Mango Tree

營業中

休息中

今天下午太太和我二人到圓方Mango Tree 歎下午茶，地方佈置優雅，環境寧靜，價格適中，是一個適合三五知己在閒日消磨一個下午的好去處。下午茶套餐二位 $328，已包括二杯價值每杯$70-85 的夏日泰式涷飲。我們叫了兩杯 Pandan Cooler, 在今天這個酷熱的天氣下飲這杯冰涷的椰奶班蘭冰，真是一杯不可多得的消暑飲品。套餐有六款鹹點及四款甜點，其實如果不是很肚餓的話，份量對於二位客人是比較多了一點，或是午餐可吃小一點吧。每人一尾炭燒大頭蝦，肉質及味道很可口。我最喜歡的是迷你黃咖哩農夫包，咖哩味道香濃及湯汁適中，可以把包拿起來吃；不過兩人分享一客的話，如果不是很親密的朋友便有㸃不便。其他的糯米釀雞翼（已把一件雞翼分二份）及脆炸蝦多士（每人一件）都很鬆化，柚子蟹肉沙侓（一小碗可分二份）及鮮蝦扎肉米紙卷（兩件）的份量都很適中和十分美味。甜點有一小碗香芒糯米飯（可二人分享），二件泰式班蘭千層糕，四個翡翠西米丸子及二個椰汁西米糕。對我這個喜愛吃甜點的漢子，當然可以輕易地把所有份量全都吃下（太太只吃了小部分）。整體食物美味可口及價格適中。高高興興度過一個飽滿愉快的下午，值得推薦。

首先用竹編織的籃子很特別真是雕盤綺食!!奶茶非常好味，有十分濃郁的茶味與奶香，然後就是雞翼釀糯米，糯米粒煮得十分均勻沒有生米粒的情況而雞翼也很入味，再是泰式咖喱—與那軟綿綿的麵包真的分夾，十分鬆軟甜品方面糯米芒果飯也十分好吃!!糯米飯有一些餘溫，椰汁與芒果也很甜入口即溶，而且椰汁糕方面也很香—甘醇入味，入面也有芋頭、西米和玉米與平常的不一樣十分有趣，那椰汁椰子糕也很特別雖然此一團東西但西米粒粒分明十分有咬口，但有一些太甜，整體來說十分好!!!

呢間餐廳位於圓方商場入邊，商場好大，唔識路嘅其實都要花啲時間先搵到，不過都係值得嘅。我同女朋友比安排坐喺窗邊嘅二人枱，又安靜，又可以睇到海。食物好精緻而且好高質素，特別推薦泰國必食嘅有柚大蝦沙律，仲有呢度最出名嘅泰北燒雞。呢度冇用餐時間限制，星期五六日放工後嚟呢度Hea下食飯傾計一流！

朋友想食afternoon tea，但又唔想食甜品，所以試下泰式tea。平日3點到，餐廳大概坐滿兩成人，幾靜幾寫意。不過餐廳位於金區，搵左一段時間。叫咗一個鹹加甜嘅下午茶，每人大概$150，價錢算係平，但係嘢食就麻麻哋。salt caramel coffee ，叫嘅時候嗌咗要凍嘅，侍應冇同我講冇凍嘅，黎到先同我講係暖暖地。其實大熱天時我真係唔想飲熱野，但嚟到就焗住飲，因為佢都整好咗啦，落單嗰時冇解釋清楚，啲cream好甜，咖啡就係普通嘅咖啡味，味道都係偏甜。peppermint ，呢杯仲衰，成個味道好似聖誕特飲咁樣，得個甜字，甚至乎可以用怪味黎形容。隻大蝦有好多膏，可惜係凍冰冰。串燒味道都幾好，不過都係冰凍嘅，好似擺喺雪櫃拎出嚟咁樣，凍嘅嘢食煮得幾好味都唔會好，好似擺咗好耐咁。沙律嗰啲西柚又係苦苦地，另外一個類似小丸子既野個皮好韌，我覺得唔好食呀！甜品都係相當令人失望嘅，嗰個好似芒果布甸嘅呢，其實應該係用番薯做嘅，但個味係勁甜，甜到擺唔到落口，食咗兩啖就放低左啦！芒果糯米飯就正常啦。總括來講，依餐飯係極度失落，可能正餐會好過下午茶，下午茶比我嘅感覺係擺咗好耐，再喺雪櫃拎出嚟咁樣。服務方

朋友聚會唔知食咩好, 有人提議食素素泰國菜. 於是就揀左呢間Mango Tree. 其實都想試好耐但一直都冇機會食到. 趁今次多人少少可以叫多d野食試下. 因為呢間餐廳用左泰國東北地區既地道菜式, 真係好期待.環境店員俾左窗邊位我地, 可以望住海景食飯傾下計咁, 確實係一個唔錯嘅選擇.食物泰式辣汁鮑魚我地叫左泰式辣汁鮑魚做前菜. 其肉質煙韌有咬口, 泰式辣汁亦非常開胃. 但係如果本身唔太食得辣, 食1隻鮑魚飲幾啖水. 唔食得辣又想叫嘅要有心理準備呀.黃咖哩大蝦一碟有2隻大蝦, 真係好大隻估佢唔到. 黃咖哩味道偏甜好有質感, 不會太辣. 蝦肉都新鮮爽嫩好好味. 一定要試.芒果雪糕&荔枝雪糕好好食感覺好rich, 清新的荔枝味道更特別令人心生好感.香芒糯米飯不能錯過的泰式甜品.

在圓方搵食,試左呢間mango tree。入面裝修幾靚，食物質素唔差，不過無咩驚喜。不過飲品好好味😳叫左兩杯cocktail Mojito同埋sangria,兩杯都加左熱情果，好有泰國風味

終於有空寫一下mango tree,之前見到其他食評有d 都話麻麻地，但友人話真係唔係太差，所以即興去探索一下！環境方面，唔多解說，因好多人都有形容，我本人覺得雖然暗咗d，但頗為舒適，加上居然畀咗個窗口位睇夜景自然又like 一下!即日正題先，第一道菜係：咖哩炒蟹☝🏻雖然咖哩偏甜，不太辣，非常適合不太食辣的我，用來配法包或者飯絕對一流！而最重要係隻肥美嘅肉蟹隻蟹勁鲜甜，兩隻箝勁大隻又啖啖肉，so yummy 可能自己真係好中意食長腳蟹腳，所以一見到又停唔到口😂下次要再encore!份量都幾大，足夠2-4人分享呢👍🏻第二道係冬陰公：隻蝦好鮮甜，材料都挺豐富，湯就較稀，酸辣程度中上，我自己傾向湯底濃d 會較有口感🙌🏻跳過通菜，因為正常嘢，冇咩值得講，直接跳到甜品：班蘭糕👍😆都唔錯架，有班蘭味，好彈牙，不俗的飯後甜點！最後，sevice 方面都唔太差，至少姐姐們肯協助我哋遲交少少枱食甜品

香港人其實好喜歡食泰國菜，而泰國菜當中一定唔少得有名嘅Mango Tree，因為佢嘅泰菜質素真係相當出色。所以我和朋友亦會耐唔耐一齊去呢間餐廳食飯，今次更加係佢新裝修之後去幫襯，增添多一份新鮮感。餐廳環境相當舒適，特別窗邊可以看到可愛的香港真美。而且餐廳內空間感十足，非常適合同朋友一齊聚會。辣椒膏原隻帶子相當出色的菜式，原隻帶子相當新鮮，大廚加入泰式辣椒膏、洋蔥、甜椒同炒相當惹味，辣中帶甜嘅味道很有泰國中部特式。黃咖哩炒阿拉斯加蟹腳呢個菜式超級推介，特別佢嘅Mango Tree招牌黃咖哩真係相當出色，蛋香味濃配上泰國香米揀值一絕，而阿拉斯加蟹腳則啖啖肉非常鮮味，與黃咖哩同吃相當完美。泰北亨利鴨亨利咖哩有別傳統咖哩，除不放椰漿外，亦會以菠蘿、薑絲調味，今次呢個亨利鴨軟腍入味。泰式甜品拼盤最後到最期待嘅甜品，賣相十分精緻打卡一流，內裡包括有：芒果糯米飯、椰汁糕、翡翠西米丸子等，甜度適中，唔覺意就同朋友食咗幾個鐘了。

这是一家装修后重新开张的餐馆，之前也经常和家人朋友光临，很正宗的泰国菜，这次发现菜量少了好多，明星的价格更贵了，但是味道还是很不错的，这次六个人点了九个菜，外加一人一只椰子水

連日的下雨，原本去離島的計劃取消，改為行商場shopping。朋友提議行很久沒去的圓方。行了一個下午，都要歇一歇。在名店附近的Mango Tree位置比較偏僻，一點也不起眼。我們坐在窗邊看著雨景，加上食客不多，環境很寧靜。我們點了鹹點+甜點Afternoon Tea Set柚子蟹肉沙律甜酸適中燒牛肉沙律有少少辣很開胃雞肉沙爹的醬汁也不錯，脆脆的軟殼蟹米紙卷燒大蝦和豬肉丸子就普普通通。相反甜點比較失色，南瓜布甸不夠滑，芒果糯米飯味道一般。在這樣舒服的環境下歇腳，就算飲著平平無其的西瓜汁和珍多冰，也是人生一大樂事

第二次來飲下午茶， Aternoon Tea set 不錯，包兩杯泰式特飲，向窗邊座位開陽舒服，三五知己傾計好地方，下午茶很靜局，但相對服務較差，可能是下午休息時間原因。

已經想試呢一間餐廳好耐！但其實都因為位置問題，因而卻步。在一次機緣巧合的情況下，朋友都願意前往圓方，所以便訂了枱一試…………一進入餐廳，便覺得裝修得好好。泰式風情之外，亦都帶一點“貴氣” 。因為我們人數頗多，所以便被安排了坐在窗口旁邊的位置，感覺舒服。環境講完講下嘢食！ 當日我們叫了串燒、生菜包、燒雞、蝦餅……各式各樣嘅泰國美食！不過唯一我覺得要彈，美中不足的地方，就是生菜包！！生菜包的肉量是正常，但是生菜大概只有四至五塊。其實一定係不足夠可以食到所有肉。要另外加錢大約$20一份。係呢一度我就覺得冇咁好啦，其他味道基本上係冇得彈！ 燒雞一定係必試的！！

被安排坐在靠落地窗那邊, 光線充足, 清靜, 與朋友邊食邊傾, 十分舒適。三個人, 開了一支紅酒, 兩份頭盤包括沙爹串燒及炸蝦餅, 主菜是大蝦炒粉絲, 招牌燒雞及炒通菜, 另加二份甜品, 千三元, 食物質素及環境都有交代。

母親節當然要同媽咪食好西，上網睇到圓方呢間餐廳好多好評就網上訂位。開得係圓方價錢貴係預左，但野食就真係好麻麻, 平均四個人食左二千蚊, 而食既野味道實在太一般!!!店員仲要老點我媽咪洗手間位置，指示又唔清晰!整體黎講係一個唔好既體驗，不會再來光顧!咖喱蟹肉農夫包 HKD 328: 見到人地旁邊台都有叫就以為係好野跟住叫，點知中伏，味道係死咸個隻，食唔出咖哩香! 完全唔夠咖哩味。重點係冇咩蟹肉，已經收得貴都唔係一分錢一分貨麵包的口感我都唔鐘意，麵包皮難以撕開好似法包個隻硬度，其實係好難用黎下飯。冬蔭海鮮 HKD 178: 一定要比差評，睇圖都知有幾稀版，好似偷工減料咁。味道方面冇冬陰功湯的香濃，而且酸味太重，好怪不知所謂!你話佢係羅宋湯都得!蒜蓉炒椰菜苗 HKD 98:  如果簡單野都炒得難食就真係執得笠，好彩椰菜苗算新鮮。不過一場黎到食泰菜最好食竟然係普通椰菜苗，錯曬重點。最後仲要發生小插曲令人失望，我媽媽問酒吧女店員洗手間係邊，佢答出面左手邊，结果我媽行左出去10分鍾都搵唔到，於是入返去問佢，她說在入面，仲問佢咩服務態度 (擺明老點HEA答)不過算，因為真係冇下次，說好的又不到令人回

朋友生日食飯，選了圓方這間餐廳。食物還可以。但服務很一般，價錢偏貴。但係冇辦法圓方的餐廳基本上都係偏貴。泰式燒雞半隻$198真的有點偏貴，燒雞腌得幾好幾入味，味道不錯但雞肉有少少乾。燒雞送糯米飯。糯米飯質素很一般感覺很硬。食咗一啖就食唔到。咖喱蟹肉，咖喱調味唔錯，但係蟹肉真的少得可憐。要食到最後底部先搵到少少蟹肉。但係蟹肉質素幾好，不是冷藏貨。泰式大蝦炒金邊粉只有三隻蝦感覺真係唔係好大隻，仲應該係雪藏貨。炒粉味道幾好但係上枱嘅時候已經唔係好熱，有啲溫溫吞吞。鯰魚伴青芒沙律-青芒沙律調味幾好，很正宗，伴脆鯰魚爽脆加酸酸辣辣很開胃。但鯰魚很快會淋要即時食。總體來講食物質素都算可以，菜式擺碟都幾靚。但服務真的有待改善，服務員偏冇禮貌。兩個人要$1000左右埋單，以呢個食物質素都幾貴。但係地段問題冇辦法。圓方普遍上嘅餐廳都係偏貴