Minh & Kok (已結業)

.太古城高質set lunch🍱 泰辣雞肉碎煎蛋飯🐓😍咸辣適中，大份，餐廳好重手，食曬d飯仲有雞肉碎淨🤣🤣😆😆性價比極高👍🏻又好食店員服務好好，肉碎炒得好惹味😉，好岩我胃口，會經常去食佢地個lunch set，真係好抵食🥰……….環境：🍱🍱🍱🍱🍱/5衛生：🍱🍱🍱🍱🍱/5味道：🍱🍱🍱🍱🍱/5份量：🍱🍱🍱🍱🍱/5服務：👍🏻👍🏻👍🏻👍🏻👍🏻/5

千祈唔好幫襯呢間美心旗下公司佢嘅大蝦喇沙入邊只有一隻蝦，仲要係細蝦，米粉就多,呢個應該叫做米粉喇沙囉,價錢係$84完全不合理我向員工詢問，佢話冇錯裏面只有一隻蝦，有冇搞錯咁大間公司俾啲咁嘅材料，如果我一早知道一定唔會幫襯

晚飯時候一家三口行到太古城foodcourt睇下食乜嘢,見到呢一間越式同泰式都有得食,就試下啦。門口細細,但入到去裏面原來好闊落,仲裝修得幾靚,坐得好舒服,1.5米距離都做得到。跟住,我哋叫咗兩碗越式生牛肉河和一碗鮮蝦扎肉喇沙湯麵。話咁快就送上生牛肉河。我一般食湯麵都會先飲一啖湯,個湯底好有牛肉味,出乎意料之外。雖然個碗唔算好大,但係河粉同牛肉同湯嘅比例啱啱好,唔會覺得"稀nel nel"。要一讚嘅係,芽菜同河粉都應該全部由越南入口,因為我係食到"肥嘟嘟短腳芽菜,同埋食得出俾港式河粉幼細而且幼滑嘅越南河粉,所以要即刻畀個like佢,另外,其中一塊牛肉超大塊,真係好意外!至於喇沙方面,湯底唔算太辣好啱我,面條有彈性,仲有一隻大蝦加三大塊扎肉,真係性價比高。可惜試唔到通菜,由於已經售罄,只好叫個甜品~香芒鴛鴦糯米飯。糯米飯大細啱曬一家三口,作為飯後甜品,就算四個人都好ok。糯米飯係standard嘅溫暖,芒果就有少少酸,整體都合格。

雖然Menu 唔多種類，但供應的都是平時熱門食泰菜的菜式。座位夠闊，坐得舒服，店員有禮主動，上菜時間有效率。點了飛天通菜，Pad Thai 鮮蝦金邊粉，泰式春卷，燒雞髀。通菜非常有泰國風味，像泰國旅行試過的味道。金邊粉炒得夠鑊氣，令人回想起像泰國街邊檔的模樣。春卷夠脆，而且比想像中大件，令人易飽肚，無油膩感。燒雞髀🍗非常出色，像炸子雞的感覺，雞皮好脆，雞肉夠嫩。整體感覺滿意，價錢合理唔算貴，喜歡泰菜可以一試。

喺太古返工咁耐，真係食到唔知食咩好… 而呢間我開頭對佢麻麻地，覺得佢又貴,份量又小，事隔大半年再比多次機會佢，出奇份量多咗🤔 過咗幾日後，今日再食，我基本上好肯定佢轉咗廚師，而加佢餸仲多過飯，超滿足😂泰或雞肉碎煎蛋飯係我由細到大最愛，去泰國🇹🇭或去食泰菜必叫🤣咖啡牛腩飯又係無得輸，淋到不得了，但怕有肉味濃就唔好叫喇🤣生牛肉湯都好味，但對我嚟講就唔夠飽，所以一定要食飯😂😂每個餐都係$72包飲品香茅鮮檸梳打👍🏻👍🏻👍🏻柑桔檸檬蜜

我好鍾意呢間餐廳其中一個原因，可以在GULU 攞定位👍🏻 如果同上司食飯，除咗book枱之外，計啱時間在GULU 攞位都係一個唔錯。 -我就同上司一齊食，本來打算食喇沙，80幾蚊。但lunch set 70幾蚊就有埋飲品，不過lunch set冇喇沙，選擇咗 牛氣之選牛河。 雖然上枱嘅時候，圖文不符。因為餐牌比較靚和整齊。個湯底比較清淡，唔似一般越南野比較濃味。每樣餸都有啲，蘿蔔、牛丸、生牛肉片、牛腩、牛柏葉。 其實食到最呢尾，牛河食唔晒😋不過冇乜太大驚喜，好正常家庭菜嘅味道。 會寧願食喇沙多D。-最後杯嘢飲都唔錯，係凍金柑，夠凍夠甜夠好飲 👍🏻

近期太古城個商場有個台灣古早市集給人打卡，身為港女當然會去一去。影完相肚餓了，見時間不多，打算去food court搵食。點知Treats多人到找不到座位，見到入面間餐廳不用等位就決定入去試一試。馬沙文咖喱牛腩飯份量足，一半牛腩一半是一大碗白飯，馬沙文咖喱是以薑黃為主，辣度算是泰式咖喱之中最溫和的一種，牛腩炆到很腍軟，略嫌有少少筋位，不過這個價值有那麼多的牛腩已經很不錯。另外值得一提的是這個咖喱用了蕃薯做配菜，而不是用平時食開的薯仔，所以蕃薯都有吸到咖喱味。

情人節諗住搵間平平地既餐廳，難得呢間餐廳節日都冇加價，又唔洗排隊就入左去了$80包一個主食加一杯飲品，都有好多款撰 我地叫左Pad Thai 同馬沙文咖哩牛腩飯Pad Thai略嫌有啲甜同濕，但整體味道都ok, 仲有4隻蝦都幾新鮮咖哩牛腩飯係唔辣既，岩晒我呢啲唔係好鐘意食辣既人😂😂鐘意食辣既就要考慮下叫唔叫啦🤔有半碟牛腩，牛腩煮得好淋好入味，同埋特別啲既係佢唔係用薯仔係用蕃薯最後每樣小食叫左一客，春卷岩岩炸起好食👍🏻加埋生菜好fresh, 雞翼都係岩岩炸起好脆，但個人鐘意食春卷多啲，同抵食啲🤪🤪最後飲左柑桔檸檬蜜，好足料，但我嫌太甜溝左成杯水先岩飲😂😂😂埋單每人$99，好抵好豐富既午餐👍🏻👍🏻

今日午餐去左Minh & Kok, 佢係太古城 Food Court 入面，環境都似唔錯，可能疫政關係，人唔太多。佢地有午餐$72，包一杯熱飲，再加$10有一個小食，有越式春卷同牛油雞翼選擇午餐叫左越式"最牛"火車頭湯河火車頭湯河幾大碗，個餐牌寫住係安格斯牛肉，牛肉食落都可以，但係湯底就淡而無味，而且唔熱湯底，沒有越南河的感覺入面有牛肉、牛丸、牛百頁及蘿蔔等另外我地加左小食，越式春卷及牛油雞翼各一，飲品就飲柑桔檸蜜牛油雞翼香脆越式春卷都唔錯唯一最唔好就係個火車頭湯河

一般來說我好少給予食評咁差， 時隔一年的午餐已經不如以往， 雖然係food court， 都沒有期望高質素服務，但一入去的服務有點感覺去了大排檔(侍應的語氣同聲調)見到 Set Lunch餐牌已經同以前有好大分別，冇咗我最鍾意嘅喇沙，唯有叫火車頭河粉， 因為餐牌沒有其他特別選擇，所以兩個都叫火車頭河粉份量亦唔錯，但係味道就....一個越式河粉最重要就係湯底，但個河粉一到我衹係影咗幾張相，應該都不用三分鐘，個湯底係普通暖暖的感覺， 肯定唔係熱湯，真係怕過牛肉放喺湯裏面會唔熟再試味道個湯完全冇味，係非常淡唯一最好食係火車頭入面嘅牛丸， 另外我哋加咗十蚊要牛油雞翼而另一份就叫咗春卷牛油雞雞翼不過不失，而春卷素菜餡料充足，都幾好味，柑桔檸蜜就好正常結帳時，一個侍應負責埋單，另一個侍應已急不及待幫我哋收晒枱面所有東西，感覺非常唔好。 我哋到嘅時候已經過咗兩點， 餐廳得幾枱客，又唔係急住用餐具，就要咁近距離幫我哋收拾，好似趕住放工咁 感覺其差

第一次食呢間餐廳係喺銅鑼灣食街，不過依家就只係得返太古food court入邊呢間分店。呢間嘅下午茶比起佢午市同晚市都平好多同埋食到幾款小食，所以幾次嚟都係夾啱下午茶時段嚟。嗌咗一個Pad Thai同喇沙湯麵，下午茶會有埋款小食，小食包春卷，串燒同青木瓜沙律，仲包一款餐飲。下午茶套餐，每人都係$60左右，啱晒同朋友食下午茶慢慢傾chill下，可能係因為下午茶嘅關係，Pad Thai同喇沙湯麵嘅份量都唔係特別多，不過連埋小食同飲品都食得好飽。

不用等位，平日二人晚餐，$198 另加一小食三選一，我地揀左炸蝦餅，無話跟餐比細細粒，4 粒又大又彈牙，裡面仲有水份唔乾身，食到有蝦之外，仲有墨魚粒既爽，裡面調味岩岩好，點埋甜酸醬仲開胃炒通菜，個味岩岩好，有埋 d 蝦乾既鹹鮮，惹味!跟餐可選緊馬沙文或青咖喱，職員話馬沙文無咁辣，我地揀呢個啦! 個汁好重香料味，我平時唔食辣都覺得唔辣。牛肉夠牛味，亦都煮得夠，香料味入晒去。上次係 另一間餐廳mango tree 一樣叫左馬沙文咖哩，佢既膽料雖香，但我更喜歡呢個，因為牛肉入口鬆化，而且除左件頭牛肉，佢仲有部份係碎牛肉粒mix 埋 d 香料汁，就好似花生沙嗲醬咁杰身，撈飯一流。最後既甜品係無得揀既芒果糯米飯，見到佢即切芒果，但或非時令，我同朋友個芒果都好酸。而糯米飯有點硬，飯亦沒有椰香，全靠面既甜椰槳。我地諗起係芭提雅食既，芒果又多又甜，糯米飯香軟亦有椰香，真係差十條街。算啦，跟餐有甜品叫開心下。都算好味抵食，唯一係飲品仲要另外加錢。不過唔緊要，你忍到既，附近有一芳同天仁，食完去飲番杯都得!店內寬敞整潔

佢位於太古城嘅Treats，不過food court入邊但又獨立一間，平時行過都唔會察覺，入到去發現佢鋪面都幾大㗎！呢度泰式同越南野都可以食到😝叫咗雙拼嘅串燒配上沙嗲醬~啲肉好鬆軟多汁另一個小食係泰式嘅春卷，好香脆我個人覺得係必點嘅!!🥳入面有粉絲，咬落鬆脆嘅感覺~不得不說佢嘅菠蘿炒飯真係有一片菠蘿可以食！而且啲炒飯係有啲焦香味❣️份量好適合一大班人叫多幾樣嘢分著食😁飲品除咗青檸梳打，仲有香茅青檸梳打! 更加有泰式嘅味道😚

好肚餓咁行入Food court，唔知係咪疫情關係，感覺好似冇以前咁貴，太多選擇都唔知點揀，就被一個$25冬蔭公湯粉吸引左，諗住平平哋入去試吓。$25嘅價錢，份量預咗細碗，但係都有四隻蝦，食落都好彈牙，呢方面值得讚，只可惜成個湯根本就唔係冬蔭公湯，極其量只係一個酸辣湯粉，以一間泰國餐廳來講，完全唔合格。我明白只係$25，$25真係好平，仲要有幾隻蝦，其實都真係好抵食，但如果佢個餐牌寫明係酸辣湯，感覺就會好好多，仲會覺得幾好食添！

好耐冇食撈檬，記得衣度有，所以來吃午餐。之前加錢有點心拼盤，現在每揀一款加20蚊，冇咁抵。主食豬肉餅撈檬，豬腩肉片同檬粉👌🏻但夠肉餠就實在D，加嘅春卷就一般，咖啡普通。