LeeLaksa

營業中

休息中

上次食完 LeeLaksa, 一直念念不忘，最近阿媽成日嘈話無得去東南亞旅行，一於帶佢去食翻碗 Laksa 頂一頂癮先。問題係食完，如果唔夠地道，我怕會仲大獲，為求穩陣，專登帶阿媽翻黎上環LeeLaksa, 包保穩陣。中午去到，依然係好多人，不過好彩侍應做野好快手，好快就有得入座。我坐低叫左個新加坡喇沙(Laksa)比阿媽,自己叫左個檳城蝦面，另外配多個烤馬來蔥餅配咖喱。3個餐，有3杯飲品。 新加坡喇沙(Laksa) – 始終最正係個喇沙，唔食係你損失。湯底好濃郁，好香椰奶+咖喱。辣度岩香港人，我唔食辣都係咁飲佢個湯，麵條好有口感。食第二次都覺得感動。檳城蝦麵 –正宗檳城蝦麵既油麵、米粉、蝦同埋通菜。湯麵最重要既湯底亦都好出色。好濃郁既蝦頭味，湯都好清甜又唔膩，岩岩好同喇沙個湯底相映成趣，好味道！烤馬來蔥餅配咖喱 – 一流，個薄餅同我之前出差去新加坡食到既味道一樣。好香脆，配上咖喱汁，好好味，同埋佢個咖喱唔會過辣, 我唔食辣既人，有啲微微辣味比我感受下，配以豐富既咖喱味，係香港人會中意既新加坡咖喱。 香茅青檸荔枝梳打 – 清新既青檸+荔枝組合，加埋梳打水，食完重口味既咖喱/喇沙，完全係

😋 新加坡菜 LeeLaksa (上環)好味指數：🌕🌕🌕🌕🌗【烤馬來蔥餅配咖哩】$56好吃😋有香蔥味又煙靭，即使放凍左都唔會淋晒！配埋咖哩食好好食！【李派海南雞飯】$88海南雞不會太肥，亦都幾滑，份量適中，不錯不錯。【新加坡喇沙】$82配料好豐富！有蝦、蛋、魚蛋、菜、豆卜、魚肉皮等等！勁飽！麵底係米線，湯底有椰奶香，不會太辣😋但麵吸湯汁的速度有啲快，要快啲食。【香茅青檸蜜】$28有驚喜，本來以為有香茅會好難飲，但飲落香茅味唔會霸晒成杯飲品的味，有香茅香同時甜甜地，幾好飲！【青檸紅茶】$28不是很甜的檸茶，正常發揮。🍨重點是！果度有個椰子🥥雪糕睇落好好味，但餐廳話馬來西亞果邊未寄到黎，所以無得食🥹好想食，估唔到真係馬來西亞運過來。

門面幾靚，LeeLaksa大大隻招牌，上環出黎好易揾到👍🏼李派海南雞飯配白胡椒肉骨茶 ($118)呢個啱晒三心兩意嘅我，我又想食海南雞又想食肉骨茶，呢個餐兩樣都有。唔好以為兩樣都有就會細份啲，海南雞有好多件，肉骨茶入面嘅一字骨都有成三件咁多。先講海南雞飯，油飯夠鼄香，雞件夠多之餘仲要件件都好嫩滑。肉骨茶胡椒味夠濃，蒜頭味都好香，除咗一字骨仲有豬肚添。新加坡喇沙 ($82)最欣賞呢個係用米線而唔係用面，米線滑得黎又唔會索晒啲汁漲晒。湯底都好高質，喇沙好有椰香，配料都好足，有雞蛋，魚蛋，豆卜，蝦。加少少青檸汁仲解膩，呢碗喇沙真係好惹味。街頭雞串燒 ($68)有4串，每串都多雞，本身既醃料已經夠香，點埋佢既秘製醬汁，仲香！

今日放工落大雨唯有喺公司附近食左野先返屋企啦～諗起有間星馬菜未試過就叫同事一齊食左先走😜店入面播住輕音樂坐得又舒服幾輕鬆～我揀左個喇沙試下不過呢度無得揀摻摻但個米線竟然煮得幾爽口彈牙喎！👍喇沙湯頭幾香濃有少少椰香唔辣飲晒都無口乾同事個星洲香辣炒飯簡簡單單食落唔辣🤔不過都幾香幾乾身重點係非常非常大碟女人飯量應該可以兩個Share都夠飽見到Menu有芋圓我嘅甜品胃當然唔會錯過不過佢呢個芋圓樣子同台式芋圓唔多似而且感覺無咁煙韌用左椰漿去泡住感覺即刻熱帶風情左～青檸紅茶同用檸檬沖嘅檸茶唔同無咁酸但有種清新～

李派海南雞飯拼新加坡喇沙米線 ($108)海南雞口感嫩滑 一半雞脾一半雞胸雞皮同雞肉之間有層啫喱 我連皮食哂我幾鍾意佢個油飯 口感有啲似燸米少少黏喇沙湯底濃郁 傳統新加坡配方椰香比較出 而且配料豐富 有大蝦 豆卜 流心蛋 魚片檳城和牛蝦麵摻摻 ($118)蝦麵湯底微辣 但蝦味就唔算好出 麵底係油麵同米粉兩溝 兩個麵質都唔錯配料亦係相當豐富 有大蝦 流心蛋 豆卜仲有和牛同牛丸 牛味濃郁 份量都唔少斑蘭咖吔多士 ($28)多士即叫即整 好香脆 非常邪惡仲大方地搽左好多咖吔醬香茅青檸荔枝梳打呢杯跟餐嘅香茅青檸梳打好有驚喜賣相充滿東南亞風情 味道亦天然清新椰青 (+$20)椰青份量十足 成個頭咁大個 椰汁非常清甜解渴 飲極都有好神奇果肉好容易刮倒出黎 充滿椰香口感嫩滑

今天去中上環公幹完畢後已經過了午飯時間，路經文武廟附近之大道中，見到有間星架坡餐廳LeeLasa有下午茶供應，從玻璃牆望見地方乾淨企理，於是入內醫肚。要了一份牛油果五色米紙卷配話梅桔仔水，無味的米紙包著瓜果再沾上芒果醬，食後有甜酸消涼感覺，再飲完話梅桔仔水，胃口大開，更覺肚餓。於是加碼叫多一份咖央多士配二隻半生熟蛋和一杯熱馬來拉茶。多士鬆脆，咖央醬塗抹整塊多士，半熟蛋嫩滑，美味非常，再配上熱奶茶，的確絕配。 不過多士內㚒了一大塊牛油，食完覺得胃部有點難消化！新架坡奶茶不同港式奶茶，一早已替客人加了煉奶，比較甜。埋單需要加一，感覺便貴了一些，因為很少餐廳下午茶時段會收加一，有點影響消費意慾呢！

回娘家，帶兩老食下午茶，選了新加坡Lee Laksa。坐得舒服，服務殷勤，選擇又多。我們3個人叫了4個茶餐，加一後只是二百多元，下午茶餐份量不少，送飲品，相當抵食。新加坡喇沙（$62）喇沙湯底用新鮮椰汁及香料熬製，濃郁惹味。搭配新加坡魚片條和魚蛋、醣心蛋、豆卜、蝦片和很多炸乾蔥，口感豐富。米線粗身帶少許煙韌，加點酸桔仔汁及辣醬更美味。海南雞飯（$68）海南雞份量不少，雞肉嫩滑，油飯有淡淡的薑黃味，最重要是入口唔會好油。巴東牛肉配米飯（$56）牛肉燉得軟爛入味，香濃滋味，旁邊的魚乾和花生也很可口，這個配搭是名副其實的白飯殺手。牛油果五色米紙卷（$56）牛油果、紫椰菜、紅蘿蔔、青瓜，純素之選，清新健康，色彩繽紛。蘸芒果汁更加開胃。我媽媽特別喜歡這個菜。四個餐就有四杯飲品，我們重覆點了馬來拉茶和桔仔話梅水兩款。拉茶雖不見起泡但都幾有茶味；桔仔話梅水夠濃夠味，飲完加清水飲多杯也可以。

今晚去中環睇戲，咁岩朋友仔係上環附近收工，所以就搵左依間”LeeLaksa”食晚餐。鍾意食星馬菜既朋友仔唔可以錯過啦，舖面夠乾淨企理，食物質素唔錯，重點係價錢仲唔算貴，CP值相對較高。「李派海南雞飯」（$88）：因為正常海南雞都會一早煮好，所以落左單之後好快就有得食。朋友仔同自己都對依個海南雞飯讚不絕口，油飯夠乾身又夠雞油香。海南雞雖然唔算厚肉，但肉質夠滑，點埋黑醬油同辣椒醬夠惹味。「新加坡喇沙米線」（$82）：黎到既時候已經聞到一陣陣既椰香味，湯底食落都比較重椰香味，配料都非常足夠，每件配料都至少有3舊，蝦呀，豆卜，魚蛋，魚片條。另一個賣點就係米線夠滑身之餘又夠入味👍🏻

餐廳位於上環文娛中心斜對面再過中環方向少少，大大個你喇沙招牌，非常易認。香茅鮮橙茶，口感清爽，橙味香濃，同稍後嘅香濃非常配襯。新加坡鹹蛋黃雞翼，雞翼被鹹蛋黃全面覆蓋，外皮香脆，雞肉嫩滑。烤馬來葱餅配咖喱，馬來葱餅口感煙靭之餘層次分明，加上牛油同埋蛋香，淨食都已經令人想當滿足，再點埋馬來咖喱一齊食，相得益彰。李派海南雞飯併喇沙，只係108蚊就可以叫到呢個雙併，一次過滿足哂兩個願望。海南雞雞味令人滿意，肉嫩多汁，皮下脂肪唔多，夠哂健康，隨附嘅三款醬汁分別係黑豉油、酸汁同埋薑蓉，我最鐘意嘅係黑豉油，同個海南雞嘅雞味好夾。喇沙湯底相對較清，裏面有肥喐喐嘅怡保芽菜，如果椰味同辣味再多啲相信會更加好。

下午茶抵食到震～～～難得早收工，即刻快快手換衫同家姐一齊落街食下午茶，呢間係屋企附近嘅星馬菜下午茶好抵食，見到唔少早收工嘅人好似我地咁喺度提早食晚餐。～～～睇完餐牌之後我地叫咗：大蝦青木瓜沙律燒豬頸肉海南雞飯檳城蝦面*每款食物都有跟一款飲品，我地叫咗兩支啤酒🍺，馬來拉茶同香茅鮮橙茶。～～～燒豬頸肉香香甜甜，非常柔嫩，配搭啤酒一流，必叫之選。～～～海南雞飯就係佢哋嘅招牌之一，雞肉滑溜，份量多，而除咗雞肉之外，雞油飯亦值得注意，好香好乾身，令人食唔停口～～～檳城蝦面散發着淡淡嘅蝦香氣，但係冇腥味，湯底甜甜哋，無辣，加埋爽彈蝦肉🦐，整體感覺幾清新。～～～大蝦青木瓜沙律就好爽身，調味酸酸甜甜，青木瓜帶少少脆口，口感不錯。～～～飲品方面馬來拉茶係我嘅心水之選，帶茶香之餘，甜味係煉奶甜，口感奶滑，熱力更將奶香變得更為突出。～～～LeeLaksa (上環)上環皇后大道中302號地舖

西餐食得多，諗落好似好耐都冇食星馬菜，見到上環新加坡風情咁濃厚嘅餐廳，我一於試吓！有驚喜喎。李派海南雞飯整得好出色，雞件份量多不在話下，肥瘦均衡，肉質軟滑。油飯香得嚟唔油膩，份量都多。雞湯最怕味精味，呢間飲到好清嘅冬瓜湯。整體十分抵讚。新加坡喇沙湯底濃郁，唔會好辣。餸料有豆卜，大蝦，彈牙魚蛋等。溏心蛋都係成碗麵嘅精髓，時間控制得十分好。整體都十分滿意。餐廳好貼心，會跟埋辣椒醬同青檸。大蝦青木瓜沙律夏日炎炎，呢個沙律作為前菜十分合適。青木瓜絲同紅蘿蔔絲色彩相映成趣，食落爽口。沙律汁酸酸甜甜，好開胃。大蝦都有4 5隻，作為前菜小食都好有份量。新加坡鹹蛋黃雞翼同平時食嘅一啲都唔同，雞翼略略炸過。外面裹上一層香濃鹹蛋黃醬，口感豐富。啖啖都食到濃郁鹹蛋黃味，雞翼唔算好大隻，反而啱啱好。

#上環 @lee.laksa🥲 3年無去過新加坡 ✈️ A Taste of Singapore!! Lee Laksa『李派』是不同派別的新加坡菜嗎🤔 ? 好食、美味才是重點! 🥭香芒大蝦米紙卷 $68 ~ 已經好長時間無在家包米紙卷, 而家芒果當造, 當然唔放過! 很特別的用上青芒, 無呂宋芒咁甜, 較清爽香口! 蝦爽口彈牙, 搭配微微酸辣的芒果醬及大量蔬菜, 好清新開胃! 🐖參峇醬燒豬頸肉 $85 ~ 好香好軟滑的豬頸肉, 燒得唔會好乾, 油脂經燒過後變得爽口, 特別欣賞那參峇醬, 微辣的很惹味! 🐥『李派』海南雞餅拼喇沙 $108 ~ 貪心的我們, 雙拼最能滿足願望! 一次過試勻新加坡名物! 海南雞份量不少, 雞胸雞脾肉拼, 雞肉肉質嫩滑, 油飯好香薑黃味, 入口唔會好油! 喇沙湯頭濃郁, 用上新鮮椰汁及香料熬製, 層次分明! 搭配醣心蛋、豆卜、蝦、魚片等, 口感層次豐富! 整體好味，服務態度亦非常十分好 👍

好味指數：😋😋😋😋😋推薦指數：⭐⭐⭐⭐⭐✅斑蘭咖吔多士$28咖吔醬配牛油，即叫即整好香脆，仲有好多咖吔醬😋必點！✅濱城蝦麵$86蝦麵湯底微辣，湯底味濃郁，有兩款麵底：油麵&米粉，入面仲有好多配料🤣🤣✅馬拉炒貴刁$128用叄巴醬&黑豉油炒，有啲似乾炒牛河，但偏向乾身小小，唔會太油🤭仲有好多配料😋🥤馬來拉茶$28同一般港式奶茶好唔同，茶味香☺️味道不錯🥤香茅青檸蜜$28朋友叫咗呢款，比我試咗小小，味道好清新🥰本身未試過香茅，擔心好重香料味，一直唔敢試新野🤣🤣但係唔算好濃味，可以一試。

兩年沒有去過旅行，這週末特意挑了一家充滿南洋風情的新加坡餐廳感受一下異國情懷午市套餐價格挺划算，主食連特飲從HK$75起（另加一服務費）李派海南雞飯拼新加坡喇沙米線的雞肉早已去骨，嫩滑可口！油飯不會過份油膩，米粒分明！喇沙湯底香濃，帶香辣感，入口富層次感李派海南雞拼白胡椒肉骨茶！肉骨茶的白胡椒味突出，與軟腍的蒜頭同吃，特別惹味午餐可配特式飲品！南洋咖啡偏厚實，不酸也不苦偽渡假怎少得椰青？椰青的汁水非常清甜，果肉有薄有厚

《必食李喇沙🧡》———————————————-#LeeLaksa 🇸🇬-喺上環一個街口轉角有間好搶眼嘅餐廳，充滿南洋風情，裝修典雅，坐得好舒服😌 我哋晚市去食，菜式多元，而且性格比高，十分推介👍🏻-🐣 李派海南雞飯拼喇沙小朋友才要選擇，我哋叫咗個雙拼😚 海南雞口感嫩滑，鮮味十足，雞皮略帶脂香，配上黑醬油跟薑蓉食味道更加惹味😚而喇沙用咗傳統新加坡配方，以新鮮椰汁同獨特香料熬製而成，湯底濃郁，滲出陣陣椰醬香甜同微辣，而且唔好睇佢好似細細碗，內裡非常足料，都好飽肚😍-小食我哋就嗌咗班蘭咖央多士同新加坡鹹蛋黃雞翼～多士烘得好脆，夾住班蘭醬同厚牛油🧈 ，味道好有新加坡地道風味🇸🇬 雞全翼好大隻，炸得超級香脆可口，外表沾滿哂咸蛋黃醬，食落啖啖咸香🤤-飲品方面我哋加左個特飲，椰汁珍多冰味道香甜，另一杯美祿恐龍唔會死甜，都幾唔錯🦖-⭐價錢參考：（另收加一）斑蘭咖吔多士：$28新加坡鹹蛋黃雞翼：$68李派海南雞飯拼喇沙：$108美祿恐龍：$32椰汁珍多冰：$36🍌抵deal 指數：7/10💰人均消費：$150