Mee...lemongrass (已結業)

呢日下晝約咗人喺青衣城見面，之後見有啲肚餓，就一個人去咗呢間位於青衣城二期2/F嘅 《Mee……lemongrass》食返個下午茶餐。餐牌圖文並茂，下午茶餐都算幾多選擇，我揀咗個馬來蜜汁炭燒厚切豬扒撈檬粉飲凍咖啡。豬扒夠厚切，份量都幾多，而且夠入味，豬扒外面略帶脆身，肉質爽口，碗入邊仲有d香脆嘅花生，同爽口生菜，整體食落口感都幾豐富。檬粉本身冇味，全靠餐廳提供嗰樽酸酸辣辣嘅醬汁，撈咗之後味道都唔錯。凍咖啡普通，都飲得過。