MGB by Manhattan Grill & Bar (已結業)

打開OpenRice 搜尋觀塘餐廳的話，很快就會見到這間名為「Manhattan Grill & Bar」餐廳～對於熱愛西餐又喜歡有情調有氣氛的我來說，必定要來這裡潮聖一番才行。餐廳有戶外與室內的座位，在秋天坐戶外相信會格外舒服！但由於當晚下雨，所以我們還是乖乖坐室內算了...不過室內的氣氛也不差，特別是這片牆壁～我們分別點了來自法國和美國的生蠔！除了帶著海水的味道之外...仲好鮮好肥味啊～曼哈頓小食拼盤 $148雞翼好正、醬汁超惹味；薄餅；脆皮薯角也很不錯，食落有煙肉的味道；另外印象最深刻的是柱狀的芝士條，芝士控應該會很喜歡呢！雜錦海鮮Pizza $168即叫即做，熱辣辣辣鮮出爐...香蒜欖油帶子扁意粉 $158每粒帶子都大大粒，好鮮好爽好有口感呀～惹味得來又不會覺得很油，很不錯呢！主菜分別是羊扒和牛肉美國純黑安格斯肉眼 $298（12oz）7成熟剛剛好，既沒有血水，肉質又不會太韌！重點是口感剛剛好好、而味道偏濃～草飼羊扒（3件）$258朋友一致推薦，說這裡的羊扒完全沒有羊騷味呢！而且肉眼扒跟羊扒都附有薯條的喔～帶有一點點甜味的薯條，既香口又香脆食完肉類當然要飲返杯飲品啦～Sherr

又到左拍拖N週年紀念日，兩口子撐枱腳想搵間坐得舒服既餐廳，去左觀塘Manhattan，呢度燈光柔和好有浪漫氣氛，又有情調既餐廳。服務員禮貌好，食物美味，價錢合理，真係食得好愉快！頭盤先來兩款法國生蠔，超級鮮味。服務員建議先食France Divine，比較濃烈海水味。再食France Comtesse比較淡既，雖然有提供Tabasco、檸檬同茄醬，不過唔使調味都已經夠晒新鮮好味！小食水牛城脆辣雞翼~咬開雞翼熱辣辣，雞肉嫩滑無比，醬汁唔會過多，有濃濃既香味，點左藍芝士醬再食埋西芹條，調和返口內既濃味～聽聞餐廳出名食扒，叫左個美國純黑安格斯肉眼12oz，唔係浪得虛名，淨係睇見都流晒口水。五成熟既牛扒肉汁豐富，牛肉同旁邊脂肪比例剛剛好，實在係回味無窮，超好食！薯條香脆食到停唔到口。

好耐無去過觀塘了，這裡變了很多，有很多食肆進駐了這裡，和朋友去了觀塘觀塘道414號一亞太中心(OPC)3樓303號舖的Manhattan Grill & Bar。一入餐廳，被一幅大型的Manhattan夜景燈吸引著目光，非常靚的一幅特色牆壁燈飾，這是一間非常型格的餐廳。頭盤為美國生蠔，蠔味不算太濃，但勝在夠新甜。曼克頓小食拼盤，每款都四件，剛好與朋友分，小食夠香口，雞翼夠大隻，酸酸甜甜澳洲草飼羊扒，這個非常好食，已經是七成熟，但口感仍非常腍，而且沒有羊騷味，但有羊肉的香味，絕對推介。美國純黑安格斯肉眼12OZ都已經好大份，而且好腍，牛肉味重。香蒜欖油帶子扁意粉，辣辣地，帶子夠厚肉，也夠口感，配辣扁意粉好味道。雜錦海鮮披薩，我最喜歡食薄批PIZZA，餅底夠脆有很多海鮮，夠足料。甜品為特濃朱古力心太軟及經典美式芝士蛋糕，為今餐劃上了一個完美句號。總結：Manhattan Grill & Bar是一間走格調路線的西餐廳，顧客是斯文有禮，沒有客人大聲喧嘩，喜歡靜靜傾偈和朋友享受一餐的話，這裡是好個選擇。

觀塘一直給人的印象是一個烏煙瘴氣的工業區，鮮有人知道在這滿佈工廈的地方卻有著許多別具風味的餐廳。常來這邊「尋寶」的今次我和朋友尋到這間美式餐廳，打算體驗一下浪漫的曼哈頓風情。首先是地理位置，餐廳位於觀塘亞太中心的三樓，只須由G樓搭乘扶手電梯至3樓便能見到餐廳向你迎面而來。餐廳內的裝潢格局方正，座位舒適且餐桌寛闊，進食起來毫不擠逼。餐廳內柔和的燈光營造出幽靜的氣氛，如果想尋找浪漫氣氛的餐廳的朋友們這間餐廳是個不錯的選擇餐廳的餐牌也是十分貼心地有中英對照，英文不好的朋友也不用擔心有看不懂餐牌的尷尬場面而今次我和朋友叫一個二人份量的dinner set生蠔一直都是我的最愛，我們叫了四隻生蠔分別是來自美國和法國的，一放入口一股海水味如海浪般衝擊著我的口腔，當我開始咀嚼便發現甘甜的味道在口中留連不斷，鮮甜甘美是我對這四隻生蠔的最好形容沙律中的蔬菜新鮮，其中我很喜歡他那味道濃郁的沙律醫，而且鬆脆可口的麵包碎更是令整道沙律有了層次感。意大利菜湯，味道還可。朋友跟餐叫了半隻燒春雞，一上到枱，那股惹味的香味便撲鼻而來，燒雞的上層佈滿鮮紅艷麗的燒烤醫，味道酸酸甜甜的令人食慾大增！外層的雞皮被烤得香脆可口，

同上司一齊食，呢間係一個唔錯嘅選擇，近公司，方便唔駛等𨋢，可以傾下嘢，環境係唔錯。職員見咁上下陽光射入黎，好快就落簾，好舒服。呢間餐廳有兩種lunch set，一款係普通，另一款係executive lunch set。餐包唔錯，夠香，而且係用布上，已經好少何。前菜揀咗煙三文魚凱撒沙律，煙三文魚整得剛剛好，好fresh。飲品揀咗柚子蜜，剛好喉嚨唔舒服，夠甜，舒緩咗喉嚨。終於到主菜，我叫咗西班牙黑豚肉，好厚身，夠哂有口感。我想讚一讚個醬，有小小橙味，凍凍地，令到舊肉再昇華，意外地撞得好好。甜品有呢個我最愛嘅芝士餅，係唔錯，唔太甜，可以接受。

小兒想吃牛排和生蠔，我想吃羊排，太太冇意见，在開飯找，真好運找到这！三人用了2000元正……首先送上麵包三個，但龍蝦湯等左好耐，問侍應，他說係上咗頭盤先的！心諗原來麵包是頭盤牛排不算得好，不過五百元嘅牛排……你祈望可以有幾好n化，羊排要七成熟，但變了全熟，龍蝦湯苦的，青口over cook,其它食品一般……生蠔還可以！係贵咗啲，炸海鲜拼盤…算係合格！可以讚嘅係地方洗潔，容易搵到，服務都好，仲問我要唔要甜品？？？

這晚和朋友慶祝生日，我們來到了亞太中心，亞太出名多餐廳，我早一天訂了3樓的Manhattan Grill & Bar！燈光帶點昏暗，很有情調的餐廳，裡面有個酒吧檯！這裡主打牛扒，食肉獸一定好滿足！點了食物後侍應送上餐包和Carrot Muffin！鬆餅幾軟，中間有合桃碎，口感不錯！頭盤我們要了一份Parma ham melon，哈蜜瓜好清甜，好喜歡巴馬火腿的咸香味道！中間還有黑醋沙律菜！另外點了一份脆炸海鮮拼盤，份量真的很大~有炸蝦、魷魚圈、洋蔥圈、炸魚和薯條！全部都非常香口！薯條外脆裡面軟綿，薯味十足！這晚的主角是美國牛柳伴鵝肝，侍應一端出來已經充滿陣陣肉香！厚切的牛柳，肉質好嫩不會韌！牛柳和鵝肝真是最佳拍檔，鮮香的肉味與鵝肝的油脂融合一起！鵝肝油分不會太多，但卻甘香滑溜，羶香在嘴裏久久不散！要完美地吃一頓飯當然要有甜品！我們很瘋狂地點了兩款！鮮果拿破崙，酥片好香牛油味，配上吉士醬和水果真的很美味！餐廳還有生日寫字！一切開流出不絕的朱古力，味道是帶甘的黑朱古力，濃郁而不膩，配上雲尼拿雪糕一同吃就是perfect！不得不說，餐廳所有員工都十分友善，食物質素又好，一定會再來！

自從政府推出重建觀塘之後，觀塘的改變日新月異，政府打算將觀塘變身成為一個集住宅、酒店、商業、休閒於一身的新地標，藉此帶旺了附近的食肆，各式各類，選擇繁多。自不然，觀塘成為我的新蒲點。晚膳都喜歡到這裡來。位於觀塘大型商場附近，餐廳樓下有停車場，非常適合開車來的朋友，泊完車坐電梯就可以直達樓上餐廳，甚是方便。如果坐地鐵也不過是行5分鐘路程，坐巴士的話，更方便，就在大廈門口有巴士站。其實，今晚選擇這裡用膳的原因，並不止交通，是因為家人介紹來聚餐。對於我這種少腦筋不愛動腦的人來講，套餐是最方便的，在有限的範圍內作有限的選擇，總比看厚厚的一大本餐牌來得簡單。室內柔和昏暗的燈光，配合枱上的燭光，甚覺浪漫。枱櫈整齊排列，皮櫈讓人坐得舒服。如果可以加點輕輕的背景音樂就更加完美了。美國泰勒太平洋石蠔味道較法國蠔更俱海水味，可以自由加上檸檬汁，茄汁，更能增加味覺，當然，直接進食就可以享受它的原汁原味。沙律剛好一人份量，清爽的味覺，令人胃口大開，偶然食到面包粒，增加口感，和帶來香脆效果。餐湯是周打湯，不過用的是番茄湯而不是忌廉湯，也好，酸酸甜甜的配上微熱的面包，甚是開胃。來自澳洲的西冷牛扒，煎至金黃的外表，

Sem尾又迫到人都癲 終於有時間抖一抖上網見到個Tea Set幾抵食 $178/2人咸食有墨西哥芝士烤雞餅，Parma Ham Burger，Beef Burger，磨菇酥皮盒，蕃茄羅勒香蒜Brushchetta甜食就有鮮果撻，Brownie同Ricotta cheesecake🧀三層架八款野食 一人都唔洗$90 仲包兩杯野飲免費升級latte cappuccino☕️個人最欣賞蕃茄羅勒香蒜Brushchetta多士夠香脆 加上黑醋汁酸酸甜甜好開胃食完個teaset已經差唔多dinnertime上次黎食過dinner記得啲蠔幾新鮮再額外叫多左一人兩隻Seasonal蠔一款French Divine法國神聖之蠔😂($136/2)同French O’strac法國黃金蠔($124/2)店員推介我地先食O’strac 味道無咁濃 肥美得黎帶甜味之後係相對濃味的Divine 海水味好突出🌊Tea set價錢夠抵食 可以輕鬆Chill下😛

今日我同兩個朋友去左食晚餐，叫左個3個set dinner加一份小食雞翼，味道不過不失，但牛扒既份量比較細份，一定需要加小食先夠飽，我見有得賺亞洲萬里通積分所以去食，張單1500港幣消費每2蚊可賺1里，心諗可以賺大約700里。到埋單既時間我俾信用卡連埋我張亞洲萬里通會員卡，咁佢就收左去櫃檯，到佢碌完張卡我問佢係咪幫我儲左分之後先同我講Set dinner 係吾可以儲亞洲萬里通積分需要要散餐先可以儲到，我認為OpenRice 可以加一欄提醒一下食客有咩食物先可以儲積分，讓食客了解自己既帳單能否儲分。

約左係觀塘做野既朋友食飯，佢竟然提議食之前我都食過既Manhattan. 估唔到呢間餐廳係觀塘都幾高人氣朋友一早book左位，我帶埋bb 早到，點知已經一早擺好晒bb 櫈準備好晒，要讚朋友細心之餘，餐廳服務第一個印象已經唔錯大家都點個Executive Lunch 豪下先等緊上菜既同時，原來出面個salad bar 好豐富！蔬菜好新鮮之餘，原來仲有其他冷盤，例如煙鴨胸，南瓜，羅絲粉等等，仲要係可以任拎！我地想食其他野所以無點到呢個前菜，但我想講呢個真係好抵！以為salad bar 只係食菜，點知原來有甘多選擇！我諗呢個係必點之一，唔緊要，下次黎一定會揀返！餐包店員主動問我bb 食唔食得包， 未落order 時已經拎左3個比我。面包軟林林，暖暖地，bb 好鐘意食！ 好鐘意佢地對bb 都甘貼心！仲成日走過黎同bb 玩，好有愛呀！前菜：魚子醬芹菜頭忌廉湯Executive Lunch 果然用料都上乘d, 飲個湯者，有一堆魚子醬係面，個湯無另外落鹽/黑椒，因為魚子醬既咸味已經好夠好鮮，湯味道反而似南瓜，本身已經好足料，加埋忌廉好香，令到個湯好creamy海鮮拼盤有炸魷魚同炸蝦。 新鮮炸起，

放假當然要食好啲！😬約左朋友去觀塘亞太中心的Manhattan grill&bar 享受半自助午餐餐廳環境寬敞，感覺舒適日頭去還有陽光照射入內，店員好貼心咁幫我地拉低簾布怕曬親Weekend semi-brunch menu前菜+餐湯+甜品 都可以在門口位置自取再加一個主菜 都只係$198好抵丫主菜都有不同款式：pizza,fish&chips,pasta,risotto...或者加$78-98 可升級選西冷扒/羊扒/和牛漢堡...外面自助區分別放了前菜、沙律吧、甜品有三文治、鴨胸、煙三文魚...最愛的南瓜沙律 南瓜本身有益又飽肚，又煮得好腍忍唔住食左兩碟🙈🙈牛奶布丁、芝士蛋糕、新鮮水果...黑松露野菌意大利飯 飯煮得偏軟身，蘑菇和松露的份量頗多 食落好濃香軟滑燒三文魚柳 （+$78）原來魚柳好大件又厚身燒完既魚肉仲好嫩滑新鮮仲有薯蓉伴碟，食到好飽添😅😅牛奶布丁推介食飽主菜後都食左四件布丁🙈🙈食落似日本的滑滑布丁 哈哈芝士蛋糕 --另一推介！價錢合理，食品水準中上下次放假都要再食過先得

觀塘雖然唔係我住或工作既地方，但實在有太多隱藏既中小店，閒時唔知食乜都會黎覓食。今次試既係好多好評既Manhattan，雖然小女未去過，但應該不打緊xD餐牌好難揀，所以計過下好似都係set dinner抵D又唔洗煩； 另外加左生蠔4隻（美國Taylor Pacific Rock & 法國KYS）。Waiter們服務都唔錯，一order完就準偏好食蠔既陣勢，又會同你大概介紹下建議食邊個先邊個後，對我呢D生蠔初哥真係有幫助。美國taylor rock生蠔細粒D，海水味相對下濃D，但我覺得偏腥；法國KYS既就肥大D又甜D！雖然唔識揀但似乎法國出既真係好味D 喎！（睇黎得閒要鑽研下生蠔品種）Set dinner：Appetizer係沙律，有beetroot/栗米，配french dressing， 有D似千島醬加醋／lemon juice溝稀，但加左太多所以越食越酸！如果醬汁另上或者少D會balance D。餐湯係菌菌湯，話係牛肝菌但因攪碎左都有正常香味，個人偏好菇菌類所以覺得點整都好味～加多D 忌廉會滑D～Main course1: 白汁蟹肉扁意粉，蟹肉似吞拿魚蓉質地，有少少蟹既鮮甜味，但配

悠閒的週日，天朗氣清，梗係週圍去下，下午時份家人提議搵地方High tea,決定去觀塘亞太中心三樓曼克頓餐廳原來佢地主打係三層架下午茶，好有英倫feel,而且只係百幾蚊，好抵。餐廳另一招牌菜是即開Seasonal 生蠔，呵呵，一場黎到，我決定豪一下，order四隻兩個人品嘗下先Waiter  話餐廳有供應法國，美國及澳洲新鮮生蠔，呢期法國蠔最靚，食法是需要跟次序的France Kys marine , 有鮮甜海水味，肉質是偏爽口的。France O‘strac黃金蠔，有微微海水味，蠔肉很鮮甜。France Comtesse女伯爵，蠔身很肥美，肉質鮮甜，隱約帶點礦物質味道很快三層架下午茶就送到了墨西哥芝士烤雞餅，表皮烤得香脆，雞肉混和芝士口，味道很豐富。意大利火腿漢堡包，parma h有淡淡咸香,用黎夾包吃，真的超合適迷你牛肉漢堡包，漢堡牛肉夠juicy超好味。磨菇酥皮盒，薄薄酥皮焗得香脆，入邊磨菇味很出，勁惹味。蕃茄羅勒香蒜Brushchetta，蒜蓉多士上邊有片小小羅勒葉，加埋塗左小量黑醋及番茄蓉，味道出奇地夾，很出色。New York Cheesecake，很creamy,芝士味極

My wife and i went to Kwun Tong on a Staurday morning to run some errands. After we were done, it was already lunch time. My wife suggested that we could go to Manhattan Grill & Bar for lunch as they served quality food with reasonable pricing. Manhattan Grill & Bar was located at One Pacific Centre, just beside APM and within walking distance from Kwun Tong MTR.Surprisingly, they served weekend brunch set and the set included appetizer, soup and desserts from the buffet corner. The price ranged