Mee...lemongrass (彩園廣場) (已結業)

同朋友係上水食晚餐，去左上水站附近既彩園商場既一間食泰國同馬來西亞食物既餐廳！晚市時間，門外好多人拎飛等緊位！係門口位有個賣飲品既counter~食物有好多選擇，我地叫到成張枱擺滿野食～軟殼蟹米紙卷，薄薄既米紙包住好多蔬菜同軟殻蟹，有咬口得黎又香脆！無骨酸辣鳳爪沙律，酸酸地加少少辣，開胃之選！無骨海南雞喇沙，雞肉嫩滑，點黑醬油食，喇沙湯底香濃，豆卜浸得好入味，讚！馬拉盞炒通菜，炒得翠綠！泰式蠔仔蛋都唔錯，唔似蠔餅煎炸得咁脆，蠔仔炒蛋另一番風味～香芒椰汁糯米飯，食返個甜品，壽司造型擺得好睇，另配香甜椰汁！食得超飽，下次再食要預時間等位！

彩園商場越來越多食肆，想吃星馬泰菜式，非Mee...lemongrass 莫屬。Mee...lemongrass 餐廳門口更有售賣台式飲品，可以買進餐廳內飲用。半價享用足版喇沙。無骨酸辣鳳爪沙律 $62，酸辣度剛好，不會太刺激，鳳爪爽口，吃得開胃。地道串燒(牛雞共4串) $62，還伴有菠蘿、青瓜、多士，串燒燒得蠻香口，記得要趁熱吃，才更有肉汁更惹味。香脆鱸魚配青芒果汁 $98，鱸魚快要被大量青芒絲淹沒了啊! 鱸魚炸得香脆不油膩，沒有過多的粉漿，沾上青芒果汁及青芒同吃，酸酸甜甜的，好適合這悶熱天氣的菜式，難怪好快就沽清。酸辣味道停不了，檳城炒貴刁 $72，別看它像乾炒牛河的顏色以為不辣，入口是微甜，到喉嚨時變辣，麵條獨立分明，乾濕度適中。多款甜品，香芒椰汁糯米飯 $42是必點的，糯米飯好軟糯，加上香甜芒果與椰漿，大人小朋友都愛吃。四季春奶蓋 $27，清徹茶香加上厚厚的奶蓋，若奶蓋鹹一點會更美味。

新開但又好似周圍都有呢間野出現喺九龍灣 青衣城都見過二人位排左十分鐘左右就有得食茶同野食係分開買 咁點都係等就買左茶飲住等因爲新開 所以茶有買一送一優惠 買貴送平 有奶蓋系列 有水果茶 有黑糖奶野飲係走台式路線但略嫌嗰啲送飯太full 所以就咁叫左杯東方美人同凍頂烏龍我就覺得凍頂烏龍好飲啲唔知係東方美人冰多定浸得唔夠耐 好似冇乜茶味本身係嗌有推薦符號既馬來蜜汁厚切豬扒飯不過豬扒賣哂 咁嗌真係主打既海南雞飯啦。。。個油飯係好食既個湯都好飲既 菜就略少同太油但隻雞就真係好普通 唔係好明點解係主打又缺少左海南雞 雞皮同雞肉中間層透明啫喱可以既話應該豬扒會好食啲另外就叫左個新開限定既龍蝦喇沙真係成隻龍蝦上哈哈哈隻碗好大隻 但個碗唔深不過米粉幼 所以其實個份量都真係好多米粉都分到三四碗重點推介！！龍蝦開左半 蝦鉗位都扑開左 仲比埋手套所以唔洗食得好狼狽個湯都有少少辣 我冇食開辣野所以一啖茶一啖粉唔影響味道 係好食既！個湯帶啲椰奶香 好滑 豆卜索哂啲湯食落係有少少甜又有少少辣個質感都係正既！最後埋單173.8 + 25茶 茶冇加一

上水，4年前因某D事經常來，而呢幾年似乎就没乜來過。今晚來到上水站，見到人頭涌涌，由A1經天橋來到彩園商場，為咩?為了尋找美味東南亞美食，係喇，就係佢～mee lemongrass.足爆版海鮮喇沙，有两隻大扇貝，一隻大大蝦，一隻魷魚，2隻大青口及四隻蜆仔，極之足料，豐富好味海鮮下有很多的『滲滲』同埋豆卜及青菜，而喇沙湯另上，幾特别，由你自己控制湯的份量，要幾多加幾多。肉骨茶，來到東南亞店必叫，同樣没有令我失望。两樣特色小食之一『手作斑蘭椰絲卷』，斑蘭外皮伴著内裡full晒椰絲，好有層次感;之二就係花花形狀的椰汁干層糕，好有美感又够煙韌两杯珍珠類飲品又平又多料，D珍珠够Q彈。

老家在上水，原有既餐廳都食到厭，行過見到彩園呢間新開既，好多人係門口等位，就諗住試下，點知一試就愛上！應該會是繼茶木之後會有人排隊既上水新餐廳！全場爆滿，新開好多人過黎試。係門口位有茶飲外賣，依家好似好多餐廳都係咁做，一雞兩味。首先要高度推介既係呢碗海鮮喇沙，以前我都食過好多唔同嘅喇沙，但係一直都未覺得會好想再食，但係呢碗就推翻左我以前對喇沙嘅感覺，湯底非常濃郁，酸辣味調得好開胃，米粉吸曬啲汁食落去真係好正！小食拼盤，呢一款都幾多人叫，因為我諗係有齊晒咁多樣小食，唔使煩～係咁多款小食裏面，我覺得最好食嘅係串燒，肉質唔錯亦都有燒烤嘅香脆，反而最唔好嘅係中間嘅無骨鳳爪，因為味道太淡了，如果入味少少會好啲，其他嘅春卷、雞翼同炸蝦餅都係唔錯嘅。芒果糯米飯，純粹係口痕太耐無食，所以就點左，芒果夠甜，同黎止下口癮都ok。地道蝦串燒，一共4支，賣相唔錯，味道都幾好，不過蝦唔算好大隻，所以性價比一定不夠喇沙高，哈哈。員工態度唔錯，全部都好勤力招呼，會再幫襯！

星期日 7/7/19 試新野 一行三人取票等了一個半鐘才有位，好期望這麼多人食！Order了一客海南雞飯和一客豬扒撈蒙，海南雞飯的賣相慘不忍睹、寥寥可數的幾件雞，賣相都差到不得了、好似頭頭尾尾，海南雞飯不是油飯而是白飯，再者米的質量相當差！ 跟餐的湯全完唔好飲！送碟迷你油菜我覺得一點油也沒有落！味道我不能接受！另外豬扒撈蒙粉，猪扒非常硬不鬆軟，沒有拍鬆，蒙粉好難食、配菜只有生菜、沒有但是青瓜絲、紅蘿蔔絲！埋單仲要加一 吓 ！一次試完永不幫襯。

作為無飯家庭既我，都會為左每晚去邊道食飯頭痕，所以成日都會留意屋企附近有無d咩新開既餐廳好食，今晚終於比我捕到喇！話說今晚行過彩園廣場呢邊見到有間新餐廳，仲係一間我之前喺megabox食過覺得幾好食既餐廳，梗係諗都唔浰諗就入去試下。餐廳座位唔算好多不過唔會有好迫既感覺，環境都好新淨，唔錯。食物方面，叫左個Mee喇沙，我叫左細碗d果碗咋，但都已經好大碗，勁多餸好抵食，款式又多有7個餸，個麵都好入味好正，必叫首選！跟住叫左小食拼盤，好豐富呀又係有勁多款唔同既食物，啱哂我眼闊肚窄既人，蝦餅串燒香卷樣樣都好正。無骨海南雞半份，d肉好嫩又滑又彈牙，無論賣相同味道都係一流。最後叫左個泰式蠔仔餅，蠔仔勁多，粉薄好香好惹味。跟住個飲品真係要讚下，叫左個鮮果東方美人茶，勁大杯好抵飲，d生果好新鮮，我仲食埋野飲入面個蘋果添！呢一餐我食得好滿足，以後我又多一間食堂夜晚可以食喇！

今日放假上了朋友家打幾圈。但有兩個話有下場。只得返我同另一朋友。剛巧他家樓下有間新開海南雞專門店開張。更係要光顧下。排隊時間俾我想像中短。唔駛15分鐘！肉骨茶-本人要求會比較高。因為我經常食。這次睇菜單時已經決定一定要點.湯味濃入口感覺滿足。藥材味滿出。再加以特製木碗盛裝。更顯特式。肉骨亦肉骨分離。易入口海南雞飯-絕對要食的一款菜式。油飯香味撲鼻。雞味濃郁。入口雞肉嫩滑。除了喇沙。海南雞飯真是不二之選香脆爐魚配青芒果汁-真的要讚既一道菜。魚身新鮮香滑。師傅的功力好深.魚肉炸完後依舊香脆內滑。大大話話有7-8件。魚骨亦炸得脆脆美味。配菜更加添口感。可以消除口腔中油味。清爽口感。值得要食！Mee 喇沙-最重要係湯底。其次係粉的軟硬配合。當然不可缺少的新鮮海蝦。整碗喇沙絕對是招牌貨必食的菜式水果茶-新開張買一送一。新鮮果茶。清新可口。不二之選。椰汁榚-款色創新花樣。出爐上到我面前仲熱的。我比較喜歡濃味食物。如果椰味再濃更好。但我朋友喜歡這可口甜點

好朋友就住上水，知道這裡新開餐廳，一於捉她一齊試下！一去到已經好多人排隊，見到侍應們都好忙，但服務仍然好有禮貌和有心，值得一讚！泰式蠔仔蛋蠔仔肉鮮甜肥美，煎蛋的口感是厚厚的，亦不失鬆軟感覺；味道剛好，最喜歡的是底下有十分多芽菜，感覺清新； 還有一酸酸甜甜辣辣的汁伴著，很好吃！Mee喇沙-十分足料！有魚蛋、大蝦、魷魚、蜆、蟹柳、豆腐卜等等，湯底有濃濃的椰香味，喜歡它不辣！喇沙的米粉和麵條都很掛湯，所以很美味！Mee小食拼盤-拼盤上全是我喜歡的食物，欣賞竟然有白雲鳳爪！酸酸甜甜的，一口氣吃下幾隻！然後炸蝦餅、串燒、雞翼和春卷都做得很出色，雖然都是香口的食物，但仍然保留juicy的口感，讚！香芒椰汁糯米飯-這個是我最喜歡的菜式，它有別於一般芒果糯米飯，糯米飯的口感軟軟滑滑，它肉壽司般一塊塊的，糯米飯上面鋪上甜甜的芒果，配上香滑的椰汁，又香又甜又好味！鮮果東方美人茶-飲品也做得出色，這個鮮果茶十分多水果，清新解膩不會過甜。芒果芝芝冰茶—朋友喝這個亦很好喝，有濃郁的芒果味，芝士味不會過搶，恰到好處！最後埋單每人約$200，就吃到這麼多好吃的食物！下次會再來！

👫食開泰國菜有條癮🇹🇭 今次仲要出到嚟上水試下呢間新餐廳，除咗嘢食外，仲有台式飲品添😳 下午茶時段好抵食，餐廳都幾多人☕️一一一一一一一一一一一一一一#招牌無骨海南雞飯 <$58>有菜有飯有雞，下午茶嚟講都幾抵食🤘🏻雞件份量唔算多，但件件都係無乜骨，食落啖啖肉☺️雞皮偏肥，食落有少少膩，不過勝在夠嫩滑😳湯嘅味道清淡無味精，醬料就有甜醬同辣醬🤔.#檳城炒貴刁 <$58>食落好似乾炒牛河嘅味道咁，不過啲牛肉就變成海鮮🙈海鮮配料豐富，有魚片頭、青口、蝦等等😄份量雖然唔多，不過炒到好香，色澤都好靚😚.#馬拉盞炒通菜 <$58>食馬拉菜必嗌嘅一個菜式😆份量好足，食落口感爽脆，而且食落有啲啲辣，好香口，值得一試❤️.#馬來蔗蝦 <$68/3件>3大件嘅蔗蝦即叫即炸，上檯個陣仲熱辣辣☺️咬落比較實身，炸得香脆，不過味道偏鹹，影響咗整體嘅味道😟.#香芒椰汁糯米飯 <+$26>加$26蚊就有得做升級甜品，好抵👍🏻Total有4件，同一般壽司嘅份量差唔多👅糯米飯咬落煙煙韌韌，加埋椰汁同芒果香甜嘅味道好正，一定要試下🤤.#芒果芝芝冰茶

很少來上水，經過彩園廣場看到很多人排隊等這間新開的餐廳，我們見時間充裕，就一起排隊試試。主菜叫了Mee...喇沙（$76），材料非常豐富，有大蝦、蜆肉、蟹柳、魚蛋、豆卜、雞蛋 和魷魚，米粉吸取了湯底，很惹味。另外還點了招牌無骨海南雞飯（$74），雞肉嫩滑，配合油飯非常惹味。甜品點了香芒椰汁糯米飯（$42），碟子是拖鞋的樣子，造型很可愛，芒果鮮甜，糯米飯口感較一般硬一點。特別推介飲品，新開優惠外賣買一送一，有很多選擇，我點了桂花烏龍奶蓋茶（$27），走甜剛剛好，奶香茶濃，而且很大杯呢！

上水地方一向難搵馬來西亞餐廳, 最近竟然係火車站附近既彩園廣場見到大排長龍既Mee...lemongrass,門口既長龍原來是因為飲品買一送一，見到咁多人等位，喜歡趁熱鬧既媽媽亦提議不如試下喱到既Dinner晚市時段超級多人，建議早少少來，六七時會較易入座。餐廳採用半開放形式，外面排隊時都可以見到餐廳內既情況。食物上菜很快，種類亦唔少，以東南亞菜式為主，喜歡泰菜既亦絕不會失望，串燒、金邊粉、鳳爪等應有盡有。講返正題先，除左環境同服務，食物都有返咁上下質素。媽媽叫左一個海南雞飯，原本以為只是一個飯，但原來有菜有湯，超級抵食。媽媽話雞肉好嫩滑，肉質岩岩好，加埋雞皮超級下飯！只係媽媽正值減肥，唔敢食咁多咋～另外，今次亦叫左每次到泰國餐廳必食既小食拼盤，一試試哂所有小食！喱到既小食拼盤份量多到有D過份！120蚊有雞翼、串燒、蝦餅、鳳爪、春卷。上菜時，有點後悔點解自己咁貪心！個人覺得喱個拼盤簡直可以做我既正餐，食完唔食飯都可以。每樣小食都食得到熱辣辣，一D急凍味都冇～我最喜歡佢既泰式鳳爪，好入味～ 喜歡豬排既必定要試下炭燒豬排撈檬，大大塊勁香既豬排配埋酸酸既檬粉，中和左當中既油膩感。份量一樣係大

一直都幾鍾意食Mee lemongrass！之前係火炭返工，成日Lunch Time都同同事食。今次知道佢係屋企附近開左，我就帶左屋企人食(´▽｀)上次食了雞串燒，今次就食左地道牛串燒。牛燒得夠香，但又唔會過乾。個沙嗲汁花生味香，味道唔辣。個串燒仲會包幾塊厚多士，可以吸盡沙嗲汁的精華，如果大家點唔曬D汁就一定要食哦。馬來一品牛柳粒以鐵板上，食的時候熱辣辣，黑椒味香，而且夠軟熟，非常惹味。我們四個人叫左一隻招牌無骨海南雞，一份有好多，雞皮有少少厚，但夠香。雞肉嫩口，點埋個甜甜地的醬油，味道的層次就更豐富。馬來蜜汁炭燒厚切豬扒配菜飯的豬扒確係幾厚身，肉質軟熟而且都好入味。軟殻蟹撈檬的軫軟殻蟹比想像中細左少少，不過都炸得幾香的。檬粉彈牙，加埋配菜及花生粒，口感豐富。馬來海鮮炒粉絲炒得夠乾身，𠱸會痴埋一「餅」野。唯獨海鮮少左D，如果多D餸就會更好了。馬拉盞炒通菜味道夠香，而且無炒得太耐而變得太軟身。黑糖鮮奶成為城中熱話，呢到25蚊就有超大杯，係絶對抵飲之選！餐廳用了北海道牛奶，所以奶味香，加埋香度十足的黑糖，味道真心唔比一般手搖飲品店差。草莓芝芝冰茶的草莓味香，味道酸酸甜甜，好適合夏天飲。==

彩園近排新開左間連鎖式泰國菜舖，今晚就同老婆黎食。黎到唔少人等位，等左半個鐘左右就入得。門口仲有飲品外賣，都好多人等緊。鮮果四季春茶，生果味較重，所以偏甜，茶味雖少但有回甘味。伯爵珍珠奶茶，老婆話好少見用伯爵茶黎做，飲落幾好味，而且珍珠煙韌。馬拉盞炒通菜，菜莖仲好爽口，唔太咸少少辣。軟殼蟹撈檬粉，炸粉唔厚，脆卜卜既蟹殼包住少量蟹肉，雖然有少許油膩，但連埋清涼既檬粉食就完全消去了。招牌無骨海南雞，因為半隻同一隻只係相差$40，所以叫左一隻。雞肉好腍超滑，如果皮整得爽口啲會更加正！地道串燒雞，燒得好香，咬落仲有肉汁喺到，味道唔濃，沙嗲醬好香好夠味，用黎點多士好好味！

我發覺呢排北區靜靜起革命，呢排食左幾間野都好高質，今晚行過彩園廣場見到有間野新開張又勁多人等位，望下個餐廳名原來Mee.. Lemongrass黎左北區開分店！我開心到叫左一聲，因為之前喺皇室堡食過一次覺得好正，成日諗如果佢喺屋企開分店就好喇，結果終於俾我等到，好感動😭可能新開既關係，都有好多人等位，我都等左一陣先有位，下次可以用Gulu攞定位先。餐廳環境感覺都幾好，企理又乾淨，座位都算闊落，唔錯。食物方面，叫左個檳城炒貴刁，鑊氣十足，真係每一條麵都有炒過，小小辣又好惹味又好入味，唔似平時果d一餅過既炒河，餸又多，非常高質。跟住叫左個泰式蠔仔蛋，好中意佢果種乾身既感覺，唔會食到有種油淋淋既感覺，蠔仔份量都算多，重點係個醬汁好惹味，成碟餸即時提升左一級。馬拉盞炒芥蘭都正常發揮，唔算太辣反而幾好，清清地咁感覺唔錯。叫左個甜品香芒椰汁糯米飯，我覺得呢個好特別，外形好似壽司咁，芒果好新鮮好甜，好正呀！最後想講餐廳既飲品都好特別，選擇好多，叫左白桃茶同火炙芝士黑糖珍珠鮮奶，好大杯好抵飲，味道都唔錯。真係要黎多幾次食哂佢成個menu既野先得！