MOMO (已結業)

第一次食MOMO, 其實係響又新街舊舖。經過見到有人買炸魚薯條外賣，即刻試下，真係魚嫩炸粉脆。比一般餐廳做得出色。到現在新舖，響佢再搬前食chilli Momo 真係又脆又惹味又辣辣地。希望下次新舖再見....

一般尼泊爾菜會比較鹹同辣，佢改良咗口味好啱我哋，佢個蒸餃子皮薄又多餡脹卜卜，個炸魚唔乾仲好juicy,薯餅又大又厚，我叫左杯啤酒用嚟送酒一流，雖然地方細但吹水都好OK架

呢間店鋪位於舊b仔再行入少少，餐廳既面積不大，但坐既位置都唔會好迫，燈光昏暗，係幾舒服既！🤘🏻🤘🏻🤘🏻·係我等朋友期間，我想店員介紹一下drink list，想試下一d special 既Cocktail，而店員亦都好好，詳細咁介紹。最後仲好nice咁加左句「如果drink list無既，我地都可以整比我地飲」我個陣心諗：呢間野也太好啦吧😍·到我朋友到齊，由於我地都係第一次食尼泊爾菜，而且價格又咁平，所以我地就係咁叫😂😂當我地落到第4個菜式時，店員好親切咁講「不如我幫你地落左先，到時唔夠再叫啦」真係一間良心鋪頭⭐️·個陣我又心諗：佢地野食又咁平，仲要咁有良心，到底回唔回到本🤡whatever la ·等10分鐘左右啦我諗😂好似都冇。就上菜，上菜速度都幾快👍🏻不錯！一食落去，真係好食到嚇親小妹🌺會唔會太好食💥💥夠辣，夠香，每個菜色都好足料🤤🤤🤤·特別深印象：1.餃子👉🏻啖啖肉，又多汁，又大大舊，外脆，夠辣！·2.薯餅 👉🏻好軟，個汁又好夠味，又大大塊！··其實係因為佢咁平既價錢，我原本係認為d菜式都唔會好味得去邊，唔難食都好🙂·點知係完全出乎意料🤡所以先會咁大反應💕💕💕真係好抵食！·特別要

呢間餐廳是朋友找的，地方有點入，在舊B仔涼粉再後少少。侍應服務一流，態度親切，好細心講解每樣食品既口味及特色。食物款式多，而且味道非常好，辣味酸味風味齊全。飲品豐富多選擇，就算酒單上無既酒都可以向侍應提出，他們會盡量調配。可能位置較遠離大馬路所以幾幽靜舒服，岩哂朋友聚會靜靜粗地傾計。3個女仔眼闊肚窄叫了4樣菜式已經好飽，除返開都系$110/人，真心抵食尼泊爾菜比較少接觸，但第一次食印象好好，可一可再。

剛剛同男友人鬧完交，肚餓都要一齊食野，去左呢間食尼泊爾餃子的，係酒吧格局，啲燈光好迷幻，可以un嗰種，但食嘅野好正經唔洗驚。侍應係尼泊爾人，只能用英文溝通，我地叫左momo即係餃子，fish and chips同炒薯仔，食物質素ok但等得耐，又係叫得太多食唔哂，因為每樣份量好多，仲有杯lassi，好味，即係大陸嘅酸奶，香港好少可以飲到。

作為餃子控 尼泊爾餃 偽文青真係第一次食😛 估唔到尼泊爾餃都有這麼多種食法 蒸 炸 湯 辣餃子 吃貨就試左呢三種😂*因店裏燈光較暗 相片也較為暗 請見諒🙇🏼‍♀️-1️⃣蒸餃子 好似吃梗小籠包咁 咬落去肉汁 慢慢湧出來🤘🏻仲有兩種醬汁配 芝麻醬同酸辣汁 2️⃣辣餃子 不太辣 但炸得香脆 即使加左辣汁 餃子仍然保持脆身 有意想不到的脆😄 (不是咕嚕肉😂）3️⃣炸餃子 其實只係唔辣既辣餃子無分別😂-每款餃子有10隻 而且隻隻足料 一定食得飽👻我地仲叫左個#混合餡料酸辣醬炒麵 有雞肉 豬肉 麵底有驚喜炒完但一都唔油喎！可惜略咸 😅-如果想更緊密留意三個90後吃貨最新美食推介，記得set 好以下設定😌：*因為facebook依家顯示出黎既post，就算你地like左/追蹤中都未必會顯示出黎俾你地睇到*電腦版：「讚好👍🏻」專頁→按「搶先看」手機版：「讚好👍🏻」專頁→按「追蹤中」→按「搶先看」咁就可以第一時間收到接收通知 就可以睇到我地每一個美食分享post🙌咁就唔會錯過我地嫁喇❤-三個90後吃貨不斷開心share美食💓💡Facebook:三個90後吃貨 3bad_foodies🚩Instagram: 3bad

今晚落左元朗同朋友小敍，佢話帶我去食近排自己新搵到既食堂。尼泊爾餐廳牛肉蒸餃 ($45)第一次食 ，牛肉都幾穌，怕穌味既朋友最好叫豬肉，同豬肉蒸餃個肉質會比較滑身。個菜名忘記左，係類似蔬菜餅既物體幾香口，即叫即整。仲叫左個炒薯仔既菜式，辣辣地幾易入口。不過好易食濟。左手邊係招牌cocktail ,是店員介紹的。但太重椰汁味，本人不太喜歡。仲有好多菜式都想試試，而且都不太貴，2個人叫了三碟加2杯酒，承惠$209，會再來光顧小店。不過人手不太多，如果時繁忙時間，試菜時間可能會較耐。

招牌 Momo =Dumpling=餃子我本身唔好餃子, 但呢間d 餃好好味!有蒸/煎/炸, 我鍾意蒸多d, 好多汁Juicy , 好似小籠包咁, 再配佢地自家製醬, 好正,連我仔6歲都食成8隻 其他尼泊爾食物湯面: 我平時Lunch 好鐘意食佢湯面, 面底有d似油面, 佢湯底好正, 酸酸地, 有dd spicy, 好多砌碎蔬菜! 可擇豬肉, 好香口!炒面: 我地3人叫左2碟! 其實有d似平時腸粉檔d炒油面, 呢度就當然唔Hea, 再加左尼泊爾特色, 撈埋d 酸spicy汁, 好味!尼泊爾曬乾牛肉: 好香口, 有洋蔥,蕃茄, 撈埋磅邊脆脆地0既野(唔知咩黎) d 味好夾, 唔會太濃, 炸黃豆: 脆, 都係香口野, 有d薑, 芥辣環境: 因佢係Bar, 暗光, nice music, 好 Like 佢牆上ge graphic衛生情況: 好乾淨

依間尼泊爾野新開張的、在舊B仔果面。就錦睇招牌唔係好知乜野黎。燈光比較暗，但好似幾特別、所以便同d friends入黎一試！試過D餃子(momo……stream or pan fried好食D)同Napel湯面、小小spicy, 但都好正。點momo啲汁幾好味度。D小食好野味，唔算貴、好乾淨。有wine and beer, 送小食幾好！momo 是尼泊爾話餃子，可能係正宗招牌菜，所以用左黎做間店個名。good, will come back and try other foods later.