Mo Mo Kushiage (已結業)

呢日好姊姊請我食生日飯, 因為我地2個都中意食日本野, 今次就揀左呢間食炸物既餐廳-Mo Mo Kushiage來食。餐龐內大部分傢俱都係用木做, bar位上仲有好多日本酒做裝飾, 都幾有日本風情。食炸野, 叫返2杯酒邊食邊飲, 絕對係享受我地一人叫左一杯,我叫左淺間梅子甜酒($65/杯), 朋友叫左京姬柚子x梅酒($65/杯)。2杯我都試過, 都好好飲。我個杯就好香梅味, 甜甜地。朋友個杯就柚子味重, 好refreshing。南瓜沙律 ($48)嘩! 呢個唔講得笑!我覺得超好食!可能係日本南瓜?好香甜!成個差唔多畀我1個人食晒燒魚翅 ($68)呢個超香口!我一直以為魚翅都係用來放湯, 原來可以拎來燒!好味啵! 好有咬口, 送酒一流!炸雞翼 ($58)好香口JUICY, 好食!鯡魚子昆布 ($48)鯡魚子一粒粒的, 好鮮味又有咬口。好食!炸蘆筍 ($28)蘆筍炸原來都好好食架啵!第1次食!豚肉卷 ($42)關東煮5款 ($118)呢個好好食!同我平時食開的唔同~唔係個D好深色好甜既湯~比較清少少~當中有日本薯仔, 好甜好軟糯~蝦餅三文魚籽 ($48)好大舊, 三文魚籽好新鮮!原味泡芙

朋友帶我來到這間開業不夠一個月的居酒屋，所以人流不算多，環境清幽，最適合商談，或和閨密詳談。前菜~日本椰菜清新爽口，醮上黑醋，非常開胃。燒鱈魚乾卜卜脆的鱈魚配沙律醬，乾佐酒一流。薯仔沙律薯仔沙律也是開胃之選。酸汁白子白子質感像豆腐般嫩滑，加上自家製的酸汁蘿蔔蓉，口味獨特，也不是每家餐廳也能吃到的小吃。鯡魚子昆布冷盤小吃，除了有鯡魚子，還有雞軟骨的配合，口感才會這樣的卜卜脆喔～帶子三文魚籽即叫即炸，帶子巨型，三文魚籽夠鮮味，造型和味道衝擊味覺與視覺。鵪鶉髀肉鵪鶉髀肉，肉質鮮嫩，夠juicy，而且啖啖肉。日本蠔所有炸物，分階段上枱，趁熱吃，才能吃出蠔的鮮味。蒜頭 一粒平平無奇的蒜頭，炸過後竟然如此特別，可口，質感像薯仔，但蒜味不會濃烈，很好入口，吃後也沒有太大口氣殘留。芝士芝士很好味，拉絲的，愛芝士的人不能錯過。明太子茶漬飯明太子本身帶鹹味，配上湯飯，剛好中和了鹹味，味道剛好。銀魚仔茶漬飯銀魚仔比較清淡，和湯底很夾。關東煮關東煮有蒟蒻，蘿蔔，馬鈴薯，年糕福袋和玉子，味道不錯。朱古力味泡芙，士多啤梨泡芙甜品的賣相和味道都很讚，為今天畫上完美句號。我們還點了一些酒，淺澗蘋果酒，京姬柚子梅，薑汽

厚福街尋食，發現了這間日式小店。友人喜好日式大吟釀 ，下單了鏡山千秋龍脈，入口花香清新，柔和，特意叫了不同款式的炸物及串燒來佐酒。前菜日本椰菜，配自家製紅酒醬汁，微酸的醬汁及爽脆的椰菜這個搭配幾特別。南瓜沙律味道勝於預期，堅果粒粒加上碎蛋南瓜蓉是很好的開胃菜。佐酒小不了炸雞軟骨，熱辣辣上枱，香脆惹味。魔鬼魚燒魚翅，搭配沙律醬及七味粉，美味可口，佐酒一流，推介！酸汁白子入口即溶，非常鮮味！炸物分別叫左幾款，炸蠔有驚喜，一口咬下去內有大量蠔汁。炸鵪鶉髀令我想起童年時的鵪鶉菜式🤣炸豬柳有不同醬汁可搭配下單，香脆之餘啖啖肉。自家製蝦餅上面舖滿三文魚籽，美味，大大件，搭配他他醬來吃很正，值得下次再返食！關東煮材料豐富，湯底很甜，牛肋肉很淋身很嫩口，另有芋頭，鵪鶉蛋，豆腐及蘿蔔，正！冷烏冬配鵪鶉蛋凍食，原隻鵪鶉蛋自己再混合蔥花等，伴彈牙冷烏冬，美味。友人的什錦拌飯看著材料也很多，而且他的評價也說材料新鮮，值得叫。最後share了甜品，雜錦味泡芙。有雲呢拿/朱古力/士多啤梨味。食了雲呢拿味及朱古力味，比起泡芙專賣店的泡芙絕不遜色。👍👍最後，這裡的店員態度很好，很貼心的推介了些佐酒炸物，味道也比預期更

做完facial 老公接完我就揾地方食lunch，經過呢間樓下見到「串揚」「試業中」就上黎試下，初時入到黎見到冇客都擔心。叫左兩個午市定食，串揚牛肉同串揚海鮮，黎到有驚喜！沙律 - 煙三文魚麻醬沙律 - 正常，都好食👍🏻串揚 三文魚子蝦餅 - 好好食 👍🏻👍🏻👍🏻串揚 生蠔 - 夠juicy 好好食 👍🏻👍🏻👍🏻串揚 松葉蟹腳 - 冇雪味， 都好食👍🏻👍🏻串揚 帶子 - 呢個最好食 👍🏻👍🏻👍🏻串揚 鯡魚子昆布 - 係我井底之蛙，我第一次食，好好食，魚子爽口同特別 👍🏻👍🏻👍🏻蕎麥麵 - 老公叫冷蕎麥麵我叫熱蕎麥麵，兩個都好食 👍🏻麵豉湯 - standard 正常小妹唔係打手，只係覺得這間新店值得一讚，亦值得有高既入座率！我會再黎食，而家經營困難，希望這間食肆長做長有，咁我可以繼續黎💪🏻

串揚係源於大阪小食，主要係沾上炸漿既炸物🍢食串揚，少不了要碰碰酒杯🍶今日試左樣新野😆「鯛魚白子」白子原來係魚既睪丸🙈不過食落幾得意！光滑既表面，食落好creamy👍🏻又幾好食喎😋😋「凍蕃茄」呢個日本蕃茄好甜呀😍仲十分多汁，非常清甜！「炸雞翼」好有芝麻香，唔會好乾，外皮仲有啲濕潤感！「酒盜芝士」呢個配sake簡直一流🤩芝士比較軟滑，係我最愛既質感！加左酒盜既芝士，咸香味更濃，食落有少少港式腐乳味😝不過酒盜芝士比腐乳更好味😋所以配多士一齊食可舒緩咸香味！「串揚物 - 豬柳+蟹腳+薯仔+年糕」加左炸漿既炸物，食落特別香口！豬柳肉質好軟腍👍🏻蟹腳有微微既鮮味，外脆內滑！「熱烏冬」日本既烏冬特別好味，適當既煙韌度，吸哂湯底內清甜既鰹魚味，再加埋海藻既香，味道更勝一籌😋

最近朋友推介一間吃串掦，賣點，就是串掦美食有點與別不同，不是一般大罪所吃的食物，所以才有一點賣點。再加上炸漿夠薄，薄脆口感做得不錯，還配上美味清酒，值得慕名而來一吃，會讓你有一份驚喜。******************************沒想到從地鐵前來，還灣走進大廈，就已見人龍在街上等候。大廈不算很有，從電梯而出，就是Mo Mo Kushiage 的門前。再走進餐廳，放工尚早，前來之時，入座的人還不多。雖然地方不算大，還有吧枱座位，不管你信不信，雅座座位絕對充足。餐廳還有落地玻璃窗，看著窗外夜色，心情都舒暢。入座便送上前菜和日本清茶。前菜 HKD28，就是紅酒酸汁，配沙律椰菜，和配上燒過食物，可去油膩。椰菜直接吃，爽口清甜，帶少許青草味，個人都幾喜歡。配上紅酒酸汁，可以除去椰菜青草味，酸汁變得更開胃。酸汁白子 HKD98 ，是來自鯛魚的白子，配上酸醋汁，入口滑溜清涼，味道帶甜味鮮，非常開胃美味，作為前菜小食，確實一流。蒜頭 HKD28，看似炸魚蛋賣相，吃上口，外脆内軟，，味道沒有蒜頭辛辣味，各反而帶少許甜味，口感有點像薯仔一樣，很特別。炸豚足 HKD38，即是炸豬手肉，吃入口中

食店限聚令終於放寬了, 食客都要好好慶祝一番, 今晚嚟到位於尖沙咀的Mo Mo Kushiage飲酒作樂食店裝修企理簡潔, 原木餐枱及椅子。勁多日本清酒供應, 有啲品牌喺日本市場都頗有名堂的, 今晚食串燒梗係要嗒番杯啦, 還有佢地自家浸制果酒。純米大呤釀(鏡山千秋龍脈)  ($328)鏡山千秋龍脈是無濾過的生原酒, 生原酒能飲到清酒最原始嘅味道, 少量釀造以品質為第一指標的鏡山千秋龍脈絕對值得一試, 大熱天氣一定飲凍的, 食店也很貼心, 酒杯先入冰箱冷凍, 碓保倒入的清酒不降溫。清酒以冰桶承住, 咁就飲幾耐都係梁浸浸了。鏡山千秋龍脈清新唔搶喉,  飲時帶有微微的花香, 飲後有甜味的餘韻, 那種甜味似米轉化而成的甜味, 但又好似生果嘅甜味, 冰凍又甜甜地, 冇飲過咁易入口既清酒磯煮鮑魚($98)鮑魚放入醬油浸得軟腍香甜, 醬油嘅豉香及味醂既酒香甜味滲晒入鮑魚度, 個人十分喜歡。炸雞翼 ($58)雞翼炸得脆脆的, 加上炸蒜泥, 好香口好惹味, 送酒一流。值得一提, 食店提供的自家紅酒醋汁用黎拈天婦羅都幾正, 特別係肉類, 酸酸地跟肉很夾, 同埋個天婦羅漿簿得黎乾身脆口, 但唔油膩。天婦羅天

厚福街果然特別多美食，今晚跟閨密相約飯聚，發現了這家新開的日式串燒店，不論其裝修及菜式都非常吸引，裝潢以木為主，燈光昏黃，環境舒適又令人放鬆，而且餐牌上的選擇非常多，是一個跟閨密把酒談心的好地方。酒方面就點了京姬柚子檸檬及黑白啤，黑白啤麥味香濃，好爽口。而京姬柚子檸檬就非常適合女士飲用，味道酸酸甜甜，感覺上酒精的味道不強烈，但原來酒精的濃度都不低，不建議飲太急。首先前菜是【日本椰菜】椰菜清甜爽口，可以配搭餐廳調配的紅酒醋汁，酸酸甜甜，挺開胃。【凍番茄】日本番茄仔，味道清甜，不需調味已經好好味！【燒鱈魚干】其中一樣我最愛的佐酒小食，非常鬆脆香口，淡淡魚香，送酒一流。【梅水晶 & 炸雞翼】第一次食這款小菜，用了鯊魚骨、雞軟骨加上紫蘇葉混搭而成，調味酸酸的好開胃，口感特別爽脆。而炸雞翼非常有驚喜，外層炸得好鬆脆，而且咬下去時肉汁多到流出來，帶少少醬油的調味～不錯。【鱚魚】炸得外層香脆，裡面口感柔軟。【天使蝦】蝦身口感非常紮實爽口，而且可以連蝦頭食！蝦頭有大量流狀的蝦膏，好惹味～【蒜頭 & 芝士南瓜】雖是蒜頭愛好者，但蒜頭揚物真的第一次品嚐，餐廳用了聞名的青森蒜頭，味道不如一般的蒜頭刺激，反而

今日放工約了好耐冇見嘅朋友飯聚，當然就要搵個舒服嘅地方食下好嘢，傾下偈啦時間尚早，客人未係多，可以靜靜地吹下水。尖沙咀厚福街一向多嘢食，上網見藍馬中心開左間新嘅日式串揚料理，見啲相好吸引，便上去一試。餐廳裝潢以木為主，感覺簡單舒適，好啱約朋友摸摸酒杯底或商談。這店以串炸為主，有多款串炸選擇，坊間少見海鮮，肉類，蔬菜被竹籤穿過，外層沾上麵漿再經油炸而成。淺澗蘋果酒 $65, 京姫柚子梅 $65先來兩杯酒，入口清甜，又有果味，好啱女仔飲日本椰菜 $28新鮮爽甜, 蘸上酸汁，好醒胃。酸汁白子 $98話說係鯛魚的精巢😳😳，所以營養價值豐富😆岀面唔係間間餐廳都食到，質感如玉子豆腐般嫩滑，酸汁蘿蔔蓉配白子，真係超正。燒鱈魚干 $48香脆可口，佐酒一流，推介薯仔沙律🥗 $48上面灑上黑椒，薯香滿滿，質感creamy梅水晶 $28金字塔狀，賣相好靚，最頂的是紫蘇葉，沙魚軟骨，食落口感脆卜卜，酸酸地，好醒胃。炸雞翼 串炸並不會一次過端上，以保持炸物嘅最佳風味，新鮮炸起熱辣辣先至最好味鵪鶉髀肉 $58肉質好嫩滑，啖啖肉，鯡魚子昆布 $48平時食多春魚最愛食春🤣，所以呢個真係必食，整串都係脆卜卜嘅熟魚子，每

飲酒真係要揀哩間 清酒 自家製水果酒 仲有好多汽酒 仼你選擇 你想飲咩都唔洗怕冇，仲要價錢真係抵飲今次除咗飲酒當然要食個炸串，真係搵啱架步，揀咗幾個好特色嘅炸嘢食。食之前緊係要叫啲清甜好食嘅椰菜去下膩啦，爽脆到爆，仲要點下啲秘製汁。仲叫咗個前菜炸雞翼，肉嫩多汁。天使蝦連頭食，肉質彈牙。炸芝士拉絲效果一流。流心蛋蛋真係好驚喜好流心，仲要蛋白嫩滑到一個點。鮑魚幾幸福可以食鮑魚，仲要係好有彈性。明太子泡飯明太子比較鹹香，配泡飯一流。最後加個甜品就夠曬。

平時經常食日式串燒，串揚真係第一次食太孤陋寡聞了食串揚一定要飲返杯先得店內主要以日本木系色為主！日本椰菜味道好爽甜，沾埋自家製既紅酒醋一齊食，感覺好清新紅酒醋酸酸甜甜，幾好味純米原酒呢支純米大吟釀好好飲，味道比較柔和，有少少既茉莉花香超甜蕃茄最鍾意呢啲勁juicy既蕃茄作為前菜最perfect雞泡魚干唔會燒到好乾佐酒一流！面層既醬汁甜甜地幾惹味！南瓜沙律+蒜頭漬個南瓜沙律超級有驚喜，南瓜茸打到好滑而且好香南瓜既甜味！加埋青瓜、松子碎，有唔同既口感炸豬柳肉質好軟腍，外層既炸漿好夠薄建議可以沾埋紅酒醋一齊食，味道更昇華！炸年糕作為煙韌控，當然必點年糕喇但係食完有啲失望，因為味道淡而無味！炸蟹腳蟹肉好鮮甜，剝埋殼既蟹腳啖啖肉不過一隻就唔太夠喉關東煮有牛腩、蘿蔔、芋頭、薯仔、年糕福袋個湯好香鰹魚味，味道夠清甜蘿蔔好正，完全無渣又夠甜！泡芙呢個泡芙好好食，中間有雪糕的泡芙口感比較軟身，一咬落去，同雪糕一齊融合，味道超正

見新店開張有8折優惠, 於是收工同同事黎試下。一座低店完就擺低左兩細碟生菜，好多類似店鋪都有免費提供生菜做開胃菜，某J字頭店更係任食，於是我地不虞有詐，結果埋單先知正價$28一碟，既然係收錢item，講清楚先擺低會好Ｄ囉。之後叫左一人一杯啤酒，雞泡魚乾枝豆等小菜，諗住啤住黎慢慢睇menu，點解差唔多食晒D野，杯啤酒都仲未黎，結果純粹係店員唔記得去針啤酒........................當時成間餐廳得兩台客。然後基本上就好似標題所講—可以錯既都錯晒，走單漏單，叫左既野冇黎，冇叫既野又黎左，最離譜既係唔單止上菜錯晒，連張單都係錯，有d寫錯數量，有d佢地自己落錯單，我地退番去，佢地又冇改番張單。三個人黎食野，成張單差唔多收多左200蚊，唔知以為去左鯉魚門。畢竟係新店，我本來都冇期望d野可以十全十美，但咁樣錯單完全係不能接受。食餐番搞到好似核數咁，咩癮都冇晒。最後臨出門口前借洗手間一用，見佢幾乾淨，心諗終於有樣野係做得好少少，結果個門"率"係壞既，鎖唔到門。講番食物質素，我地叫既都係典型串揚店既大路野，雞翼、雞軟骨、炸蠔、蝦餅等等，基本上只係食到死咸味，果然你可以話佐酒小食本來就

想念日本，與朋友快閃日式居酒屋一轉，這間樓上餐館以木系為主，坐得舒服，食物水準高質美味。先來前菜日本椰菜配自家紅酒製醬汁，椰菜新鮮脆口，紅酒汁微酸味道特別。南瓜沙律精緻耀眼，上層有堅果碎，內有碎蛋南瓜蓉等等清新開胃。炸雞軟骨熱㷫㷫，彈牙爽口，加點檸檬汁更減少油膩感。酸汁白子鮮味十足非常少見，較喜愛與大量醬醋及蔥花同入口😋燒魚翅即魔鬼魚裙邊，硬身小脆香口，有別於雞泡魚干的淋身。炸物類別相當有驚喜，炸蠔竟然還有大量蠔汁，絕不乾身👍🏻炸鵪鶉髀腿肉很小餐館提供，整件啖啖肉，加點紅酒醬汁更加美味。炸豬柳有肉汁不靭，芥辣味輕微辣但我較愛酸酸的味增味。自家製蝦餅三文魚籽超級美味，蝦滑絕無手軟大大件，再配大量他他醬及三文魚籽，一冷一熱實在是味覺享受。關東煮有牛肋肉、小芋、鵪鶉蛋、豆腐及蘿蔔，食材入味湯底濃甜，牛肋肉入口嫩滑牛味濃郁。冷烏冬配鵪鶉蛋凍食，鵪鶉蛋及蔥花等先於烏冬攪混，麵條特別彈牙😋什錦拌飯新鮮美味，很喜歡日本珍珠米。雜錦味泡芙有朱古力味、原味、士多啤梨味及雲呢拿味，好飽好飽但好好好味全部一次過KO😂整晚更點了一枝純米大吟釀 (鏡山 千秋龍脈)非常容易入口，淡淡茉莉花的柔香清雅，與多款串燒同

比我搵到一間剛剛新開既炸串居酒屋，店內環境不錯，因疫情關係無得去大阪食炸串，為有係香港搵一間好既店舖試下，炸串不是好多地方有得食，這間可以去試下懷念返去日本既感覺。【前菜】新鮮椰菜是比我們食到炸串中途可以清一清口腔，再點秘製醬汁，可以減低油膩感，正!!【京姬柚子梅酒-杯】香甜的柚子果汁來釀梅酒，令梅酒更加清香，柚香濃郁，即使加冰，非常適合女仕或唔太適飲酒人士飲用。【酒盜芝士】芝士奶香非常突出，食落酒香漫漫散發出來，送酒一流。【炸雞軟骨】粒粒非常香脆，又夠咬口，粒粒都有不同的口感。同朋友黎吹水送下酒真係開心到不得了。【海鰻魚】比想像中出息，脆脆的表面包住內裡嫩滑的海鰻，炸得剛剛好，但食既時候小心，內裡有少骨。【蒜頭】炸蒜頭是第一次食，炸完之後內裡軟淋帶點粉粉地，初頭以為係薯仔，但內裡漫漫放出蒜頭香甜味，不錯不錯。【蘆筍】炸新鮮蘆筍，非常鮮嫩又夠脆口，不錯。【南瓜芝士】一粒南瓜一粒芝士，香濃的半流心芝士，再加上粉粉的新鮮南瓜粒，一齊食真滋味。【牛柳】酥脆的外皮與軟嫩既口感，內裡勁多肉汁。【蝦餅三文魚籽】很特別的炸蝦餅三文魚籽，蝦餅爽口彈牙再配埋他他醬連鮮味三文魚籽一起食，真值得推介。【蟹足