MG Cafe

營業中

休息中

疫情期間，無得出外旅遊，週末去吹吹海風都唔錯呀....☀️今次去咗觀塘海濱公園附近嘅一間餐廳，人唔算多，只係等咗一陣就有位啦。餐廳充滿復古歐陸式風格，設計別緻優雅，環境舒適。我點咗Daily Specials上嘅一款「蒜香大蝦燴意大利扁意粉」同一杯Latte - 意粉份量適中、軟硬度亦做到剛剛好，大蝦數量多，肉質亦爽嫩新鮮，整個意粉蒜味香濃，配上火箭菜，平衡咗油膩感，確實唔錯！Latte味道亦很好，即使只係點咗regular size都品嚐到咖啡豆嘅nutty香味，拉花亦好精美，係一朵玫瑰花呀🌹😍喜歡咖啡味濃啲嘅朋友，可以改叫個double shot。最後，值得一讚呢度店員嘅服務態度👍🏻係我等位期間，店員一直update住我店內嘅情況，又俾menu我睇住先，雖然我只係一個人用餐，但完全無感覺到被忽視或有面色睇，今時今日都仲有咁良好殷勤嘅服務態度確實難得！

今日同久未見面的朋友去食個early lunch. 點左2份主菜（意粉和意大利飯），大蝦我估唔到係咁⋯⋯細！一般蒜蓉烤是最穩陣，也一定會食得出蒜味，蝦⋯⋯咁個size....叫大蝦🧐。今日極期量只能說是熟蝦，沒有特別！甜品點左個cheesecake 就真係一般，一落义，即散，我真係鄉里，真係未食過呢種質地！味道.....ok la. Nothing special. 杯Latte....我覺得ok la. 咖啡味不太出！再者，上台必定要跟🥄及糖，欠奉！這個是低級程度錯誤吧！以呢個價錢，觀塘區應該可以有更好及更多選擇！最後，就係果位女員工的服務態度，一個字......差，木口木面，好似叫佢覺得煩到佢咁😒！以後也不會去了！

🐰兔美子誠實食評🐰星期日去到觀塘，間間餐廳都好多人。去到依間等一張枱就到我哋。 環境都OK旁邊係海濱，裏面都坐滿人，同埋擺晒隔板。叫咗兩個pasta, 一個係虎蝦龍蝦汁闊麵另一個係鴨肉番茄汁angel hair.龍蝦汁闊面，食落去唔係好夠味，好似唔係好夠鹹咁。起碼係夠熱嘅同埋隻蝦唔會霉。但係食落去真係好普通。鴨肉番茄汁angel hair, 呢個食落去真係好似罐頭蕃茄醬味。有啲搞唔掂。總括嚟講環境OK 但係應該唔會再食第二次。

𝕄𝔾 𝕔𝕒𝕗𝕖位於觀塘海濱花園長廊附近(一條馬路之隔)，在港鐵牛頭角站𝔹𝟞出口沿勵業街直行，到達海濱道後左轉便到達，它是一間帶有點歐式風格的咖啡店，店內的裝修細緻復古優雅，靠窗邊落地玻璃的位置光線充足，窗外景色仍不錯。店內提供食物選擇都蠻多，想要吃早/午餐，什至𝕓𝕣𝕦𝕟𝕔𝕙的朋友也不愁沒有選擇。而且𝔻𝕒𝕚𝕝𝕪 𝕊𝕡𝕖𝕔𝕚𝕒𝕝套餐款式亦會不定期更換，令大家𝕜𝕖𝕖𝕡住有新鮮感；飲品款式上，除了傳統的咖啡之外，最特別嘅不得不提佢哋嘅𝕄𝔾 𝕊𝕚𝕘𝕟𝕒𝕥𝕦𝕣𝕖吧！介紹過不少𝕔𝕒𝕗𝕖，自己就比較喜歡一坐就能夠坐耐啲啲嘅𝕔𝕒𝕗𝕖去放鬆一下，重點在於它的選址喺較為靜謐的區域，有種難得的悠閒感。享受完一餐美味嘅食物同咖啡，不妨到對面的觀塘海濱花園，坐喺草地上吹吹海風，傾吓偈，享受一個輕鬆而寧靜的時光，推介埋大家睇埋日落先好走喔！

MG Cafe位於觀塘海濱長廊對面，裝潢華麗，走歐陸懷舊路線，樓底高所以份外有氣派。地方寛敞舒適，乾淨雅潔，又有風景睇。1) Egg Benedict $1182) Breakfast Fantasy $1383) Latte $384) Dirty $42上菜好快，擺盤好靚，有花心思，讓人賞心悅目。Breakfast Fantasy配料豐富，有黑松露炒蛋、bacon、香腸、烤菠蘿、烤冬菇、parma ham、多士、茄汁豆、沙律菜🥗。最驚喜係有蕃石榴子同烤菠蘿，好有新鮮感。Egg Benedict配料有水煮嫩蛋、Parma ham、蘆筍、多士、沙律菜🥗。兩款早餐食材都係新鮮貴價。咖啡味道平衡，入口順滑，能喝得出咖啡豆的甘濃。

𝑁𝑂 𝐹𝐼𝐿𝑇𝐸𝑅 𝑁𝐸𝐸𝐷𝐸𝐷.落 地 窗 透 入 黎 嘅 陽 光 完 美！咖啡賣相十分精緻😍正餐也不錯吃喔～.𝐹𝑜𝑙𝑙𝑜𝑤 ℎ𝑘.𝑓𝑜𝑜𝑑𝑚𝑎𝑝 𝑓𝑜𝑟 𝑚𝑜𝑟𝑒 𝑓𝑜𝑜𝑑 🍽.以下價錢都係𝚕𝚞𝚗𝚌𝚑 𝚜𝚙𝚎𝚌𝚒𝚊𝚕喔～芝士,牛肉漢堡包配煎蛋 $𝟷𝟹𝟾牛肉漢堡厚厚的餡料💖牛肉仲好𝚓𝚞𝚒𝚌𝚢 熟嘅程度剛剛好！伴碟仲配埋薯片同沙律菜🥗我自己幾中意配薯片～因為平時配薯條有時太漏都會食唔曬🤣鴨肉茄蓉忌廉汁燴長通粉配巴馬火腿及水波蛋 $𝟷𝟹𝟾長通粉好入味 每條都沾滿醬汁！個𝚜𝚊𝚞𝚌𝚎好𝚌𝚛𝚎𝚊𝚖𝚢～食落去茄味濃郁超香🥰配埋𝚙𝚊𝚛𝚖𝚊 𝚑𝚊𝚖感覺𝚞𝚙𝚐𝚛𝚊𝚍𝚎左件事🤣𝙿𝚒𝚌𝚌𝚘𝚕𝚘 𝚕𝚊𝚝𝚝𝚎 $𝟹𝟼𝙱𝚊𝚗𝚊𝚗𝚊 𝚊𝚕𝚖𝚘𝚗𝚍 𝚖𝚘𝚌𝚑𝚊 $𝟻𝟾野飲方面 連杯都好靚📸但份量比較少～𝙱𝚊𝚗𝚊𝚗𝚊 𝚊𝚕𝚖𝚘𝚗𝚍 𝚖𝚘𝚌𝚑𝚊 我諗都叫𝚜𝚒𝚐𝚗𝚊𝚝𝚞𝚛𝚎～因為都好多人飲🍌不過我就覺得蕉味太重 搶左其他味☕️

今次已經係第二次幫襯，完全冇令我失望！餐廳裝潢係有復古既感覺，同埋好雅緻，好適合假日著到靚一靚黎打卡，我有留意現場都有港女影相打卡，哈哈。而且餐廳面對海濱公園，景觀也不錯。 今次係聖誕節黎幫襯，比起上次多咗好多應節既裝飾，頗有心思。我係中午黎食，雖然係假日黎，但係人流唔算多，唔洗等位。同上次一樣，我叫咗一份Breakfast Fantasy，真係好豐富，有parma ham、煙肉、法蘭克福腸、新鮮菠蘿、車厘茄、大啡菇、黑松露炒蛋、麵包、沙律同石榴籽。（可以睇圖）雖然份量都頗大，但裡面有好多新鮮既蔬菜同水果，加上沙律醬係酸酸甜甜，其實唔會覺得好heavy或者好濟。細食既女仔可以同fd share都得。餐廳每日會準備daily special menu，今次叫咗個牛仔骨繪飯，因為係朋友叫既，我就不作太多評價啦。雖然份量比較少，不過賣相都係好出色既，打卡一流。仲有職員都好helpful，仲同我地講聖誕快樂。我地叫咗一個飯，一份all day ，同兩杯野飲，埋單$429。午餐黎講唔算抵食，但係放假食一次無所謂啦。同埋呢度環境同食物質素都係值得既。整體黎講，呢間餐廳真係好值得推薦，我會再幫襯，h

話$58包湯同埋嘢飲要叫定三月飲品叫咗又冇話另外收錢買單收多$58一杯，呃錢,問佢點解收$58又唔講仲話林尾比多兩杯普通嘢飲我哋太離譜餐廳一次就夠啦都唔知呃得幾多個客人

經過好多次， 但真係唔知原來觀塘海濱長廊沿路都有好幾間食肆， 而且環境相當不錯。 今次朋友帶我來到其中一間食個簡單下午茶， 也吃出一定驚喜。吃過午飯才過來， 想找一間坐得舒服而且可以喝杯優質咖啡和吃件好味蛋糕的地方， 就來到朋友來了好幾遍的 MG Cafe。古板的朋友一成不變的叫了綠茶拿鐵 ( 哈哈 他在來這裏飲過幾百遍),  試新東西的責任就落在我這個第一次顧客身上, 我點了Ice Cube 和 朱古力香蕉蛋糕。凍綠茶拿鐵也難怪朋友喝了幾千遍還在點這杯東西， 奶和綠茶的味道非常甘香， 奶亦令這杯 咖啡相當順滑， 綠茶分量亦恰到好處， 不會苦。 有趣的是這個杯子和牆上的花瓶 是一樣的， 難道唔夠杯……Ice Cube上臺視覺效果相當震撼, 同時吸引了左右客人的目光。 冰粒的味道可以選擇咖啡, 朱古力和雜莓, 今次我選了咖啡, 再配上輕微煲熱的鮮奶, 味道相對較苦但整體相當不錯。 有一些類似橙皮的碎粒， 但加了味道不明顯。朱古力香蕉蛋糕每碟配上一個小雪糕球， 整體味道ok但未至於太大驚喜。當日的風和日麗令天氣非常舒服， 整個景色為這間餐廳加分不少。下次可以試埋沿路的其他餐廳。

某日閒逛完觀塘海濱後，偶然發現這間cafe，見到裝廳的裝修很舒適雅緻，非常闊落，便吸引我入去品嘗。先看一看餐牌，最令我欣賞的是breakfast fantasy，光是擺盤都已經令我食指大動，蔬菜和肉類配撘均衡，沙律菜上用芒果汁調味更加甜美清新，還有石榴籽伴碟，非常特別。除此之外，還有法蘭克福腸、煙肉、菠蘿、車厘茄、大啡菇、黑松露炒蛋、parma ham和麵包等，是極級豐富的份量，即使兩人分享都十分飽肚。全部材料都在水準之上，特別覺得好吃是大啡菇配炒蛋，香氣四溢，啡菇厚肉juicy，十分出色。餐廳亦有提供daily special餐牌，可加錢轉套餐，包餐湯和餐飲，餐湯夠足料，味道濃郁，值得加錢享用。是日有牛仔骨意大利飯，意大利飯質感偏硬身有咬口，同時忌廉汁非常重，加上牛仔骨的油脂令整個飯有點膩，而牛仔骨較為細件，性價比較低。餐廳給予我有慢活的感覺，食物中餐湯和all day breakfast都令我覺得非常滿意，下次會想嘗試egg benedict，並會預留更多時間慢慢享受美食。

復古、精緻既裝潢成了MG Cafe最大賣點！環境舒適，設計有心思。加上臨近聖誕，門面及店內都做了不少裝飾，好有節日氣氛！加少少幻想力，都有幾分相似係歐洲既咖啡小店~每次去Cafe睇餐牌都會睇到花多眼亂，因為太多選擇。醒目既做法一定係上網睇下有咩熱門推介！＊－。－。－。－。－。－。－。－。－。－＊🔸 Basque Burnt Cheesecake $58凍櫃入面既蛋糕選擇唔多，只有2款。其中一款係紅極一時既巴斯克焦香芝士蛋糕。賣相未必好吸引，外層焦香微微帶黑，蛋糕口感扎實一點，未夠濕潤綿密。隨碟附上一球Movenpick雲呢拿雪糕及焦糖脆脆。蛋糕 + 雪糕 + 脆脆一齊入口，味道好食。🔸 Chocolate Banana Snow $58打卡之選！以新鮮香蕉打爛為蓉作底，加入朱古力作中層，以奶泡作上層。奶泡上放滿左棉花糖，仲有炙燒過既焦糖香蕉。半融化既狀態令到飲品更吸引！🔸 Green Tea Latte $42刻意挑選一隻藍綠色既咖啡杯去襯飲品！好靚！淺綠色既Latte加上拉花，好有心思。 抹茶味夠香濃，第一啖入口微微帶苦澀味。第二啖開始覺得抹茶、奶、糖味道恰到好處。沉底味道較濃。＊－

開工日做嘢前到舊公司附近食個快lunch。舊同事提議去呢間，叫做有質素，如果早去坐低的話好快就食飽（溫馨提示：不能訂座）。由於時間比較趕，所以沒有特別記低食咗啲乜，基本上嗌左兩個lunch set，一個係蝦加魚，另外一個就係risotto 。以觀塘區來講，這兩疊已算係中上級數，唔特別去評論，食材新鮮。另外加咗兩杯飲品，由於做嘢前想爆一爆佢，所以都加咗每一杯一個shot 嘅vodka ，烏龍茶嗰個幾特別。地點算係牛頭角區其中一間中上西餐廳Cafe，喺觀塘海旁附近，尚算方便。如果是公司welcome 或 fairwell lunch嘅話係一個好選擇。可以encore。

觀塘海濱英倫風既悠閑咖啡廳—MG cafe，無論環境、食物同服務都令人相當滿意既一間西餐廳🍴 首先，餐廳樓底高，加上落地玻璃門設計，同室內歐美風既裝修，開楊光猛，比人一種好舒服既感覺～ 食物方面，餐廳會不定期更新餐牌，但每次都比人一種喜出望外既驚喜！比目魚薯蓉，海洋新鮮，而醬汁亦鮮甜開胃～ 鵝肝配野菌意大利飯，鵝肝好大塊，入口即化～ 食物既伴碟亦非常靚，色香味俱全💫 另外咖啡味道亦充滿層次，特別係熱門推介既green tea latte～ 總結係一間絕對會再去既高質cafe🤩

我發覺近排唔少 #電視劇 都鐘意喺 #觀塘海濱公園 一帶取景，經過專業人士嘅剪輯、人手加工... #小秘書 難免對呢片地土有一定嘅憧憬💙 不過呢... 現實總係同幻想係兩回事👉🏻👈🏻 ...都好嘅，得閒走過嚟散吓步，就當俾個機會自己吸收多啲維他命啲D😂 沿着 #海濱道 一直行，吹吓 #海風、睇吓啲 #花花草草，自我陶醉一番😉行到腳仔軟，又可以過對面搵間餐廳飲杯嘢、食個飯。呢日趁住齊人，有人提議去 MG Cafe 試吓，仲自告奮勇幫我哋去霸位🙏🏻 不過臨出門口嘅時候比人叫住，搞到佢一個戇居居喺餐廳等咗我哋廿分鐘有多... 認真唔好意思😅 為咗慳返睇餐牌嘅時間，我哋一次過叫晒餐牌上6個lunch sets，等大家樣樣都可以試啲😏 食物味道係唔錯嘅，尤其我最鍾意佢哋個 #Pizza，材料夠豐富、餅底夠鬆脆🤤 仲有就係 #黑車厘子醬 配 #鴨胸/#鴨腿，上枱嘅時候，肉質仲保持得好嫩滑，不過份量真係太少，每一碟放到上枱面，我哋都只可以可以試到一啖左右😏 搞到大家 #異口同聲 話埋咗單之後，要返去再搵嘢食... 究竟係我哋生大食？定係廚師太睇小我哋呢🤣🤣🤣雖然服務員態度係cool啲，不過食物質素

星期五下晝，難得幾位ladies都得閒，一枱四人黎呢間cafe聚下，傾下近況...大家未食lunch，就點咗三款lunch set, 燉飯值得一讚，帶子大大粒，飯夠綿夠滑。另外係全日早餐，有菠蘿、煙肉，Parma ham, 黑松露，所有食材都好新鮮。最後叫咗兩款甜品，係必食推介 - 芝士蛋糕配雲呢拿籽雪糕，加金沙朱古力蛋糕，一啲都唔太甜，有本身既芝士同朱古力香味。當日仲有現場鋼琴伴奏，隔星期五會有。Happy Friday想同朋友輕鬆下，值得黎呢間餐廳。當日好想試pizza, 好可惜lunch已經未完就sold out!!!!