100
1
0
港鐵荃灣西站 A1 出口, 步行約11分鐘 繼續閱讀
電話號碼
28851992
特色
包場派對
附加資料
齊集不同類型的運動娛樂設施,如Beer Pong,飛鏢、圓形桌球枱等
營業時間
今日營業
11:30 - 22:00
星期一至日
11:30 - 22:00
付款方式
Visa Master 現金 銀聯
座位數目
80
其他資料
Wi-Fi
酒精飲品
自帶酒水
外賣服務
加一服務費
電視播放
球賽直播
食評 (102)
等級4 2020-12-04
177 瀏覽
Lucky U係一間酒吧餐廳,佢除左有酒飲有野食之外,店面都好大好多野玩,裡面有掟飛標、夾公仔、桌球同而家大熱嘅beer pong。趕喺堂食限聚令收緊到二人前,即刻約朋友黎食個晚飯先。今次食完,都唔知要隔幾耐先可以再食了。不過我地醉翁之意只在食,黎哩度最主要係因為見倒佢地逢星期一至五,晚餐都有七折,酒水8折,真係幾抵。Rainbow Shadow(HH價$58, 8折後$46.4) - 哩杯mocktail真係好似rainbow咁顏色好繽紛,佢係由菠蘿汁、青檸汁同橙汁溝成,味道酸酸甜甜都幾好飲。Victoria Secret(HH價$58, 8折後$46.4) - 哩杯原本係用小紅莓同青檸左做,但估計佢冇小紅莓,所以轉左做士多啤梨,杯面都見倒好多士多啤梨粒,味道同樣係酸酸甜甜,唔會好假好藥水味。香辣雞軟骨($58, 8折後$40.6) - 雞軟骨炸到好香脆,炸皮唔會太厚太硬,上面灑左好多七味粉,食落鹹鹹辣辣,幾香口惹味,用黎餸酒最啱。海鮮披薩($148, 8折後$103.6) - 哩個pizza直徑大約11吋,上面好足料有好多海鮮,除左常見嘅魷魚、蝦同菇之外,仲有比較少喺pizza上面見倒嘅帶子,仲要大大粒,非常抵食!Pizza係薄底,餅邊都幾脆,因為真係好多料,每一啖都會食倒餡料,好滿足幾好食。美國白安格斯牛肉香辣蒜片羅勒醬意大利粉($168, 8折後$117.6) - 哩度啲主菜雖然價錢同出面差唔多,但啲份量都偏大份,意粉我諗比平常出面西餐廳正常份量最少多一半,所以一碟係夠三四個人食。意粉唔會太腍,仲有少少彈口,除左意粉多,牛肉量都唔少,羅勒醬因為加左辣椒,所以食落鹹鹹辣辣,感覺比較清爽,唔想食忌廉汁底嘅意粉都係一個唔錯嘅選擇。總結,Lucky U野食唔錯,份量都好足,本身定價已經唔算貴,而家7折左之後真係堅底食,雖然個位僻左少少,不過就算唔係為飲酒,黎食晚餐都好值得。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-04
69 瀏覽
朋友放工後約咗我吐苦水,我哋去咗間bar restaurant邊食邊傾:🥓泰式香茅豬頸肉($98)豬勁肉份量都幾多,邊位烤得焦香,食落都幾爽口,配酸酸辣辣嘅生蝦汁一齊食都幾開胃,但若果豬頸肉係厚切會更有口感!🍝美國安格斯牛肉香辣蒜片羅勒醬意大利粉($168)牛肉份量都唔少,而且有嚼勁,最鍾意牛肉切成小塊,啱晒我呢啲懶鬼😆意大利粉充滿牛香,以蒜片及羅勒醬炒過後更加惹味😋朋友對呢碟意粉有高度評價👍🏻🍗燒春雞($118)無諗過呢個係一隻燒春雞份量嘅價錢,真係幾抵食🤩燒春雞醃得好入味,雞皮有少少脆,雞肉又嫩滑,而且已經切件,真係好味之餘又方便進食👍🏻除咗雞件外,仲有炸薯角及沙律,份量真係都幾多,結果我哋食唔晒,打包咗半隻雞返屋企😆🍺友 Draught Beer($66)朋友第一次飲呢款本地手工啤酒,味道比預期中好,都幾唔錯👍🏻☕️熱檸蜜店員可能見我滿臉倦容,睇得出我唔太舒服,所以沖咗一杯熱檸蜜俾我飲,真係好sweet🥰呢間bar restaurant嘅服務真係好好,菜式份量又偏多,價錢又唔貴,真係抵食夾大件👍🏻另環境仲好闊落,不單止可以波睇、掟鏢、篤波,連slap cup同beer pong 都有得玩,最估唔到係連夾公仔機都有😂真係好啱一大班人嚟chill吓👍🏻 繼續閱讀
(以上食評乃用戶個人意見 , 並不代表OpenRice之觀點。)
今日去咗間有午市嘅酒吧餐廳 非常有驚喜 因為佢地方大 坐得好舒服 最最最緊要嘅係佢啲嘢食百發百中 真係好好味㗎 而且價錢都好合理 份量亦唔少佢有lunch set我哋叫咗個卡邦尼意粉 有埋餐湯 同嘢飲 先58蚊 個意粉醬汁非常充足 望落好creamy 食落又唔會太鹹同埋肥膩 質素好度有酒店feel 都幾犀利另外叫做一個好特別嘅小食拼盤 當中最吸睛嘅係香辣蒜片欖油蝦 佢用嘅蝦好大隻 好爽口食落啖啖肉 而且可以放好耐都仲係熱辣辣 之前未食過呢味 覺得好好特別 幾好食另外主菜方面 仲叫咗塊10安士嘅安格斯牛扒 七成熟 好大塊 而且肉質淋滑 醬汁幾香 但亦都唔會太郎蓋過牛肉嘅香味 食肉獸一定要試因為真係好滿足最後叫lunch set其實可以加錢叫多個芝士焗西蘭花 咁就有菜食番平衡下 完全冇馬虎 芝士落得非常多 可以拉絲添🤪🤪 繼續閱讀
(以上食評乃用戶個人意見 , 並不代表OpenRice之觀點。)
等級3 2020-12-14
44 瀏覽
美味的食物絕對是最好的良藥💝為難忘的一天送上最好的打氣!🎉因此我除了美食外,更享受美好的氛圍呢!-原來在荃灣也有不少酒吧形式的西餐呢!🍺因此第一次到了Lucky U😚內裡的環境也好大很好,總有不用遊戲可以玩呢!🎉如果一大班朋友一起,也可享受不少的樂趣呢!👯‍♂️-一到了便一直好想試Mocktail, 點了rainbow shadow🌈好靚的是一杯彩虹色的飲品呢!🍸好靚的一杯,而且不會係藥水味,好好飲又靚,用來影相也十分好呢!🥃-前菜我點了一直好鍾意的墨西哥香辣牛肉芝士焗粟米片🧀🥑🌽會配酸忌廉,牛油梨醬及蕃茄莎莎🍅🥑上菜是芝士仲有拉媽,真係熱辣辣好好食!三種醬都覺得好好呢!😚😚-另外也點了T Rex Pizza🍕,入面有辣肉腸,好惹味又大份!😍而且因為餅底較薄,所以不會太膩呢!💯-最後點了北海道明太子魷魚蝦仁碎他他汁意大利粉🍝呢個意粉好驚喜,好清新的口味🥗,而且在意粉上有紫菜,不同的味道加起剛剛好💚💛,中和到過份膩的口感,所以呢個意份好驚喜,岩晒D怕太漏的朋友!🤩好值得試下呢!-渡過了一個好chill 又舒適的晚上🍴,好舒服又開心!接下來大家也要繼續加油!🍹 繼續閱讀
(以上食評乃用戶個人意見 , 並不代表OpenRice之觀點。)
等級4 2020-12-10
45 瀏覽
好幾個月前食過一次念念不忘,趁正x苦又搞嘢前encore支持下~環境絕對一流,酒吧得嚟,冇咁迫,酒game, 夾公仔機,篤波,全部有,7點零去到,10點收檔嘅原因,唔多客!今次主要係食嘢之餘,小飲怡情!啤酒烈酒classic cocktail mocktail都有得嗌!我就千年不變mojito 🤣!! Btw, mojito高汁,清得嚟又唔會冇哂rum味,比例掌握得幾好!薯條雞亦: 正正常常,酒類好伴侶!T-Rex pizza: 呢個有驚喜,配料份量足,薄批得嚟唔會冇晒個質感!蝦魷魚意粉: 一定要試,成個意粉好creamy, 好海鮮,蝦同魷魚都多,自己一個人食太有罪惡感,幾個人share 就啱好!羊架: 呢個高汁,羊肉質地嫩滑,熟得啱好,調味適中,又大份!總括嚟講,嘢食ok,服務幾好,值得一試! 繼續閱讀
(以上食評乃用戶個人意見 , 並不代表OpenRice之觀點。)