MG Cafe

營業中

休息中

呢排新聞成日話觀塘海濱長廊嗰度有音樂噴泉睇，我今日都八卦去睇吓，就見到依家打卡都唔錯嘅餐廳，入去試左佢嘅主菜同咖啡，原來佢唔單只係打卡唔錯，佢嘅嘢食都好正，等我都介紹俾大家先。我叫咗個打卡超靚嘅帶子碟豆花忌廉汁飯，一個parma ham panini，仲有依度主打既all day breakfast! 帶子碟豆花忌廉汁飯佢嘅帶子有兩粒，兩個都冇，而且碟豆花忌廉汁飯打卡好靚，好有少女味，至於d野菌份量都多，撈埋忌廉汁好配合！parma ham panini依個parma ham又好足料，入面仲有蕃茄青瓜同埋牛油果，係一個好健康嘅選擇！如果得閒黎，食個tea,食杯咖啡都係唔錯既選擇最surprise最好食既係all day breakfast!佢個名叫fatasy🤣我覺得因為佢真係好豐富，同埋每食一層會發現下一層又有新發現！比下大家睇圖就知！食食下又有大啡菇，食食下又有茄汁豆，真係好有suprise感！試左杯cappuccino同依到signature ice cube,我有特登問店員咩係ice cube,佢就介紹話雪冰左coffee/mixed berries或者朱古力，等唔洗加冰既時候

假日relax， 今日好好太陽🌞，行到出晒汗，好彩附近有間靚靚cafe 可以坐低hea 下，美味子飲左杯signature ice cube coffee, 仲有啲橙皮做點綴，presentation好靚，好鍾意❤️；屋企人就分別叫左冰涼解渴既Jasmine Mojito, 健康特飲sunrise ( white hibiscus & passion fruit) 同埋有小小洒精成份嘅cocktail 🍹，悠閑過咗一個下晏，放空一下，都幾寫意😌

疫情期間，梗係要多啲去戶外活動，今日就去咗觀塘海濱公園散步，天氣炎熱，行到下午，當然要搵間Cafe，坐低嘆吓咖啡、嘆吓茶啦！見到對面有間MG Cafe，落地玻璃，清楚見到入面裝修清雅，便急不及待，就入去嘆番個冷氣先。浦坐下，便叫了一杯佢嘅signature， Ice Cube Coffee，朋友們即叫了菠蘿烏龍茶，再加上芝士餅。Ice Cube coffee 好特別，店員很貼心，知道我想飲凍飲，特別奉上一杯凍的鮮奶，旁邊再加上兩粒coffee cube，再加上點解點的橙皮，撞埋味道剛剛好，有咖啡的濃番，鮮奶的滑溜，和橙皮的鮮味，果然係佢哋嘅signature。喺炎熱嘅夏天，嘆冷氣、飲咖啡、食件餅，真係賞心樂事！

話說呢間位於觀塘海濱公園附近嘅咖啡店之前已經bookmark過話想嚟，最近得閒終於趁下午茶時間少啲人嚟試吓😜餐廳設計富有格調，落地玻璃令到空間感十足，自然光投入好適合做下嘢或者同朋友傾吓計㗎！今次同朋友就叫咗一個lunch一個甜品，味道都唔錯_🍝香煎海帶子，海膽配龍蝦汁燴墨魚汁意大利粉 $158係店員嘅推薦下叫咗呢款意粉嚟試吓，平時食墨魚汁意大利粉最怕食到成口都係黑色，呢款意大利粉已經混合墨魚汁，食落更加方便👍🏻海帶子同海膽都幾鮮甜，龍蝦汁配上菇菌和意大利粉一齊食非常夾，同朋友都覺得唔錯_🍰Basque Burnt Cheesecake $58特點之處係會配上Movenpick雪糕，配搭旁邊的焦糖脆脆一齊食好滿足，另外芝士蛋糕芝士味濃郁，值得一試_☕️Hand Drip $90本身想試吓佢哋嘅Cold Brew但係賣晒，手沖咖啡使用嘅咖啡豆來自埃塞俄比亞，入口醇厚帶果香，平時鍾意飲手沖嘅朋友仔可以試吓_🍍Pineapple Oolong $56另外我哋亦都叫咗一杯烏龍茶，味道唔會話太甜，飲落幾清新，有助解膩

😉呢間cafe離觀塘同牛頭角地鐵站有一小段距離, 但食完可以過對面既🥦海濱公園散下步, 🌊感受下海風, 都ok既. 餐廳既裝修走文青英倫風, 坐落去係舒服既, 即刻有種慢活既感覺🧘🏻‍♀️🥑Slow Cook Chicken and Avocado Panini ($88)🥑🥖塊帕尼尼(Panini)係有乾番茄🍅係入面既, 都算佢特別啦. 🐥個幾塊慢煮雞薄切到一個點, 係食到好滑有汁既, 但咬唔到肉既質感, 🍞唔夠配個大件厚實既包, 呢個價錢切厚小小都唔驚啦..🍌Chocolate Banana Snow ($58)🍌🍫杯飲品既外觀係吸引既, 🍢佢串住兩塊加糖燒過既香蕉做裝飾, 仲有打起左既泡沫, 可可粉同杏仁片, 😎形成強烈既視覺效果. 除左顏值, 佢飲落去都好正, 底底仲有香蕉溶比你搞下搞下, 🥳係有驚喜既, 好適合香蕉忠實擁躉黎試下!🤩🥓Classic Breakfast ($128)🥓😳一個普通不過既早餐配搭, 但擺盤仲普通, 佢地用既碟同隨意既食物擺位唔講仲以為去左茶餐廳或者快餐店添🤭. 講返味道, 全部食物都正常發揮啦, 🌭但條香腸係特別出色既, 🤙🏽佢本身選貨應該都嚴格既,

今天到觀塘辦點事情，辦好了就在海濱公園附近，找間餐廳來個early lunch免得排隊等位😜走到萬兆豐中心發現有一間與周邊環境大不同的餐廳，很有格調同時尚感，被落地 玻璃吸引了🥰 餐廳樓底很高、空間感十足👏🏻天花用上木條設計，環境好靚😘有點像歐式風格，靠窗邊落地玻璃的位置還可遠望海濱公園🚴‍♀️🏖Daily Specials 有六款選擇，有兩款都想嘗試、正在猶豫之際🧐服務員窩❤️的用手機相片介紹給我。👀過相片後便作出了決定👏🏻👏🏻✨藍蟹肉煙三文魚菠菜忌廉汁會扁意粉🦀🍝🥬上枱的時候熱騰騰得冒煙🔥，頗有驚喜😍，因為很多餐廳的意粉只會是暖的🤨三文魚賣相不錯👌🏻意粉軟硬適中、汁不算太多，剛好掛滿意粉🍝恰到好處👍🏻只是蟹肉少了點😔🍴跟餐免費飲品可選美式咖啡☕️或檸蜜🍋亦可選擇餐湯🥣加$20 ，upgrade飲品🥤加$18到了12點人客源源不斷，很快已full house, 還需要在門外等位哦，慶幸我早點來到😂🤣

辣肉腸長通粉太鹹，鹹到會有腎病大蝦意粉冇乜味，連蝦味都冇菠蘿烏龍茶太甜，我要溝水先飲得落口職員無禮貌，問佢有無凍檸茶，佢黑晒面話「冇呢啲嘢」乜原來凍檸茶係一樣好不屑既飲品嗎？結果職員推介左杯菠蘿烏龍茶，甜到不得了，好似飲緊糖漿咁我要加水溝淡佢先飲到落口碟上食物未食完又趕住收碟，但門口又無人等位感覺好似想你快啲走勁趕客去呢啲cafe食晏都係想坐耐啲飲吓嘢relax下，如果咁趕我不如去快餐店？3百幾蚊食呢餐再加佢哋咁既服務態度我唔會再幫襯

呢間見被網上推介為溫書cafe💛 但研究過後覺得溫書就未必適合啦😂 來過後就發現絕對係適合打卡嘅cafe😍一睇門面就係古典英倫風cafe😍 除左坐近玻璃係有透到自然光之外 店內燈光偏暗少少 咁有氣氛咁靚嘅cafe 溫書就唔太適合啦😛約左朋友來打卡食生日飯😆 叫左個teriyaki beef on pita bread ($138) 同egg benedict ($118) 飲品特別少少就叫MG signature 分別係chocolate banana snow ($58) 同amber latte ($58)食物方面 個牛肉餅食落係有驚喜😋 就係pita bread 入面袋有滿滿嘅餡料😳 個牛係有用醬汁煮嘅日式肥牛🤤 煮到好淋嘅紅椒同青椒 仲有爽脆洋蔥圈 成件事好好食😀 伴碟配菜除左沙律菜就仲有薯片😂 感覺係超市買某牌子嘅薯片現成擺落去 有點有趣🤥 朋友個egg benedict 睇落都唔錯😙 個蛋流心做得好好😍飲品方面 兩杯都係MG signature 都幾特別😆 chocolate banana snow 就係令人驚喜嘅香蕉朱古力😳 表面睇個層應該係白色泡泡上面有可可粉同幾粒棉花

經過東九龍想飲杯咖啡 而且可以泊到門口嘅店真係唔多。search Google 後發現海濱道都有幾間，就去睇睇。當時都近17：00了，大部份都收18：00，就試下MG。環境好靚，好復古，店員又好有禮貌我地二人點了 Ice Honey coffee, Flat White, 牛角包，因為打算一陣去食晚飯唔好食咁多。ICE honey coffee 好味道，蜜糖香味好特別，好過一般落糖水。Flat white 就唔係好得，擺左一陣又起晒泡泡，咖啡同奶分離。牛角飽幾足料，不過就貴左少少。

🌈 MG Cafe (觀塘) ✦✦▶︎ 香煎牛短骨扒配牛肝菌忌廉汁燴意大利飯 $148 ❤️意大利飯既忌廉汁非常充足🤤配上牛肝菌好惹味😋Creamy程度討好！而牛短骨既肉質好軟熟🥩煎得香味十足～不論係口感同味道上都略有驚喜💕味道 🌕🌕🌕🌕環境 🌕🌕🌕🌕價錢 🌕🌕🌕🌔服務 🌕🌕🌕🌗回頭率 🌝 8/10整體：店員態度親切☺️餐廳位於海濱旁邊🏖落地玻璃設計採光充足～店內裝修走英倫風🕋傢俬帶有美感😝環境加分！

觀塘雖然新開左唔少coffee shop但係好多都係11點左右開店因為想早d舒舒服服食早餐所以選擇左鄰近觀塘海濱既MG Cafe 未入店內已經見到靚靚裝修走外國咖啡店既裝修風格開店9點鐘我同朋友9點9左右去到店入面未見有其他顧客如果想係週末安靜地嘆下咖啡呢到係個好選擇落地玻璃趟門透d自然光入黎好舒服環境寬敞 走復古風早餐選擇頗多有All day breakfast, 沙律, 三文治唯一一樣美中不足係飲品要另外單點跟朋友選擇了兩款不同All day breakfast分別係Egg Benedict同Breakfast Fantasy Egg Benedict 配上帶點酸味既荷蘭汁都幾開胃不過最有驚喜都係個沙律平時都唔太鍾意食沙律既我第一次食配有芒果汁既沙律Parma ham 唔會太咸太乾整體味道好夾 好清新如果再多d芒果汁就更佳😼Breakfast Fantasy 份量較多有黑松露炒蛋(黑松露份量岩岩好，唔算少)炒蛋下面有大啡菇同茄汁豆另外有一般all day breakfast常見既煙肉車厘茄呢個最特別係有燒菠蘿🍍清甜開胃飲品我就叫左杯dirtyExpresso 倒入凍奶底 唔會超重奶

今日終於嚟到食個午餐！價錢唔係平㗎，但係質素非常之好，無論環境、服務、同埋食物嘅擺設，都係好用心！今日我哋試咗帶子紫薯汁意大利飯，可海蝦雞肉紅菜頭汁意粉！一上枱見到個相都靚到唔捨得食，一碟粉紫色，一碟粉紅色！意大利飯嘅味道好好，帶子好鮮甜！意大利粉估唔到所配搭嘅Feta Cheese，鹹得來剛剛好！加咗個巴斯克焦香芝士蛋糕，配movenpick 雪糕最好食嘅估唔到係配雪糕嘅honeycomb 加埋一齊就好有層次嘅味道！最後跟餐加咗latte但係手工咖啡來講我就覺得咖啡味唔夠濃

難得公司附近有好cafe..平時weekend 會黎試下。 但未正式食過lunch.今次齊人吹雞試下佢d lunch set 先。🌟香燒法國春雞拼鴨肝配金巴利醬麵包餡 $178呢個我既， 好似最豐富就係我呢set, 賣相亦係最吸引！有半只春雞 同鴨肝。 我係食得飽既！🌟大西洋三文魚， 忌廉蝦蓉釀龍利柳卷配大虎蝦 $168呢個一上黎係好精緻， 同埋唔係我地相像中既樣，都幾surprise!不過如果我食我都會唔夠飽， 何況嗌呢set 既係男士。 一陣風食完好似冇食過咁！🌟穀飼美國頂級肉眼扒 $198呢個無試到。 但睇落份量都唔太多。🌟香煎牛短骨扒配牛肝菌忌廉意大利飯 $148呢個都係無試到。 (因為我後join 去到佢地已食緊 所以偷唔到）但朋友話睇落我個春雞好食d..佢d short rib 麻麻，risotto 就係淋既會岩我口味。 即唔係正宗意大利味。 🤣🤣整體黎講 佢係sell 精緻。周末悠閒寫意打下卡可以。但價錢同份量就未必岩上班族黎醫肚。

周日放假，到觀塘海濱看日落是一流選擇。看日落前，來了這間cafe先吃個下午茶，點了Cappuccino ($38)Dirty ($42)巴斯達芝士蛋糕 ($58)香蕉朱古力蛋糕 ($56)巴斯達蛋糕很推薦😊Dirty是用凍奶撞上espresso, 甜和苦的比例也恰到好處。下一次來，定要試一試這裡的cold brew😆...#FoodieS #cafe #cheesecake #cappuccino #basquecheesecake #chocolatecake #cake

#灰到觀塘 #灰到食甜品 雖然成日去觀塘海濱，但都冇試過食附近嘅餐廳🤣呢日晏晝同朋友去左呢間cafe坐低傾計😚-(另有加一)🔻 Banana chocolate cake (with Movenpick ice-cream) $56單試蛋糕上層嘅朱古力慕絲嘅話都有可可味，唔係死甜朱古力🤣但連香蕉蛋糕食嘅話，可可味就被蓋過🤣蛋糕唔會太過紮實，香蕉味好自然☺整體就算配上雲呢拿雪糕都唔會過甜🤣▪🔻 Flat white☕ $38咖啡味唔算突出🤔-👅食後感：呢間幾適合同朋友坐耐少少傾計/做嘢🤣遲啲會想試下正餐😆-👀個人喜愛度：7/10-🚩MG Cafe觀塘海濱道133號萬兆豐中心2號舖-#美食 #香港美食 #hk #hkfood #foodie #hkfoodie #咖啡 #커피 #coffee #cake #蛋糕 #香港 #flatwhite