房😆見到廚師現整漢堡包點左個招牌漢堡「經典之堡」$60用左澳洲手打穀飼牛肉加上生菜、番茄、秘制MOO MOO汁味道濃郁...仲非常Juicy😍😍😍另外仲點左個芝士薯條。好香口同埋價錢好實惠👍🏻👍🏻👍🏻👍🏻

在觀塘鴻圖道搵食其實一直都唔易，以前在這裏返過工，午飯時諗食都諗到頭痛，附近主要都係茶餐廳、快餐。但好彩呢幾年觀塘變天，多咗好多新式餐廳進駐工廠區，令工廠區變得易搵食好多，選擇亦多好多。連鴻圖中心而家都多咗好多餐廳，今日就嚟試一間主打買漢堡的西餐廳。餐廳在室外室內都有座位，天氣咁熱我當然揀室內啦！餐廳嘅漢堡選擇都有唔少，我選了蘑菇牛肉漢堡，漢堡包係煎過嘅，所以很香脆，蘑菇亦都好多，成個漢堡最正就係佢塊牛肉漢堡扒，因為真係煎得勁香勁重牛味勁juicy, 一路食啲汁一路滴，唔錯唔錯。另外叫咗個蘑菇忌廉雞翼，一疊有六隻，六隻都脹卜卜，咬開雞翼裏面除咗有雞肉，還有蘑菇和類似芝士質感嘅忌廉，好滋味！🤤

每次經過呢間鋪頭都唔知點解好多人，所以今日一於同朋友過嚟試吓，鋪頭分咗室外同室內，係工廠佢有個咁嘅地方chill下真係幾唔錯，不過冇乜大枱，適合三五知己聚會多過一大班朋友。漢堡選擇都幾多元化，我哋就叫咗王牌classic moo，一邊有手打牛肉、芝士、蕃茄、生菜、仲有特製嘅moo moo Sause，夠晒豐富，牛肉分量十足，very juicy。另外見到rib eye 好似好吸引咁，所以叫咗一份，上枱嘅時候估佢唔到咁大份，所以我哋兩個人都食唔晒，有咬口但係又唔會咬唔開，加埋garlic簡直係perfect match，另外呢度嘅薯條真係好好食，好新鮮，好有薯仔味！另外仲叫咗水牛城雞翼，炸得香脆，外皮被醬汁籠罩着，Tabasco 味突出，辣得過癮！

這個星期很不幸被選中了一晚，走上通宵之路，全因為我是輪班工作的，但這個不幸卻令我燃燒起對美食的執著，這次我決定前往觀塘購買我的宵夜，為我的通宵工作打打氣。 我點了經典之堡（$60），外脆內軟牛油烤烘麵包，美國車打芝士， 新鮮手打優質美國穀飼牛肉，新鮮生菜及蕃茄，秘製MOOMOO醬汁。 食物味道方面，我最欣賞的就是他的醬汁，店家自己調教的醬汁，味道鹹甜適中， 醬汁配合新鮮生菜及蕃茄，更為開胃。菇菇堡（$59），大啡菇，芝士，蕃茄生菜及芝麻醬。 這是我為同伴安排的，全因為他是素食者，這個正正適合他的飲食習慣。但其實另一個原因就是我沒有現金

平時食burger都只係會去快餐店，今日嚟到觀塘工廈，見街角有間坐滿客的moo moo, 就去試下！食物款式唔少，價錢中等。芝士肉汁薯條🍟自從xxx瘋薯結業後都好耐無食過了。薯條份量充足，粗薯條炸得透徹，芝士份量一啲都唔吝嗇，芝士與肉汁都好夠味；偏咸，口味無咁重嘅朋友要注意喔~白菌漢堡🍔餡料包括切片白菌，生菜，蕃茄，芝士同埋最重要嘅安格斯牛肉。漢堡有別於連鎖快餐店，麵包烘到外脆內軟，新鮮嘅厚切蕃茄同生菜令個包無咁dry，而且牛肉好juicy, 好香牛油味！(如果可以改成大啡菇就無敵) 馬爾代夫海風🍹淺藍色嘅外表令人估唔到佢係一杯菠蘿梳打，含新鮮果肉，清涼酸甜！

Honey忽然話想食漢堡包🍔，約我放工後去創紀之城樓下間麥記等，作為一個廿四孝老婆當然唔會say no。點之佢轉個頭帶我行過一個街口去到一座工廠大廈下面，竟然係工業區會有一間chill爆既bar&grill😵餐廳雖然距離大街唔遠，環境反而出奇地舒適休閒，就算坐室外一樣傾到計。食品價錢唔算貴，竟然連原隻龍蝦🦞都有得食😱 我同Honey想試傳統口味又想試新野，咁啱餐廳最近做緊周年優惠Burger set，於是分別叫左經典芝堡同鹹蛋黃雞堡。Burger即叫即做，上台時依然熱辣辣，牛肉漢堡咬落鮮嫩多汁，性價比極高。另一款鹹蛋雞堡綽頭十足，鹹蛋味雖然無預期般突出，反而同個芝士味夾得非常好，唔會一味得個鹹字，可見廚師係有落心機設計過。跟餐附送薯條都落足調味，我覺得簡直同麥記薯條無得比，配埋大大杯Stella真係爽到爆🍺。優惠set 只會做到六月尾，黎緊一定會約多幾個fd一齊happy hour啤啤佢🍻

最近經過觀塘的工商業區發現了好幾間隱蔽的餐廳，正正是夜放工沒有什麼好建議，就隨便走進一間醫肚。這裡餐點主要是美式快餐，估計客路主打附近午市的上班族，另外店內還見到有啤酒供應。首先當然要來一嚐餐牌上的招牌漢堡包，麵包是帶少許筋性的一種，口感有點像英式Miffin Bread，加上稍為烘焗，單單是麵包就已經很加分，白菌之堡的牛肉很香，再加上白汁和白菌，味道剛剛好至於鹹蛋黃雞堡的味道也不錯，口味特別。水牛城辣雞槌，香脆的雞槌點上醬汁的確惹味，但Tabasco的味道稍為太濃，令醬汁過酸。芝士肉醬薯條是用上厚切薯條，再配上邪惡的芝士肉醬不錯！以後想食漢堡包又多一個選擇了！

位於觀塘區工業大廈的巧明街，有一間漢堡包店，八點左右來到，下班時間特別多人，餐廳分室外和室內兩邊，均有音樂籠罩着整個環境，氣氛不錯，很relax! 店內的裝橫像一間酒吧，擺放了木紋吧檯和高椅，牆身有各種壁畫，更播放著音樂，給人一種舒適的感覺。不少打工仔放工後都來這裡和朋友休閒聊天吃個包。菇菇堡 $59大啡菇、芝士、生菜、芝麻醬大啡菇的面積跟麵包差不多，整個漢堡不會大厚，女生也可以很優雅地咬到。配搭大啡菇的芝麻醬很香，這樣夾起來不會太肥膩也很好吃，亦很juicy! 屬於輕盈之選的素漢堡。漢堡包有烘香香也是加分的地方。 熱帶之堡 $67材料有優質安格斯牛肉，芝士，菠蘿，生菜，番茄，煙肉和千島醬。 選用手打美國牛肉，肉質鬆軟多汁，麵包塗上牛油烤製， 加上菠蘿的甜，配上爽口生菜，漢堡包的味道極具層次，令人十分滿足。 Menu上有各式各樣的食物，除了漢堡包，還有沙律、薯條和特飲。 正雞沙律 $52有羅馬生菜，紅毛菜，九芽菜，粟米粒，紅腰豆，麵包粒和雞肉。 沙律醬有三款選擇， 柚子醋，千島醬，凱撒沙律醬。 我選了千島醬，味道變得更酸酸甜甜又開胃。外面還設有自助購票機，適用於繁忙時間用！十分方便！喜

放工chill下，朋友介紹呢間moo moo，店舖有室內外位，讓顧客自由選擇。我點了白菌之堡，內有安格斯牛肉、芝士、生菜、蘑菇、蕃茄，食落多汁滋味，不感油膩，女生之選。朋友點了熱帶之堡，內有牛肉、煙肉、菠蘿等配料，菠蘿酸味平衡煙肉的油膩，適合食肉獸的你。我們更點了水牛城雞翼，店舖十分細心，將雞翼變單骨先炸後上醬汁，雞翼外脆內軟，水牛城醬汁與坊間有所不同，口味偏似是拉差辣醬。如有機會再途經此店，必試其他漢堡

-知道觀塘有新樓盤睇🏘️，今日就特登過嚟呢邊睇下啲示範單位。 記得上次喺呢頭食個間唔錯嘅burger🍔橫掂都係呢頭，一於再食😊、再返尋味😚。食飽先去睇樓喇。白菌🍄之堡 ［走芝士］（$64）［優質安格斯牛肉🐂、白菌🍄、番茄🍅、生菜、松露美玉］ 話明要再返尋味，今次我就食返上次嗰burger🍔，果然冇令我失望。一樣咁好味👍👍！！薯條🍟配汽水（+$14）最愛的薯條🍟就係夠粗，啖啖薯仔肉🥔。轉蜜桃🍑冰茶🥤（+$12）呢杯冰茶好似食緊蜜桃咁，又香又甜又好味。鹹蛋黃🥚雞堡🐔（$68）［鹹蛋雞🐔、生菜、蕃茄🍅、沙律醬］男友話：濃濃嘅鹹蛋味，再配上新鮮嫩滑嘅雞扒，味覺上帶來新衝擊。芝士🧀肉醬薯條配汽水（+$28）薯條表面沾滿芝士🧀，特別惹味。轉檸檬🍋特飲（+$12）飲落清新可口。==========Moo Moo地址：觀塘巧明街94-96號鴻圖中心地下1A號舖