Minh & Kok (已結業)

叫左個外賣豬頸肉檬粉,服務態度差,等左40分鐘左右,問左2,3次,等左20分鐘左右第1次問話整緊,30分鐘左右第2次話等下,到最後我等得唔耐煩問佢可唔可以退錢先同我check番張單,原來已經整左出來好耐,問佢嗰時check 都唔check,態度惡劣,肉乾硬而且份量少,調味一般,唔會再食佢d野了

聖誕節，也不一定要大傷腦筋去諗食咩，隨心揀個人少啲啲既商埸-太古廣場行下，去了food court-Treats 裡人少啲啲既餐廳-Mint Kok食下。裝潢可見睇有落啲本。點了三個Set Lunch，有三樣: 1 飲品 2 主菜 3泰越拼盤。熱柑桔檸檬蜜飲品夠酸甜好濃👍蝦炒金邊粉我的主食是蝦炒金邊粉，雖然應有的材料(像蔥，豆腐干)都有，但成碟炒粉頗淡，不夠酸，蝦亦不太新鮮(餐廳常見伏位😅)，無味，肉質冧，不推薦這炒粉。泰越拼盤拼盤賣相好，味道也好，推薦！越式春卷裡包豬肉碎、粉絲等，有豬油香，不過有啲硬似炸完放久了。雞肉串燒雞嫩皮香，有很香串燒醬味。燒蝦青木瓜沙津不過不失。香芒紅菜頭米紙卷十分清甜，米紙難得有米香。其他人的主食🤔冬蔭公蝦球湯米線試食一口，湯比較餐廳的不太酸辣，但微酸辣中有咸咸的香氣，米線綿綿滑滑，家人說ok~燒豬頸肉撈檬試食豬頸肉，像塊鹵肉，有塊煙韌的皮。家人說ok~以普通餐廳來講，是一家舒適、環境及食物都有小小特式，性價比還好的餐廳，不過講明是快餐式不要期待食物味道會很出色喔😅

野食普通，但女reception 態度差到不得了，黑面冇尾音，上次嚟個男reception 話執緊枱比我地，結果等左廿分鐘，lunch time 時間都過哂！冇枱唔好要人等，本來都唸住去隔離食，不停話有喇有喇。

十二點鐘到達食午餐，可能人手不夠，店員大多黑面沒心情。等了二十分鐘，終於來了碗「冬陰公米線」！大失望！1）以顏色來看，已知清淡得很，很賣力「溝水」2）沒有香味，沒有辣味，只有少少酸味......3）份量少得可憐，只有個大碗既四份一深度......4）沒有誠意的配量，樣樣都好硬，剛剛滾水燙完掉入碗內5）完全以泰菜之名騙人，連個冬陰公都煮成咁，除了環境可以接受之外，其他樣樣都是馬馬虎虎，沒有誠意，果然連鎖店特式。

無得成日去泰國旅行唯有喺香港食下泰菜望梅止渴🙃連鎖食肆有樣野好係水準比較平穩同有選擇得黎價錢唔會太貴所以呢間都係我幾常會揀嘅餐廳通常都是但嗌兩三個飯麵:菠蘿炒飯/ 炒金邊粉(超級推薦，成日食所以無影相)/ 豬肉餅撈濛/ 生熟牛肉河/ 燒雞米粉加兩三個小食:炸蝦飯(好食，但以前大舊啲抵食啲)/ 越南春卷/ 香茅豬扒(CP值高)/ 粉包out左fo失敗😂😂😂😂牛油雞翼之前喺CWB店食過覺得無牛油味就無再叫過🤡今次第一次叫豬肉湯米線 覺得麻麻地偏咸同好普通 寧願叫返平時叫嗰幾味湯麵份量真係好細 其實餐廳大部分湯麵都有份量細嘅問題 但炒飯炒麵就無乜覺得食唔飽人 唔知點解會咁安排菠蘿炒飯就一向都出色 旁邊嘅燒菠蘿都好好味 抵食夾大件🤪炒金邊粉都係好推薦 但無影到相食左不下10次 都keep住有水準 蝦都好結實 粉又炒得唔會太濕 高質😍如果請多一兩個員工會好啲一開始忙就見到有應付唔黎嘅情況

生熟牛河  份量勁細  個湯無味牛肉得3 -4 塊仔有個男待應服務態度一般戴眼鏡 帶位果個！牛油雞翼味道有點鹹生熟牛河 $78 再加一服務費感覺上是但一間粉面店都比他好一定吾會再食！

繼續update船麵大比拼，試下呢間美心集團旗下嘅連鎖店。但聽講太古城分店menu先有船麵，幾遠都入去試下啦。船麵湯底都係好厚，做到d肉溶成有粒粒嘅效果，但係我就唔太中意呢間嘅香料味中間個舊第一眼睇以為係海蔘😂心諗遊船河都咁重皮，原來係南瓜嚟仲有個喇沙，足料嘅，味道夠香濃，但唔算突出。無影到個春卷，難食到我吐左出嚟叫左茉莉花茶，佢係用壺上嘅，其實就係普通嘅茶包沖出來的。有d徙氣，山長水遠入左嚟特登試個麵

上星期機緣巧合下山長水遠走左去太古城食野。咁我同男朋友行左幾個圈都未搵到想食既野，入左個food court發現左間隱世泰國越南餐廳冬陰公湯😍 入面有幾粒丸，有大大隻蝦 overall個味夠酸夠辣夠香！ 對比起我喺泰國飲既其實唔係太大分別 不過唯一係既份量比較少 大約一碗半左右啦。菠蘿雞粒炒飯個人認為個飯係甜甜地幾好食，但係就無咩特別🤔 反而個燒菠蘿真係好juicy好甜炸蝦球真心推介！ ！炸得岩岩好一啲都唔over 一咬落去彈牙而且係啖啖肉🤣 份量幾多 因為每粒都好大舊金邊粉係成餐第二impressive既 啲金邊粉好入味 岩曬我呢啲重口味人士哈哈 要提提大家記得點檸汁 會令成碟野無咁易飽肚最後就係佢既咖啡牛腩出奇地好出色！ 講下個汁先，個汁其實唔係特別重口味同香，不過都係above average既程度 重點係個牛腩 炆得好淋 應該炆左好耐 所以非常之咁入口 用筷子輕輕力已經可以整開 真係無諗過呢間餐廳最好食既竟然係牛腩

很早之前的太古城中心美食廣場裝修，現在於別的位置變成"Treats"食店當然也藉此轉了一轉吧！最近終於和同事去其中一間越南菜餐廳吃午餐雖然餐廳在美食廣場入面，但需要拿票等位且不用自己提餐的喔！午餐時間有Set Menu, 就主食 + 飲品 ($72) 也可選擇主食 + 飲品 + 泰越拼盤 ($96) 最後決定點一份這個拼盤來Share飲品有 - 鮮青檸梳打、凍或熱的柑桔檸檬蜜因為不想飲凍的就選了柑桔檸檬蜜~ 酸酸甜甜的也很潤喉主食我點了 - 蝦喇沙湯麵。湯頭的椰味很重，所以這個吃落不會很辣~但也夠惹味 !蝦比我想像中大隻，蝦身都拆了殼，方便吃很好呢~口感亦很結實麵條不會煮得太硬或是過稔~份量對女生來說應該足夠，男生可能要選飯類較好泰越拼盤 - 當中包括越式春卷、雞肉串燒、燒蝦青木瓜沙律、香芒紅菜頭米紙卷要說的是春卷有點似翻炸，吃落很油膩 ... 雞肉串燒倒是很不錯，不會乾柴柴，口感很嫩！

午餐108蚊食呢間泰國菜加拼盤。重點---拼盤每樣一件而且每一個都好精緻做得，擺位都好吸引，我係極力推介畀大家。另外，呢個酸辣椒雞米粉個就一般啦，雖然燒雞係好食，個湯底都ok，但係食落去感覺感味精好重，粉嘅份量呢係超少，真係好細，對呢一個粉有保留。但係，會推另外一款燒豬燒肉煎蟹餅撈檬，呢一個就好食而且份量合理，炭燒豬腩肉好香，好‘‘林‘‘!

天氣悶熱，好想食酸酸食物，食越南菜是首選，又到放假，更係找好野食嘅時間，跟靚女行街，發現有間越南菜外面裝修平凡，門外放了圖文並茂的餐牌，內裡裝修和諧舒適，菜單簡單，午餐$72已可以有粉同飲品，$96就有小食盆我哋點了蝦炒金邊粉，燒豬頸肉撈檬，泰式拼盤(越式春卷，雞肉串燒，燒蝦青木瓜沙律，香芒紅菜頭米紙卷)，配鮮青檸梳打同熱柑桔檸檬汁蜜蝦炒金邊粉：材料用料同數量一般，不過有齊芽菜，蛋絲，青瓜絲，紅蘿蔔絲，蝦(少),味道不錯鮮青檸梳打同熱柑桔檸檬汁蜜：味道適中燒豬頸肉撈檬：表面同一般撈檬差不多，不過一撥開豬頸肉同花生就會發現有酸蘿蔔，這個是之前無見過，加在落去就有酸酸酸的感覺，剛好填補檬汁的不足泰式拼盤越式春卷：香脆，材料有豬肉絲芽菜雞肉串燒： 沙嗲味濃雞肉粒滑燒蝦青木瓜沙律：酸酸的，開胃香芒紅菜頭米紙卷：顏色配搭搶眼，酸酸甜甜的，不錯

父親節中午和家人們去了太古城，所有食肆都滿座了十分不知所措，幸好 《Minh&Kok》 是新開的而且位置在food court 內所以可能不多人留意到，我們walk in 都找到位子了~環境座位十分漂亮舒適，我特地叫了蒸粉卷十分好吃~ 木瓜沙律也很清新有點辣辣的味道還ok~ 喇沙超失望的，我覺得很不好吃呢、湯底不夠熱，雞脾很脆但過咸，油麵很粉很難吃、我吃了一口後已經吃不下去🙈 然後生牛肉河粉的份量很少啊！ 我想正常女生也不夠吃吧 這裡的服務真的有待改善呢，也不覺得有多忙的情況下完全不管您，員工態度也不太友善…以前在百德新街時吃過覺得ok的…

朋友一路以來都話呢家好正，佢食開銅鑼灣店，今日有野做來左太古食。就試下係咩咁正。個豬肉餅撈檬都還可以，係淡口啲，可接受。喇沙辣油太多，面層有成層油，個人不太喜，而且份量都較為小。春卷中規中矩。問題係出於吊燒雞，係半隻半隻咁叫。我地就叫左半隻。上到檯我已經覺得好奇怪，明顯地係雞腿位係唔見左一舊圖一所見。我就叫左侍應來同佢講話唔見左舊wo。佢收起左返搵經理再囉返入廚房。我心想要偷一舊都唔好偷得咁明顯啊大佬，出面燒味師傅偷得好精明。過左10分鐘侍應囉返出來然後同我地講話個舊跌左落下面，本身係到，圖中大家可以見到，佢所謂話跌左落去個舊根本就唔係屬於呢隻雞同埋依據佢燒焦既位，外型，係完全唔match返嗰個位，我唔知到佢係點樣搵返另一隻雞既位比我啦。但我就覺得你坦白咁同我成碟換過我咪當咩事都無發生過lo

自己本身都係做泰國餐廳既，見到呢間都好似吾錯就同朋有試下拉！入到去格局都吾錯，吾算係太多枱，都幾寬敞既。坐低睇到個mean比較小選擇，不過都大眾化既！咁就簡單叫左香茅豬扒，青咖喱雞，炒通菜同埋蝦餅。香茅豬扒同埋炒通菜比較上幾好食， 但個蝦餅炸得比較黑，應該係炸得太耐。而青咖哩一啲椰汁味都無，雞太老。但食物都係其次，最重要嘅係服務態度，只係得入嚟嘅一個歡迎，落單嘅時候叫第一聲冇人理，舉多陣手先有人行埋黎！行到埋黎係好簡單一句「要咩」咁就算，成個落單過程一眼都冇望過我地，亦都冇覆單！到黎野食既時候，係隨便放低係台角菜名都冇講就走左去，食完既碟又冇收到！

上次食光顧，覺得幾滿意，今次再次光顧。我點了燒雞脾喇沙湯麵。還點了小食炸豆腐配桔子魚露沒有甚麼特別，味道一般，完全唔值這個價錢！我朋友點的食物，生牛肉河粉已到了，而且食完，我的食物還未到。係等齊order先一次過燒雞脾。終於等到上菜，雞脾好咸，麵的份量也偏少，女生食完都唔會飽，唔會再食！總括，等左好耐，食左唔好味既食物，完全唔配哩個價錢！感覺好差！如果係即叫即燒的話，建議喺餐牌上說明，等客人有心理準備，趕時間/好肚餓的食客就唔點這款。