Little Mario's Pizzeria (綠景NEO) (已結業)

依家望翻都呑左啖口水🤤禁堂食期間除左嗌餸之外，pizza就係我地不二之選，所以今日就係呢間Little Mario’s到嗌左個pizza try try，如果係openrice訂仲有折😍😍。🐒印度香料烤雞Pizza(9”)Chicken Tikka💰$108🍗材料：印度馬莎拉雞肉，燈籠椒，墨西哥辣椒，洋蔥，莫扎里拉芝士我一見到有呢個option就想試呢款，因為成日都係食pepperoni/margarita，都會expect到係咩味，所以今次就嗌個masala chicken風味試試！果然無令我失望，芝士俾得有誠意，食落有少少辣，香料味都好match with pizza，加埋我地有焗番熱黎食，熱辣辣既pizza加埋所有餡料一啖咬落去😍好滿足。🐒青檸梳打💰$48佢杯野係無糖既，所以會偏酸，不過食pizza配汽水真係好Gur!!佢另外都有啲Cocktails/酒類飲品選擇，如果幾個朋友想堂食傾下計，呢到環境都好舒服嫁！

禁堂食成日都唔知食咩好今次就決定食pizza就算外賣凍咗都好 返去焗一焗又食得去開觀塘就試一試呢間餐廳首先Pizza叫咗個意式肉腸 $118入面包括有意式腸肉碎、青椒、四種唔同嘅蘑菇同芝士鍾意食菇嘅我都幾鍾意食呢個Pizza同埋佢個意式腸都好好食成日食咁多肉梗係要食多啲蔬菜平衡下煙三文魚凱撒沙律 $98三文魚嘅份量一啲都唔小食到底都仲係有三文魚同埋蔬菜好新鮮仲係爽甜好食另外仲叫咗兩支嘢飲分別係青檸同番石榴墨西哥有氣果汁 $25/1青檸同青檸梳打感覺類似而番石榴就比較特別不過味道上都係偏甜用嚟送Pizza係一流影返張大合照下次同朋友食飯再叫過

Located very near to the Kwun Tong promenade. Very convenient for office workers near that region also.If you like pizza than you must try Mario.Due to covid and late afternoon. Not as crowded as usual Menu pretty straight forward.Western fast food styleClean internal Italian sausage pizza 9”$118Pizza taste good.Size as stated 9”Will go for bigger pizza next timeCedar salad $98 with smoked salmonNormal salad, dressing was nice.Mexican Sparkling Juice Jarritos $25First time trying out Mexican sof

簡單一份意粉做一個lunch有時中午食飯時間不多，有點趕，所以有時一人快快食就算，然後再繼續工作。一人午餐，有時都想食好D，唔想食茶記或快餐店。所以今日就叫了一份松露卡邦尼意粉。 松露醬向來都惹味，加上煙肉，芝士，一向都好味道。個汁亦好creamy 飲品方面，叫了個Pench margarita好香桃味，甜味亦好重，飲杯野，食個飯又繼續工作。 其實佢而家有lunch set，2點半打後有tea set如果有機會都可以再食。畢竟附近西餐選擇不多，茶記就多，西餐比較少。 臨走前見到佢有個蛋糕櫃，裡面有cake下次可以一試

星期日的中午，有時只想靜靜地食個lunch,最近疫情又反覆，都會選一些坐得闊落一點既食店比較好。今日呢，我就去到牛頭角一間小店。出面好開揚，樓底好高，靜靜地食個新鮮做起既pizza。平日外賣固然好方便，但如果即做即食，始終更加好味。佢抗疫方面做得幾足，隔得好開，隔板仲十分高。窗係落地玻璃，有一種好開揚既感覺。自然採光。 Margarita Fungi ProscicuttoCheese, 風乾火腿仲有芝士即叫即做，好味道，靜靜睇住出面公路，咁又一個下午。 仲有就係Mint Mojito唔想飲酒, Mint Mojito就係唔錯既選擇了。薄何，青檸既清新，再配pizza, refreshing

星期六約埋同事去Little Mario's Pizzeria食lunch，第一次幫襯當然好期待味道岩吾岩我喇！T-Rex 食肉獸：不得不說我系食肉獸，所以order既pizza一定要有吾同肉類。依款pizza包有辣肉腸、火腿、雞肉、芝士等等。size亦有分為9”/12”，兩個人share食，就揀左9”試下！因有兩款腸、火腿，可為pizza調味，味道咸咸地。芝士吾會太多，吾怕太漏太有罪惡感。雞肉完全吾鞋點，反而同整個pizza味道幾夾啊！Hot Chocolate: 甜度岩岩好，朱古力幾突出。

聖誕節時期，減左肥一段日子之後，小妹心思思想食pizza於是黎到觀塘綠景NEO地下店搵到呢間Little Mario’s Pizzeria紅磚牆，紅沙發配合各樣聖誕裝飾，好warm呀個氣氛仲有聖誕歌聽餐廳提供前菜、意粉、pizza、沙律、甜品；飲品方面仲有酒（mocktails ),同其他非酒精類飲品，一應俱全南亞裔服務員笑容可掬👍🏻態度友善前菜沙律Parma ham +黃豆+火箭菜配上黑醋汁呢個組合好新穎，火腿唔會死咸，有肉香味👍🏻黑醋甜甜酸酸好開胃Pizza (Bomba)Bomba 係呢度既signature pizza , 由鮮雞蛋、蕃茄、仲有火腿，值得一讚餅底係小妹至愛既薄批，食落好香芝士味熱辣辣好好味😋芝士控朋友絕對唔可以錯過permesan cheese powder cocktails & mocktails上：Cosmopolitan 好香cranberry 味，女士恩物下：mojito ，薄荷味好清新青檸味唔太濃暖暖冬日，勝在有朋友一齊過一個暖笠笠聖誕，Little Mario pizza 餐廳絕對係同朋友把酒談心既好餐廳

係公司附近，經過過好多次，今次終於買返外賣返屋企食， 等夜晚有堂食再嚟返食多一次今次揀咗 一個 t-rex食肉獸， 返到屋企有少少凍咗，所以九秒九打開嚟食，唔係影咗好多相，pizza上面有好多巴馬臣火腿， 因為火腿焗咗之後冇咗原本生嘅感覺 ,淨番鹹香味非常好食 ,好似唔肥嘅煙肉咁批底好似傳統手拉薄餅咁樣， 如果第時有返堂食，熱辣辣一出爐應該會仲好食等 pizza嘅時候就喺店舖入面影咗啲相，覺得店舖好有特色， 店內一直播放住熱情澎湃嘅音樂，令到心情都覺得好愉快，堂食應該會更加有氣氛，唔係嗰種連鎖薄餅店嘅粗曠感覺， 有放輕鬆享受的情懷除咗觀塘市中心，這一邊海濱亦都係一個新嘅打卡熱點

呢排禁堂食，要四周圍搵好既外賣食工業區夜晚幾乎冇添，卒之比我搵到呢間，都唔錯喎鋪仔細細，但裝修企理幾舒服，可惜依家禁左堂食冇得坐係到慢慢食啦等遲Ｄ開返一定要再黎食選擇算多，價錢亦相宜Truffle Carbonara Spaghetti本身想揀PIZZA既，但係依家冇左堂食，係街食PIZZA 都幾論盡所以點左個Carbonara意粉，份量都唔錯，夠一個男人食得夠飽啦佢用料都幾足，食得出落左好多料，同埋食落都幾香仲有Ｄ好惹味既煙肉，食落更香Cranberry Bellini紅莓味都幾香，隻味唔係好假果隻莓味，而且甜度剛好

呢間餐廳風景好開揚雖然係對住馬路 但係個馬路唔多人行 而且都多植物嘅元素野食方面有必叫嘅pizza叫左個夏威夷口味嘅菠蘿火腿芝士pizza口味係偏鹹嘅 可能係加左芝士嘅緣故本身好擔心加左菠蘿會太甜好在唔會批底柔軟 又彈牙我連批邊都食得乾乾淨淨意粉方面試左黑松露忌廉意粉麵質十分爽口 唔會太過軟糯 影響口感黑松露嘅香氣都好出混合埋淡忌廉嘅配搭其實好難出錯中意多芝士嘅仲可以叫廚房加多芝士粉甜品係tiramisu 酒味唔太出整體偏甜適合sweet tooth飲品叫左杯Lime Honey配搭十分驚喜 lime嘅酸比honey中和左口感好順口仲有杯梳打水顏色好靚果味好出

難得星期六同好姊妹一齊放假, 當然要外出走走, 去觀塘海繽公園影下相。中午時份覺得有d肚餓就係附近搵間餐廳醫下肚, 無意中就見到呢間小小西餐廳, 就入去試試。餐廳面積不大, 地方企理, 所有店員都係外國人, 全程都以英文落單, 再加上附近人流比較少, 感覺恍如去咗外國一樣。呢度所有食物都係單點, 我揀咗一個主食同野飲。Meat Lasagna: 千層麵熱辣辣上檯, 面層芝士焗至金黃仲可以拉絲, 賣相非常吸引。每層麵之間都夾有豐富肉碎, 配上酸甜茄汁醬, 開胃又好味。整體芝士味較淡, 所以食哂成碟都唔覺好膩。野飲就叫咗Green Tea Latte,咖啡味濃, 面層佈上綠茶粉, 甘香味十足。

牛頭角雖然冇觀塘咁多嘢食，但有嘅餐廳都幾有質素，呢間就係我其中一間推介😍呢間分店環境唔錯，雖然唔係話有好多位，但咁就唔會變得好嘈😂係一個可以同朋友chill下嘅唔錯選擇呢個除咗係一個吧枱之外，後面仲係一個即整手工Pizza嘅地方，所以嚟到點都要試吓佢嘅Pizza😙夏威夷薄餅係茄汁底，有菠蘿火腿之外仲有巨量芝士雖然係薄批底，但係唔會薄同乾到好似餅乾咁。我反而幾鍾意佢嘅口感，軟熟得黎有帶點煙韌，仲有少少麵粉香味😆平時唔食批邊嘅我都全部掃晒😆佢仲會有啲芝士粉同Tabasco 配，但我覺得淨食已經好夠味松露卡邦尼意粉creamy得黎又唔膩，truffle 味幾香tiramisu酒味幾出，口感濕潤 lime honey 同rose soda甜得黎都幾freshrose cappuccino 啡味再濃啲會更好😙

近日因疫情關係，晚市暫停，但日日自己煮都好悶。我今日就決定放工買外賣帶返屋企食，過下口癮。係牛頭角地鐵站附近我搵到一間餐廳，今日就試試佢！入到去個餐廳環境不錯 可惜我今次係叫外賣，有機會真係要係度chill下。最後我叫咗兩個主食同兩個飲料。意大利辣肉腸薄餅9吋腸比平時食到既厚身，更有口感！配上薄餅就啱啱好，唔會太鹹。松露卡邦尼意粉個醬汁好creamy! 松露味都好突出，好開胃！墨西哥有氣果汁（番石榴）番石榴汁酸酸甜甜，又有番石榴既香味。Gin & TonicGin都落得足，酒味濃郁！

超熱情的西餐廳鄰近觀塘海濱長廊，啱晒散完步，再入嚟chill下，餐廳主要溝通語言為英語，只有少量職員懂得廣東話餐廳不算太多，但亦都容易攞到位外國朋友聚會經常到達此餐廳🍴 Bacon 🥓 egg 🥚 with caesar salad 🥗 煙肉採用乾身款式，口感夠脆，但鹹味風味十足，而且保留足夠的油脂沙律加入不少芝士碎，令整個沙律好好食😋沙律菜好fresh，而且健康加入了烚蛋，充滿了蛋白質、脂肪、膳食纖維等，均衡飲食有驚喜的手工pizza🍕黑松露pizza看似平平無奇，但黑松露味超濃，而且手工製作的Pizza 十分有口感，皮邊帶少少脆，加入少少蘑菇及沙律菜Margarita 🥂杯邊帶鹽入口較甜和清新🤤

⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️🍴美食資訊🍴Duo set 2人套餐($288)包一個9吋pizza一個頭盤一個意粉或者沙律兩杯飲品Pizza: T-Rex食肉獸pizza ($30)入面有辣肉腸，火腿，印度馬薩拉雞肉，意式腸肉碎，帕爾瑪火腿，莫扎里拉芝士😹都係肉！味道好濃芝士味，pizza嘅邊烤得好脆，而且好熱，真係熱到開頭係要用叉食😹攞起嚟影相個陣都熱到手震。頭盤：自家醬汁雞翼8隻（+$10)呢個其實係店員介紹，佢話佢好鐘意食😂個雞翼個名叫Arroy Arroy 😹雞翼應該炸過，再淋上佢個醬汁，似係有蜜糖同埋檸檬汁，酸酸甜甜咁，其實幾開胃好食👍仲要有8隻咁多，份量好夠。意粉：肉醬千層麵（+$10)呢個就係肉公主自己想食🤭我自己畢嬲唔多好千層麵。呢個千層麵芝士好多，但係揭起面個浸芝士後，感覺個麵好水，茄汁好似太多，唔算話好吸引。飲品：Jarritos Pineapple正常菠蘿梳打飲料Honey Lime/Lemon (+$10)正常蜜糖青檸飲料⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️👑評分味道：3.5/5環境：4/5價錢：3/5份量：4/5服務：4/5會否推薦：會一間裝修幾chill嘅餐廳，主