Mini Friday (The Wave)

營業中

休息中

朋友生日Lunch 預期這間餐廳格局價錢應該會好味及高質素，但有點失望。網上訂座後，原本想給小驚喜朋友，於是再致電表示，希望於甜品上寫上Happy Birthday 字句，但職員表示Lunch人手較忙未能寫上。（但眼見又不是這麼多人入座）Lunch Set 餐湯及意粉不夠熱，甜品「特濃朱古力蛋糕」個人覺得太甜。「蜜桃雪葩」這個我覺得不錯的。但價錢較昂貴。Lunch Set 價錢較貴，預算服務或食品質素會好。但相對地有點失望。

聽聞觀塘工廈美食多，終於去咗試下🙃哩間西餐好搞笑，同芝士雞煲喺同一層，同時有live music🎵 主菜價錢$149-$249，雞牛羊豬魚乜都有得揀🐷🌮小食薄脆幾香口，但偏油。🥗沙律入面有火龍果，哈蜜瓜同菠蘿🍍菠蘿好甜🤗又加咗啲爆珠，原本以為係三文魚籽☹️🥣湯係一個伏，入面有好多薑粒，味道好似薑汁蕃薯糖水個薑汁🌚🍝意粉可以自選配料同醬汁，揀咗蘑菇雞肉煙肉海鮮同忌廉汁。好大份好多配料，味道就不過不失啦，好似將所有食材擺埋一齊，但個味又冇融合咁🤔🍗松露味好香，有3大塊雞髀扒同1隻鮑魚。平時啲扒餐都係配薯蓉，哩個特別啲配紫薯蓉🍠🍫甜品比預期好味，朱古力cream + mousse + 脆脆 + 海綿蛋糕，但係食咗幾啖就解咗體😢餐飲叫咗凍檸茶，茶味幾濃，但檸檬督極都冇乜味咁lol 最後要強烈譴責佢杯水好難飲，水喉水味🌚

星期六中午，觀塘區都差不多試過晒試下樓上鋪啦去到餐廳唔洗等位！入到去座位都寬敞，同朋友傾計唔驚隔離會聽住食物都好正，都好大碟，而且味道都唔錯，價錢餐廳嚟講我都覺得算低食大概$80-100

近這幾年，觀塘的工廠大廈轉型成餐廳或者Party room，所以當中不乏有質素的西餐，朋友推介了位於The wave的Mini Friday，餐廳的裝修及氣氛都不錯，我們一行4人被安排坐在卡位，感覺頗為舒適闊落。Dinner set分2人或4人，我們覺得2人set好像比較抵，因為會有一枝酒送，所以我們要了兩個2人set，分別要一枝紅酒及白酒，一開始時侍應給了我們8個杯，分別裝紅白兩種酒，又有冰筒安放白酒，感覺很不錯，但……上頭盤、湯、副菜到主菜都好迅速，枱面一下子放齊頭盤、湯、副菜及主菜，所以我們要很迅速地清頭盤、湯、副菜，這刻感覺好茶記，同我所認識的西餐有天壤之別……頭盤海鮮拼盤─雖然有冰鋪底，但感覺不夠凍，我覺得這類的拼盤首要條件是要夠凍，然後鮮，最後甜，但這個拼盤好老實地說不是不好，只是不夠好！雜菜湯─普通罐頭湯，普通程度達到忘記拍照。副菜蟹膏二重奏、香草焗脆田螺、黑松露忌廉炒野菌、炒雜菜蟹膏飯─蟹膏非常腥，白飯無味，所以這個二重奏，奏不響了，如果飯加些醋，變成壽司飯，中和蟹膏腥味，可能會好一些！香草焗脆田螺─其實是不錯的，田螺用脆筒包好加蔥花醬，味道配合得很好，不過我覺得有點兒

Landing on the 3rd floor of the spacious building The Wave, Mini Friday occupied the whole floor with a capacious and high-ceilinged setting!On a weekends’ afternoon, the place was rather clean and quiet. Given that seats were more than ample, we chose a quiet seat in the middle for lunch. Talking about the lunch sets, it was fairly priced. The portion that comes with pasta/rice was quite generous. Both the fish fillet and Iberico pork were on spot!! Iberico Pork 黑毛豬 came with a very invitin

火鍋店共用地方，但中間由一面矮牆分隔，而且會有人在這裏唱live music，氣氛不錯。我們入座後，侍應給了我們一盤墨西哥脆脆片和芥末醬作餐前小吃，口感香脆，得棒我們叫了套餐，是four course meal那種，包括前菜、餐湯、主菜和甜品。前菜是乳酪鮮果沙律，水果新鮮甜美。餐湯方面，我們叫了是日餐湯，是西蘭花忌廉湯。湯的味道很濃。第一道主菜是自由配意大利飯($149)，我們選了四款配，分別是蘑菇、洋蔥、煙肉和雞肉，配香草汁，做出來整個是青綠色的，味道很香。飯粒不太軟不太硬，是容易入口又好吃的質感。另一道主菜是白松露野菌雞扒配鮑魚($189)，配紫薯蓉。紫薯蓉不會太甜，淡淡的口味更能突出松露野菌的惹味。甜品是朱古力蛋糕，中間一層有滑滑的慕絲😉😉飲品方面，點了一大瓶的Passion Fruit Soda($88)，夠3 - 4 個人分享。另外還有餐飲加配了Passion Banana沙冰。沙冰口感軟綿綿，很舒服。埋單大約是$500左右，價格適中因為環境不錯，食物也豐富，所以也挺合理的。

自從去左牛頭角返工之後，發掘左好多觀塘區嘅食肆，呢度係其中一間。嗰日係平日夜晚，人唔多，唔洗等位，好快就有得坐。我地叫左d set，都幾豐富。沙律係乳酪鮮果沙律，最特別係加左爆爆珠，最初仲以為係魚子😂不過，爆爆珠同乳酪夾，為呢個沙律裏面增添左少少甜味。餐湯叫左意大利雜菜湯。第一道主菜係香烤波士頓活龍蝦配炭烤美國牛肋排($239)。好正，又肉又海鮮。龍蝦係半隻，蝦鉗位置比較多肉，可以點吓旁邊帶有少少酸味嘅汁，好夾。牛肋排好大塊，肉質都夠嫩。另一道菜係炭烤1855美國牛肉眼扒併黑毛豬肋條($249)。牛扒都係好大塊，我地叫左medium rare，肉汁豐富，好好食。兩個主菜都係配紫薯蓉，好香但味道唔會太重。飲品叫左個pineapple coconut milk($39)，有菠蘿甜味，但因為有椰奶所以唔太酸，幾好。caramel coffee($39)，初頭飲甜味唔算重，吞左之後後勁好凌厲，比較適合中意苦味嘅朋友。另外仲送甜品，係朱古力蛋糕。最後埋單大概$500中，價格適中，覺得都ok，因為乜都有齊，而且肉嘅份量好多，所以都幾滿意😀

見到食評唔錯，就同朋友黎試下啦4人餐價錢，其實都貴貴地..開頭黎左個薄脆，其實一d都唔脆，仲好硬好油，好似放左好耐咁...點餐時明明講左3個雜菜湯同一個白湯，點次只係黎左兩碗，我同朋友極懷疑既情況下問侍應，佢態度勁差：呢度咪湯囉！我：我4人餐得兩碗？之後有個疑似經理的人行黎先“比返“兩碗湯我地..前菜，唔知做咩好喜歡用蕃薯蓉墊底，鐵鑊果兩款又“火農“又唔好食....主菜豬手，係佢燒果下有野睇，之後請佢幫手切，佢好悔氣咁boom落檯..（做咩事我得罪你？？？）副菜：羊架，雞扒個羊架不過不失，個雞扒就，真係唔建議點，又鞋又油又難食，基本上我同朋友食左兩舊仔就成蝶放左係度無食甜品！真係好嬲！點解咁樣都可以上檯比客人？發生咩事？塌晒仲咁樣衰，當然要求佢換換左返黎，個雪糕又溶晒...想點呀發我脾氣呀？已經懶得同佢講要換其實唔識整甜品不如唔好整，實在浪費食物加錢換的雪芭，呢個味道還好啦，不過兩啖就無..飲品，落單果陣，個侍應明明同我講係可以半當價換呢個先叫點知我地飲緊果陣，無啦啦走黎話我地仲有飲品未叫～我地表示其中一個飲品係呢個，半價換個疑似經理同我地講呢個唔係半價係另外叫？！比錢唔係問題，問題係

觀塘很多工廈餐廳好有特色， 依家我極力推介。呢到一邊係Mini Friday, 另外一邊係咪走雞. 工廈勝在樓底高, 坐落寛敞好舒服。 同朋友來慶祝生日， 餐廳當然唔可以失禮。未叫嘢食等緊朋友來， 已經先有卜卜脆，食住等兩個女仔叫了一個set dinner，有意大利雜菜湯及乳酪鮮果沙律。沙津以set dinner黎講很有誠意。另外點了蟹肉芒果木瓜牛油果沙律， 竟然是用一個冰罩裝著，嘩，第一次見，以呢個方法來保持温度，驚喜又新奇沙津好味， 睇得又食得Set Dinner主菜碳烤牛肉眼扒拼豬肋條好好食，肉眼扒大塊，碳烤香口嫰滑好高質素 ，零舍不同。甜品叫了朱古力心太軟, 上面可以刻happy birthday， 朋友見到勁開心，仲叫我狂幫佢影相。 另一邊廂live band， 仲可以點happy birthday歌， 咁嘅服務， 認真一流

一直都好想試呢間野，我見OpenRice 好多好評，今日終於同同事黎食，Yeah!。但係雷聲大雨點小，味道真係麻麻。我哋叫咗自選薄餅、牛扒、燒春雞同埋意粉，味道都普普通通。自選薄餅餡料有蘑菇、菠蘿同煙肉，味道唔夾，而且芝士味好少，餅底好乾燒春雞都好乾，唔嫩滑，而且雞肉唔入味，味道比較淡。牛扒味道OK，幾多肉汁，而且都重牛味，我覺得幾好食。我同同事最欣賞跟餐甜品同埋沙津，甜品係熱情果蛋糕，酸酸甜甜，非常開胃。而沙律菜新鮮，配上爆波子，好得意！另外餐廳環境好靚，非常有氣氛，啱一大班朋友嚟飲下酒，放鬆下！但嘢食味道就一般啦！

觀塘食lunch 似乎好多選擇平民級食到豪華級都有但餐廳質素就比較參差今日同朋友lunch 想食好少少見呢間比教多正評就Book 左mini Friday 餐廳身處the wave 4樓，少不免會令人同5樓既Stadium 作比較而對佢會有一定expectation餐廳燈光偏暗一入到餐廳會覺得氣氛好好！枱又夠闊夠大裝飾都特別環境係唔錯既服務都幾好繁忙時間都可以維持到唔黑面同埋跟野好快手又會介紹食物同比suggestion 但⋯食物真係普通（唔記得影相🙈）雞扒帶子意粉份量好大碟但個樣好似茶記弓既😰朋友唔要跟飯/意粉反而個樣靚仔好多，而且好夠飽（佢會比多少少菜）雞扒有少少雪味，意粉腍左d 配菜就唔錯既總括係環境，服務都ok 但食物就一般般咁

今晚部朋友係呢到樓下血拼開倉，雖然唔係好賣到心水物品，但行完一輪有啲餓，當然第一時間就係呢到解決啦！乘升降機一出見到有兩邊選擇，一邊就係食雞煲，另一邊就係食西餐，行得累見想快啲食完就回家所以就選了食西餐個邊，地方闊落，座位夠晒寬敞，望望餐牌set dinner 都唔錯，有最愛嘅意大利飯，最特別係自由配搭意大利飯$149(任選四款配料)，裡面有好多唔同嘅配料選擇，我就選了雞肉、煙肉、牛肉、海鮮，而且還有汁可以選擇，最愛忌廉汁，而加$48就有個海鮮拼盤選擇，絕對抵食！前菜先上乳酪鮮果沙律，有鮮甜多汁嘅火龍果，配上魚子同埋開胃醒神嘅乳酪，真係餐前美食！而湯就點了是日餐湯-南瓜湯，南瓜味道香濃，入口時感受到湯中有濃郁嘅南瓜容所以味道鮮甜！跟住就係個加了錢嘅海鮮拼盤，雖然係一人份量，但絕不能小看，材料十分十足，有爽口彈牙嘅鮑魚、爽口蟶子、鮮甜嘅帶子、爽口彈牙嘅鮮蝦、同埋鮮味嘅藍地青口，點少少配料醬汁入口味道更佳！終於主菜自由配搭意大利飯出現，份量絕對夠吃，飯身炒得啱啱好，而且夠晒多汁，每粒粒嘅意大利飯都沾滿了最愛嘅忌廉汁，而飯裡嘅材料都好多，真係啖啖都有，而雞肉就大件少少，軟熟滑嫩！最後上埋個甜

成日聽人講有好多觀塘工廈翻身左，好有特色，今晚探訪朋友在觀塘，真想見識下。朋友帶我去興業街the wave 觀摩一番，係有少少藝術氣氛。 參觀一番後，我地揀左食mini friday，全因我係餐牌見到威靈頓牛，好想品嚐下呢個傳統茶。小食威靈頓牛外層酥皮脆濃 牛扒被厚厚的蘑菇包住 牛肉嫩 整體口感不錯牛仔骨朋友點的牛仔骨好要有嚼勁 配菜中剛好中香了牛仔骨的油香。食到咁上下可以聽日隔離火鍋店有人唱歌，呢個時候想飲杯熱水呀！

觀塘商廈食店真係試極也試不如。今晚試呢間mini Friday. 原來係坐落the wave和咪走雞同一層的。空間大，還隱約聽到隔離咪走雞的live band音樂。晚餐有幾款選擇脆脆片好食乳酪鮮果沙律份量都唔細，蔬菜新鮮餐湯有兩款選擇 紅湯和忌廉湯都很濃郁+$48單人歐陸海鮮拼盤美國牛肉眼扒拼黑毛豬肋條肉眼扒的份量也很大四併意大利飯意大利飯淋軟，是我最喜歡的質感晚餐跟飲品外， 還奉送甜品。呢個tiramisu 絕對有水準。味道唔太甜， 又流心性價比高的西餐，捧著肚腩離開。

成日都好羨慕觀塘返工嘅朋友，周圍附近都好多嘢食，而且價錢又抵食。仲有勁多開倉，某天去完開倉outlet，就去樓上嘅 mini friday 食飯。坐低先知道今晚有Live Show，歌手唱歌除咗好聽仲好有氣氛喔！侍應好快就遞上 welcome snacks 。Set Dinner 都有好多選擇，我同朋友每人一個set再加啲嘢食。首先係跟餐既沙律，生果一啲都唔 hea，有火龍果、哈密瓜、菠蘿同埋新鮮嘅沙律菜，水果味道香甜，醬汁是乳酪味呀！配搭清新又開胃。 餐湯可以選擇忌廉湯或者意大利雜菜湯，酸甜微辣夠開胃。朋友嘅忌廉湯入口好滑。我哋仲加咗$38，享受左一個蟹肉鮮果三重奏，一個好夏天嘅菜式。一邊聽歌一邊享受美食，終於都到主菜喇！意大利式香煎石斑魚柳，配上阿根廷紅蝦 $199。大大隻鮮甜阿根廷紅蝦，肉質鮮甜緊實，就連薯菜都一啲都唔簡單，我最愛嘅紫薯。仲有香煎石斑魚柳既香味，魚邊煎得香脆，食落有咬口。香烤澳洲寶雲酥羊扒拚法蘭克福腸 $209，啱晒食肉獸嘅慾望。寶雲酥羊扒油脂甘香，肉質鮮嫩多汁，肉味香濃！而當晚嘅甜品係朱古力蛋糕，香濃既朱古力味，入口軟滑無瑕。下次嚟觀塘又多一個聚腳點啊！