M3 Italian (已結業)

今日係朋友生日，因為佢係沙田友So我地去左沙田圍到同佢慶祝生日一黎個pumpkin忌廉湯好smooth,好滑口中間一塊少少既法包好有咬口比較想推薦依度最typical既M3沙律好多火腿得黎D菜好 fresh完全係愈食愈開胃份量都好足 2-3個人食完全OK緊住我地有叫鵝肝 上碟好有誠意鵝肝表面香煎到脆身微焦上而加上酸甜閱蘋果粒底下墊住脆餅吸油依個matching我俾100分so far黎講我覺得依間餐廳出品好有誠意價錢合理 位置都坐得舒服稍嫌燈光有D太暗 光D就好啦

同朋友喺沙田第一城做運動，之後個肚有啲餓想搵嘢食。行到河畔花園，見到呢間餐廳，畀門口個餐牌吸引咗，一個500蚊嘅二人套餐，有餐湯、主菜、小食同埋甜品，非常吸引。見到人唔算好多唔需要等位，可能因為平日嘅關係。餐廳職員服務非常好，安排座位時有問我哋想坐邊，食嘢嘅過程中亦都不時留意我哋嘅需要，非常細心。餐廳嘅環境比較寬敞，坐位闊闊，坐得幾舒服。首先附送兩個餐湯，係羅宋湯，酸酸地可以幫助開胃。另外仲有麵包送添。前菜揀咗大蝦沙律。大蝦有三件，用炸嘅形式煮成，少少熱氣不過真係脆炸香口。主菜揀咗意大利飯配野菇同埋黑松露。飯非常香口，而且份量幾多幾抵食，賣相都非常吸引。另外點左烤美國安格斯肉眼扒。店員問我哋想食幾多成熟，我哋揀咗七成，果然啱啱好。肉眼扒係餐廳嘅招牌菜，款式都幾多，不過跟餐嘅就只有呢款，值得一試。甜品揀咗焦糖燉蛋，冇想像中咁甜，但係熱辣辣，細啖細啖食落非常滿足。幾鍾意呢間餐廳嘅環境同埋食物質素，第時黎開都可以再幫襯。

朋友推薦她家附近有這家西餐廳，便決定大家下班後來個4人飯局。點了碟小食- 焗芝士粟米片 $88芝士與粟米片的味道非常夾得來。中間還有點辣椒仔，鹹鹹辣辣，而且脆身的粟米片廷吃呢！肉眼扒 $268朋友想吃牛扒，點了塊肉眼。可能碰巧是筋的部份，肉質有一點韌。意大利辣肉腸薄餅 $118薄餅不是很厚實的那種，薄薄一片的餅底上面充滿了芝士，間中有一些辣肉腸的點綴確是好吃。大啡菇意大利飯 $128菇的種類廷多，意大利飯粒粒分明，味道不錯，份量也足夠4個人吃。整體覺得很不錯，區內西餐廳來說實在算高質素。

沙田原來也有間很不錯的西餐廳呢！今晚相約朋友們在此晚餐。凱撒沙律 $128醬汁可以隨自己喜好，不會先撈好才上碟。上面還有一大塊雞扒和幾條芝士，很足料呢！而且沙律菜亦新鮮。焗芝士粟米片 $88有大量的芝士在上，而且與粟米片的味道也很夾得來。中間還有點辣椒仔，鹹鹹辣辣廷好吃的。所以說，好吃的東西永遠是很肥的，哈哈！肉眼扒 $268牛扒不過不失，牛味是有的，但相對上肉質有一點韌，可能碰巧是筋的部份。伴碟都有些不同類型的蔬菜，不錯呢。意大利辣肉腸薄餅 $118薄餅不是很厚實的那種，薄薄一片上面充滿了芝士，間中有一些辣肉腸的點綴確是好吃。整體覺得很不錯，區內西餐廳來說實在算高質素。

朋友住喺沙角邨，之前已經不斷同我介紹呢間餐廳，今晚終於去咗食，果然係值得介紹！同埋間餐廳都算易搵，沙田圍站出左站之後，一條直路行大約10分鐘就到！佢哋六點半先正式開返門，六點三左右到，出邊已經有另外幾個人等緊，等左一陣就入得去。我哋望咗餐牌一陣，就決定嗌個沙律，一個肉眼扒同Pizza。但落餐嘅時候，個侍應佢就係我哋試個T骨扒，比多幾廿蚊，但就有20安士。話係話佢哋餐廳周年活動，平時餐牌係冇嘅，而且呢批靚扒賣晒就冇。我哋猶豫左一陣，決定試吓！落完order之後即刻已經有份麵包食，側邊有啲黑醋&橄欖油俾我哋自己倒，黑醋配麵包真係無得輸！食完個包，沙律就嚟啦！我好鍾意佢啲芝士係大大片咁刨出嚟😍😍😍同埋佢嗰醬係另上，鍾意點幾多沙律醬就點幾多！啲菜好新鮮！chop chop聲呀食個陣！同埋佢隻溫泉蛋起咗唔少作用，啲蛋漿包住啲菜，滑好多，香好多！之後個Pizza都到啦，又係嘅四重芝士Pizza真係好邪惡😂😂😂😂芝士lover一定要試！我唔知有邊幾種芝士，但佢隻隻芝士嘅口感都唔同，你唔會覺得自己淨係食緊一隻芝士，佢加左啲番茄醬係底，食緊嘅時候就唔會覺得佢好漏。個扒！黎啦😍😍勁大塊！但佢條骨就唔係好大

好耐冇同女朋友撐枱腳，今日去開沙田所以就同女朋友返嚟呢度食飯，特別想回味返佢個三文魚凱撒沙律。我哋book咗枱六點半，原來佢六點半先開門，所以喺門口等左一陣先有位，入到去經理安排我哋坐喺梳化位嗰邊。其實之前都已經嚟過食過兩次，一直都覺得佢個三文魚凱撒沙律好好食，佢個醬系分開上，你可以自己食幾多點幾多，煙三文魚好濃味，沙律菜夠新鮮，麵包粒夠脆，一流。之後叫咗個四重芝士pizza ,我同我女朋友都好鍾意食芝士，呢個芝士味道我哋一個驚喜，食落去唔係好鹹，反而個芝士味好重，食完都唔覺得好’流’。最後一定要介紹呢一個T骨扒，都係職員過嚟介紹俾我哋。適逢餐廳四周年紀念，原價498嘅T骨扒特價298 ,我女朋友食到讚不絕口，我哋叫咗個五成熟嘅，肉味鮮嫩，當然根位真係食唔到，但係肉味好龍嘅牛味，同埋好淋，呢個價錢食到呢一隻扒真心覺得抵食。食完呢三個菜已經好飽了，食唔落甜品，下次如果有機會都可以試吓佢啲甜品。

之前試過係大圍間M3食晚餐，今日就係沙田開完工，去左另一間分店度食午餐。 兩者裝修格局差唔多，都係行高尚簡約風。睇完個menu，我就叫左烤戴安娜牛柳伴炒雜菜配黑松露薯蓉 (HKD 88) 甜品要左法式焦糖燉蛋 (HKD 6)。 飲品要左士多啤梨忌廉梳打 (HKD 32)。先黎既係前菜田園沙律，七彩顏色咁，賣相唔錯。有好多沙律菜同生果，酸酸甜甜，係幾好既開胃前茶。跟住就係個主色烤牛柳，好大塊，肉汁好鮮甜，肉質鮮嫩，唔韌。雜菜夠多，薯蓉又味道唔錯，好多黑松露。至於個甜品，非常精緻，上面有士多啤梨伴碟，個皮好重焦糖味。個燉蛋口感嫩滑。個飲品味道唔錯，好重士多啤梨味。另外，餐廳仲有咖啡沙冰，沙冰，酒精類咖啡，無酒精雞尾酒,樽裝啤酒，手工啤，雞尾酒同紅酒和白酒提供。

居住在沙田區已經有一段時間，平日喜愛發掘這區的大小食肆開餐。沙田區的西式食肆不少，但味道都比較平凡。如果要選比較突出的，我會推薦這家。大圍的M3吃過幾次，質素相當高，但人流較多，一般都要花時間等位。沙田圍分店的食物味道和質素跟大圍店同樣高，但人流相對較少，不用花費太多等位時間，地點就近沙田圍站，交通方便。凱撒沙律凱撒沙律可選配燒雞或三文魚，這次選配了燒雞。燒雞選用雞扒，肉質嫩滑，而且保留豐富的肉汁。沙律菜很新鮮爽脆，麵包粒經新鮮炸過，超級脆但卻沒有多餘的油膩感。燒雞凱撒沙律絕對是我的必點之選。鰻魚帶子意粉M3 的餐牌中有不少自創菜式，這款便是其一。日式甜甜的鰻魚汁融入西式意粉中，沒有絲毫的違和感之餘，味道還非常匹配。帶子經輕輕香煎，半生熟更顯鮮味。唯一美中不足的是，醬汁略嫌太多，如果可略減點，整體味道會更佳。烤乳豬西式烤乳豬的味道比中式的出品有過之而無不及。這乳豬的皮烤得卜卜脆，嫩肉格肥格瘦，嫩得有種入口即化的感覺。乳豬肉相比一般豬肉少了一份羶味，味道甘香可口。配菜除了有薯蓉外，還有以紅菜頭製成的酸菜，味道比起傳統的調和，更切合中國人的口味。這款主菜份量不算多，只是乳豬多吃會感到有膩感

講起沙田圍，好多時都係諗起大排檔，原來離馬鐵站稍遠既花園城隱藏左一間質素唔錯既西餐廳。餐廳面積雖然不大，但裝潢同環境令人好舒服，職員服務殷勤有禮貌。主Menu中有唔少食物，但觀乎各樣選擇，呢個套餐算係最抵食。$500左右有2人份量，包括餐包餐湯，一個前菜，一份steak，一個main，兩個dessert餐包係佢地自家製，仲有橄欖油同黑醋可以蘸住食南瓜湯，好香，質地夠哂thick巴馬火腿芝士沙律，芝士大大條而唔係芝士粉，巴馬火腿大塊甘香，真材實料西冷牛扒大大塊，medium外脆內軟，肉味濃郁juicyCarbonara，白汁與芝士稠厚，黏住每條意粉甜品揀左焦糖燉蛋，Tiramisu，甜而不膩，燉蛋嫩滑

聽就聽得多，終於專程走去一試。都點咗唔同款式嘅食物，總括嚟講，只係不過不失，完全無驚喜，唔明其他人點解講得佢咁好。送嘅麵包失色，唔熱又無麵包香。頭盤沙律唔錯，啲菜幾新鮮。甘筍湯都算ok。牛扒肉味夠，不過over cooked，un咗啲。pizza 味道一般，勝在夠薄。最好算係個梳乎厘。以呢個價錢，我覺得可以有好多選擇，呢間一試無妨，再去則可免。

去完旅行又係相約派手信的時間啦，當然要call齊好姊妹們出席啦，順便又可以吹吹水聚聚舊呢！今次我們就到了位於沙田圍的M3 italian 啦！地點方便，就在沙田圍馬鐵站及沙田圍巴士總站附近，地點很就腳方便呢！-我們一打開餐牌，已經被多種美食所吸引啦，而且餐廳還提供酒精飲品，可惜我們第二日要返工，唯有選擇是日餐湯比較穩陣啦！是日餐湯～意式清雞湯很少會在西餐廳飲到清雞湯，比一般忌廉湯清淡，不會咁容易就有飽脹感呢！-香草麵包餐包軟棉棉熱辣辣，充滿香草香味，加上橄欖油一同吃，真的是滋味十足！-凱撒沙律🥗配煙三文魚為了減低罪惡感，我們先來一個沙律！蔬菜新鮮，脆卜卜的！配上大大塊的煙三文魚更是滿足呢！-香煎鱈魚柳配黑松露忌廉汁鱈魚柳外層煎得金香，內裡仍然保持嫩滑，啖啖肉呢！配上黑松露忌廉汁感覺更rich !-煙肉忌廉流心蛋意大利粉意大利粉軟硬度適中，配上香濃的煙肉香味及蛋漿，層次豐富！-雲尼拿梳乎厘梳乎厘即叫即製，焗到脹脹的，只是看已經幸福感十足！甜度適中，有陣陣雲尼拿香味，很輕盈！-意大利芝士餅賣相一流，充滿層次感，有淡淡的咖啡酒香味！-是次飯聚真的是一個不錯的選擇，地點方便，坐得舒適，食物質素

經居於沙田的朋友介紹，去了沙角街的「花園城M3 Italian」吃意大利餐；我們叫了一個「二人晚餐」。意式清雞湯只用簡單的材料煮成，有淡淡的鮮雞味，是清淡之選！香草餐包暖烘烘的餐包，有淡淡的香草味，與橄欖油一同吃，更是突出！先來一客頭盤 「凱撒沙律配三文魚」；沙律菜式多樣，味覺清新，醃三文魚微鹹，肉質鮮嫩，蘸上凱撒醬，醒胃非常。主菜1和主菜2都有多類選擇 ；主菜1方面，我們看上了「香煎銀雪魚柳配黑松露忌廉汁」；銀雪魚柳煎得不燶，外脆內軟，配上黑松露忌廉汁，十分惹味。主菜2方面，我們挑了「煙肉忌廉流心蛋意大利粉」；意粉煮到軟硬適中，忌廉味濃郁，滑溜的流心蛋一咬下去便有蛋漿爆出，與煙肉同吃，效果匹配。豐富的口感和濃郁的味道後，由甜品 上場；「法式焦糖燉蛋」熱量適中，表面的焦糖不算太甜；「意式芝士餅」入口嫩滑，芝士及酒味弄得剛好，屬水準之作！「花園城M3 Italian」位於沙田花園城一期地下,鄰近沙田圍巴士站及馬鐵站，而且食物質素不錯，是區內向難得的意大利菜！

今日沙田圍嘅一間西餐廳，M3 Italian，餐廳環境唔錯，價錢，西餐來講相當之合理，食物嘅質素好，服務員都好友善，我哋今晚嘅晚餐體驗好好！首先介紹下我哋食咗啲咩啦！首先有餐包，配上黑醋，聽講係餐廳自己整野，味道都唔錯！我哋就揀咗一個二人份量嘅晚餐，首先有餐湯，今日嘅湯係南瓜湯，入面仲有少少麵包，作為餐前飲品好好。前菜方面我哋就揀咗巴拿馬沙律，火腿好好食，菜嘅份量都好多，我哋都好開心！主菜呢我哋就試咗餐廳出名嘅牛扒，我哋叫咗五成熟，唔會太硬，亦都唔會太散，啱啱好！呢個係糖心蛋carbonara 意粉甜品都唔錯另外我哋仲叫咗嘢飲，呢一個係 Earl grey fruit tea!總括來講，以西餐廳嘅質素非常之好，價錢都好合理，我朋友都會再嚟食㗎！

這間開在沙田某住宅屋苑的西餐，位置僻靜人流極少，仍然有很多捧場客，還未開門已有人在門口等位。已第二次來，上次吃過食物質素非常有驚喜，且看今次是否能維持水準。二人餐唔使500有齊頭盤至甜品，如果散叫起碼多200，好抵食！雖然開係街坊位置，但餐廳的招呼同出面的高檔西餐睇齊，一點也不馬虎，侍者亦非常有禮貌。先送上熱辣辣餐廳自製的香草麭，非常鬆軟又有彈性，點少少欖油好好食上次食過佢地嘅招牌沙律好正，今次頭盤亦揀左提子藍芝士沙律！色彩繽紛，味道亦無令我失望，提子細細粒但完全唔酸，加埋香軟藍芝士好夾，另外加左好多紅莓乾甜甜地，同埋香脆到難以形容的合桃，一啖放入口，層次豐富！餐湯係甘筍蕃茄湯，好creamy, 完全無渣，蕃茄味同甘筍味洽到好處主菜揀左西冷同卡邦尼意粉。西冷上次食過，今次亦無乜好挑剔，生熟程度同要求的一致，肉味香濃，外面仲脆脆地至於卡邦尼意粉亦好出色。上面有隻溫泉蛋，撈埋意粉食creamy到呢仲有好多煙肉碎，意粉就煮得al dente，有咬口，食完又唔覺膩最後甜品就揀左焦糖燉蛋同tiramisu。好大份焦糖燉蛋夠滑夠香唔太甜，好味！tiramisu 夠creamy, 咖啡味同酒味都足，

搬左入沙田，聽朋友介紹呢間西餐廳抵食，返工做得辛苦，放工食餐好既收得早，6:30pm去到餐廳，時間尚早，係第二枱客人。位置喺沙田圍，喺沙田圍站，睇住google map行過去環境舒服，播住輕快既歌，慢慢食，唔洗食得好趕時間，可以慢慢傾下計都得一坐低，服務員即刻遞上一盤面包，係佢地餐廳自己整既，有埋橄欖油同黑醋點，個餐包勁好食個人推介二人set dinner，抵食，$498包齊頭盤，主菜x2，甜品x2頭盤叫左，提子藍芝士沙律，啲沙律菜勁新鮮，雖則係頭盤，份量都好多。好fresh主菜一，叫左西冷扒，五成熟塊扒真係做到五成熟，有肉味，好好食主菜二叫左carbonara，佢仲有流心蛋喺面，好夠cream，意粉軟硬度啱啱好甜品可叫兩款，試左tiramisu 同焦糖燉蛋兩款甜品都好得，好食過甜品店另外，叫左一杯凍cappucino ，佢地自動地糖水另上，咖啡味都幾香今晚完全滿意，價錢抵，食物質素都十分好，招呼又好