Mee...lemongrass (Megabox) (已結業)

戲院第一日開返梗係去睇返場戲啦！朋友就揀咗戲院附近嘅呢間餐廳。因為朋友未收工我又好肚餓，咁就叫咗個拼盤食住先，個拼盤嚟到，梗係食我至愛嘅雞翼先啦，一咬⋯好嘢👍🏼隻雞翼竟然可以原全冇調味😓。跟住我哋叫咗兩個厚切豬扒喇沙，兩塊豬扒差別好大，一塊望落去已經覺得好乾，一塊有少許肥肉望落好似幾好食，但結果肉質都係偏乾，但個喇沙湯底做得幾好，唔會有好多香料渣，味道都唔錯。真心希望佢哋改善吓。下次去睇戲都可以幫襯吓。