Mee...lemongrass (Megabox) (已結業)

Lunch有個牛河餐，有牛丸、牛柏葉、牛腩、生牛，其中生牛同牛腩好似擦子膠咁硬！啲河粉又淋到爛哂！我要求換碗新，唔洗2分鐘就上左，個河粉正常番，啲生牛同牛腩都係好似食左十分鐘既硬香口膠咁。我都想係我個人問題，同枱有朋友叫一模一樣牛河，佢直頭吃半口就放棄，直接夾起放枱面當垃圾！我諗唔會有下次，講真，$68蚊一碗牛河，起碼有少少expectation，呢一碗係差過一碗$30既街邊牛腩河！唯一安慰就係杯奶茶算好飲。

仲記得第一次食唔知摻摻係油麵mix米粉，以為廚師唔小心比多左我🤣🤣🤣🤣但見到無奶油比錯咁多！？就知道係自作多情😌🚩Mee...喇沙 $78😋白魚蛋彈牙爽口😂蝦就預左唔會係用新鮮架啦，唔彈牙都係預料中事🤣其次就有生菜豆卜蜆肉蟹柳半隻蛋。米粉油麵索晒啲湯，邊食邊流鼻水😝😝刺激得黎又會一啖接一啖🤤🚩馬來蜜汁炭燒厚切豬扒配喇沙 $78拿！呢個豬扒厚唔厚切就見仁見智😝但的確甜甜地好蜜汁，啲肉稔到有啲離奇🤣無牙婆都食到，不過好鬼多肥膏位🌚🌝丟左1/3～

九龍灣返工嘅我啱啱落單自取叫咗5 個飯 有金邊粉 有喇沙 有炒飯 拎到開盒食個時都覺得幾香同夠熱 心諗應該都幾好食！ 食左幾啖都覺得味道不錯 可以再encore 正常食飯都唔會點望一路扒黎食，好彩今次扒之前望一望 發覺有隻手指尾1/3 大嘅小強。。。 我食嘅係蝦醬炒飯 我研究咗陣係咪蝦黎 不過我讀bio嘅就覺得似小強多啲^_^ 之後都唔洗點講了 成盒扔 胃口都冇了 好彩嘅係冇扒到落口 幾好食都假 希望可以注意下衛生 可能係個別例子我唔好彩掛 唔講咁多了我睇下有冇肚痛先

Mee...lemongrass主打喇沙和海南雞飯，食物非常多元化，仲有泰式湯河、咖哩飯、印度薄餅等等，多款東南亞特色菜都有，風味十足，價錢都幾親民，所以都深受客人歡迎，回頭率幾高除左食物多樣性之外，飲品都唔差，有黑糖鮮奶系列、奶蓋茶、水果茶等等，不會太甜膩，可以令人暑氣盡消蜜汁豬排配喇沙 $78喇沙湯底用左多款香料熬成，配以有油麵及米粉，非常正宗，一上菜已經聞到好惹味濃香的湯底，豬排簡直係用巨塊黎形容，大過隻碟，炸得好香脆，配搭蜜汁，甜甜地好好味2. 無骨海南雞配喇沙 $78雞肉口感嫩滑，皮爽肉滑，無骨食好方便，啖啖肉，仲有兩款醬汁，分別是黑豉油和蒜泥辣醬，我覺得唔沾就食到雞本身鮮味，但沾左就更惹味，配飯一流

戲院第一日開返梗係去睇返場戲啦！朋友就揀咗戲院附近嘅呢間餐廳。因為朋友未收工我又好肚餓，咁就叫咗個拼盤食住先，個拼盤嚟到，梗係食我至愛嘅雞翼先啦，一咬⋯好嘢👍🏼隻雞翼竟然可以原全冇調味😓。跟住我哋叫咗兩個厚切豬扒喇沙，兩塊豬扒差別好大，一塊望落去已經覺得好乾，一塊有少許肥肉望落好似幾好食，但結果肉質都係偏乾，但個喇沙湯底做得幾好，唔會有好多香料渣，味道都唔錯。真心希望佢哋改善吓。下次去睇戲都可以幫襯吓。

昨日（12/12/2020）到這餐廳，之前曾到訪將軍澳分店，有過美好回憶及想再回味，知這商場有這餐廳，必食啦。下午二時，剛好是下午茶時間，叫了兩份下午茶。1）MEE...喇沙-大蝦,硯肉,蟹柳,魚蛋,豆泡,雞蛋 個名超長，上次都有食，碗內確實這麽多餸，每餸都是只有小量，滿足，喇沙湯底美味。2）馬來蜜汁炭燒豬扒撈檬粉，這個餐略嫌太大份，豬扒入味，撈檬粉既汁亦很好餐茶選了咖啡及奶茶，咖啡不夠味，但奶茶茶味太濃，較遜色

同事常勸多主動，我便約了認識個多月的他看電影看畢已近8pm, 不吃辣的他看了大大的龍蝦圖說想試這家我們點了波士頓龍蝦喇沙($88) +豬排菜飯+2飲品份量充足，味道佳，2人約$220性價比高豬排看起來普通，但口感煙韌，不喜硬炸的我蠻意外但這次後他就漸少話了，幾日後更沒再回msg原因我沒追問，因為他總是小心隱藏著自己…信任的人出軌後我才明白若對方不想被了解，你是永遠都無法了解戀愛需要回音…能做都做了，願這頓他也覺得美味飽足就夠了~ps. 有蚊滋扣少許衛生

想找間人少少的餐廳，可以放出文件處理事情，疫情下每處都不能超過一半入座率，於是便選了平日少人的megabox找餐廳。由ruby tuesday到madison’s，都覺得太貴，想慳啲又大啲，就想到曾經幫襯過的馬拉餐廳。點了主食外，還加了一口牛，加一前已價值$98，有少少期望會濃牛味的，點知... 上碟時是以鐵板上的，單看賣相，本身都還是有少少希望的，但吃下一二三粒後，可以說，疫情之下，以這個價錢吃這道菜真的是overpriced，牛肉味不足，醬汁同樣偏鹹，質感偏韌，無下次！

上個星期無意之中發現了這間東南亞餐廳，我們連同小朋友一行六人，叫了豬扒喇沙海南雞喇沙，牛腩粉，叻沙做得相當出色，牛腩偏硬un，他們說是工場運過來所以差一點，服務員態度友善親切勤力，令到我再去多一次，豬扒喇沙真的很好味😋價錢亦相當合理化算，希望在黃大仙區會有分店啦

星期日既megabox都幾多人🙈 其實係成個九龍灣都好熱鬧，去完啟德出返黎食晚飯，周圍都勁多人有啲嚇親😂 走左入呢間諗住平平地食下。喇沙有一半米粉一半油麵，係微辣偏甜，重椰奶味，鐘意食辣既人應該唔覺得辣😂 濛粉正常發揮，塊豬扒有啲蜜糖甜味☺️ 最後塊蠔餅真係勁大塊😳 通常呢啲蛋餅都係偏油膩，但呢塊有少少太油🙈 蠔仔唔係有好多，但size算大粒。btw店內不斷播韓文歌🤣無骨海南雞喇沙 $84馬來蜜汁炭燒厚切豬扒撈濛 $72泰式蠔仔蛋 $92

平時食開另一間分店既喇沙今次試下呢間分店有d咩分別先🤣我地今次係食tea set其實佢既tea set都唔平但佢分量係正常size 唔會細左 所以都okay無骨海南雞喇沙 $58呢度既醬料比出面少左一款不過對我無乜影響我都係食酸辣汁果個多黑色果個醬油對我黎講有d苦海南雞夠滑比起其他分店呢間分店既海南雞大大舊👍🏻喇沙椰香味濃 湯底無乜渣食開喇沙既人應該食過出面有d係好多渣豆卜吸收哂d湯汁 正👍🏻芭堤雅蝦醬炒飯 $64蝦醬味濃 但飯比較爛肥豬肉好淋身 但我覺得太肥膩了成個飯都有點油招牌無骨海南雞飯 $62轉左白飯

Gulu攞位真係幾方便，今日去左Megabox食lunch。雖然張飛既號碼過左，不過我地好快都被安排入坐。我地兩個人分別叫左兩款喇沙，食左百幾蚊。1. 波士頓龍蝦喇沙(原隻)估唔到龍蝦真係咁大隻！只係食起上黎唔太方便。麵有分兩種，分別係粗麵同幼麵，有哂兩種口感。個湯都算辣，但可以叫小辣既。龍蝦留係最後先食，一開始就食哂d麵先，龍蝦食係上黎唔太方便，如果有碟同剪刀會好d，但係味道真係一流，因為有鮮味加上湯汁。2. 馬來蜜汁炭燒厚切豬扒配喇沙麵唔多講。豬扒真係又厚又大件，軟硬適中，仲切好左幾舊令客人食得方便d。仲有Lunch set可以配野飲。

東南亞菜🇵🇭🇻🇳今日去左九龍灣食晏☺️哩間都算係幾有人氣既連鎖店 出名食喇沙🍜 我地去到個陣已經兩點 變咗食下午茶😅 價錢仲抵！ 鋪頭吾算多人 吾洗等亦可以坐到sofa 位 都ok好坐.🐷馬來蜜汁炭燒厚切豬扒配喇沙 $62我第一次食喇沙 覺得幾好食😋 好有椰香 食到好濃既海鮮味 吾會辣 麵底係摻摻(米粉mix 油麵) 吾知係咪太餓😂食到停吾到口 而豬扒用左蜜汁 好似bbq 啲豬扒既嫩滑版😆 不過唔知點解佢啲香茅一支支咁 好易攝牙罅🤭CP:🍜🍜🍜🍜😋: 🍜🍜🍜🍜回購: 🍜🍜🍜整體黎講味道好正 不過係高熱量同重口味既一餐🤫😆 要儲下quota 先可以再戰💦 另外因為係下午茶 價錢都算抵 如果晚餐食連加一 每人都要$90架 間中食一次都👌🏻既

輕鬆一篇今日去咗九龍灣MegaBox去行街，行到攰又肚餓就揀咗一間越南泰國菜嘅餐廳。下午茶餐牌款式多，揀咗好耐最後揀咗個喇沙海南雞，再叫咗杯手搖黑糖珍珠鮮奶。喇沙湯底蝦味濃郁，小辣但係搶口。海南雞非常滑，肉質鮮嫩，要彈嘅可能係啲雞切得唔好。可惜我淨係影咗一張相，都唔好意思長篇大論，但整體來講，我覺得可以一試再試，因為真係幾好食，同埋價位合理。

Mee(MegaBox)今日去開Mega 同女友行街街, 見到依間餐廳唔錯就入去食啦原來之期係馬鞍山分店都食過啦, 佢地既喇沙出色馬拉盞炒通菜馬拉盞，比較惹味。唔算辣，我怕辣嘅都入到口。馬拉盞夠惹味味道香濃，唔會過鹹，通菜好嫰。無骨海南雞喇沙海南雞配喇沙呢個組合都幾好，海南雞與喇沙分開上，喇沙湯味道好濃又香，海南雞好嫩口，份量都唔算少喇沙海鮮麵意想不到的是，這個湯底出奇地好味，不會太辣太咸非常適中，還有很多豆卜，把湯汁都滲透了特別多精華同正！芝芝芒芒有芝士味，芒果味香茶底清新, 女友都話好味依間餐廳食物質數都OK , 可以再食#foodie #hkblogger #foods #hkfood #hkfoodie #likeforlikes #like4likes #likeforfollow #likeforcomment #likeforlikeback #likeforcomments #instalike #followers #followers #photooftheday #amwriting #blogging #newblogpost #instablogger #me