Mee...lemongrass (已結業)

Happy Friday相約姊妹，到新開張的<Mee...lemongrass>品嚐美味的泰國菜。泰式小食款式繁多，我們仨互相Share，享受惹味的大餐。無骨海南雞喇沙 $82可以一次過品嚐2款招牌菜: 無骨海南雞及喇沙，十分誘惑! 咖喱喇沙加入濃厚的椰奶，湯頭奶白而香甜，豆腐卜吸收了精華，入口洋溢椰香。湯麵混合了米粉及黃麵，是煙韌及彈牙的雙重口感，感覺細膩。海南雞皮滑嫰，啖啖肉而無骨，沾了泰式辣醬或甜甜的黑醬油，令人食慾大增！泰國豆奶紫米冰 $38紫米冰底部有大量黑糯米，口感煙韌，愈咀嚼愈香郁，配上泰國豆奶──香甜版的維他奶，充滿南洋風情，十分滋味。香脆蝦餅 $68金黃酥脆的蝦餅是必點推介，香炸至油而不膩，脹卜卜的口感，彈牙而蝦味濃郁，沾上泰式酸辣醬，令人欲罷不能! 炭燒豬頸肉 $78炭燒豬頸肉薄切，邊緣燒至焦脆，肉質爽口、肥美，一口豬頸肉，再配一口青瓜消膩，配搭有心思。椰汁千層榚 $32椰汁千層榚是玫瑰花形狀，新鮮蒸起，入口熱燙，口感十分綿密、煙韌，若然椰汁味重一點，會更出色。香芒椰汁糯米飯 $48一款甜品不能滿足我們，香芒椰汁糯米飯是甜蜜的句號。糯米飯搓至小飯團，

睇完戲搵好野食，小食多選擇就最合我地心意，所以揀左呢間餐廳。不過真係好多人，假日至少等20-30分鐘，剛好今日閒日較少人，等10-15分鐘就可以入座。其實環境幾迫，但樓底空間感大，所以整體都不錯，只係部份位置接近商場，所以有等位既客望住黎食。地道串燒(牛,雞各2串) $66串燒燒得一點唔會燶, 亦冇太乾身, 蘸埋帶濃郁花香香的沙嗲醬, 辛香開胃, 亦可沾酸甜汁, 好清爽不膩。仲有配菜車厘茄同青瓜可以清新一下, 還有小多士可以夾住吃,變化不同口味。炭燒豬頸肉 $78豬頸肉比較爽, 外邊既多數太淋, 而且燒得剛好, 唔會燶而個邊又微脆, 不過醬汁太咸, 建議點少d更能吃到炭燒既味道。檳城炒貴刁 $76一上菜, 香味有鑊氣, 入口香辣, 唔算太油, 混合配菜來食, 材料簡單但配合上黎, 奇妙的好吃又惹味, 一吃就停唔到落來咯。海鮮材料也頗多, 有大蝦、魷魚、魚蛋等等。凍馬來西亞拉茶 $28茶味比港式奶茶更香, 只是奶味無港式既重, 口感同樣細滑。

青衣人繼續在美食沙漠尋找綠洲，這次試試新開的Mee...Lemongrass。它號稱海南雞、喇沙專門店，正好都是我的最愛，不能不嚐嚐！海南雞喇沙（$78）— 我知道正宗喇沙不會是海南雞這個配搭，但海南雞和喇沙我都喜歡，所以還是選了這道菜。雞肉算滑，喇沙湯底也香濃，不錯😋馬拉盞炒通菜（$62）— 總覺得通菜與馬拉盞是絕配，這裏炒得十分惹味，火喉剛好。最後加配拉茶，一層厚厚的泡泡讓人急不及待嚐一口。滿滿的南洋風味讓這頓飯完滿了😌

今晚去左青衣城2期, 新開左好幾間食肆, 見到呢間勁多人排係門口, 價錢大眾化, 一於排埋份唔會錯得去邊, 嘻嘻！ 但人流都好快, 正值晚飯時間都15分鐘之內就有位。招牌無骨海南雞 半隻$138皮薄肉質嫩滑彈牙, 肥瘦均勻, 連雞胸都唔"鞋", 一樣夠滑, 可點黑豉油或辣醬, 做出岩自己口味。緬甸咖哩牛腩 $78咖哩絕不辛辣, 加上奶油夠晒香濃美味, 配菜有飽肚薯仔和帶甜咪的洋蔥, 牛腩鬆化肉腍, 而牛筋軟綿滑溜, 無論配飯或燒餅黎食, 都會食到lam lam脷之菜式。油鬆餅 $26即叫即整, 熱烘烘用手撕開, 酥軟柔韌, 香味撲鼻, 齋食又得, 另外配咖哩汁更是絕配組合。珍多椰汁冰 $28椰汁香濃, 帶有少少碎椰絲令椰味更突出, 清甜解渴。

馬來喇沙店黎, 青衣城2期開時新開既店!地方很大, 位置很多, 但係人氣仲好高,7點去基本上次次都無位!所以要早D去呢到既海南雞係招牌! 我地叫左半隻黎食, 雞肉黎講軟得黎好食, 雞味濃, 肉質係新鮮的,呢到鐵版牛都係好正, 佢比其他餐廳既大粒小小,口感係軟,醬汁味係比一般既濃, 所以中意濃味既人會比較喜歡!但因為比較濃如果配返飯食中和返我覺得會更佳!串燒反而係個醬比較特別, 佢同其他沙爹醬不同, 有小小酸酸地既感覺,燒既技術都好出色, 保持到肉汁, 唔會太乾, 仲無咩燒焦既感覺.整體價錢算平, 味道比較特別同好味, 難怪下下咁爆人

青衣城新開了二期，今次就到二期覓食，樓上是戲院，睇戲前後都可以黎醫肚。兩人點了蝦餅、喇沙及海南雞，份量多夠哂飽肚，仲幾好味。香脆蝦餅 （四件）$68一客有四件好抵食，還切開方便進食，3-4人都夠食。蝦餅厚身又熱辣辣，炸得好香口，但不是好脆身。蝦肉十分彈牙，口感十足，蝦味也突出，帶點泰式香料味，沾甜酸醬更惹味。Mee...喇沙  -  大蝦、蜆肉、蟹柳、魚蛋、豆卜、雞蛋、魷魚 $84睇菜名就知有好多材料，海鮮算多。兩隻大蝦唔算好彈，不過魚蛋就爽夾彈，有魚味。蜆肉雖偏細，但冇沙，所以都唔錯。反而魷魚彈牙，份量多點更好。豆卜吸盡湯底味，超正。呢款也是用米粉同黃麵兩溝，米粉吸到好多湯汁，味道好濃，黃麵粗身有咬感，也比較飽肚。湯底好吸引，有海鮮的鮮味，微辣刺激又開胃，配椰奶香濃，也令湯汁更滑，又可中和辣味，令湯底味道溫和，而且湯底不太咸。招牌無骨海南雞（半隻）$138，雞油飯$18半隻份量都頗多，所以堅抵食，加上細心去骨，每口都啖啖肉，連小朋友同老人都照顧到，唔使擔心佢地食得困難。海南雞肥瘦適中，雞皮爽滑不膩，雞肉超嫩滑柔軟，仲好香雞油味，沾黑醬油更香，或沾辣醬更惹味。雞油飯粒粒分明，乾爽有飯香

青衣城2期新開張，作為青衣既居民一定要來朝聖，2期開了很多不同既新店，不同菜色都有。BOXING DAY就同埋媽媽妹妹一齊來試食呢間Mee...lemongrass，可能食中午又係新開張，已經有人龍，不過都好快等左15分鐘就可以入坐。係等候既時間，已經睇好餐牌，分別叫左2個無骨海南雞喇沙同埋一個無骨海南雞飯，仲有一杯手拉奶茶。等了5分鐘就到了，一個午餐SET包了一碟海南雞 & 喇沙，仲有前菜沙律同埋點品 。海南雞係無骨，方便食用，個人好中意個喇沙 (mix 米粉 & 麵)，不係太辣，家人都一致覺得好味。海南雞飯也到了。我們另外加錢點了個手拉奶茶，同平時既奶茶係有分別，呢個會甜少少，不過會滑D。總括，我們會再次光臨。

青衣城係我成日搵食嘅地方，放工一出港鐵站就有好多選擇，最近開咗一間泰國菜梗係要試一試，又來一個人的晚餐，因為我一個人等位都好快不過都真係幾多人等位，建議大家真係要早啲去！海鮮喇沙，分量十足，成碗鋪滿餸：有雞蛋魚蛋蟹柳豆卜魷魚蜆蝦！豆卜魚蛋最入味，香濃的椰味湯底，帶點辣香，非常開胃海鮮都10分新鮮，極度推介酸辣鳳爪沙律，超級大份，我真係食唔晒！辣味酸度都啱啱好，鳳爪好爽整體來說價錢真係實惠，將會成為我嘅飯堂！

奧海城既lemongrass一直係我飛佛 見青衣開左間又叫lemongrass..但加左個mee.係前面🤔🤔唔知係咪同一間🧐但我好肯定 青衣呢間無奧運既咁正！咖哩雞味道唔錯既 點埋canai係完美 全部野最好食係canai...所以叫多份煎蛋canai 🍳...好食！！！！最唔好食係一口牛⋯咸到爆同份量少😞另外重點左pad thai同印尼炒飯 飯唔錯的 但pad thai撈埋辣椒粉勁勁勁辣👾👾食唔到😂

最近胃口麻麻地，諗住dinner只食少少野填下肚就算睇完戲都五點多d，行下一陣先再食吧！點知青衣城原來咁人多，六點三左右到餐廳，都已經排有一條長龍拎飛心諗咁多人食，應該冇伏吧！排左半小時左右就有位，當然我地就食唔到新開業優惠既龍蝦喇沙，眼見其他人食，大大碗，唔呃人wor！我地兩個唔太肚餓，叫左一個肉骨茶，一個海南雞喇沙，一個馬拉盞通菜無骨海南雞喇沙最快上，賣相不錯，雞都大碟，不過喇沙較咸，雞都算滑，叫不錯吃了肉骨茶，料多，飲下碗湯，點知覺得好喊，冇乜肉味，反正大腐竹同豆卜味最伏莫過於呢碟馬垃盞通菜，第一啖已經覺得好咸好咸，救命，真係唔知點解咁咸總恬黎講，今餐飯得個咸字食完仲飯左三四杯水先清到口裡面既咸味

之前係銅鑼灣食過已經覺得唔錯，估唔到青衣城2期又開左間，當然要同朋友仔試下啦同朋友臨近晚飯時間630到餐廳，外面已經好多人等位，還好等了大概十分鐘就可以入座一坐下我們就急不及待咁睇下食咩，最後點了一客大拼盤，海鮮叻沙，馬拉戔通菜同埋一杯特濃豆奶冰。大拼盤感覺好豐富，有蝦餅，春卷，雞翼，串燒同埋無骨鳳爪，樣樣都好好食，不過串燒好快凍，建議先食串燒再食其他。個海鮮叻沙既湯底比上次係銅鑼灣食更入味，可以係海鮮做配搭，啲料好足又唔算太貴，必叫之選！至於馬拉戔通菜正常水準，見到都幾多人叫馬拉戔秋葵，可能更好食，留比大家去探索下啦～杯特濃豆奶冰就幾特別，味道果然好重豆奶味，杯內底還有大量紅豆，簡直就是紅豆冰進化版，必試！除左食都有留意下周圍既人叫咩食，見到都幾多人叫一大碗蟹叻沙，份量看似好多但價錢才八十多元，每天也好似有限量賣，同朋友見到已經決定左下次一定要叫返碗試下三樣食物一特飲，埋單三百多元，價錢合理，晚餐黎講認真唔錯！

見到朋友介紹來食，即管來試一試，地點超方便易搵，一出港鐵站，入到商場搭電梯上2樓就即刻見到，八點鐘來到真係人頭湧湧，好在排隊排左15分鐘左右！位置非常之開陽，我最鍾意他們嘅裝修，同埋員工嘅制服顏色繽紛，一坐低就應覺得好舒服，雖然枱同枱之間緊迫了少少未講食物之前見到這個公雞碗真係好靚，同我之前去食其他餐廳的有點不同，好想帶返屋企，可惜唔得，可見這個餐廳在細緻位裝修用具真係花咗不少心思！但係他們的價錢竟然是平的，平均大約價錢都係60-70左右.Mee. 喇沙，$78，我見到好多人都食，好大碗，好多餸：大蝦蟹柳豆卜魷魚雞蛋魚蛋蜆肉，鋪得滿滿的. 湯底超香椰味，最好食係粒魚蛋好入味！豬頸肉撈檬$82，又係超大碟，底部占了生菜，豬頸肉燒得啱啱好，外面脆脆的，，入邊仍然好多汁粉都好彈牙！非常開胃馬拉盞通菜，這個我覺得超好味，用勁多馬拉盞去炒，通才細嫩，好食過我平時去九龍城泰國菜好多！整體來說，今餐十分滿意，價錢公道食物質量數量食得我好飽好滿足！

今日同朋友一齊青衣城食 馬來喇沙 海南雞飯專門店😋 抵食又好味😆👍🏻 朋友之前食過銅鑼灣既分店，經佢介紹下，我地就黎方便新界人啲既青衣城分店😋💓 我哋大概九點嚟到餐廳，等左一陣位可以入餐廳😆因為要等位嘅關係，如果大家喺繁忙時間食，可以搵一位朋友攞定位先😜餐牌有好多選擇，不但有馬來西亞菜，仲有泰式，印尼，印度，緬甸等等各式各樣嘅餸菜！💓仲有好多款賣相特別既甜品同飲品添^ ^304 MEE...喇沙 $84黎喇沙專門店食飯又點少得食返個喇沙呢😏 我就叫左有個手指公推介既喇沙😜👍🏻 有好多配料👻 有大蝦、蟹柳、蜆肉、魚蛋、豆卜，仲有海量既魷魚🦑😝！ 魷魚彈牙爽口，豆卜吸曬啲湯好正！ 魚蛋係勁好味😂 我咬左一啖之後留翻一半，唔捨得食🤣 大蝦就其實唔大，係普通size，口感好彈牙🦐🦐😝 最正既係個湯底🤤🤤超級好飲，香濃帶辣，好鮮味！ 然後個米粉索曬啲湯底，每一啖都🤤🤤 十分推介！！601 馬來海鮮炒粉絲 🇲🇾 $68粉絲入味，軟硬度適中，唔會好易斷😜另外好香蛋味，海鮮都足料，特別係蝦，夠曬爽口彈牙👍🏼👍🏼👍🏼 104 泰式蠔仔蛋🍳 $82呢一個小食係用鐵板上😋 一上枱已經聽到渣渣聲😚 熱辣辣👻

🍛午市套餐 印尼炒飯$72 包餐飲+前菜+湯+甜品🍛竟然會點飯食 因為真係好吸引🙆碟野上枱冒緊煙 而且顏值好高 加分😎😎飯的確炒得好有鍋氣 粒粒分明亦唔乾鐘意飯粒有少少硬 唔會過濕過淋🍚惹味帶微辣 唔會過咸同重口味餸有一串燒雞肉 煎蛋 蝦片 洋蔥 紅青椒 魷魚圈 蝦 🙆假如配料份量多啲會更好 太大碟飯😂😂個人覺得兩個女仔share一餐再加個小食剛好💁Btw估咁到前菜係一碗泰式鳳爪 甜品係椰汁糕 完全無hea你👍👍.💓花生酥餅$28 5大片💓一定要加呢個酥餅😍😍酥餅又薄又多層 令酥脆感覺更明顯👍但內層係厚少少帶嚼勁嘅 所以唔會好似淨食酥皮咁空虛😚入面係滿滿花生粒同少少煉乳 所以唔甜膩濃郁花生香加上脆脆口感 花生控一定要食😆每塊size細過手掌少少炸 所以$28 5片好抵食😎😎.仲有香蕉酥餅 煉乳酥餅等 價錢差不多啊💁

成班同事去食lunch，提議黎呢間。12點9黎到，已經人山人海。原來做緊波士頓龍蝦優惠。店面人手不足，都等左一段時間。限量供應的龍蝦喇沙，基本上係每檯都會見到有一碗的。但初黎嚐試，我決定先試招商喇沙先探虛實。