Mee...lemongrass (彩園廣場) (已結業)

上水最近多了很多新餐廳，多了新的選擇，平日放工返到上水大多跑回家食飯，這晚沒有住家飯食，就一於出街食飯，偷懶一天。之前經這這間東南亞餐廳，見到裝修很精緻，門口有外賣飲料供應，於是今次就入去試下。兩個女仔又不吃得多，所以只點了兩個主食和一份小食，最多都是棒住肚子走呢。香茅雞翼煎炸得皮香肉嫩，濃濃的香茅味，把雞翼煮得十分惹味。雞翼配的木瓜沙律很清新，木瓜絲爽脆香甜，沙律汁酸酸甜甜的，十分開胃。檳城炒貴刁比想像中大碟，而且十分足料，有炒弓一般的炒貴刁都比較多油，但是這個油分比較少，食完不會在碟上見到剩油。這份緬甸咖喱雞一點也不辣，甜甜的咖哩很適合香港人的口味，雞肉的份量很多，還有好幾塊我喜歡吃的薯仔，用來送飯一流!這杯熱的宇治抹茶奶茶比想像中大杯，抹茶味精十分香濃，但一點都不苦澀，奶的份量剛好不會太多，恰到好處，性價平十分高。

食物垃圾1）個秘製特色牛骨湯河完全無味，求其用滾水滾熟啲肉，啲湯又無味。2）海南雞飯又係無味。3）連杯檸茶同好立克都無味。希望呢間野快啲執笠，開過另一間，大家唔好中伏。

今日同男朋友去上水整啲野 所以就決定係上水食埋晚飯先走，行過見到呢間啲裝修同食物都幾吸引 就入左去食。106-香葉蝦仁米紙卷6件 $66食落好清爽好清新 蝦仁幾爽口！🤓202-無骨酸辣鳳爪沙律 $72呢啲個汁酸啲 係一個好開胃既小食 而且好岩食肉獸既朋友食 無骨真爽😌😙306-炭燒豬扒喇沙 $74豬扒有塗上蜜糖 好好味但豬扒本身質感偏硬身，而喇沙湯非常濃郁 飲完好似去左泰國馬來西亞個啲國家咁😂 不過唔食辣既朋友可能會覺得辣！同埋超大份😆502-馬拉盞炒通菜 $64通菜非常吸馬拉盞既汁 所以好正！☺️607-招牌無骨海南雞飯 $78雞皮好滑好彈 雞肉雖然唔算滑 但都可接受 因為佢有例湯，菜，雞同飯。基本上嗌一個呢個已經好夠飽 但我地唔知 所以叫左好多野食（個時太肚餓），好彩最後都差唔多食曬～😌最後，忍唔住叫左個芒果糯米飯外賣比屋企人食，外賣而家仲有八折好抵！

今日黎到上水揾好野食，呢間mee lemongrass之前係靑衣已經試過一次，但靑衣店已結業，今次黎到上水店，吾知質素如何呢黎到既時間仲係下午茶，tea set menu好多選擇，樣樣都好想食，而且價錢合理我見到主菜單有個波士頓龍蝦喇沙勁吸引，不過今日食左下午茶先，下次再試首先上既係海南雞飯，個雞十分嫩滑，而且入味，點埋個醬簡直完美。飯亦都吸收晒d雞味，齋食飯都超好食，而餐配既湯都好清甜呢個蜜汁炭燒厚切豬扒撈檬，都係出色之作，個豬扒又嫩又入味，檬粉質地好好，吾會好碎，呢個可以俾滿分芭堤雅蝦醬炒飯都好味，飯夠乾身，飯粒都有蝦醬既香味黑糖鮮奶珍珠係我最愛，呢到既出品都十分吾錯今餐食得十分滿足，每樣食物都好出色。每次食完美味既食物都會令心情好一整天

諗住放工去上水配眼鏡，順便同男朋友撐下枱腳。就係openrice 度搵到依間泰國菜。依間餐廳係有賣手調飲品嘅，唔洗淨係飲檸茶檸水👍🏻👍🏻我就叫左杯芝士奶蓋四季春。唔算好甜，但茶香而且芝士奶蓋都打得好滑身👍🏻男朋友就叫左一杯宇治抹茶仙草。抹茶味好濃，加埋仙草都幾夾。依份龍蝦喇沙真係不得了，cp值超高。隻龍蝦成隻手掌咁大隻，加上超好肉仲有膏👍🏻👍🏻但只係88咋❤️❤️我地仲叫左一份串燒，有2串雞，2串牛。都燒得好好味又唔乾👍🏻最值得讚嘅係伴碟嘅水果，好開胃👍🏻豬扒撈檬係我嘅最愛，酸酸甜甜，好開胃嫁，而且份豬扒都好大塊❤️岩晒果晚收工好餓嘅我又點會少得甜品呢，我就叫左份椰汁千層糕同芒果糯米飯，椰香味超濃，煙煙韌韌咁❤️正呀

今日去上水探朋友 就去咗佢附近食東南亞菜 佢話經常都好多人食就帶我嚟試下 我哋好早就入咗 所以唔使排隊 餐廳環境坐位都舒服小食拼盤 $148兩個人食嘢小食唔可以叫好多樣最好就係叫個小食拼盤咩都有啲 今次個小食拼盤有蝦餅 串燒雞 春巻 雞翼同無骨鳳爪 沙嗲汁做得好好食 用呢配串燒真係一流 無骨鳳爪夠曬入未 招牌無骨海南雞飯 $78雞肉份量好多 去咗骨真係方便我啲懶人食啖啖肉 雞肉嫩滑 配埋佢嘅秘製醬汁更加好食 雞皮都好爽脆 平時唔食雞皮嘅我今次都連皮食飯龍蝦喇沙 $58喇沙湯底香濃 陣陣椰香味 半隻龍蝦蝦肉非常彈牙 面底係（侵侵）即係油麵同米粉兩樣撈埋煮口感好特別香芒椰汁糯米飯 $48因為叫咗兩杯嘢飲所以糯米/飯都食唔落要打包返屋企食 同傳統糯米飯唔同佢係好似壽司咁分開四舊一口一口咁食 椰汁另上自己鍾意加幾多悉隨專便 個糯米飯軟硬度適中 呢個甜品真係推薦芝士黑糖鮮奶 $25芝士味好香 黑糖味唔會遮蓋咗鮮奶嘅味道好飲茉莉綠茶 $18朋友叫咗個綠茶 都話淡淡清香食飽飽之後覺得呢間餐廳回頭率極高 見到佢都仲有其他分店

有次同朋友們在上水踏單車運動後, 到附近開胃的東南亞菜~mee...lemongrass 食晚飯。 這店裝修以木為主,地方好舒服。***【地道串燒】可選牛,雞 $66 我選擇全牛串燒,想不到咁大盤, 在旁仲有青瓜、菠蘿、蕃茄仔、麵包條。 牛肉串燒質感頗有咬感,有濃濃牛味, 啖啖肉好Juciy,另可沾點沙嗲醬或咖哩汁,更惹味。**【香脆鱸魚配青芒果汁】$132 鱸魚身上舖滿了青木瓜及芒果絲沙律,十分有份量。 魚的皮好脆口,外脆內軟,而魚肉好嫩滑, 沾上甜酸青芒果汁或,令魚更鮮美可口開胃, 可與沙律一齊同食更多口感美味。**【馬拉盞炒通菜】$64 這通菜炒得很香很惹味,通菜好鮮嫩及少渣。**【MEE喇沙】$82 這喇沙有好豐富有好多餸, 大蝦、蜆肉、蟹柳、魚蛋、豆卜及雞蛋。 有兩款麵條掛著最正濃郁喇沙湯底, 具香濃椰香帶微微辣, 甜辣交替刺激食欲,十分好味呢!

平日晚餐時間並不多客人，環境坐得疏落，寧靜， 舒適 ，服務唔錯。好啦，講番食物，叫了個印尼炒飯，係最快出場的食物，点完餐都唔駛5分鐘就出咗，見到個樣係正常的，但食落同快餐店的出品差不多，首先在上面個蛋係凍的， 好明顯係一早煮定 ，另外個飯係暖嘅，應該都係一早煮定，但味道正常的。杯飲品係好味的，有芒果味同茶的香味又不太甜，推薦做緊特價的半邊龍蝦啦沙就痲痲地，啲肉好鞋，好韌，冇味又唔熱，好似煮好放咗好耐咁總體嚟講，食物痲痲，CP 值唔高，如果想坐得舒服同對服務有要求的是可以的。

首推印尼炒飯好食，個飯有鑊氣，又有魷魚同大蝦，足料! 仲有兩塊大大塊嘅炸蝦片，十分脆! 可以再食! 龍蝦麵喺用拉麵和米粉混合煮成㗎，非常特別，味道算唔錯，湯底濃郁，可以一試。至於小食併盤有雞翼，酸辣鳳爪，魚餅，串燒，炸春卷，有齊一般泰國菜必食嘅小食，醬汁味道亦不錯。甜品方面叫咗芒果椰汁糯米飯，賣相頗特別，椰汁分開另上，鍾意加幾多就加幾多，味道都合格，唔會過甜。飲品方面淨係叫咗杯芒果芝芝，芒果酸酸甜甜，都好好飲。

Mee....lemongrass Yummy yummy 😋😋幾好坐!! 店員態度都好適合同友人坐低傾下計 😍😍食物方面性價比高 1 軟殻蟹米紙卷入面有芒果紅椒青椒黃椒加上長長脆脆嘅軟殼蟹好食2 泰式蠔仔蛋上菜嘅時候熱辣辣 有個鐵板嘅入面有好多豪仔 個蛋呢煎得好香 推介3 馬拉盞炒通菜好大碟好抵食 好入味D菜唔老 okay ga !!4 馬來庶蝦睇張相 隔住個mon都覺得好食足料 好爽 蝦味重5 芒果糯米飯食泰國嘢點可以唔食佢重點甜品啲芒果好甜好香 加上糯米飯有餘溫好好食

前排探朋友入到去上水，上水依家無左水貨客同大陸人，係冷清左好多，同時都舒服左好多！見到好多鋪都結業，唔知食乜去。朋友就話去食呢間食東南亞菜既連鎖店。雖然味道係幾好，環境都坐得舒服，但我略嫌覺得個價錢係有些小園貴。馬來蜜汁炭燒厚切豬扒撈檬粉 ($72)推介指數：9.5/10個厚切豬扒真係燒得超好，個皮係有小小脆既感覺，加上用蜜汁去燒，係非常juicy，超級正！肉質亦十分鬆軟，就咁食個蜜汁燒豬扒我肯定俾滿分！但個撈檬粉個口感無乜特别，唔算有驚喜，係呢度係會有小小失分。不過個豬扒真係好carry！軟殼蟹紙米卷 六件 ($68)推介指數：7.5/10呢個係有小小失望，因爲我expect會食到軟殼蟹既味道，但同朋友食完既反應都係「好似無軟殼蟹咁既」，係呢個位係比較失望！不過總括味道係幾好，以呢個價錢只可以話尚可接受。我覺得個蜜汁燒豬扒係十分值得一試！不過價錢係會偏貴小小，但以豬扒咁既質素係絕對可以接受，只係紙米卷唔足料而扣左小小分！

係呢區好吃的食肆不多，尤其是一些東南亞食物，呢間食物和品質不錯，所以間中都會去食。必吃的厚切豬扒———咬落軟熟，香脆外皮熱辣辣的口感。味道帶一點甜的做法，再點一些配上的帶微辣的醬汁，吃得特別滋味.......😋肉骨茶——材料相當豐富，足料入味，須然肉骨茶的味道不是我曾經在馬來西亞喝過的出色，但也是做得不錯，也迎合到香港人的口味⋯⋯海南雞🐔配油飯——-海南雞🐔，肉質嫩滑，點上醬汁更吃出海南雞的風味。油飯——不會過油，油飯軟硬度適中，味道亦不錯軟殼蟹米紙卷——吃下又清新又清爽的感覺，軟殼蟹脆卜卜，香口又香脆，蔬菜🥬又爽又甜，最佳配搭，最愛吃米紙卷的煙煙靱靭的口感，好味道。環境雅緻，坐得舒適，服務亦不錯。

今次嚟上水彩園廣場食嘢，知道呢間mee lemongrass已經開咗一段時間，長期都唔排隊都受歡迎，一直都好想來食！今次多幾個人一齊嚟食！試咗好多野！龍蝦喇沙麵，賣相好正！大大隻龍蝦係碗，真係好足料，好大舊，雖然應該係雪藏龍蝦，但$70幾真係好抵食！因為做緊半價！另外，蜜汁厚燒豬扒好淋身超好食，豬扒又大塊又夠厚，好多肉呀！食到頸渴就試咗幾款嘢飲，有黑糖珍珠奶茶，茉莉綠茶，四季春芝士茶！大大杯，都幾解渴！又抵飲！馬拉盞炒秋葵好有馬拉盞味！有秋葵好特別，仲可以有利排便！好少何可以喺泰國菜都可以食到！無骨酸辣鳳爪沙律酸酸辣辣唔錯！地道串燒有兩串豬肉兩串牛肉，仲有麵包多士，再配埋串燒汁，好食！唔點醬食都好夠味！芒果糯米飯分量剛剛好，唔會太多，又可以一啖食一舊！椰汁千層糕，有4舊！煙煙unun！唔錯！下次會再黎！希望keep到水準！

周圍去搵嘢食，今日响上水出現，上網搵地方食午餐，見呢間都多人推介，入嚟試下佢啦~又想食海南雞，又想食喇沙，咁就啱喇，呢到有個海南雞喇沙，可以滿足晒我兩個願望一睇個賣相，唔錯，食落啱晒我口味，喇沙少少辣，又有椰香味，個雞夠滑，又要去埋骨，啱晒我呢啲懶人

最近疫情關係，都好少出去食，出得去食就當然要食啲好味既！宇治抹茶珍珠，抹茶夠濃味，珍珠少少甜又煙韌。伯爵珍珠奶茶，相對上比較淡味，但茶味較香。Mee…小食拼盤，每樣有啲唔洗諗。蝦餅好香幾彈牙，無骨鳳爪夠酸唔太辣，雞翼夠味但稍為乾左啲，而個沙爹醬係最好味！緬甸咖哩雞，味道較重唔算辣，要黎撈飯一流，而雞肉雖然唔算嫩，但入哂咖哩味。蜜汁炭燒厚切豬扒配喇沙，炭燒豬扒有肉汁，連埋蜜汁好好味；喇沙個湯好夠椰香，辣度適中。慣性地好味既喇沙會係連湯都飲埋！近排仲做緊外賣自取優惠，買返屋企食夠安全。