MGB by Manhattan Grill & Bar (已結業)

觀塘之友約食飯, 就佢來這裡。在 apm 旁的商廈, 同場也有好些食肆, 但這裡比較好坐。餐廳叫曼克頓, 牆上也是曼克頓的 skyline。不過近開放式廚房的座位會有點油煙味。餐前麵包蠻有趣的, 有一個是紅蘿蔔鬆餅, 在別處沒有吃過這樣的麵包啊。牛油果、葡萄、合桃沙律 ($76) 樣子味道還不錯, 友人心水清, 吃到一半發現沒有葡萄在內, 幸好告訴經理之後就補回了。菠菜釀帝王蘑菇 ($78) 即是釀 portobello mushrooms, 裡面是蒜蓉菠菜和巴馬臣芝士, 蘑菇很有「肉感」, 餡料也香, 配沙律是美味的小吃。香蒜茄汁海鮮天使麵 ($138) 味道有點單調。吃完那個天使麵還不太夠, 再來一客十安士的美式焗薯皮 ($82); 看樣子都知道炸的太焦了, 不過吃過它就很飽!Happy hour 時間只有部分酒精飲料有特價, 但我又想喝東西所以便叫了杯 Virgin Mary ($45), 酸酸甜甜的也滿醒胃的。還有服務是超級有效率的，整頓飯如果不是要傾計的話，一小時不到已完成！

Manhattan是一家美式酒吧餐廳吧！提供午餐﹑Happy Hour及晚餐。晚餐時段整家餐廳黑漆漆的，好像讓人 Candle Light Dinner 但其音樂﹑食客傾偈聲音交雜，顯得很吵耳，破壞了用餐氣氛。一行四人點的不太多，三前菜兩主菜兩甜品，較平時收歛多了！Welcome Bread~微暖，很快便打回原形，變得乾爭爭了。巴馬火腿伴哈蜜瓜($68)~哈蜜瓜不夠Juicy，也不算甜，還好火腿鹹香。凱撒沙侓($89)~一般之作，而且好像有Anchovy，顯得有點腥味！(小女不吃魚啊！)小食拼盤($120)~包括4隻水牛雞翼﹑海鮮煎餅及芝士焗薯皮，份量不像一般拼盤吸引，不過無論雞翼﹑薯皮，還是海鮮餅都好味，尤以海鮮餅最為出色，賣相不怎麼樣但吃得出材料豐富，絲絲蟹肉，有鮮味而沒腥味，實屬驚喜之作。前菜吃完，隔一陣子才上主菜，這安排本來是好的，可以讓食客稍作休息，但這一隔也真的隔了"好一陣子"，讓人有點不耐煩呢！慢煮豬手($128)~沒有德國鹹豬手的鬆脆甘香炸豬皮，換來的是豬皮爽彈肉軟腍的炆豬手，調味不錯，跟德國鹹豬手一樣以醃椰菜絲為伴菜。原意想點一級西冷扒，吃時覺得牛味頗濃，微微炭烤味也

是咁的，復活節第二天起來跑到觀塘區走走看看，肚子餓又想吃西餐，很多食店都休息，來到此店坐坐。午餐餐湯是蕃茄薯仔雜菜，很足料，比較結身七成熟的羊扒，只有薄薄三片，但間接提醒我，要注意體重，食少點😅 味有點羶，醬汁ok. 簡單一個午餐，與在快餐店吃的沒什麼分別，料少，薯條比麥當當更孤寒。地方比較細，侍應幾nice. 

朋友話係apm附近有間新開既美國菜餐廳, 試過唔錯 , 所以一試.個日去之前本來都驚full , 不過可能因為新餐廳 , 平日又唔太多人 . 完全唔洗等位~ 餐廳個環境好靚 , 真係欣賞佢做左個manhattan燈光背景 , 好有manhattan feel ,好有格調!Menu我覺得佢都算有唔少選擇 , 如果佢有set dinner 會化算d . 不過佢ｄ野真係好好食呢個salad 真係好好食 , 連番茄一齊食好fresh, 佢d芝士食落去就知道係靚野好食 . 炸得唔錯 ,皮脆內軟 , 我最鍾意佢個炸帶子同埋魷魚~不過最好幾個人share食 , 呢個都幾大份下, 一個人食會好膩..另外都叫左個魚拼牛柳 , 個魚都唔錯另外都叫左個煎魚柳拼牛柳 , 個燒牛柳真係好得 , 非常好食 , 叫左6成 熟, 裡面好"諗"身 , 又唔會血淋淋 ,好香,  岩岩好~不過因為我覺得個魚唔算好特別 , 反而我下次一定會試佢其他牛扒~甜品我地叫左browie同apple crumble , 我最鍾意個apple crumble , 超好食 , 外面脆 , 加埋個icecream, 我下次一定再叫 , 不過

啲牛扒真係好麻麻~叫左要5成熟,點知切開件牛扒差唔多全熟咁制!好"鞋"口及好乾. 建議大家可以就唔好叫啦!因為價錢都要差唔多300蚊一客個水牛城雞翼反而幾好食辣辣地及少少脆身! 都OK既個蘋果金寶又係麻麻地之作我諗我應該唔會再去lu

本來是想跟男朋友食樓下間日式快餐點知排長龍, 不知點算好之濟抬頭一望, 有間類似美式餐廳的東西, 就衝左上去試.室內是黑色的牆身, 有一幅好靚的MANHATTAN 圖, 好charm, 好high class. 樓底高, 枱擺放菱形, 形成各自獨立空間多左, 舒服 !坐低後, 我地order 左兩杯drinks : Hoegaaden 同埋passion ! 芝士焗薯皮, 粟米片, 三文魚沙律, 肉眼扒, APPLE PIE 同埋BROWNIES ~芝士焗薯皮 - 切成三角形上面厚厚芝士, 真係推介三文魚沙律 - grilled 左既三文魚好香, 跟薄片芝士碎沙律好開胃粟米片- 又係談心既食物 ~肉眼扒 - order 左7成, 比較多根, 不過不失apple pie - 上面好多cinnamon而且個皮好有英式feel 所以鍾意食apple pie 既人係必食Brownies - 真係不得了, 係甘回味再回味, 必吃推介 !!

伏伏地... 環境黑麻麻...適合hh 飲東西吹水但野不好飲...樣子都唔靚...可能叫酒先抵掛...$40-50一大杯...兩杯冇酒精...lemon squash 咪檸+糖水... lime soda咪碧麗珠...一杯sex on the beach...我本來唔飲酒冇得話佢難飲...只能話佢外表一d都唔sex... hh焗薯皮 - 普通...焗薯皮加芝士點酸忌廉可以難食嗎?burger - 就係兩塊餐包...夾住塊肉菜, 青瓜, 酸瓜, 蕃茄分開晒做伴碟包中間冇醬, 不過塊肉冇渣, 塊包煎過下, 墊底包索左陣grill 味燶燶地...總括講唔難食又唔特別好食但朋友提起先醒起傻豬waitress 問過我地burger 想要幾成熟...我又求其up 半熟...好彩結果係全熟...beef stew...普通...有d鹹味...鞋鞋地既牛腩...厚燒豬扒...又係普通...肉好結實...中筋既位好靭...蘋果醬好似加甜左既bb即食糊仔...仲有個waitress...埋單拎走張信用卡遲遲未歸還...原來過完數就掉左張單唔俾客簽又唔俾番張卡客...後尾部長先拎番張card 俾我地...又

最近購買了一個團購, 來到才知原來是 APM 旁邊的一棟商業大廈 － One Pacific, 其實也是一棟小型食廈, 至少頭六層也幾乎全是食店, 當中不乏一些傳統人龍店如 Pepper Lunch、和民等, 最誇張卻是「檸茶」買了團購的翔龍拉麵小籠包, 晚上八時來到, 店前聚集了至少二百人, 只可以用逼爆來形容, 因此無奈地轉戰同層這家 Manhattan Grill & Bar, 至少即時可以入座。餐前麵包竟有包括 Carrot Muffin, 是個驚喜。Buffalo Wings ($98) 炸功不錯, 表面香脆, 醬汁酸度十足, 且甚有辣勁, 不是人人都接受那種, 卻是一個甚具質素的版本。燒肋骨 ($258 whole rib) 比預期中小, 從三款醬汁中選擇了原味 BBQ, 卻只有少量燒烤醬於表面上, 賣相教人失望。肉質甚為鬆散, 眾人吃過後均感到像吃煮肋骨多於燒肋骨。燒牛扒 ($368) 賣相正常得多, 表面帶微焦, 亦帶網紋。可是, 把牛扒切開, 卻發現問題, 外層很熟, 內層則很生, 相信是經過了猛火的快速燒烤所致, 味道亦甚為奇怪, 有別於一般牛扒。自己沒有點選飲品,