83
1
0
港鐵荃灣西站 A1 出口, 步行約11分鐘 繼續閱讀
電話號碼
28851992
營業時間
今日營業
19:00 - 05:00
星期一至日
19:00 - 05:00
付款方式
Visa Master 現金 銀聯
座位數目
80
其他資料
Wi-Fi
深夜營業
酒精飲品
自帶酒水
外賣服務
加一服務費
電視播放
球賽直播
食評 (84)
平時都無打食評既習慣 但係今次因為餐廳既服務決定要打返個好評比佢地❤️疫情期間係Deliveroo訂左外賣,隔左一陣收到餐廳電話告知小食拼盤做唔到。本身係Deliveroo負責話比我知,不過餐廳想double confirm。之後餐廳負責人再同我講,叫我睇下再食咩啦,可以叫兩個小食代替個拼盤,多左少少錢都可以照做比我,之後仲一直幫我同deliveroo個邊跟訂單~ 呢件事可以見到餐廳真係好有責任心❣️至於食物質素方面都一樣好好~墨西哥香辣牛肉芝士焗粟米片 $148粟米片有好多料(蕃茄、芝士、肉碎、黑橄欖)仲有唔同醬配(酸忌廉、牛油梨醬、蕃茄莎莎)😋好岩一邊飲酒一邊食🍻泰式生蝦刺生配泰式辣汁 $128無諗過一間西式bar會有泰野菜食😋yum yum~燒春雞 $138燒春雞令我對平時既燒春雞完全改觀 平時食個啲好乾又唔入味 但呢個燒春雞就算係雞胸位都好滑😋而且個汁都好好食!美國安格斯肉眼扒 $248個牛煎得好靚 岩岩好七成熟😋一定會再幫襯❣️ 繼續閱讀
(以上食評乃用戶個人意見 , 並不代表OpenRice之觀點。)
等級1 2020-05-15
493 瀏覽
經過門口被光猛招牌吸引,上前睇吓咩料發現晚餐7⃣️折!膽粗粗入去試吓!入到去見好多嘢玩,但心諗D嘢食掂唔掂㗎!橫掂入咗去就order左個羊架晚餐試吓佢!咁頭盤有黑醋沙律,食完合格有餘!當侍應攞份羊架出嚟!令人喜出望外的大份(因為有四枝骨),戲肉嚟喇;羊架同一般餐廳做法有所不同;因為佢用一些香料封住啲羊架⋯⋯食用後覺得好Juice同埋羊肉混合咗封喺面嘅香料,出奇地好食同一般外面西餐廳很不同!個人感覺好食度直逼高級餐廳!仲要呢個餐包一杯有酒精或無酒精飲品,我當然唔會蝕抵嗌咗杯生啤飲!$268重有7⃣️折真係物超所值!員工又有禮貌!餐吧嚟講,佢哋真係很用心,個人感覺呢間野真係超值!呢度仲有好多嘢食!Full Menu, 一定同屋企人嚟多次試多啲嘢食!PS. 有加一服務費!但佢哋有外賣熱線!自取不加一!重有九折⋯⋯ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-05
534 瀏覽
同朋友去開荃灣行街,想嘗試新食物,加上因為工作煩惱,就想去飲少少酒,愉景新城那邊天橋底下有好多小型酒吧,我們就進去其中一間,環境算大,有大電視,有桌球,飛鏢玩,我叫左1杯有酒精同1杯冇酒精飲品,可以同朋友互相交換飲,這間酒吧的小食很好食,例如:椒鹽魷魚香脆可口,唔會冇水份,避風塘雞中翼,重口味,食食下都唔夠食,太好味,再要個海鮮pizza加肉眼扒,pizza薄薄脆口,十分多芝士,肉眼扒多汁,5成熟,有少許帶血,口感剛剛好 繼續閱讀
(以上食評乃用戶個人意見 , 並不代表OpenRice之觀點。)
等級4 2019-10-01
1139 瀏覽
平時返工返學咁辛苦 有時都要約班朋友出去Chill一下飲番杯🍺🍹前排就嚟咗荃灣呢間Lucky U,酒吧有電子飛鏢機亦有圓形美式桌球枱,可以同朋友一齊挽✌🏻雖然係酒吧 不過嘢食選擇款式都五少 有主菜、小食、Pizza、漢堡 梗有一款你鍾意嘅🥰_小食:🌟辣肉腸碎忌廉芝士藍青口 $98小小辣食落去亦都幾Creamy 🤔另外將個汁配埋多士一齊食非常夾🌟椒鹽魷魚鬚 $88魷魚幾彈牙,粉漿夠薄唔會太油膩,作為佐酒小食一流👍🏻🌟避風塘雞中翼 $78🌟日式豚肉焗茄子🍆 $78_主菜:🌟美國安格斯牛肉眼扒 $238肉眼扒肉味幾重😚肉汁豐富 配埋香草牛油令油香更加出🥩不得不提喺呢度嘅伴碟做得唔錯🥰蘆筍、小焗薯及雜菌可以平衡一下肉眼扒既油膩感,雜菌食得出帶有輕微酒香 同朋友都覺得呢個幾好食😆_🌟海鮮PIZZA $148薄餅係酥皮作底,配上帶子、蝦、魷魚等海鮮感覺已經非常豐富😎滿滿的拉絲芝士配番清新嘅番茄醬可以減低邪惡感🍕_飲品:🌟Cocktail: Ice Age $108🌟Mocktail:Rose garden $58🌟Rainbow Shadow $58Rose garden好重菠蘿味,果味會比較豐富😚Rainbow Shadow一層層顏色好靚✌🏻 繼續閱讀
(以上食評乃用戶個人意見 , 並不代表OpenRice之觀點。)
等級4 2019-09-30
1265 瀏覽
上星期約左朋友係荃灣食飯飲野,我地去左位於沙咀道既[Lucky U]🍻🍻🍷因為遲左放工去,仲未食飯,好彩依間酒吧有晚餐供應仲有不同折扣優惠添~入面環境比其他酒吧大,樓底都夠高,感覺好寬敞舒適。場內亦有不少娛樂設施食物種類繁多,有泰式、美式、日式,有小食炸物、扒類主食。。。定價都合理。忌廉芝士菠菜葉 $78平日好少食芝士菠菜,個汁又唔會太膩,濃稠適中好想加個飯一齊食西班牙黑毛豬梅肉扒 $148用左梅肉扒比較腍身,表面亦夠香脆,不過略嫌乾身。配菜反而幾好,香菇好入味魷魚菠菜芝士煙肉忌廉汁意粉 $118真心推介依個意粉!就好似平日carbonara既升級版咁,加多左魷魚、菠菜,非常豐富。 最重要係唔會太膩,個汁既忌廉偏多,所以感覺好滑溜意粉亦夠彈牙,我地兩個人分都食唔哂添,建議多人分享一齊食。matcha $58 victoria secret $58我地之後點左兩杯cocktail, matcha 味偏甜。 繼續閱讀
(以上食評乃用戶個人意見 , 並不代表OpenRice之觀點。)