MOO MOO

營業中

休息中

今日山長水遠出咗嚟觀塘，諗住係度食埋嘢，但係唔熟呢帶所以都唔清楚附近有邊間餐廳好食。而咁啱路過，比一陣肉香既氣味吸引到，原來係一間漢堡包專門店傳嚟既店舖個招牌會著燈，霓虹燈望落非常有氣氛，加上頭先聞到氣味已經好吸引，就決定今日要係呢間Moo Moo食嘢啦佢呢度可以直接排隊，亦可以去禁機點餐，十分方便！而我就去排隊嗌咗幾款小食咁就叫咗個鹹蛋黃雞堡、白菌之堡、肉汁薯條，仲要再嚟一杯啤酒😊兩個包都十分夠味！尤其係鹹蛋黃雞堡個鹹蛋黃係真心一流，一咬落去就有大大陣鹹蛋黃味係口中散開，配合埋個漢堡中和陣味，夠哂好食肉汁薯條都唔錯，啲肉汁令到薯條食落唔會太try，反而更加美味！邊食住再飲一啖啤酒，簡直係一大享受！好滿足既一餐

觀塘鴻圖中心「愛琴坊」其實而家係一個food count，入面有好多不同嘅小店，有日式、有中式、有美式，咩式都有。而今日放工就同男朋友食左MooMoo漢堡包專門店，最主要嘅原因係MooMoo嘅座位有分室外和室內，我地想chill住飲杯啤酒所以就揀左MooMoo喇。如果平時大家中午食Lunch呢，佢係有 COMBO LUNCH SET（11:00-16:30)。但今日我地係放工食，所以唯有散嗌。男朋友叫左：白菌之堡 $65入面有優質安格斯牛肉、香菌、芝士、蕃茄、生菜、松露美玉我同男朋友一致認同白菌之堡係好好食嘅，因為佢啲牛肉汁勁正。熱辣辣又勁juicy，真心推介！女朋友叫左：鹹蛋黃雞堡 $69入面有鹹蛋雞、生菜、蕃茄、沙律醬我個人覺得唔太重鹹蛋味，仲有偏鹹少少。但雞肉好滑，而且都係好juicy。如果鍾意鹹蛋嘅朋友都可以試下。另外，我地再叫左肉汁薯條。比我想像中大份，仲要真係好多肉汁，on top再有啲芝士，yummy。我地再加左杯STELLA，放工可以chill下真係好正。

觀塘牛頭角依到，真係好多小店，由其香港現在的時勢，我比較喜歡支持小店,原來1，3，5都有live聽，但我咁岩星期二黎食錯失痛臂，不過由熱鬧的觀塘，在街角變成美式小店，其實幾好feel熱帶之堡（ 安格斯牛肉，芝士，波羅，生菜，番茄，煙肉+千島醬）漢堡最重要的當然是牛肉，食落似係手打牛肉漢堡，咬落肉汁湧出黎，有咬口之餘又鬆化，再加其他配料，而價錢黎講係幾抵食燒豬頸肉沙律配凱撒沙律醬沙律有3款醬選擇，除左蔬菜都幾多之外，豬頸肉都好多，絕對唔小器，小食的人可以都覺得沙律太大份芝士肉醬薯條酒鬼最愛的薯條，重口味的芝士再加肉醬，送酒一流，咁大份兩個人食都食唔哂，不過飲多杯就無問題Manhattan其實我估唔到有cocktail飲，見到有好多款啤酒配漢堡，但小見有紅酒cocktail的漢堡店，雖然係基本款式，但可以cocktail送漢堡 成件事係chill哂

平日係觀塘碼頭附近返工，午餐通常都係附近幾時餐廳解決，好少行出黎巧明街附近揾食！趁住今日同同事出外開會，一於去遠少少揾食！最後就揾咗呢件美式裝修既cafe快餐店！我就揀咗經典之堡，單純比佢既Moo moo醬汁吸引！用得自己店名命名應該都係招牌！整體環境好舒服！吧檯位置較多，如果遲d天氣涼少少，一定再去露天位置坐！個包勁好味！本身自己都好中意食burger，最怕就係咬落乾爭爭！呢個就完全無呢個問題！塊牛肉好厚身，而且表面煎得乾身脆口，而入面仍然keep到有肉汁肉醬超多！薯條炸好脆，食落唔覺得油！分量好多，同朋友share就夠，一人食一份會太飽！飲品方便因為唔想飲汽水，就轉咗水蜜桃冰茶！熱天飲真係透心涼！

今日又黎觀塘出席活動後，6點鐘又搵食，睇食評有間漢堡包唔錯既餐廳，於是就出發。餐廳有bar枱，亦有矮枱，可暢飲食小食，或似我直接黎醫肚慢慢食，睇menu慢慢揀喇熱帶之堡材料豐富，有我至愛既菠蘿，配上安格斯牛，芝士，煙肉上枱見佢唔係用碟，係用紙裝呢，於是就連紙拎起漢堡入口，第一感覺: Juicy!! 汁都流到紙上了。安格斯牛肉嫩口，唔乾身，配上菠蘿真係美食，當然芝士同煙肉都好重要，真係轉眼就清晒成個漢堡，太正喇。食完仲見到紙裏留著剛才既肉汁呢食評好多人讚既雞翼，當然要試下，一個人點了3隻就夠晒，佢亦有雞翼套餐6隻揀，要下次同朋友黎先可以點了Buffalo 雞翼其實係雞楕黎，啖啖肉，因為汁係後加，唔係原隻都會有汁，但味道酸辣的很惹味，食完又唔會特別口渴的啊

本來諗住行去食台灣野， 但行行下經過呢個鴻圖廣場，又幾多野食wor, 所以就停低左俾呢間burger吸引住，而且夜晚6,7點仲有happy hour tim!HH $58都算正常價~送酒感覺會覺得正D佢嘅asahi真係好多氣！飲落好正好爽，而且麥味都重而Burger,我就揀左最普通嘅牛肉漢堡，雖然最普通，但真！係！好！好！食！呀！佢個漢堡包 包皮本身可能用牛油烘過，所以好脆同埋好香，連個皮都好出色！而塊牛亦好厚，芝士味幾重，生菜夠新鮮，所以成個burger都好好食！除左burger之外，仲叫左個小食黎試下~呢個肉醬芝士薯條肉醬就少d 但整體味道適中唔太咸都幾好食都值得一試~呢間burger lunch都有餐架~叫一個burger 加25蚊 就跟薯條同汽水所以都算抵！burger真係好好食！！

😍😍😍勁多汁燒雞翼😋.呢度主打係burger ， 但burger 同薯條都係一般般咁🤣🤣🤣我同波波反而都覺得呢度既雞翼真係做得好出色😍😍去左骨嘅雞翼，入面鑲左蘑菇濃湯餡料，保持返成隻雞翼嘅濕潤度😋絕對唔會話太乾同時外表層皮又烤得夠香🤤啖啖肉😁如果唔係因爲一人食左一大個burger 🙈一定encore 再叫多一客！下次黎食就只係雞翼食到飽先得😆😆😆 我諗我一個人係最少可以食到3碟！

今日就去咗觀塘交收啦，因為都約咗係嗰頭附近，所以就出咗去，咁交收完就開始肚餓，就諗住搵啲野食下就見到呢間Moo Moo Burger係食漢堡包嘅，我就入咗去啦Menu都好多選擇我就揀咗一個正雞沙律啦，一個鹹蛋黃雞堡同肉汁芝士薯條，仲叫咗杯蘋果薄荷特飲嗰正雞沙律好flesh啦，跟住啲雞又有啲菜嘅鮮味，唔錯跟住到嗰鹹蛋黃雞堡，入面嗰雞好大塊，嗰鹹蛋黃嘅味好濃好正，唔會話太鹹到嗰肉汁芝士薯條，份量好多，肉汁同芝士都好多，唔會話得小小最後到嗰蘋果薄荷特飲，好好飲，蘋果嘅甜又有薄荷嘅涼，好爽！下次出觀塘都應該會再食呢間

今日同同事兩個落左觀塘site，做完野都夜晚喇，順便食埋飯先走。一路行緊過APM,一路諗緊食咩...經過見到工廈地下有間Bar幾特別，於是就決定係度開餐😆講得係Bar，當然有啤酒、Cocktail咁啦。不過聽日都仲要返早落site，所以我地就咁叫野食填飽個肚就算🤷‍♀️我地點咗個正雞沙律，同事就要左個鹹蛋黃雞堡，我地再叫咗一份肉汁芝士薯條share黎食🙂正雞沙律嘅雞烹調得好好，雞肉又嫩滑又juice，而且一啲都唔肥。沙律菜好夠份量，配上柚子醋汁，好健康。兩件番茄又大又多汁，再加埋雞件同紅腰豆，幾飽肚、夠晒食😊鹹蛋黃雞堡我地就無分開，直接成個食喇，同事俾咗一舊鹹蛋黃雞我食。漢堡嘅雞肉同正雞沙律一樣，又嫩滑又多汁。加上近熱爆嘅鹹蛋黃醬，真係好夾好惹味😋肉汁芝士薯條，薯條係麥當勞嗰款幼切薯條，炸得金香脆口，配上肉汁芝士，叉起上黎食果陣仲有拉絲添，確係無得輸😆一路食嘅時候，都有唔少人黎到坐低食野，見個個都無拎袋，相信都係食完又要返公司繼續做野。依間Bar係巧明街工廈之中，如果仲要OT都仲算有好野食，而且又可以快食快閃。如果做完野，可以成班同事過黎飲返杯添😉餐廳兼備咗快食同悠閒於一身，真係一間唔錯

我哋每個星期都會返觀塘，觀塘都算係我哋成長嘅地方， 所以成日都會喺呢度搵唔同嘅嘢食。今日我哋行咗去觀塘工廠區，經過毛毛Cafe，喺門口呢見到好大班外國人喺度happy hour.感覺好正好似去咗外地咁樣。入到去嘅時候可能我哋仲好早未到晚市時間，人唔算好多，我哋兩個各自帶咗一個burger另外再加左一份肉醬芝士薯條，我就叫左一個菇菇堡加牛肉，大大片的啡菇好有口感好juicy,牛肉咬落去好有肉汁，令我諗起喺紐西蘭食一個好味嘅burger. 而我先生就叫咗一個熱帶之堡，大大片嘅菠蘿令到本身感覺好heavy的肉變得好fresh 好開胃。而芝士薯條，對我地黎講算大份，香濃嘅芝士味配合肉醬同厚厚嘅薯條雖然真係好好食，但我哋兩個食完個burger都食唔晒啲薯條。總括嚟講係好抵食嘅。

今日同男朋友上觀塘studio，行過見到間幾有格調嘅burger，價錢又好似平過其他區嘅burger專門店，所以入去試下。因為男朋友話想試下咩係MooMoo汁，所以佢就嗌個經典漢堡。而我因爲有燒菠蘿而嗌左個熱帶之堡。呢個熱帶之堡真係不得了，係好依都不得了，我本身對burger冇特別感情，每次都係陪男朋友食，但今次我真係覺特好好食，呢個熱帶之堡個重點真係塊菠蘿，佢有燒過，所以比較軟身，一咬落塊係爆汁嘅，加埋佢個牛肉扒同煙肉，口感好豐富。而佢個包好軟熟，佢係一整個餐包中間切開果種，所以唔會話擺到乾晒。而男朋友個MooMoo汁原係洋蔥牛肉汁，擺落漢堡度都毫無違和感。佢個牛扒係真牛肉，牛肉味唔係話十分濃但係口感滿分。跟餐有薯條飲品，男朋友叫左個汽水，但我就俾佢舖頭poster杯特飲吸引左 -「馬爾代夫之海風」，出到嚟真係同幅圖一樣，佢打左啲菠蘿蓉喺底，好fresh好好飲。薯條佢有三款，我地嗌左個芝士肉醬同肉汁芝士味。芝士肉醬口感豐富啲，好似食緊肉醬意粉咁。而肉汁芝士隻芝士同肉醬果隻唔同，呢隻嘅芝士可以玩拉絲嘅。佢啲漢堡真係冇得彈，環境又舒服，埋單都係一百蚊位，正👍🏼

話說Hapoy Friday去觀塘有任務 點知做完野後同小胖男友行行下聞到好大陣好香既肉味 原來係對面馬路既一間酒吧(?)傳過黎未食野既我地 聞到咁香實在忍唔住 走過去一睇究竟原來唔係平常既酒吧 而係專門食burger但又有酒飲既好地方星期五夜晚 無論室內抑或outdoor都基乎坐滿人我同小胖男友一人點左一款burger,再加左一客芝士肉醬薯條同drink咁熱既天氣 最好就係食d香口又juicy既burger吃貨小妹揀左熱帶之堡 有Angus beef, 芝士, 菠蘿, 蕃茄, 生菜 仲有煙肉 配上千島醬 口感豐富 味道勁開胃醒神無辣不歡既小胖男友就揀左辣既滋味雞堡吃貨小妹試左啖 覺得都幾好味 雞肉烤得好香 最緊要係個香辣汁好惹味芝士肉醬薯條脆卜卜既薯條加上滿滿既車打芝士同香噴噴既肉醬 無得輸見到牆上poster既特飲 好似幾吸引就叫左杯試下真身顏色比poster更靚 飲落係透心涼既菠蘿味梳打 同小妹揀既熱帶buger互相輝映平日收左工黎食個burger, 飲返杯特飲或者啤酒 Chill下都不錯

今天經過觀塘，口淡淡想食burger，在OpenRice上看到這間好評不斷的burger小店，便前來一試。這間小店環境舒適，餐廳亦有分室外和室內，很適合和朋友聚餐。這間小店的價錢不算貴，而且小店所有的漢堡都是即叫即製，慢工出細活。重頭戲之一，意大利芝士肉醬炸薯條，這個也是即叫即炸，脆身而且不會油膩，而且加上極多芝士和肉醬的配合令你停不到口，九十分！經典之堡，大大塊的肉塊配上半溶芝士口感極吸引，又是食不停，份量比想像中的大，非常抵食。90分。

最近轉左工 收左工之後都會係新公司附近行下睇下有咩餐廳好食行到咁上下俾啲好chill嘅音樂吸引 原來係間burger店～見到入面勁多外國人係度happyhour 感覺都好似唔錯 就一於試試啦！有室外位俾要「呼吸」嘅朋友 唔想熱辣辣又可以入去裡面涼冷氣不過唔入唔知 原來入面係咁大個 成個foodcourt咁餐廳職員介紹左我地去另一邊 話有live music聽wor！裝修走希臘聖島feel 令小編勾起當年希臘之旅嘅回憶呀！既然係burger店 主打當然唔少得burger啦8款burger任你揀 仲有steak 小食同野飲添決定好就可以去番店面cashier落單兩口子嗌左一個Mush Moo($65)、Moo Moo Rib Eye($158)、Mac&Cheese Balls($55)同一杯Vanilla Shake($58)店員會送餐 所以係等食既時候就傾下計聽下live music 都幾relax架 消除到番工一日嘅苦悶><終於有野食到喇！MUSH MOO內嘅angue beef厚身又juicy 一啲都唔乾加埋溶漿芝士同松露醬 都算唔錯啦唯一略嫌有少少唔夠熱 可能係

Lunch ，唔多人，諗住試新野，排隊買野個陣係咁唔耐煩，我後便無人排隊，好啦，問一句肉醬係咪牛者，勁大聲同唔耐煩又粗聲粗氣咁：「係」 好食都無用啦。未試過order一定會比熟客耐少少啦，如果無新客試就點會有客再幫襯呀！ 唔好講食物，第一下order完都已經唔想食