LIFETASTIC (已結業)

一早book 左位，一黎到侍應就好有禮貌咁帶我地埋位同介紹菜式。<<明太子蟹肉意粉>>呢個pasta 我認為係必嗌嘅!!😛😛飛魚籽大大粒，一咬落去鮮味就湧晒出黎，配合埋香濃又creamy 嘅明太子忌廉汁，夾雜住鹹香同埋甘甜，食左第一啖真係停唔到口嫁!!!!!!🍝 不過唔好睇佢份量唔大，其實食到一半已經有啲漏，細食嘅姊妹們可以考慮同friend happy share 嫁👯‍♀ 食到最後，一定要叫草莓西瓜蛋糕（$62），香港好少食到宜款澳洲甜品，色香味俱全，草莓唔酸，咁多材料加埋既化學作用好獨特，好好食。PS. 宜度有個好特別既鐘，諗左好耐會唔會係條數學題。😂

自從喺sydney食過black star pastry既西瓜蛋糕後，一直念念不忘。直到朋友介紹呢間餐廳，先知道原來香港都有得食呢款蛋糕!!! Cafe就在香港大學站附近，一出地鐵站行幾分鐘就到，非常方便！Cafe環境唔錯，樓底高加上落地大玻璃，感覺很寬敞舒適。1. 鹹蛋黃雞脾肉意粉：味道一般，不是很特別，雞肉有雪味。2. 明太子扁意粉配嫩煎日本帶子：我比較喜歡呢個明太子pasta，味道濃郁很creamy，帶子煎到半熟，大大粒而且很鮮嫩，推介!!3. 西瓜蛋糕：無論賣相、味道都與澳洲吃到的一模一樣！整體不會太甜，把西瓜夾在中間給人很清新的感覺。100分!!

喺西環嘅呢一間cafe喺香港大學站一出就係 好就腳  Cafe裝修幾靚 白色係主調 偏向簡約嘅風格環境算舒適 食物都好好味 今次叫左個博多明太子蟹肉意大利麵配飛魚籽即叫即整 個醬汁超級creamy 痴滿每一條意粉 每一啖都好好味 仲食咗個草莓西瓜蛋糕 食落去覺得有少少太甜 但係上面擺咗啲玫瑰花瓣又可以中和返少少 幾好味 餐廳夜晚都唔算多人 靜靜地都係一個傾計嘅好地方 一路慢慢食慢慢傾用手機程式book枱仲有七折 都算幾抵食

今日去左港島工作，去左呢間近西營盤既小店吃午餐，細細間甘聽說很好食！自己一個也沒什麼要求就試下啦！叫左個tom yum tiger lawn spaghetti 仲要左杯iced latte!坐左係近window得高卡位，可以望到街下既風景！好relax! 可能係即整既關係，都等左3個字，不過一黎到，一陣東蔭公香撲鼻！超濃既冬蔭功味道 少少spicy! 好開胃！大愛！另外iced latte 大大杯，好好飲！埋單是$118，加$18，再加一！少貴，但係抵食的！

中秋節有得早放～返工嘅固然開心～所以相約同事食個lunch然後返公司等放工～呢間上年已經聽同事講佢有個cake橋士多啤梨西瓜蛋糕好好食～叫我有機會一定要嚟試下～咁就今日嚟試一試佢啦！呢間cafe個位置都幾好搵，對住香港大學站出口～非常方便！佢個牆都係自己畫嘅畫～lunch去到好彩唔使等位就可以坐低～侍應比咗個menu我哋揀～都好多種類嘅嘢食～主要都係pasta類別嘅嘢～我本身想試下冬蔭功意粉可惜已經賣晒～侍應就問我係咪可以食辣～我話當然可以啦～佢就提議我叫另一個辣味嘅意粉～香辣虎蝦蜆肉燴意粉～咁我就話好啦～一於試下呢個～因為係set lunch，個餐係包一個湯，主菜同埋飲品嘅～首先上一個湯～就咁睇以為佢係羅宋湯或者普通蕃茄湯～我又鍾意多口問一問係咩湯，侍應話係蕃茄蛋花湯～咁特別嘅～入口覺得有少少淡口，不過都有蕃茄味，加埋個蛋花，覺得成個口感滑咗～都幾特別嘅一個湯～然後意粉來了～我成個人係驚嘆個排碟！非常有心思嘅排法!估唔到一間小店，連display個意粉都咁用心～值得讚係佢連蝦殼都剝埋～平時好多時候叫大蝦意粉會係連蝦殼上～個意粉真係意料之外咁好食，用蒜香，辣油去做個燴意粉嘅汁～非常惹味

星期日下晝係附近食完野，就走左過黎依西瓜蛋糕❤️無訂到位，但好彩都係等左陣！建議唔係咁即興既都係訂左位先，因為舖頭唔算大！！今次只係叫左件🍉🍰蛋糕面舖滿士多啤梨同玫瑰花瓣🍓🌹跟cream同cream之間就舖滿西瓜🍉味道出奇地夾，而且好清新，真係好鐘意❤️[💁🏻‍♀️唯一有點就係唔鐘意玫瑰味既朋友仔就未必岩食，因為就算撥開d玫瑰花瓣，每一啖都係充滿玫瑰味😂😂]而且做埋會員，每次食野都有9折！！

一諗文青 就梗係要利西環搵野食啦！一開始係比呢間既cake吸引住 不過利左之後發現其他野都好好食😋野飲種類都幾多 要左個莓smoothie 同白朱古力伯爵茶咖啡伯爵茶味好重 smoothie都飲到鮮果原本想叫一個沙律一個意粉 點知佢冇晒牛油果.....但佢好多樣野都係有牛油果既😂😂所以叫了兩個意粉 不過多叫了一個鹹蛋黃雞肉意粉 好香鹹蛋味呀！所以都冇點錯野食😂主打蛋糕放左成個櫃.....所以打包了一個走士多啤梨西瓜蛋糕，冇諗過有真西瓜係入面拎到番屋時個蛋糕已變形sad 個蛋糕要$62 有點貴😛一句講晒做文青係要付出代價

黎到呢間餐廳 第一個吸引我既位置係個蛋糕櫃裡面有色彩繽紛既蛋糕細心留意一下 會發現上面有價錢牌最後 我揀左朱古力香蕉蛋糕同榴連芝士蛋糕加一杯伯爵茶朱古力牛奶呢度既食物口味比較新奇我就覺得 朱古力配香蕉 同埋 朱古力配伯爵茶都好味但係朋友就話 伯爵茶配朱古力好怪 飲吾到兩啖所以去呢間餐廳最好叫多個朋友黎 萬一口味吾適合 都仲有個人同你交換食物最後 榴連芝士蛋糕係給了朋友食吾知係味人手太少 食物送遞時間比較慢一杯伯爵茶朱古力奶花了近半小時才送到手上而餐廳環境 雖然座椅較硬 但環境令人好放鬆 係一個休閒聊天既好地方呢個鐘 到而家都睇吾明 有人解到碼嗎？

係Sydney 既Black Star Pastry食過Watermelon Cake 之後一試難忘！知道香港有得食一直好想拜訪🤤Signature Watermelon Strawberry Cake ($58)無論賣相同味道都同我係Sydney食既好相似！頂層有士多啤梨同玫瑰花辦，中間有完塊厚切西瓜，夾住香滑忌廉同杏仁蛋糕片。西瓜蛋糕層次豐富，味道清新不膩！不過$58一件真係頗貴🙊The Avo Garden ($58) 奶昔香滑好creamy，有牛油果既清香，蜜糖味幾重，甜了一點。

以前讀緊書o個陣成日要上落山道樓梯，o個陣都未有地鐵站可以搭升降機升上去(不過而家感覺上始終o係隧道入面都要行好遠)。前o個排重臨舊地，同朋友試o左o係橋底o既呢間西式甜品小店。一入去，先入眼簾o既係一幅好靚o既彩繪，d 動物快樂咁穿越住大街，一片嘉年華會o既景象！餐廳個雪櫃擺o左好多件同一款紅白相間o既蛋糕，好eye catching，原來係草莓西瓜蛋糕($62/件未加一)，即刻叫件o黎試下。佢上面除o左士多啤梨仲鋪上o左d 玫瑰花瓣，賣相好靚，散發住淡淡花同水果o既香氣。而且佢特別在唔只係西瓜肉，連d 忌廉甚至餅底都滲入o左西瓜o既精華，味道清甜。朋友叫o左一件朱古力三重奏($52)，最下層係朱古力味蛋糕加脆脆，呢part 最甜，然後中間係一層軟滑o既mousse，再上面就係厚身忌廉，同埋附上少少白朱古力同藍莓點綴一下。我問佢試o左少少，味道都唔錯，不過覺得還是我個西瓜蛋糕比較特別d~我地仲點o左一杯藍橘菠蘿柚子沙冰($58)，menu 張相係藍色，但係o黎到係偏綠色。飲落，係菠蘿汁底，但係會多o左一種好少飲得到o既水果味道，好難exactly 形容，可能就是那藍橘了吧！杯o野不太

餐廳位於香港大學地鐵站某一個出口，前來光顧也十分方便。餐廳座位不多但是也不用等很久，但是一到打工仔放飯嘅時候還是建議下午茶或平日的時間前來進餐就可以享受多一點時間。喜歡餐廳設計嘅意粉菜式特別也不是很多地方吃得到，而我點了一個小吃和一個主菜明太子蟹肉意粉。小吃是雞腿裏面還放了菌類在雞腿中令到整個小食有口感，意粉濃濃的醬汁不會淡也不會太過濃味，明太子會稍為令意粉辣辣地。得閒你這一邊享受下一個舒適嘅下午茶吧！

黑松露蔬菜雜燴意大利麵 (hkd98) 比想像中更creamy! 醬汁很濃郁，加上鋪面的芝士就濃上加濃，跟朋友互相分享會更好。是餐牌熱食上唯一的熟食。麵中菇的份量比蔬菜多，另外意大利粉的份量也很足。 芒果熱情果蛋糕(Hkd35) 熱情果的味道不重，反而芒果的香味更明顯，頗清新的。整道甜品甜度不會過高，而即使是兩種較酸的生果合併也不會太酸。價錢上也是可接受。 一提是每一個午餐都包括一碗餐湯和熱茶的。

當日其實係衝着佢嘅士多啤梨西瓜蛋糕而來。諗唔到令我最難忘嘅佢嘅蟹肉意粉。呢間餐廳位於西環嘅一個小角落，雖然唔係一間好起眼嘅餐廳，但佢嘅食物卻令人留下深刻嘅印象。當日我哋叫咗明太子蟹肉意粉，卡邦尼意粉，士多啤梨西瓜蛋糕。佢嘅意粉真係煮得好有心機。先講令我留下深刻印象嘅明太子蟹肉意粉。呢碗意粉嘅配料有明太子醬，蟹肉同埋一啲菇。第一啖食落去感覺我已經覺得自己冇叫錯嘢食，意粉係有超濃既蟹肉味，每一啖嘅意粉都充斥着新鮮嘅蟹肉，呢碟意粉真係唔講得笑，真係一個誠意之作！跟住講一講卡邦尼意粉，卡邦尼嘅意粉唔係有太大驚喜，但比起平時食嘅卡邦尼意粉係較為creamy同埋濃味，鍾意刺激下味蕾嘅朋友都可以試吓㗎！跟住就去到重頭戲甜品啦，我哋叫咗個士多啤梨西瓜蛋糕。個蛋糕真係好啱呃like, 簡直就係一件藝術品,我影咗好多張相先捨得食件蛋糕，哈哈。講返蛋糕嘅味道，第一啖食落去係有非常非常濃烈嘅玫瑰香味，因為我自己都好鍾意玫瑰味，所以我第一啖係覺得非常驚喜。蛋糕嘅味道係十分清新，即使我食完意粉，比較飽，但食完個蛋糕都唔會覺得有肥膩嘅感覺，相信係因為士多啤梨，玫瑰同埋西瓜嘅清新配搭，同酸酸甜甜嘅口味，而且帶一些花香

之前已經聽過澳洲既草莓西瓜蛋糕好出名好好食，雖然無辦法飛過去澳洲食，但係聽講香港都有得食，當然唔會放過呢個機會啦～呢間小店位於地鐵站旁邊都算幾方便，唔會好難搵～入到去見到個櫃仲有草莓西瓜蛋糕真係太開心啦，因為聽講呢款蛋糕係每日新鮮製作，所以限量供應賣完就無～賣相真係超級靚，絕對100分！新鮮草莓同西瓜令到成個蛋糕顏色好層次分明，而且好fresh好juicy！蛋糕面仲鋪左好多玫瑰花瓣🌹同開心果粒，好正！不過記住影完晒相就要快d食啦，因為西瓜擺放得太耐會出水，咁就會影響口感～

我地兩個女仔係慕名黎食西瓜蛋糕既，就順便食埋dinner。我地用openrice 訂座，有7折。不過奇怪既係明明大把位，都安排我地坐大檯（要搭檯）。環境幾好，樓底高，有可愛壁畫。叫左一份煎蟹餅、兩個意粉、一杯飲品、兩件西瓜蛋糕。煎蟹餅非常唔掂，寫就寫係煎，但我地覺得似炸到晒火。裡面大部份係粉，見到一絲絲以為終於搵到蟹肉，但原來係芝士。一啲蟹味都冇，如果叫「炸芝士粉團」會合適啲。帶子意粉有兩款，一款係cabonara，一款係墨汁。分別都係得兩粒帶子。帶子大粒亦煎得唔錯，但食落就知係平貨，完全無帶子味，非常失望。Carbonara個汁整得唔錯，而且有啲菇，加埋蔥花同parsley，唔錯，係膩左少少，同人share好啲。墨汁果款就差好多（但同價），除左兩粒帶子，就只有半粒x2 （即係加埋一粒）既車厘茄。其實車厘茄好平啫，自己去買都係十蚊一大兜，點解要咁姑寒呢？真係顯得好寒酸。到左期待已久既西瓜蛋糕，賣相幾靚。味道唔錯，幾特別。但西瓜唔夠甜，蛋糕整體亦較淋身易散。總體黎講算幾好，可以一試，但未去到超好食。埋單7折後都要$5XX 。兩個女仔只係岩岩好夠飽，我覺得overpriced。呢個價錢可以