MOMO (已結業)

第一次食MOMO, 其實係響又新街舊舖。經過見到有人買炸魚薯條外賣，即刻試下，真係魚嫩炸粉脆。比一般餐廳做得出色。到現在新舖，響佢再搬前食chilli Momo 真係又脆又惹味又辣辣地。希望下次新舖再見....…查看更多

一般尼泊爾菜會比較鹹同辣，佢改良咗口味好啱我哋，佢個蒸餃子皮薄又多餡脹卜卜，個炸魚唔乾仲好juicy,薯餅又大又厚，我叫左杯啤酒用嚟送酒一流，雖然地方細但吹水都好OK架…查看更多

呢間店鋪位於舊b仔再行入少少，餐廳既面積不大，但坐既位置都唔會好迫，燈光昏暗，係幾舒服既！🤘🏻🤘🏻🤘🏻·係我等朋友期間，我想店員介紹一下drink list，想試下一d special 既Cocktail，而店員亦都好好，詳細咁介紹。最後仲好nice咁加左句「如果drink list無既，我地都可以整比我地飲」我個陣心諗：呢間野也太好啦吧😍·到我朋友到齊，由於我地都係第一次食尼泊爾菜，而且價格又咁平，所以我地就係咁叫😂😂當我地落到第4個菜式時，店員好親切咁講「不如我幫你地落左先，到時唔夠再叫啦」真係一間良心鋪頭⭐️·個陣我又心諗：佢地野食又咁平，仲要咁有良心，到底回唔回到本🤡whatever la ·等10分鐘左右啦我諗😂好似都冇。就上菜，上菜速度都幾快👍🏻不錯！一食落去，真係好食到嚇親小妹🌺會唔會太好食💥💥夠辣，夠香，每個菜色都好足料🤤🤤🤤·特別深印象：1.餃子👉🏻啖啖肉，又多汁，又大大舊，外脆，夠辣！·2.薯餅 👉🏻好軟，個汁又好夠味，又大大塊！··其實係因為佢咁平既價錢，我原本係認為d菜式都唔會好味得去邊，唔難食都好🙂·點知係完全出乎意料🤡所以先會咁大反應💕💕💕真係好抵食！·特別要食！！·💥餃子 💥薯餅·以咁平既價錢黎講，真係好味🌺中意辣/重口味既人，一定會中意❣️…查看更多

呢間餐廳是朋友找的，地方有點入，在舊B仔涼粉再後少少。侍應服務一流，態度親切，好細心講解每樣食品既口味及特色。食物款式多，而且味道非常好，辣味酸味風味齊全。飲品豐富多選擇，就算酒單上無既酒都可以向侍應提出，他們會盡量調配。可能位置較遠離大馬路所以幾幽靜舒服，岩哂朋友聚會靜靜粗地傾計。3個女仔眼闊肚窄叫了4樣菜式已經好飽，除返開都系$110/人，真心抵食尼泊爾菜比較少接觸，但第一次食印象好好，可一可再。…查看更多

剛剛同男友人鬧完交，肚餓都要一齊食野，去左呢間食尼泊爾餃子的，係酒吧格局，啲燈光好迷幻，可以un嗰種，但食嘅野好正經唔洗驚。侍應係尼泊爾人，只能用英文溝通，我地叫左momo即係餃子，fish and chips同炒薯仔，食物質素ok但等得耐，又係叫得太多食唔哂，因為每樣份量好多，仲有杯lassi，好味，即係大陸嘅酸奶，香港好少可以飲到。…查看更多